ಪೋಸ್ಟ್ ಆಫೀಸ್ ಎಫ್‌ಡಿ ಯೋಜನೆ, 1,000 ರೂ ಹೂಡಿಕೆ ಮಾಡಿದರೆ ರಿಟರ್ನ್ಸ್ ಎಷ್ಟು?

ಅಂಚೆ ಕಚೇರಿ ಫಿಕ್ಸೆಡ್ ಡೆಪಾಸಿಟ್ ಯೋಜನೆಯಲ್ಲಿ ಕೇವಲ 1000 ರೂಪಾಯಿ ಹೂಡಿಕೆ ಮಾಡಿ ಲಕ್ಷ ಲಕ್ಷ ರೂಪಾಯಿ ಲಾಭ ಗಳಿಸಬಹುದು. ಪೋಸ್ಟ್ ಆಫೀಸ್ ಉತ್ತಮ ಬಡ್ಜಿ ದರ ನೀಡುತ್ತಿದೆ. ವರ್ಷದಲ್ಲಿ 1 ಲಕ್ಷ ರೂಪಾಯಿ ಹೂಡಿಕೆ ಮಾಡಿದರೆ 1-5 ವರ್ಷಗಳಲ್ಲಿ ಎಷ್ಟು ಲಾಭ ಪಡೆಯಬಹುದು ಎಂದು ನೋಡೋಣ.

ಅಂಚೆ ಕಚೇರಿ FD ಯೋಜನೆ

ಇತ್ತೀಚಿನ ದಿನಗಳಲ್ಲಿ, ಎಲ್ಲರೂ ಸುರಕ್ಷಿತ ಮತ್ತು ಲಾಭದಾಯಕ ಹೂಡಿಕೆಗೆ ಆದ್ಯತೆ ನೀಡುತ್ತಾರೆ. ಅಂಚೆ ಕಚೇರಿ FD ಯೋಜನೆಯು ಅವರಿಗೆ ಒಂದು ಉತ್ತಮ ಆಯ್ಕೆಯಾಗಿದೆ. ದುಡಿಮೆಯ ಹಣವನ್ನು ಸುರಕ್ಷಿತ ಭವಿಷ್ಯಕ್ಕಾಗಿ ಹೂಡಿಕೆ ಮಾಡಲು ಬಯಸುವವರಿಗೆ ಅಂಚೆ ಕಚೇರಿ FD ಯೋಜನೆ ಒಂದು ಉತ್ತಮ ಮಾರ್ಗ.

ಅಂಚೆ ಕಚೇರಿ FD ಯೋಜನೆ ಹೆಚ್ಚು ಸುರಕ್ಷತೆ ನೀಡುತ್ತದೆ. ಉತ್ತಮ ಬಡ್ಡಿ ದರಗಳನ್ನು ಸಹ ನೀಡುತ್ತದೆ. ಇದು ಹೂಡಿಕೆದಾರರಿಗೆ ಖಚಿತ ಆದಾಯವನ್ನು ಒದಗಿಸುತ್ತದೆ. ಈ ಯೋಜನೆಯ ಪ್ರಮುಖ ಲಕ್ಷಣಗಳು ಮತ್ತು ಪ್ರಯೋಜನಗಳನ್ನು ವಿವರವಾಗಿ ನೋಡೋಣ.

ಅಂಚೆ ಕಚೇರಿ FD ಯೋಜನೆಯು ಯಾವುದೇ ಭಾರತೀಯ ಪ್ರಜೆಯು ಸುಲಭವಾಗಿ ಹೂಡಿಕೆ ಮಾಡಬಹುದಾದ ಯೋಜನೆಯಾಗಿದೆ. 1 ವರ್ಷದಿಂದ 5 ವರ್ಷಗಳವರೆಗೆ ಹೂಡಿಕೆ ಮಾಡಬಹುದು. ಈ ಯೋಜನೆಯಲ್ಲಿ ಕನಿಷ್ಠ ರೂ. 1,000 ಹೂಡಿಕೆ ಮಾಡಬೇಕು. ಗರಿಷ್ಠ ಹೂಡಿಕೆಗೆ ಮಿತಿಯಿಲ್ಲ.

