ಮೇ 25ರ ವರೆಗೆ ಜಿಯೋ ಅನ್ಲಿಮಿಟೆಡ್ ಆಫರ್ ವಿಸ್ತರಣೆ, ಹಾಟ್ಸ್ಟಾರ್ ಸೇರಿ ಹಲವು ಸೌಲಭ್ಯ ಉಚಿತ
ರಿಲಯನ್ಸ್ ಜಿಯೋ ಇದೀಗ ಅನ್ಲಿಮಿಟೆಡ್ ಆಫರ್ ಮೇ 25ರ ವರೆಗೆ ವಿಸ್ತರಿಸಿದೆ. ಇದರ ಜೊತೆ ಜಿಯೋ ಹಾಟ್ಸ್ಟರ್, ಜಿಯೋ ಸಿನಿಮಾ ಸೇರಿದಂತೆ ಹಲವು ಸೌಲಭ್ಯಗಳು ಉಚಿತವಾಗಿ ಸಿಗಲಿದೆ.
ರಿಲಯನ್ಸ್ ಜಿಯೋ ಭಾರತದ ಅತೀ ದೊಡ್ಡ ಟೆಲಿಕಾಂ ಸರ್ವೀಸ್ ಕಂಪನಿಯಾಗಿ ಗುರುತಿಸಿಕೊಂಡಿದೆ. ಜಿಯೋ ಈಗಾಗಲೇ ಹಲವು ಆಫರ್ ನೀಡಿದೆ. ಅತೀ ಕಡಿಮೆ ಬೆಲೆಯ ಆಫರ್, ಉಚಿತ ಡೇಟಾ ಸೇರಿದಂತೆ ಕೈಗೆಟುಕವ ಆಫರ್ ನೀಡಿದೆ. ಈ ಪೈಕಿ ರಿಲಯನ್ಸ್ ಜಿಯೋ ತನ್ನ ಅನ್ಲಿಮಿಟೆಡ್ ಆಫರ್ ವಿಸ್ತರಿಸಿದೆ. ಮೇ.25ರ ವರೆಗೆ ಈ ಆಫರ್ ಲಭ್ಯವಿದೆ. ಇದರೊಳಗೆ ರೀಚಾರ್ಜ್ ಮಾಡಿಕೊಂಡು ಅನ್ಲಿಮಿಟೆಡ್ ಆಫರ್ ಪಡೆಯಬಹುದು.
ಐಪಿಎಲ್ ಟೂರ್ನಿ ಆರಂಭಕ್ಕೂ ಮೊದಲು ಜಿಯೋ ಈ ಅನ್ಲಿಮಿಟೆಡ್ ಪ್ಲಾನ್ ಘೋಷಿಸಿತ್ತು. ಅನ್ಲಿಮಿಟೆಡ್ ಕಾಲ್, ಡೇಟಾ ಸೇರಿದಂತೆ ಐಪಿಎಲ್ ಲೈವ್ ವೀಕ್ಷಿಸಲು ಹಾಟ್ಸ್ಟಾರ್, ಜಿಯೋ ಸಿನಿಮಾ ಸೇರಿದಂತೆ ಇತರ ಸಬ್ಸ್ಕ್ರಿಪ್ಶನ್ ಉಚಿತವಾಗಿ ನೀಡುತ್ತಿದೆ. ಈ ಆಫರ್ ಮಾರ್ಚ್ 17 ರಿಂದ ಮಾರ್ಚ್ 30 ವರೆಗೆ ಘೋಷಿಸಲಾಗಿತ್ತು. ಬಳಿಕ ಎಪ್ರಿಲ್ 15, ಎಪ್ರಿಲ್ 30 ವರಗೆ ವಿಸ್ತರಿಸಾಗಿತ್ತು. ಇದೀಗ ಮೇ 25ರ ವರೆಗೆ ಅಂದರೆ ಐಪಿಎಲ್ ಟೂರ್ನಿ ಅಂತ್ಯದ ವರೆಗೆ ಆಫರ್ ವಿಸ್ತರಿಸಲಾಗಿದೆ.
