ಬಂಗಾರ ದರ ಭವಿಷ್ಯ: 10 ಗ್ರಾಂ ಗೋಲ್ಡ್ ರೇಟ್ ₹1.30 ಲಕ್ಷಕ್ಕೆ ಏರಿಕೆ!
ಬಂಗಾರದ ಬೆಲೆ ಭವಿಷ್ಯ: ಅಮೆರಿಕ-ಚೀನಾ ನಡುವಿನ ವ್ಯಾಪಾರ ಸಮರದಿಂದ ಬಂಗಾರದ ಬೆಲೆ ಏರಬಹುದು. ಗೋಲ್ಡ್‌ಮನ್ ಸ್ಯಾಕ್ಸ್ ಈ ರೀತಿ ಅಂದಾಜಿಸಿದೆ. ಪರಿಸ್ಥಿತಿ ಕೈಮೀರಿದ್ರೆ, ಬಂಗಾರದ ಬೆಲೆ 10 ಗ್ರಾಂಗೆ 1.30 ಲಕ್ಷ ರೂಪಾಯಿ ತಲುಪಬಹುದು.
Followಏಪ್ರಿಲ್ 14ಕ್ಕೆ ಬಂಗಾರ 93,353 ರೂಪಾಯಿ ಪ್ರತಿ 10 ಗ್ರಾಂ ಇತ್ತು: ಕಳೆದ ಕೆಲವು ತಿಂಗಳುಗಳಿಂದ ಬಂಗಾರದ ಬೆಲೆಯಲ್ಲಿ ಏರಿಕೆ ಕಂಡುಬಂದಿದೆ. ಏಪ್ರಿಲ್ 14ಕ್ಕೆ ಬಂಗಾರ 10 ಗ್ರಾಂಗೆ 93,353 ರೂಪಾಯಿ ತಲುಪಿತ್ತು. ಇದೀಗ ಭವಿಷ್ಯದಲ್ಲಿ ಬಂಗಾರದ ಬೆಲೆ ಗಗನಕ್ಕೇರಲಿದೆ ಎಂದು ಭವಿಷ್ಯ ನುಡಿಯಲಾಗಿದೆ.
ಇಂಟರ್‌ನ್ಯಾಷನಲ್ ಮಾರ್ಕೆಟ್‌ನಲ್ಲಿ 4,500 ಡಾಲರ್ ಪ್ರತಿ ಔನ್ಸ್ ತಲುಪಬಹುದು: ಗ್ಲೋಬಲ್ ಇನ್ವೆಸ್ಟ್‌ಮೆಂಟ್ ಬ್ಯಾಂಕ್ ಗೋಲ್ಡ್‌ಮನ್ ಸ್ಯಾಕ್ಸ್ ಪ್ರಕಾರ, ಅಮೆರಿಕ-ಚೀನಾ ನಡುವಿನ ವ್ಯಾಪಾರ ಯುದ್ಧದಿಂದ ಬೆಲೆ ಏರಬಹುದು. ಅಮೆರಿಕ-ಚೀನಾ ವ್ಯಾಪಾರ ಯುದ್ಧದಿಂದ ಅಂತರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಬಂಗಾರ 4,500 ಡಾಲರ್ ತಲುಪಬಹುದು ಅಂತಾ ಅಂದಾಜಿಸಲಾಗಿದೆ.
ಭಾರತದಲ್ಲಿ ಬಂಗಾರ 1.30 ಲಕ್ಷ ರೂಪಾಯಿ ಪ್ರತಿ 10 ಗ್ರಾಂ ತಲುಪುವ ಸಾಧ್ಯತೆ ಇದೆ: ವಿಶ್ವ ವ್ಯಾಪಾರ ನೀತಿಯಿಂದ ಆರಂಭವಾಗುವ ವ್ಯಾಪಾರ ಯುದ್ಧದಿಂದಾಗಿ ಅಂತರರಾಷ್ಟ್ರೀಯ ದರಗಳ ಪ್ರಕಾರ, ಭಾರತದಲ್ಲಿ 10 ಗ್ರಾಂ ಚಿನ್ನದ ಬೆಲೆ 10 ಗ್ರಾಂಗೆ 1.30 ಲಕ್ಷ ರೂ.ಗಳವರೆಗೆ ತಲುಪಬಹುದು. ಹೀಗಾಗಿ, ಈಗಲೇ ಚಿನ್ನ ಖರೀದಿ ಮಾಡಿ ಅಥವಾ ವ್ಯಾಪಾರ ಯುದ್ಧ ನಿಲ್ಲುವವರೆಗೂ ಕಾಯುವಂತೆ ತಜ್ಞರು ಸಲಹೆ ನೀಡಿದ್ದಾರೆ.
