Naga Chaitanya: ಆಸ್ತಿ ಪಾಸ್ತಿ ಹೇಗೂ ಇದೆ, ಆದ್ರೆ ಹಾಗೆ ಮಾಡಿದ್ರೆ ನಕಲಿ ಆಗ್ತಾನೆ: ನಟ ಬಾಲಯ್ಯ!

Actor Balakrishna: ನಾಗ ಚೈತನ್ಯ ಬಗ್ಗೆ ನಂದಮೂರಿ ಬಾಲಕೃಷ್ಣ ಹಿಂದೆ ನೀಡಿದ್ದ ಹೇಳಿಕೆಯೊಂದು ಈಗ ವೈರಲ್ ಆಗಿದೆ. ನಾಗ ಚೈತನ್ಯರ ಭವಿಷ್ಯ ಹಾಗೂ ಅಕ್ಕಿನೇನಿ ಕುಟುಂಬದ ಬಗ್ಗೆ ಬಾಲಯ್ಯ ಮಾಡಿದ ಕಾಮೆಂಟ್‌ಗಳು ಕುತೂಹಲ ಮೂಡಿಸಿವೆ.

Image Credit : instagram

ಕುತೂಹಲಕಾರಿ ಮಾತನ್ನಾಡಿದ್ರು

ಅಕ್ಕಿನೇನಿ ನಾಗ ಚೈತನ್ಯ ಸದ್ಯ 'ವೃಷಕರ್ಮ' ಚಿತ್ರದಲ್ಲಿ ನಟಿಸುತ್ತಿದ್ದಾರೆ. 'ವಿರೂಪಾಕ್ಷ' ಖ್ಯಾತಿಯ ಕಾರ್ತಿಕ್ ದಂಡು ಈ ಚಿತ್ರ ನಿರ್ದೇಶಿಸುತ್ತಿದ್ದಾರೆ. ನಾಗ ಚೈತನ್ಯ 'ಜೋಶ್' ಚಿತ್ರದ ಮೂಲಕ ನಾಯಕನಾಗಿ ಪಾದಾರ್ಪಣೆ ಮಾಡಿದರು. ಈ ಚಿತ್ರದ ಆಡಿಯೋ ಲಾಂಚ್ ವೇಳೆ ಬಾಲಯ್ಯ ಮೊದಲ ಬಾರಿಗೆ ನಾಗ ಚೈತನ್ಯ ಬಗ್ಗೆ ಕುತೂಹಲಕಾರಿ ಮಾತುಗಳನ್ನಾಡಿದ್ದರು.

Image Credit : Asianet News

ನಾಗಾರ್ಜುನ ಪಕ್ಕಾ ಕಮರ್ಷಿಯಲ್

ಅಕ್ಕಿನೇನಿ ನಾಗೇಶ್ವರ ರಾವ್ ಅವರು ನನಗೆ ಬಾಬಾಯ್ (ಚಿಕ್ಕಪ್ಪ) ಇದ್ದಂತೆ. ಇಂದು ನಾನು ನಾಗ ಚೈತನ್ಯನ ಬಾಬಾಯ್ ಆಗಿ ಅವನನ್ನು ಆಶೀರ್ವದಿಸಲು ಬಂದಿದ್ದೇನೆ ಎಂದು ಬಾಲಯ್ಯ ಹೇಳಿದ್ದರು. ಇದೇ ವೇಳೆ ನಾಗೇಶ್ವರ ರಾವ್ ಮತ್ತು ನಾಗಾರ್ಜುನ ಇಬ್ಬರ ಬಗ್ಗೆಯೂ ಬಾಲಯ್ಯ ತಮಾಷೆಯಾಗಿ ಮಾತನಾಡಿದರು. ನಾಗಾರ್ಜುನ ಅವರ ತಂದೆಯಂತೆಯೇ ಪಕ್ಕಾ ಕಮರ್ಷಿಯಲ್ ಬ್ಯುಸಿನೆಸ್‌ಮ್ಯಾನ್ ಎಂದರು.

