ಮುಖೇಶ್ ಅಂಬಾನಿಯ 15 ಸಾವಿರ ಕೋಟಿ ರೂ. ವೆಚ್ಚದ ಆಂಟಿಲಿಯಾ ಮನೆಯಲ್ಲಿ ಜೈ ಶ್ರೀರಾಮ್ ಪ್ರದರ್ಶನ!

ದೇಶದ ಅತ್ಯಂತ ಶ್ರೀಮಂತ ವ್ಯಕ್ತಿ ಮತ್ತು ವಿಶ್ವದ ಅಗ್ರ ಶ್ರೀಮಂತರಲ್ಲಿ ಒಬ್ಬರಾದ ಮುಖೇಶ್ ಅಂಬಾನಿ ಬಗ್ಗೆ ತಿಳಿದಿಲ್ಲದವರು ಯಾರೂ ಇಲ್ಲ. ವ್ಯಾಪಾರ ಕ್ಷೇತ್ರದಲ್ಲಿ ಅವರು ದಾಖಲೆಗಳನ್ನು ಸೃಷ್ಟಿಸುತ್ತಿದ್ದಂತೆ, ಮುಂಬೈನಲ್ಲಿರುವ ಅವರ ಮನೆ ಕೂಡ ದಾಖಲೆಗಳನ್ನು ಸೃಷ್ಟಿಸಿದೆ. ವಿಶ್ವದ ಶ್ರೀಮಂತ ಮನೆಯಲ್ಲಿ ಒಂದಾಗಿರುವ ಅಂಟಿಲಿಯಾದಲ್ಲಿ 27 ಮಹಡಿಗಳಿವೆ. ಈ ಕಟ್ಟಡದಲ್ಲಿ ಮುಖೇಶ್ ಅಂಬಾನಿ ಮತ್ತು ನೀತಾ ಅಂಬಾನಿ ಯಾವ ಮಹಡಿಯಲ್ಲಿ ವಾಸಿಸುತ್ತಾರೆ ಗೊತ್ತಾ.? ಈ ಕಟ್ಟಡದ ಹಲವು ಕುತೂಹಲಕಾರಿ ವಿಷಯಗಳನ್ನು ತಿಳಿದುಕೊಳ್ಳೋಣ. 

ಅಂಟಿಲಿಯಾ ಕಟ್ಟಡವು ವಿಶ್ವದ ಅತ್ಯಂತ ದುಬಾರಿ ಕಟ್ಟಡಗಳಲ್ಲಿ ಒಂದಾಗಿದೆ. ಇದು ಬಿಲಿಯನೇರ್ ಮುಖೇಶ್ ಅಂಬಾನಿ ಅವರ ನಿವಾಸ. ಇದು ಮುಂಬೈನ ದಕ್ಷಿಣ ಮುಂಬೈನಲ್ಲಿರುವ ಆಲ್ಟಾಮೌಂಟ್ ರಸ್ತೆಯಲ್ಲಿದೆ. ಈ ಕಟ್ಟಡದ ನಿರ್ಮಾಣವನ್ನು 2006 ರಲ್ಲಿ ಪ್ರಾರಂಭಿಸಲಾಯಿತು ಮತ್ತು 2010 ರಲ್ಲಿ ಪೂರ್ಣಗೊಳಿಸಲಾಯಿತು. ಈ ಮನೆಯ ನಿರ್ಮಾಣಕ್ಕೆ ಸುಮಾರು 2 ಬಿಲಿಯನ್ ಡಾಲರ್ (15,000 ಕೋಟಿ ರೂಪಾಯಿ) ಖರ್ಚು ಮಾಡಲಾಗಿದೆ. ಪ್ರಸ್ತುತ ಮಾರುಕಟ್ಟೆಯ ಪ್ರಕಾರ, ಈ ಮನೆಯ ಮೌಲ್ಯ 4.6 ಬಿಲಿಯನ್ ಡಾಲರ್. ಈ ಕಟ್ಟಡವನ್ನು ಭೂಕಂಪ ತಡೆದುಕೊಳ್ಳುವ ರೀತಿಯಲ್ಲಿ ನಿರ್ಮಿಸಲಾಗಿದೆ. ಮುಖೇಶ್ ಅಂಬಾನಿಯ 15 ಸಾವಿರ ಕೋಟಿ ರೂ. ವೆಚ್ಚದ ಆಂಟಿಲಿಯಾ ಮನೆಯಲ್ಲಿ ಜೈ ಶ್ರೀರಾಮ್ ಪ್ರದರ್ಶನ. ಮಾಡಲಾಗಿದೆ.