ಅಂಚೆ ಕಚೇರಿ FD ಯೋಜನೆಯಲ್ಲಿ ಮಾಡಿದ ಹೂಡಿಕೆಗೆ ತೆರಿಗೆ ವಿನಾಯಿತಿಯನ್ನೂ ಪಡೆಯಬಹುದು. 5 ವರ್ಷಗಳಿಗೆ FD ಖಾತೆ ತೆರೆದು ಹೂಡಿಕೆ ಮಾಡಿದರೆ ತೆರಿಗೆ ವಿನಾಯಿತಿ ಸಿಗುತ್ತದೆ. ಇದು ಈ ಯೋಜನೆಯನ್ನು ಇನ್ನಷ್ಟು ಆಕರ್ಷಕವಾಗಿಸುತ್ತದೆ.

ಹೂಡಿಕೆ ಮಾಡುವ ಅವಧಿಗೆ ಆಕರ್ಷಕ ಬಡ್ಡಿ ದರಗಳನ್ನು ನೀಡಲಾಗುತ್ತದೆ. 1 ವರ್ಷದಿಂದ 5 ವರ್ಷಗಳವರೆಗಿನ ಹೂಡಿಕೆಗೆ ಬಡ್ಡಿ ದರಗಳು ಬದಲಾಗುತ್ತವೆ. ಅದರಂತೆ, 1 ಲಕ್ಷ ರೂ. ಹೂಡಿಕೆ ಮಾಡಿದರೆ 1-5 ವರ್ಷಗಳಲ್ಲಿ ಎಷ್ಟು ಲಾಭ ಗಳಿಸಬಹುದು ಎಂದು ನೋಡೋಣ.

1 ಲಕ್ಷವನ್ನು 1 ವರ್ಷಕ್ಕೆ ಹೂಡಿಕೆ ಮಾಡಿದರೆ, 6.9% ಬಡ್ಡಿ ದರ ಸಿಗುತ್ತದೆ. ಇದರ ಪ್ರಕಾರ, 1 ವರ್ಷದ ನಂತರ ನೀವು ಒಟ್ಟು ರೂ. 1,07,081 ಪಡೆಯುತ್ತೀರಿ. ಇದರಲ್ಲಿ ಬಡ್ಡಿ ರೂ. 7,081. ಒಂದು ಲಕ್ಷ ರೂ. ಹೂಡಿಕೆಯಲ್ಲಿ, 2 ವರ್ಷಗಳಿಗೆ ಬಡ್ಡಿ ದರ 7%. 2 ವರ್ಷಗಳ ನಂತರ ರೂ. 1,14,888 ಸಿಗುತ್ತದೆ, ಇದರಲ್ಲಿ ಬಡ್ಡಿ ರೂ. 14,888.

3 ವರ್ಷಗಳಿಗೆ ಒಂದು ಲಕ್ಷ ರೂ. ಹೂಡಿಕೆ ಮಾಡುವ ಮೂಲಕ 7.1% ಬಡ್ಡಿ ಸಿಗುತ್ತದೆ. 3 ವರ್ಷಗಳ ನಂತರ ರೂ.1,22,022 ಸಿಗುತ್ತದೆ. ಇದರಲ್ಲಿ ಬಡ್ಡಿಯ ರೂಪದಲ್ಲಿ ರೂ. 22,022 ಸೇರಿರುತ್ತದೆ. 5 ವರ್ಷಗಳಿಗೆ ಒಂದು ಲಕ್ಷ ರೂ. ಅಂಚೆ ಕಚೇರಿ FDಯಲ್ಲಿ 7.5% ಬಡ್ಡಿ ದರ ಸಿಗುತ್ತದೆ. 5 ವರ್ಷಗಳ ನಂತರ ರೂ. 44,995 ಬಡ್ಡಿ ಸೇರಿ, ಒಟ್ಟು ರೂ. 1,44,995 ಪಡೆಯಬಹುದು

ವಿಶೇಷ ಸೂಚನೆ: ಯಾವುದೇ ಯೋಜನೆಯಲ್ಲಿ ಹೂಡಿಕೆ ಮಾಡುವ ಮೊದಲು ಹತ್ತಿರದ ಪೋಸ್ಟ್ ಅಫೀಸ್ ಕೇಂದ್ರಕ್ಕೆ ಭೇಟಿ ನೀಡಿ ಮಾಹಿತಿ ಪಡೆದುಕೊಳ್ಳಿ, ಬಡ್ಡಿದರ, ಲಾಭ ಕುರಿತು ಚರ್ಚಿಸಿ ನಿರ್ಧಾರ ತೆಗೆದುಕೊಳ್ಳಿ.