ಟ್ಯಾಕ್ಸಿ ಓಡಿಸಿ, ಹೋಟೆಲ್‌ ರೂಂ ಕ್ಲೀನ್‌ ಮಾಡ್ತಿದ್ದ ಭಾರತೀಯ 43 ಸಾವಿರ ಕೋಟಿ ರೂ. ಒಡೆಯರಾದ ಕಥೆ ಹೀಗಿದೆ..

ದುಬೈ ಇಡೀ ಜಗತ್ತಿನಲ್ಲೇ ಅತ್ಯಂತ ಶ್ರೀಮಂತ ಮತ್ತು ಸಮೃದ್ಧ ನಗರಗಳಲ್ಲಿ ಒಂದಾಗಿದೆ ಮತ್ತು ಮಿಲಿಯನೇರ್‌ಗಳಿಗೆ ತಮ್ಮ ವ್ಯವಹಾರಗಳನ್ನು ಬೆಳೆಸಲು ಉತ್ತಮ ಸ್ಥಳವಾಗಿದೆ. ಅದೇ ರೀತಿ, ಭಾರತ ಮೂಲದ ಬಿಲಿಯನೇರ್ ಉದ್ಯಮಿ ಮಿಕ್ಕಿ ಜಗ್ತಿಯಾನಿ ಇತ್ತೀಚಿನ ದಿನಗಳಲ್ಲಿ ಅತ್ಯಂತ ಗಮನಾರ್ಹವಾದ ಯಶಸ್ಸಿನ ಕಥೆಯನ್ನು ಬರೆದಿದ್ದಾರೆ. ಜಗ್ತಿಯಾನಿ ದುಬೈನಲ್ಲಿ ಶ್ರೀಮಂತ ಭಾರತೀಯರಲ್ಲಿ ಒಬ್ಬರೆಂದು ಹೆಸರಾಗಿದ್ದರು ಮತ್ತು ಯುನೈಟೆಡ್ ಅರಬ್ ಎಮಿರೇಟ್ಸ್ (ಯುಎಇ) ಯಾದ್ಯಂತ ವ್ಯಾಪಕ ಬ್ಯುಸಿನೆಸ್‌ ಕಂಪನಿ ಸ್ಥಾಪಿಸಿದ್ದರು. ಅವರು ದೀರ್ಘಕಾಲದ ಅನಾರೋಗ್ಯದ ನಂತರ ಮೇ 2023 ರಲ್ಲಿ ದುಬೈನಲ್ಲಿ ನಿಧನರಾದರು.
 

ಆದರೆ, ಅವರು ಪಟ್ಟ ಕಷ್ಟ ಅಷ್ಟಿಷ್ಟಲ್ಲ. ಭಾರತೀಯ ವಲಸಿಗರ ಯಶಸ್ಸಿನ ಮುಖವಾಗಲು ಅವರು ಟ್ಯಾಕ್ಸಿ ಓಡಿಸಿದರು ಮತ್ತು ಹೋಟೆಲ್‌ಗಳನ್ನು ಸ್ವಚ್ಛಗೊಳಿಸಿದರು ಎಂಬುದು ಅನೇಕರಿಗೆ ತಿಳಿದಿಲ್ಲ. ಜಗ್ತಿಯಾನಿ ಕುವೈತ್‌ನಲ್ಲಿ ಜನಿಸಿದರೂ, ಅವರು ಭಾರತದಲ್ಲಿ ತಮ್ಮ ಶಿಕ್ಷಣವನ್ನು ಪೂರ್ಣಗೊಳಿಸಿದರು.

ಲಂಡನ್, UK ಯಲ್ಲಿ ಅಕೌಂಟಿಂಗ್ ಸ್ಕೂಲ್‌ಗೆ ದಾಖಲಾಗುವ ಮೊದಲು ಚೆನ್ನೈ ಮತ್ತು ಮುಂಬೈ ಶಾಲೆಗಳಲ್ಲಿ ವ್ಯಾಸಂಗ ಮಾಡಿದರು. ಅದೃಷ್ಟವು ಮಧ್ಯಪ್ರವೇಶಿಸುವ ಮೊದಲು ವೈಯಕ್ತಿಕ ದುರಂತ ಸಂಭವಿಸಿತು. ಅವರ ಪೋಷಕರು ಮತ್ತು ಒಡಹುಟ್ಟಿದವರ ಹಠಾತ್ ಮರಣಕ್ಕೆ ಕಾರಣವಾಯಿತು. ಈ ಹಿನ್ನೆಲೆ ಅಕೌಂಟಿಂಗ್‌ ಸ್ಕೂಲ್‌ನಲ್ಲಿ ಅಧ್ಯಯನ ಕೈಬಿಟ್ಟು ಲಂಡನ್‌ನಲ್ಲಿ ಟ್ಯಾಕ್ಸಿ ಡ್ರೈವರ್ ಮತ್ತು ಹೋಟೆಲ್ ಕ್ಲೀನರ್ ಆಗಿ ತಮ್ಮ ವೃತ್ತಿಯನ್ನು ಪ್ರಾರಂಭಿಸಿದರು.

