ತಂದೆಯ ಕನಸಿನ ಮನೆ ಖರೀದಿಸುವ ಆಸೆ ಅಮಿತಾಬ್‌ಗೆ ಈಡೇರಲೇ ಇಲ್ಲ!

ಹರಿವಂಶ್‌ ರಾಯ್ ಬಚ್ಚನ್ 1939ರಲ್ಲಿ ಕಟ್ಘರ್ ಪ್ರದೇಶದ ಮನೆಯಿಂದ ಹೊರ ಬಂದು ಕುಟುಂಬದೊಂದಿಗೆ ಕ್ಲೈವ್ ರಸ್ತೆಯ ಬಂಗಲೆಯಲ್ಲಿ ವಾಸಿಸಲು ಶುರುಮಾಡಿದರು.

ಬಂಗಲೆಯಲ್ಲಿ ಮೂರು ದೊಡ್ಡ ಕೊಠಡಿಗಳಿವೆ, ಅದರಲ್ಲಿ ಒಂದು ಕೋಣೆ ಅತ್ಯಂತ ವಿಶೇಷವಾಗಿದೆ. ಬಾಗಿಲುಗಳು, ಕಿಟಕಿಗಳು ಮತ್ತು ಸ್ಕೈಲೈಟ್ ಸೇರಿದಂತೆ 10 ಪ್ರವೇಶ ದ್ವಾರಗಳನ್ನು ಹೊಂದಿರುವ ಇದನ್ನು 10-ಬಾಗಿಲಿನ ಬಂಗಲೆ ಎಂದೂ ಕರೆಯುತ್ತಾರೆ.

ಅಸ್ಸಾಂನಲ್ಲಿ ಟಿ-ಗಾರ್ಡನ್ ಬ್ಯುಸಿನೆಸ್‌ ಮಾಡುತ್ತಿದ್ದ ಟಿಸಿ ಘೋಷ್ ಎಂಬ ಹೆಸರಿನವರು ನಂತರ ಈ ಬಂಗಲೆಯಲ್ಲಿ ಬಾಡಿಗೆಗೆ ಇದ್ದರು. ಈ ಬಂಗಲೆಯ ಪಕ್ಕದಲ್ಲಿ 8,000 ಚದರ ಅಡಿ ಜಾಗವನ್ನು ಖರೀದಿಸಿ ಅಲ್ಲಿ ಬಂಗಲೆ ನಿರ್ಮಿಸಲು ಪ್ರಾರಂಭಿಸಿದರು.

1955ರಲ್ಲಿ ಎಟಾವಾದ ಪ್ರಸಿದ್ಧ ವಕೀಲ ಶಂಕರ್ ತಿವಾರಿ ಅವರು ಖರೀದಿಸಿದರು. ನಂತರ ಹರಿವಂಶ್‌ ರಾಯ್ ಬಚ್ಚನ್ ಸುಮಾರು ಮೂರು ವರ್ಷಗಳ ನಂತರ ದೆಹಲಿಗೆ ತೆರಳಿದರು. 

ನಂತರ ಟಿಸಿ ಘೋಷ್ ಅವರ ಮಗ ಬಂಗಲೆ ವಕೀಲ ಕೆ.ಕೆ.ಪಾಂಡೆಗೆ ಮಾರಿದರು. ಆದರೆ ಈಗ ಅಲ್ಲಿ ಯಾರೂ ವಾಸಿಸುವುದಿಲ್ಲ ಮತ್ತು ಅದನ್ನು ಲಾಕ್ ಮಾಡಲಾಗಿದೆ. ಇದನ್ನು ಟ್ರಸ್ಟ್ ಸದಸ್ಯರು ನೋಡಿಕೊಳ್ಳುತ್ತಾರೆ.  

ಆಗಾಗ ತನ್ನ ಬಾಲ್ಯದ ನೆನಪುಗಳನ್ನು ಹಂಚಿಕೊಳ್ಳುವು ಅಮಿತಾಬ್‌  ಒಮ್ಮೆ,  ತಮ್ಮ ಅಲಹಾಬಾದ್ ಮನೆಯ ಫೋಟೋವನ್ನು ಸಹ ಶೇರ್‌ ಮಾಡಿದ್ದರು. 'ಒಂದು ಕಾಲದಲ್ಲಿ ಅದರ ಒಂದು ಭಾಗದಲ್ಲಿ ನಾವು ವಾಸಿಸುತ್ತಿದ್ದೆವು. ಅಲಹಾಬಾದ್‌ನಲ್ಲಿ  17 ಕ್ಲೈವ್ ರಸ್ತೆಯಲ್ಲಿ ನಮ್ಮ ಮನೆ ಇತ್ತು. ಅದು 1950ರ ದಶಕ' ಎಂದು ಪೋಟೋ ಜೊತೆ ಬರೆದಿದ್ದರು ಬಚ್ಚನ್‌ ಸಾಬ್‌. 

ಅಲಹಾಬಾದ್‌ನ ಬಂಗಲೆಯನ್ನು ಖರೀದಿಸಲು ಅಮಿತಾಬ್‌ಗೆ ಸಾಧ್ಯವಾಗದೆ ಇರಬಹುದು. ಆದರೆ , ಅದರ ನೆನಪುಗಳು ಇನ್ನೂ ಇವೆ. ಇದರ ಹೊರತಾಗಿ, ಇಂದು ಅವರು ಮುಂಬಯಿಯಲ್ಲಿ 'ಜಲ್ಸಾ', 'ಪ್ರತೀಕ್ಷ' ಮತ್ತು 'ಜನಕ್' ಎಂಬ ಮೂರು ಬಂಗಲೆಗಳನ್ನು ಹೊಂದಿದ್ದಾರೆ. 

201 ರಲ್ಲಿ, ಅಭಿಷೇಕ್ ಬಚ್ಚನ್ ಪತ್ನಿ ಐಶ್ವರ್ಯಾ ಮತ್ತು ಮಗಳು ಆರಾಧ್ಯಾ ಜೊತೆ ಅವರ ಬಾಲ್ಯದ ಮನೆಯಲ್ಲಿ.