ಮದ್ವೆ ಆದ್ರೂ ಎಕ್ಸ್’ಟ್ರಾ ಮ್ಯಾರಿಟೆಲ್ ಅಫೇರ್ ಮೂಲಕ ಸುದ್ದಿಯಾದ ಸ್ಟಾರ್ ನಟರು

ಬಾಲಿವುಡ್ ತಾರೆಯರಲ್ಲಿ ಕೆಲವರು ಮದುವೆಯಾದ ಬಳಿಕವೂ ಎಕ್ಸ್ಟ್ರಾ ಮ್ಯಾರಿಟಲ್ ಅಫೇರ್ ಮೂಲಕ ಸುದ್ದಿಯಲ್ಲಿದ್ದರು. ಮದುವೆಯಾಗಿದ್ದರೂ ಕೂಡ, ಸೀಕ್ರೆಟ್ ಆಗಿ ಇನ್ನೊಬ್ಬ ನಟಿಯ ಜೊತೆ ಸಂಬಂಧ ಬೆಳೆಸಿ, ಕೊನೆಗೆ ವಿಚ್ಚೇಧನ ಪಡೆದುಕೊಂಡಿದ್ದೂ ಇದೆ.  

ಬಾಲಿವುಡ್ ತಾರೆಯರು (Bollywood actors) ತಮ್ಮ ವೈಯಕ್ತಿಕ ಜೀವನದ ಕಾರಣದಿಂದಾಗಿ ಸುದ್ದಿಯಲ್ಲಿರುತ್ತಾರೆ. ಅವನ ವ್ಯವಹಾರಗಳ ಬಗ್ಗೆ ಎಲ್ಲರ ಬಾಯಲ್ಲೂ ಚರ್ಚೆಗಳು ನಡೆಯುತ್ತಿವೆ. ಈಗಾಗಲೇ ಮದುವೆಯಾಗಿದ್ದರೂ ಸಹ ಅಫೇರ್ ಇಟ್ಟುಕೊಂಡಿದ್ದ ಕೆಲವು ತಾರೆಯರ ಬಗ್ಗೆ ಇಲ್ಲಿದೆ ಮಾಹಿತಿ. ಇವರ ಸೀಕ್ರೇಟ್ ಅಫೇರ್ ಗುಟ್ಟು ರಟ್ಟಾದಾಗ ಸಂಬಂಧಗಳೇ ಮುರಿದು ಬಿದ್ದಿದ್ದವು.  

ಅಕ್ಷಯ್ ಕುಮಾರ್ ಮತ್ತು ಪ್ರಿಯಾಂಕಾ ಚೋಪ್ರಾ
ರಹಸ್ಯ ಪ್ರೇಮದ ಬಗ್ಗೆ ಮಾತು ಬಂದಾಗಲೆಲ್ಲಾ, ಬಾಲಿವುಡ್ ಕಿಲಾಡಿ ಅಕ್ಷಯ್ ಕುಮಾರ್ ಅವರ ಹೆಸರು ಮೊದಲು ನೆನಪಿಗೆ ಬರುತ್ತದೆ. ಅಕ್ಷಯ್ ಹೆಸರು ಪ್ರಿಯಾಂಕಾ ಚೋಪ್ರಾ (Akshay Kumar and Priyanka Chopra) ಜೊತೆ ತಳುಕು ಹಾಕಿಕೊಂಡಿತ್ತು. ಅವರು ಪ್ರಿಯಾಂಕಾ ಅವರೊಂದಿಗೆ 'ಅಂದಾಜ್' ಮತ್ತು 'ಐತ್ರಾಜ್' ಚಿತ್ರಗಳಲ್ಲಿ ಕೆಲಸ ಮಾಡಿದ್ದರು. ಈ ಸಮಯದಲ್ಲಿ, ಇಬ್ಬರ ನಡುವಿನ ಆತ್ಮೀಯತೆ ಹೆಚ್ಚಾಗಲು ಪ್ರಾರಂಭಿಸಿತು. ಈ ವಿಷಯ ಅವರ ಪತ್ನಿ ಟ್ವಿಂಕಲ್ ಖನ್ನಾ ಅವರಿಗೆ ತಿಳಿದಾಗ, ಅವರು ತುಂಬಾ ಕೋಪಗೊಂಡರು. ಇಬ್ಬರ ನಡುವಿನ ಸಂಬಂಧ ಎಷ್ಟು ಹದಗೆಟ್ಟಿತ್ತು ಎಂದರೆ, ನಟ ಪ್ರಿಯಾಂಕಾ ಅವರಿಂದ ದೂರವಾಗಬೇಕಾಯಿತು.