Image Credit : Asianet News

ವಾರಸುದಾರಿಕೆ ಅನುಕರಣೆ ಬೇಡ

ನಾಗಾರ್ಜುನ, ನಾಗ ಚೈತನ್ಯರ ಮೊದಲ ಚಿತ್ರವನ್ನು ತಾವೇ ನಿರ್ಮಿಸದೆ ದಿಲ್ ರಾಜು ಅವರಂತಹ ಉತ್ತಮ ನಿರ್ಮಾಪಕರಿಗೆ ನೀಡಿದರು. ವಾರಸುದಾರಿಕೆ ಮುಂದುವರಿಸುವುದು ಒಳ್ಳೆಯದು, ಆದರೆ ಸಂಪೂರ್ಣವಾಗಿ ಅನುಕರಿಸಬಾರದು. 

ನಾಗೇಶ್ವರ ರಾವ್ ಮತ್ತು ನಾಗಾರ್ಜುನರ ಸಿನಿಮಾಗಳಲ್ಲಿ ಯಾವುದೇ ಹೋಲಿಕೆ ಇಲ್ಲ. ನಮ್ಮ ತಂದೆ ನಂದಮೂರಿ ತಾರಕರಾಮರಾವ್‌ ಯಾವಾಗಲೂ ಹೇಳುತ್ತಿದ್ದರು, 'ಅನುಸರಿಸುವವನು ವಾರಸುದಾರನಾಗುತ್ತಾನೆ, ಅನುಕರಿಸುವವನು ನಕಲಿ ಆಗುತ್ತಾನೆ' ಎಂದು.

Image Credit : Asianet News

ಒಳ್ಳೆಯ ಪಾತ್ರ ಮಾಡಲಿ

ಈಗಿನ ಯುವಕರ ನಡುವೆ ಸ್ಪರ್ಧೆ ಹೆಚ್ಚಾಗಿದೆ. ಈ ಸ್ಪರ್ಧೆಯಲ್ಲಿ ನಾಗ ಚೈತನ್ಯ ಗೆದ್ದು ಬರಬೇಕು. ದೇವರು ನಾಗ ಚೈತನ್ಯನಿಗೆ ಆಯುರಾರೋಗ್ಯ, ಅಷ್ಟೈಶ್ವರ್ಯ ಕರುಣಿಸಲಿ. 

ಅಷ್ಟೈಶ್ವರ್ಯ ಹೇಗೂ ಇದೆ ಬಿಡಿ. ನಾಗ ಚೈತನ್ಯ ತನ್ನ ವೃತ್ತಿಜೀವನದಲ್ಲಿ ವೈವಿಧ್ಯಮಯ ಪಾತ್ರಗಳನ್ನು ಮಾಡಲಿ ಎಂದು ಬಾಲಕೃಷ್ಣ ಹಾರೈಸಿದರು.

Image Credit : naga chaitanya instagram

ವಿವಿಧ ರೀತಿಯ ಕಥೆ

ನಾಗ ಚೈತನ್ಯ ನಟಿಸಿದ ಮೊದಲ ಸಿನಿಮಾ 'ಜೋಶ್' ನಿರೀಕ್ಷಿತ ಯಶಸ್ಸು ಕಾಣಲಿಲ್ಲ. ವಾಸ್ತವವಾಗಿ ಈ ಚಿತ್ರವನ್ನು ರಾಮ್ ಚರಣ್ ಮಾಡಬೇಕಿತ್ತು, ಆದರೆ ಚಿರಂಜೀವಿ ಒಪ್ಪಲಿಲ್ಲ. ನಂತರ ಯೂತ್‌ಫುಲ್ ಲವ್ ಸ್ಟೋರಿಗಳ ಮೂಲಕ ಚೈತನ್ಯ ಯಶಸ್ಸು ಕಂಡರು. ಈಗ ಅವರು ವೈವಿಧ್ಯಮಯ ಕಥೆಗಳನ್ನು ಆಯ್ಕೆ ಮಾಡಿಕೊಂಡು ಸಾಗುತ್ತಿದ್ದಾರೆ.