ಕ್ಯಾರೆಟ್ ಪ್ರಕಾರ ಬಂಗಾರದ ರೇಟ್
ಬಂಗಾರದ ಶುದ್ಧತೆಯ ಕ್ಯಾರೆಟ್ ಪ್ರಕಾರ ನೋಡಿದರೆ, ಪ್ರಸ್ತುತ 18 ಕ್ಯಾರೆಟ್ ಚಿನ್ನದ ಬೆಲೆ 70,015 ರೂ., 22 ಕ್ಯಾರೆಟ್ ಚಿನ್ನದ ಬೆಲೆ 85,511 ರೂ. ಮತ್ತು 24 ಕ್ಯಾರೆಟ್ ಚಿನ್ನದ ಬೆಲೆ 93,353 ರೂ. ಇದೆ.
2025ರಲ್ಲಿ ಬಂಗಾರ ಎಷ್ಟು ದುಬಾರಿ ಆಯ್ತು
ಜನವರಿ 1, 2025 ರಂದು 24 ಕ್ಯಾರೆಟ್ ಶುದ್ಧ ಚಿನ್ನದ ಬೆಲೆ 76,162 ರೂ.ಗಳಷ್ಟಿತ್ತು. ಅದು ಈಗ 10 ಗ್ರಾಂಗೆ 93,353 ರೂ.ಗಳಿಗೆ ಏರಿಕೆಯಾಗಿದೆ. ಅಂದರೆ ಮೂರುವರೆ ತಿಂಗಳಲ್ಲಿ ಚಿನ್ನದ ಬೆಲೆ 17,190 ರೂ.ಗಳಷ್ಟು ದುಬಾರಿಯಾಗಿದೆ.
2024ರಲ್ಲಿ ಬಂಗಾರದ ಬೆಲೆ ಎಷ್ಟು ಜಾಸ್ತಿ ಆಯ್ತು
2024 ರ ಬಗ್ಗೆ ಹೇಳುವುದಾದರೆ, ಜನವರಿ 1 ರಂದು ಚಿನ್ನದ ಬೆಲೆ 63,357 ರೂ. ಆಗಿತ್ತು. ಆದರೆ ಡಿಸೆಂಬರ್ 31 ರಂದು ಅದು 10 ಗ್ರಾಂಗೆ 76,162 ರೂ.ಗೆ ಏರಿತು. ಅಂದರೆ ಕಳೆದ ವರ್ಷ ಚಿನ್ನ 12,810 ರೂ.ಗಳಷ್ಟು ದುಬಾರಿಯಾಯಿತು.
ಬಂಗಾರದ ಬೆಲೆ ಯಾಕೆ ಜಾಸ್ತಿ ಆಗ್ತಿದೆ
ಚಿನ್ನದ ಬೆಲೆ ಏರಿಕೆಗೆ ದೊಡ್ಡ ಕಾರಣ ಟ್ರಂಪ್ ಅವರ ಸುಂಕ ನೀತಿಯಾಗಿದ್ದು, ಇದು ವ್ಯಾಪಾರ ಯುದ್ಧದ ಭಯವನ್ನು ಹೆಚ್ಚಿಸಿದೆ. ಇದರಿಂದಾಗಿ ಜನರು ಚಿನ್ನದ ಮೇಲೆ ಹೂಡಿಕೆ ಹೆಚ್ಚಿಸಿದ್ದಾರೆ. ಆರ್ಥಿಕ ಹಿಂಜರಿತದ ಮೊದಲು ಚಿನ್ನದಲ್ಲಿ ಹಣವನ್ನು ಹೂಡಿಕೆ ಮಾಡುವುದು ಸುರಕ್ಷಿತವೆಂದು ಪರಿಗಣಿಸಲಾಗುತ್ತದೆ.