ನಂತರ, 6,000 ಅಮೆರಿಕ ಡಾಲರ್‌ ಮೌಲ್ಯದ ಪಿತ್ರಾರ್ಜಿತ ಆಸ್ತಿಯಾದ ತನ್ನ ಸಹೋದರನ ವ್ಯವಹಾರವನ್ನು ನಿಯಂತ್ರಣಕ್ಕೆ ತೆಗೆದುಕೊಂಡರು ಮತ್ತು ಅದನ್ನು ಮಗುವಿನ ಉತ್ಪನ್ನಗಳನ್ನು ಮಾರಾಟ ಮಾಡುವ ಅಂಗಡಿಯಾಗಿ ಪರಿವರ್ತಿಸಿದರು ಮಿಕ್ಕಿ ಜಗ್ತಿಯಾನಿ. ಆದರೂ, ತಮ್ಮ ಅಂಗಡಿಗಳನ್ನು ಬೆಳೆಸಲು ತಮ್ಮ ವ್ಯಾಪಾರದ ಕುಶಾಗ್ರಮತಿಯನ್ನು ಬಳಸಲಾರಂಭಿಸಿದರು, ಮತ್ತು ಪ್ರಾರಂಭವಾದ ಒಂದು ದಶಕದ ನಂತರ, ಅವರು ಲಂಡನ್‌ ನಗರದ ಸುತ್ತಲೂ 6 ಮಳಿಗೆಗಳನ್ನು ಹೊಂದಿದ್ದರು.

ಮಿಕ್ಕಿ ಜಗ್ತಿಯಾನಿ ತನ್ನ ಕಂಪನಿಯನ್ನು ತ್ವರಿತವಾಗಿ ವಿಸ್ತರಿಸಿದರು ಮತ್ತು ದುಬೈನಲ್ಲಿ ನೆಲೆಸುವ ಮೊದಲು 20 ದೇಶಗಳಲ್ಲಿ 6000 ಔಟ್‌ಲೆಟ್‌ಗಳನ್ನು ನಿರ್ವಹಿಸಿದರು. ಬುದ್ಧಿವಂತ ಹೂಡಿಕೆಗಳ ಮೂಲಕ, ಮಿಕ್ಕಿ 2008 ರಲ್ಲಿ ಫೋರ್ಬ್ಸ್ ಶ್ರೀಮಂತ ಭಾರತೀಯ ಪುರುಷರ ಪಟ್ಟಿಯನ್ನು ಪ್ರವೇಶಿಸಿದರು ಮತ್ತು ಬಿಲಿಯನೇರ್ ಸ್ಥಾನಮಾನಕ್ಕೆ ಏರಿದರು.
 

ಮಿಕ್ಕಿ ಜಗ್ತಿಯಾನಿ ಅವರು ಮೇ 2023 ರಲ್ಲಿ 5.2 ಬಿಲಿಯನ್‌ ಅಮೆರಿಕ ಡಾಲರ್‌ ಅಥವಾ ಸುಮಾರು 43,194 ಕೋಟಿ ರೂಪಾಯಿಗಳ ನಿವ್ವಳ ಮೌಲ್ಯದೊಂದಿಗೆ ನಿಧನರಾಗುವವರೆಗೂ ದುಬೈನಲ್ಲಿ ನೆಲೆಸಿದ ಶ್ರೀಮಂತ ಭಾರತೀಯ ಉದ್ಯಮಿಗಳಲ್ಲಿ ಒಬ್ಬರಾಗಿದ್ದರು ಎಂಬುದು ಗಮನಾರ್ಹ ವಿಚಾರ.