ಕೇವಲ 299 ರೂಪಾಯಿ ಅಥವಾ ಅದಕ್ಕಿಂತ ಹೆಚ್ಚಿನ ಮೊತ್ತದ ರೀಚಾರ್ಜ್ ಮಾಡಿದವರಿಗೆ ಈ ಅನ್ಲಿಮಿಟೆಡ್ ಆಫರ್ ಲಭ್ಯವಾಗಲಿದೆ. ಈ ಅನ್ಲಿಮಿಟೆಡ್ ಪ್ಲಾನ್ನಲ್ಲಿ 1.5 ಜಿಬಿ ಉಚಿತ ಡೇಟಾ ಲಭ್ಯವಿದೆ. ಇದೇ ಪ್ಲಾನ್ನಲ್ಲಿ ಜಿಯೋ ಫೈಬರ್ ಅಥವಾ ಜಿಯೋ ಏರ್ಫೈಬರ್ ಕೂಡ ಲಭ್ಯವಾಗಲಿದೆ. ಇದರಿಂದ ಗ್ರಾಹಕರು ಈ ಸೌಲಭ್ಯವನ್ನೂ ಪಡೆಯಬಹುದು.
ಈ ಅನ್ಲಿಮಿಟೆಡ್ ಆಫರ್ ರಿಚಾರ್ಜ್ ಮಾಡಿಕೊಂಡಲ್ಲಿ ಐಪಿಎಲ್ ಲೈವ್ ಸ್ಟ್ರೀಮ್ ಉಚಿತವಾಗಿ ನೋಡಲು ಸಾಧ್ಯವಿದೆ. ಪ್ರಮುಖವಾಗಿ ಐಪಿಎಲ್ ಸೀಸನ್ಗೆ ಹೊರತಂದ ಈ ಆಫರ್ ಇದೀಗ ಸಂಪೂರ್ಣ ಐಪಿಎಲ್ ಟೂರ್ನಿಗೆ ವಿಸ್ತರಿಸಲಾಗಿದೆ. ಮೇ.25ರ ವರೆಗೆ ರಿಚಾರ್ಜ್ ಮಾಡಿಕೊಳ್ಳಲು ಅವಕಾಶವಿದೆ.ಮತ್ತೆ ವಿಸ್ತರಣೆ ಸಾಧ್ಯತೆ ಕಡಿಮೆ. ಕಾರಣ ಐಪಿಎಲ್ ಟೂರ್ನಿ ಅಂತ್ಯಗೊಳ್ಳಲಿದೆ.
ರಿಲಯನ್ಸ್ ಜಿಯೋ ಅತೀ ಕಡಿಮೆ ಬೆಲೆಯಲ್ಲಿ ಹಲವು ರೀಚಾರ್ಜ್ ಪ್ಲಾನ್ ನೀಡುತ್ತಿದೆ. 299 ರೂಪಾಯಿಗೆ 28 ದಿನ ವ್ಯಾಲಿಟಿಡಿ, ಅನ್ಲಿಮಿಟೆಡ್ ಕಾಲ್, 1.5 ಜಿಬಿ ಪ್ರತಿ ದಿನ ಉಚಿತ ಡೇಟಾ ಆಫರ್, 319 ರೂಪಾಯಿಗೆ ಒಂದು ತಿಂಗಳು ಅಂದರೆ 30 ದಿನ ವ್ಯಾಲಿಟಿಡಿ 1.5 ಜಿಬಿ ಪ್ರತಿ ದಿನ ಡೇಟಾ ಅನ್ಲಿಮಿಟೆಡ್ ಕಾಲ್ ಸೇರಿದಂತೆ ಹಲವು ಸೌಲಭ್ಯಗಳು ಲಭ್ಯವಿದೆ.