ಈ ಕಟ್ಟಡವು ಒಟ್ಟು 27 ಮಹಡಿಗಳನ್ನು ಹೊಂದಿದೆ. 173 ಮೀಟರ್ ಎತ್ತರ ಮತ್ತು 6,070 ಚದರ ಮೀಟರ್ ವಿಸ್ತೀರ್ಣದಲ್ಲಿ ಈ ಮನೆಯನ್ನು ನಿರ್ಮಿಸಲಾಗಿದೆ. ಇದರಲ್ಲಿ 9 ಹೈಸ್ಪೀಡ್ ಲಿಫ್ಟ್‌ಗಳಿವೆ. ಸುಮಾರು 3 ಹೆಲಿಪ್ಯಾಡ್‌ಗಳಿವೆ. 50 ಆಸನಗಳ ಮಿನಿ ಥಿಯೇಟರ್ ಕೂಡ ಇದೆ. 49 ಮಲಗುವ ಕೋಣೆಗಳು, 168 ಪಾರ್ಕಿಂಗ್ ಸ್ಥಳಗಳು, ಬಾಲ್ ರೂಂ ಅನ್ನು ಅದ್ಭುತವಾಗಿ ನಿರ್ಮಿಸಲಾಗಿದೆ. ಟೆರೇಸ್ ಗಾರ್ಡನ್, ಈಜುಕೊಳ, ಸ್ಪಾ, ಆರೋಗ್ಯ ಕೇಂದ್ರ, ದೇವಸ್ಥಾನ, ಹಿಮ ಕೊಠಡಿ ಮುಂತಾದ ಅತ್ಯಾಧುನಿಕ ಸೌಲಭ್ಯಗಳು ಈ ಕಟ್ಟಡದಲ್ಲಿವೆ.  

ಈ ಕಟ್ಟಡಕ್ಕೆ ಪೌರಾಣಿಕ ಸ್ಪ್ಯಾನಿಷ್ ಫ್ಯಾಂಟಮ್ ದ್ವೀಪ ಅಂಟಿಲಿಯಾ ಎಂದು ಹೆಸರಿಸಲಾಗಿದೆ. ಚಿಕಾಗೋದಲ್ಲಿರುವ US ವಾಸ್ತುಶಿಲ್ಪ ಸಂಸ್ಥೆಗಳಾದ ಪರ್ಕಿನ್ಸ್ & ವಿಲ್ ಮತ್ತು ಲಾಸ್ ಏಂಜಲೀಸ್‌ನಲ್ಲಿರುವ ಹಿರ್ಷ್ ಬೆಡ್ನರ್ ಅಸೋಸಿಯೇಟ್ಸ್ ಈ ಕಟ್ಟಡವನ್ನು ವಿನ್ಯಾಸಗೊಳಿಸಿವೆ. ಈ ಮನೆಯಲ್ಲಿ 27 ಮಹಡಿಗಳು ಹೆಚ್ಚುವರಿ ಎತ್ತರದ ಛಾವಣಿಗಳನ್ನು ಹೊಂದಿವೆ. ಇದರಲ್ಲಿ 27 ಮಹಡಿಗಳಿದ್ದರೂ, ಈ ಕಟ್ಟಡದ ಎತ್ತರಕ್ಕೆ ಸಮಾನವಾದ ಕಟ್ಟಡಗಳಲ್ಲಿ ಸುಮಾರು 60 ಮಹಡಿಗಳಿರುತ್ತವೆ. ಇದರಿಂದ ಪ್ರತಿ ಮಹಡಿಯನ್ನು ಎಷ್ಟು ಎತ್ತರದಲ್ಲಿ ನಿರ್ಮಿಸಲಾಗಿದೆ ಎಂದು ಅರ್ಥಮಾಡಿಕೊಳ್ಳಬಹುದು. 

