ಖ್ಯಾತ ನಟನ ಪತ್ನಿ ಸ್ವತಃ ನಟಿಯಾಗಿರುವ ಈ ಬಾಲೆ ಯಾರು ಹೇಳಿ ನೋಡೋಣ

ತಮಿಳು ಚಿತ್ರರಂಗದಲ್ಲಿ ನಾಯಕಿಯಾಗಿ ಪಾದಾರ್ಪಣೆ ಮಾಡಿದ ಎಲ್ಲಾ ನಟಿಯರಿಗೂ ಮೊದಲ ಚಿತ್ರದಲ್ಲೇ ಉತ್ತಮ ನಿರ್ದೇಶಕ ಮತ್ತು ನಾಯಕನೊಂದಿಗೆ ನಟಿಸುವ ಅವಕಾಶ ಸಿಗುವುದಿಲ್ಲ. ಆದರೆ ತಮಿಳಿನಲ್ಲಿ ಪಾದಾರ್ಪಣೆ ಮಾಡಿದ ಮೊದಲ ಚಿತ್ರದಲ್ಲೇ ಅಂತಹ ಅವಕಾಶವನ್ನು ಪಡೆದವರು ಪ್ರಸಿದ್ಧ ನಟಿ ಸಾಯಿಶಾ ಸೈಗಲ್. ಅವರ ಬಾಲ್ಯದ ಫೋಟೋಗಳು ಸಾಮಾಜಿಕ  ಮಾಧ್ಯಮದಲ್ಲಿ ಈಗ ವೈರಲ್ ಆಗಿವೆ.

ಮುಂಬೈನಲ್ಲಿ ಹುಟ್ಟಿ ಬೆಳೆದ ಸಾಯಿಶಾ ಪ್ರಸಿದ್ಧ ನಿರ್ಮಾಪಕ ಮತ್ತು ನಟ ಸುಮಿತ್ ಸೈಗಲ್ ಅವರ ಮಗಳು. ಅವರ ಅಜ್ಜಿ ನಸೀರ್ ಬಾನು, 1930 ಮತ್ತು 1950 ರ ನಡುವೆ ಹಿಂದಿ ಚಿತ್ರರಂಗದಲ್ಲಿ ಪ್ರಮುಖ ನಟಿಯಾಗಿದ್ದರು ಮತ್ತು ಬಾಲಿವುಡ್ ಅನ್ನು ಆಳಿದರು.

ಅದೇ ರೀತಿ ಬಾಲಿವುಡ್ ನಟ ದಿಲೀಪ್ ಕುಮಾರ್, ನಟಿ ಸೈರಾ ಬಾನು, ನಟಿ ಫರಾ ಇವರ ಆಪ್ತ ಸಂಬಂಧಿಗಳು. ಬೃಹತ್ ಸಿನಿಮಾ ಹಿನ್ನೆಲೆ ಇದ್ದರೂ, ಬಾಲಿವುಡ್‌ನಲ್ಲಿ ನೆಪೋಟಿಸಂ ಸಾಮಾನ್ಯವಾಗಿದ್ದರೂ, ತನ್ನ ಪ್ರತಿಭೆಯಿಂದ ದಕ್ಷಿಣ ಭಾರತದ ಚಿತ್ರರಂಗದಲ್ಲಿ ಅವಕಾಶಗಳನ್ನು ಹುಡುಕಿ ನಟಿಸಿದವರು ಸಾಯಿಶಾ.

2005 ರಲ್ಲಿ ಸೂರ್ಯ ನಟಿಸಿದ್ದ, ಎ.ಆರ್. ಮುರುಗದಾಸ್ ನಿರ್ದೇಶನದ 'ಗಜಿನಿ' ಚಿತ್ರದಲ್ಲಿ ಬಾಲ ಕಲಾವಿದೆಯಾಗಿ ಒಂದು ಸಣ್ಣ ಪಾತ್ರದಲ್ಲಿ ನಟಿಸಿದ್ದರು. ಇದರ ನಂತರ ತೆಲುಗು, ಹಿಂದಿ, ಹಾಗೂ ಕನ್ನಡ (ಕನ್ನಡದಲ್ಲಿ ಪುನೀತ್‌ ರಾಜ್‌ಕುಮಾರ್ ನಟನೆಯ ಯುವರತ್ನ ಸಿನಿಮಾ)  ಮುಂತಾದ ಭಾಷೆಗಳಲ್ಲಿ ತಲಾ ಒಂದು ಚಿತ್ರದಲ್ಲಿ ಮಾತ್ರ ನಟಿಸಿದ್ದಾರೆ. ತಮಿಳಿನಲ್ಲಿ 6 ಚಿತ್ರಗಳಲ್ಲಿ ನಟಿಸಿದ್ದಾರೆ.