ಗೋವಿಂದ ಮತ್ತು ರಾಣಿ ಮುಖರ್ಜಿ
‘ಹದ್ ಕರ್ ದಿ ಆಪ್ನೆ’ ಚಿತ್ರದಲ್ಲಿ ಕೆಲಸ ಮಾಡುವಾಗ ನಟ ಗೋವಿಂದ ಮತ್ತು ರಾಣಿ ಮುಖರ್ಜಿ (Govinda and Raani Mukherjee) ಹತ್ತಿರವಾದರು ಎನ್ನುವ ರೂಮರ್ ಇದೆ. ಈ ನಟ ರಾಣಿಗೆ ಉಡುಗೊರೆಗಳನ್ನು ನೀಡುತ್ತಿದ್ದರು ಮತ್ತು ಅವರು ಬೇರೆ ಬೇರೆ ನಿರ್ದೇಶಕರಿಗೆ ರಾಣಿಗೆ ಕೆಲಸ ನೀಡುವಂತೆ ರೆಕಮೆಂಡ್ ಕೂಡ ಮಾಡುತ್ತಿದ್ದರಂತೆ. ಇದು ಅವರ ದಾಂಪತ್ಯದಲ್ಲಿ ಅಶಾಂತಿಯನ್ನು ಉಂಟುಮಾಡಿತು ಮತ್ತು ಅವರ ಪತ್ನಿ ಸುನೀತಾ ಮನೆ ಬಿಡಲು ನಿರ್ಧರಿಸಿದರು. ಆಗ ಗೋವಿಂದ ತಮ್ಮ ಕುಟುಂಬದೊಂದಿಗೆ ಇರಲು ನಿರ್ಧರಿಸಿ, ರಾಣಿಯಿಂದ ದೂರವಾದರು. 

ಸೈಫ್ ಅಲಿ ಖಾನ್ ಮತ್ತು ರೋಸಾ 
ಸೈಫ್ ಅಲಿ ಖಾನ್ 1991 ರಲ್ಲಿ 21 ನೇ ವಯಸ್ಸಿನಲ್ಲಿ ಅಮೃತಾ ಸಿಂಗ್ ಅವರನ್ನು ವಿವಾಹವಾದರು. ಮದುವೆಯಾದ ನಂತರವೂ ಅವರು ಇಟಾಲಿಯನ್ ಮಾಡೆಲ್ ರೋಸಾ ಕ್ಯಾಟಲಾನೊ (Italian Model Rosa Catelano) ಜೊತೆ ಡೇಟಿಂಗ್ ಮಾಡಲು ಪ್ರಾರಂಭಿಸಿದರು. ಅಮೃತಾಗೆ ಈ ವಿಷಯ ತಿಳಿದಾಗ, ಅವರ ಸಂಬಂಧದಲ್ಲಿ ಜಗಳಗಳು ಹೆಚ್ಚಾಗಲು ಪ್ರಾರಂಭಿಸಿದವು, ಅದು ವಿಚ್ಛೇದನಕ್ಕೆ ಕಾರಣವಾಯಿತು. 2004 ರಲ್ಲಿ, ಸೈಫ್ ಮತ್ತು ಅಮೃತಾ ಇಬ್ಬರೂ ಬೇರ್ಪಟ್ಟರು.

ಶಾರುಖ್ ಖಾನ್ ಮತ್ತು ಪ್ರಿಯಾಂಕಾ ಚೋಪ್ರಾ
ಪ್ರಿಯಾಂಕಾ ಚೋಪ್ರಾ ಮತ್ತು ಶಾರುಖ್ ಖಾನ್ (Shahrukh Khan and Priyanka Chopra) ಡಾನ್ 2 ಚಿತ್ರೀಕರಣದ ಸಮಯದಲ್ಲಿ ಅವರ ನಡುವೆ ಅಫೇರ್ ನಡೆಯುತ್ತಿದೆ ಎನ್ನುವ ವದಂತಿಗಳು ಹರಡಲು ಪ್ರಾರಂಭಿಸಿದವು. ಇಬ್ಬರೂ ಹಲವಾರು ಕಾರ್ಯಕ್ರಮಗಳಲ್ಲಿ ಒಟ್ಟಿಗೆ ಕಾಣಿಸಿಕೊಂಡಿದ್ದರು. ವರದಿಯ ಪ್ರಕಾರ, ಗೌರಿ ಖಾನ್ ಶಾರುಖ್ ನಿಂದ ದೂರವಾಗಲು ಸಹ ಯೋಚಿಸುತ್ತಿದ್ದರು. ಆದರೆ ಕೊನೆಗೆ ಶಾರುಖ್ ಮತ್ತು ಪ್ರಿಯಾಂಕಾ ಬೇರೆಯಾದರು. 

