ಈ ಸ್ಟಾರ್ ಕಾಮಿಡಿಯನ್ ಜೊತೆ ಹೀರೋಯಿನ್ ಆಗಿ ನಟಿಸಲ್ಲ ಅಂದಿದ್ರು ಸೌಂದರ್ಯ: ಆದ್ರೆ ಸಿನಿಮಾ ಬ್ಲಾಕ್ ಬಸ್ಟರ್!

ಟಾಲಿವುಡ್​ನ ದಿಗ್ಗಜ ನಟಿಯರಲ್ಲಿ ಸೌಂದರ್ಯ ಕೂಡ ಒಬ್ಬರು. ಎಷ್ಟೇ ಗ್ಲಾಮರಸ್ ನಟಿಯರು ಪೈಪೋಟಿ ಕೊಟ್ಟರೂ ಸೌಂದರ್ಯ ತನ್ನದೇ ಆದ ಹಾದಿಯಲ್ಲಿ ಸಾಗಿದರು. ಅತಿಯಾಗಿ ಗ್ಲಾಮರ್ ತೋರಿಸದೇ ಸ್ಟಾರ್ ನಟಿಯಾಗಿ ಮಿಂಚಿದರು. ಆದ್ರೆ ಸೌಂದರ್ಯ ಚಿಕ್ಕ ವಯಸ್ಸಿನಲ್ಲೇ ಹೆಲಿಕಾಪ್ಟರ್​ ಆಕ್ಸಿಡೆಂಟ್​ನಲ್ಲಿ ತೀರಿಕೊಂಡ್ರು.

ಕೆಲವೊಮ್ಮೆ ಹೀರೋಯಿನ್​ಗಳು ಅಥವಾ ಹೀರೋಗಳು ಕೆಲವು ಕಾರಣಗಳಿಂದ ಸೂಪರ್ ಹಿಟ್ ಸಿನಿಮಾಗಳನ್ನು ಮಿಸ್ ಮಾಡ್ಕೊಳ್ತಾರೆ. ಸೌಂದರ್ಯ ಅವರಿಗೂ ಆ ತರ ಆಯ್ತು. ಟಾಲಿವುಡ್​ನಲ್ಲಿ ಕಾಮಿಡಿ ಸಿನಿಮಾಗಳ ಡೈರೆಕ್ಟರ್​ಗಳಲ್ಲಿ ಎಸ್​.ವಿ. ಕೃಷ್ಣಾರೆಡ್ಡಿ ಫಸ್ಟ್​. ಅವರು ತುಂಬಾ ಸೂಪರ್ ಹಿಟ್​ ಸಿನಿಮಾಗಳನ್ನು ಮಾಡಿದ್ದಾರೆ. ಆದ್ರೆ ಎಲ್ಲರಿಗೂ ನೆನಪಿರುವ ಸಿನಿಮಾ ಅಂದ್ರೆ ಅದು ಯಮಲೀಲಾ.

ಎಸ್​.ವಿ. ಕೃಷ್ಣಾರೆಡ್ಡಿ ಅವರು ಕಾಮಿಡಿಯನ್​ ಆಲಿಯನ್ನ ಹೀರೋ ಮಾಡಿ ಸಿನಿಮಾ ಮಾಡಿದ್ರು. ಅದು ದೊಡ್ಡ ಹಿಟ್ ಆಯ್ತು. ಆ ಸಿನಿಮಾದಲ್ಲಿ ಇಂದ್ರಜಾ ಹೀರೋಯಿನ್​. ಆದ್ರೆ ಫಸ್ಟ್​ಗೆ ಆಲಿಯ ಜೊತೆ ಸೌಂದರ್ಯ ಅವರನ್ನ ಹೀರೋಯಿನ್​ ಮಾಡಬೇಕು ಅಂತ ಅಂದುಕೊಂಡಿದ್ರಂತೆ. ಸೌಂದರ್ಯ ಅವರ ಡೇಟ್ಸ್​ ಕೇಳೋಕೆ ಹೋದಾಗ, ಅವರು ಶಾಕಿಂಗ್ ಆನ್ಸರ್​ ಕೊಟ್ಟಿದ್ರಂತೆ. ಹೀರೋ ಆಲಿ ಅಂತ ಗೊತ್ತಾದಾಗ, ನಾನು ಮಾಡಲ್ಲ, ಅದಕ್ಕೆ ತುಂಬಾ ಕಾರಣಗಳಿವೆ ಅಂತ ಹೇಳಿದ್ರಂತೆ.

ಅದಕ್ಕೆ ಮೇನ್​ ಕಾರಣ ಆಲಿ. ಕಾಮಿಡಿಯನ್​ ಪಕ್ಕ ಹೀರೋಯಿನ್​ ಆಗಿ ಆಕ್ಟ್​ ಮಾಡೋಕೆ ಕಷ್ಟ ಅಂತ ಹೇಳಿದ್ರಂತೆ. ಬೇಕಿದ್ರೆ ನೀವೇ ಹೀರೋ ಆಗಿ ಆಕ್ಟ್​ ಮಾಡಿ, ನನಗೆ ಏನು ಅಭ್ಯಂತರ ಇಲ್ಲ, ಡೇಟ್ಸ್​ ಕೊಡ್ತೀನಿ ಅಂತ ಹೇಳಿದ್ರಂತೆ. ಎಸ್​.ವಿ. ಕೃಷ್ಣಾರೆಡ್ಡಿ ಅವರು ಆವಾಗ್ಲೇ ಆಕ್ಟರ್​ ಆಗಿ ಗುರುತಿಸಿಕೊಂಡಿದ್ರು. ಆದ್ರೆ ಸೌಂದರ್ಯ ಆ ತರ ಹೇಳಿದಾಗ ಎಸ್​.ವಿ. ಕೃಷ್ಣಾರೆಡ್ಡಿ ಅವರಿಗೆ ಶಾಕ್​ ಆಯ್ತಂತೆ. ಇಲ್ಲಮ್ಮ ಇದು ಆಲಿಗೋಸ್ಕರ ಬರೆದ ಕಥೆ ಅಂತ ಹೇಳಿದ್ರಂತೆ.

ಇದಾದ್ಮೇಲೆ ಸೌಂದರ್ಯ ಆ ಸಿನಿಮಾ ಮಾಡೋಕೆ ಒಪ್ಪಲಿಲ್ಲ. ಆಮೇಲೆ ಇಂದ್ರಜಾಗೆ ಆ ಚಾನ್ಸ್​ ಸಿಕ್ತು. ಆಮೇಲೆ ಏನಾಯ್ತು ಅಂತ ನಿಮಗೆ ಗೊತ್ತೇ ಇದೆ. ಯಮಲೀಲಾ ಸಿನಿಮಾ ಒಂದು ವರ್ಷ ಓಡಿತು. ಆಲಿಯ ಕೆರಿಯರ್​ನಲ್ಲಿ ಅದು ದೊಡ್ಡ ಹಿಟ್​. ಆ ರೀತಿ ಸೌಂದರ್ಯ ಅವರು ಒಂದು ದೊಡ್ಡ ಹಿಟ್​ ಸಿನಿಮಾನ ಮಿಸ್​ ಮಾಡ್ಕೊಂಡ್ರು.