ಸಾಯಿಶಾ ಅವರ ನೃತ್ಯ ಪ್ರತಿಭೆಯನ್ನು ನೋಡಿ ಮೆಚ್ಚಿದ ನಿರ್ದೇಶಕ ಎ.ಎಲ್.ವಿಜಯ್, ತಮ್ಮ 'ವನಮಗನ್' ಚಿತ್ರದಲ್ಲಿ ಜಯಂ ರವಿಗೆ ಜೋಡಿಯಾಗಿ ನಟಿಸುವಂತೆ ಮಾಡಿದರು. ಮೊದಲ ಚಿತ್ರದಲ್ಲೇ ಅವರ ನಟನೆ ತಮಿಳು ಸಿನಿಮಾ ಪ್ರೇಕ್ಷಕರನ್ನು ಆಕರ್ಷಿಸಿತು, ಈ ಚಿತ್ರದ ನಂತರ ನಟ ಕಾರ್ತಿ ಜೊತೆ ಕಡೈಕುಟ್ಟಿ ಸಿಂಗಂ, ವಿಜಯ್ ಸೇತುಪತಿ ಜೊತೆ ಜಂಗಾ ಮುಂತಾದ ಚಿತ್ರಗಳಲ್ಲಿ ನಟಿಸಿದರು.

ನಟ ಆರ್ಯ ಜೊತೆ 'ಗಜಿನಿಕಾಂತ್' ಚಿತ್ರದಲ್ಲಿ ನಟಿಸುವಾಗ ಇಬ್ಬರ ನಡುವೆ ಉಂಟಾದ ಸ್ನೇಹ ಕ್ರಮೇಣ ಪ್ರೇಮವಾಗಿ ಬದಲಾಯಿತು. ಇದರ ನಂತರ ಆರ್ಯ ಜೊತೆ ಕಾಪ್ಪಾನ್, ಟೆಡಿ ಮುಂತಾದ ಚಿತ್ರಗಳಲ್ಲಿ ನಟಿಸಿದರು. ನಂತರ ಪೋಷಕರ ಒಪ್ಪಿಗೆಯೊಂದಿಗೆ ಆರ್ಯ - ಸಾಯಿಶಾ 2019 ರ ಮಾರ್ಚ್‌ನಲ್ಲಿ ವಿವಾಹವಾದರು.

ಅವರ ಮದುವೆ ಹೈದರಾಬಾದ್‌ನಲ್ಲಿ ಅದ್ದೂರಿಯಾಗಿ ನೆರವೇರಿತು. ಹಲವಾರು ಬಾಲಿವುಡ್ ಗಣ್ಯರು ಭಾಗವಹಿಸಿ ಅವರನ್ನು ಅಭಿನಂದಿಸಿದರು. ಮದುವೆಗೆ ಮೊದಲು ಒಪ್ಪಿಕೊಂಡ ಕೆಲವು ಚಿತ್ರಗಳನ್ನು ಮಾತ್ರ ಮುಗಿಸಿದ ಸಾಯಿಶಾ, ಮದುವೆಯ ನಂತರ ಚಿತ್ರರಂಗದಿಂದ ದೂರ ಸರಿದರು. ಆದರೆ ಕಳೆದ ವರ್ಷ ಸಿಂಬು - ಗೌತಮ್ ಕಾರ್ತಿಕ್ ನಟಿಸಿದ್ದ 'ಪತ್ತು ತಲ' ಚಿತ್ರದಲ್ಲಿ 'ರವಾಡಿ' ಎಂಬ ಐಟಂ ಹಾಡಿಗೆ ನೃತ್ಯ ಮಾಡಿ ರಂಜಿಸಿದರು.
 

ಆರ್ಯ - ಸಾಯಿಶಾ ದಂಪತಿಗೆ ಈಗ ಒಬ್ಬ ಮುದ್ದಾದ ಮಗಳು ಇದ್ದಾಳೆ. ಆರ್ಯ, ಸಾಯಿಶಾಳನ್ನು ಮದುವೆಯಾಗುವ ಮೊದಲೇ ವಿವಾದಾಸ್ಪದ ವ್ಯಕ್ತಿ ಎಂದು ಹೆಸರುವಾಸಿಯಾಗಿದ್ದರು. ಕೆಲವು ನಟಿಯರೊಂದಿಗೆ ಡೇಟಿಂಗ್ ಮಾಡಿದ್ದಾರೆ ಎಂದು ಹೇಳಲಾಗುತ್ತದೆ. ಅದೇ ರೀತಿ 'ಎಂಗ ವೀಟ್ಟು ಮಾಪಿಳ್ಳೈ' ಎಂಬ ಕಾರ್ಯಕ್ರಮದ ಮೂಲಕ ಅವರನ್ನು ಮದುವೆಯಾಗಲು ಹಲವು ಮಹಿಳೆಯರು ಸ್ಪರ್ಧಿಸಿದರು. ಆದರೆ ಕೊನೆಗೆ ತನಗಿಂತ 16 ವರ್ಷ ಕಿರಿಯ ಸಾಯಿಶಾಳನ್ನು ಮದುವೆಯಾಗಿ ಸಂತೋಷದಿಂದ ಜೀವನ ನಡೆಸುತ್ತಿದ್ದಾರೆ.