ಶ್ರೀದೇವಿ ಮತ್ತು ಬೋನಿ ಕಪೂರ್
ಶ್ರೀದೇವಿ ಚಲನಚಿತ್ರ ನಿರ್ಮಾಪಕ ಬೋನಿ ಕಪೂರ್ (Sridevi and Boney Kapoor) ಅವರ ಜೀವನದಲ್ಲಿ ಬಂದಾಗ, ಅವರು ವಿವಾಹಿತರಾಗಿದ್ದರು. ಅವರು ಶ್ರೀದೇವಿಯನ್ನು ರಹಸ್ಯವಾಗಿ ಪ್ರೀತಿಸುತ್ತಿದ್ದರು, ಆದರೆ ಹೆಚ್ಚು ಕಾಲ ತಮ್ಮ ಪ್ರೀತಿಯನ್ನು ಮರೆಮಾಡಲು ಸಾಧ್ಯವಾಗಲಿಲ್ಲ. ಶೀಘ್ರದಲ್ಲೇ, ಅವರ ಆಗಿನ ಪತ್ನಿ ಮೋನಾ ಕಪೂರ್ ಅವರ ಪ್ರೇಮ ಸಂಬಂಧದ ಬಗ್ಗೆ ತಿಳಿದುಕೊಂಡರು, ನಂತರ ಅವರು ಬೋನಿಯಿಂದ ವಿಚ್ಛೇದನ ಪಡೆದರು.

ಹೃತಿಕ್ ರೋಷನ್ ಮತ್ತು ಕಂಗನಾ ರನೌತ್
ಹೃತಿಕ್ ರೋಷನ್ 2000 ನೇ ಇಸವಿಯಲ್ಲಿ ಸುಸೇನ್ ಖಾನ್ ಅವರನ್ನು ವಿವಾಹವಾದರು, ಆದರೆ 2014 ರಲ್ಲಿ ಅವರ ಸಂಬಂಧ ಮುರಿದು ಬಿದ್ದು ಅವರು ವಿಚ್ಛೇದನ ಪಡೆದರು. ಅವರ ವಿಚ್ಛೇದನಕ್ಕೆ ಕಂಗನಾ ರಣಾವತ್ ಕಾರಣ ಎಂದು ಹೇಳಲಾಗುತ್ತದೆ. ಯಾಕಂದ್ರೆ ಆ ಸಮಯದಲ್ಲಿ ಕಂಗನಾ ಅವರು ಹೃತಿಕ್  (Kangana Ranaut and Hrithik Roshan) ಜೊತೆ ರಿಲೇಶನ್’ಶಿಪ್ ನಲ್ಲಿದ್ದರು. 

ಅಮಿತಾಬ್ ಬಚ್ಚನ್ ಮತ್ತು ರೇಖಾ
ಅಮಿತಾಬ್ ಬಚ್ಚನ್ ಅವರ ಕಥೆಯೂ ಇದೇ ರೀತಿ ಇದೆ. ಮದುವೆಯಾದ ನಂತರವೂ ರೇಖಾ ಜೊತೆ ಕ್ಲೋಸ್ ಆಗಿದ್ದರು ಬಚ್ಚನ್. ತಮ್ಮ ಸಂಬಂಧದ ಸುದ್ದಿ ಜಯಾ ಬಚ್ಚನ್ ಅವರ ಕಿವಿಗೆ ಬಿದ್ದಾಗ, ಜಯಾ ತುಂಬಾ ಅಸಮಾಧಾನಗೊಂಡರು. ಕೊನೆಗೆ ಜಯಾ ಬಚ್ಚನ್ ರೇಖಾರನ್ನು ಮನೆಗೆ ಕರೆದು ಅವರಿಗೆ 'ಬಿಗ್ ಬಿ' ಯಿಂದ ದೂರವಿರಲು ಸೂಚಿಸಿದ್ದರು., ನಂತರ ರೇಖಾ ಮತ್ತು ಅಮಿತಾಬ್ (Rekha and Amitabh Bacchan) ಪರಸ್ಪರ ದೂರವಾದರು.