ರಿಕ್ಟರ್ ಮಾಪಕದಲ್ಲಿ 8 ರಷ್ಟು ತೀವ್ರತೆಯ ಭೂಕಂಪ ಬಂದರೂ ಈ ಕಟ್ಟಡಕ್ಕೆ ಏನೂ ಆಗುವುದಿಲ್ಲ.  ಇಲ್ಲಿ 600 ಸಿಬ್ಬಂದಿ ಕೆಲಸ ಮಾಡುತ್ತಾರೆ. ಒಳಾಂಗಣ ವಿನ್ಯಾಸವು ಕಮಲ ಮತ್ತು ಸೂರ್ಯನ ಆಕಾರಗಳನ್ನು ಬಳಸುತ್ತದೆ. ಇಲ್ಲಿ ಯಾವುದೇ ಎರಡು ಮಹಡಿಗಳು ಒಂದೇ ರೀತಿ ಇರುವುದಿಲ್ಲ. ಪ್ರತಿ ಮಹಡಿಯನ್ನು ವಿಭಿನ್ನ ರೀತಿಯ ವಸ್ತುಗಳು ಮತ್ತು ಯೋಜನೆಯೊಂದಿಗೆ ನಿರ್ಮಿಸಲಾಗಿದೆ. 

400,000 ಚದರ ಅಡಿ ವಿಸ್ತೀರ್ಣ ಮತ್ತು 570 ಅಡಿ ಎತ್ತರದ ಅಂಟಿಲಿಯಾದಲ್ಲಿ ಮುಖೇಶ್ ಅಂಬಾನಿ, ಅವರ ಪತ್ನಿ ನೀತಾ, ಪುತ್ರರಾದ ಅನಂತ್, ಆಕಾಶ್, ಸೊಸೆಯಂದಿರಾದ ಶ್ಲೋಕಾ, ರಾಧಿಕಾ ಮತ್ತು ಮೊಮ್ಮಗಳು ವೇದ ಜೊತೆಯಾಗಿ ವಾಸಿಸುತ್ತಿದ್ದಾರೆ. ಈ ಬೃಹತ್ ಕಟ್ಟಡದಲ್ಲಿ ಮುಖೇಶ್ ಅಂಬಾನಿ ಕುಟುಂಬವು ಯಾವ ಮಹಡಿಯಲ್ಲಿ ವಾಸಿಸುತ್ತದೆ ಎಂದು ನಿಮಗೆ ತಿಳಿದಿದೆಯೇ? 27 ನೇ ಮಹಡಿಯನ್ನು ಅವರ ನಿವಾಸಕ್ಕಾಗಿ ಅಂಬಾನಿ ಕುಟುಂಬವು ಬಳಸುತ್ತಿದೆ. ಇದಕ್ಕೆ ಪ್ರತ್ಯೇಕ ದ್ವಾರ ಕೂಡ ಇದೆ. ಇದರ ಮೂಲಕ ಕೆಲವೇ ಜನರಿಗೆ ಮಾತ್ರ ಒಳಗೆ ಪ್ರವೇಶವಿರುತ್ತದೆ. 

ಮುಖೇಶ್ ಅಂಬಾನಿಗೆ ಅಂಟಿಲಿಯಾ ಜೊತೆಗೆ ವಿಶ್ವದಾದ್ಯಂತ ಹಲವಾರು ಐಷಾರಾಮಿ ಮನೆಗಳು ಮತ್ತು ಆಸ್ತಿಗಳಿವೆ. 
ಯುನೈಟೆಡ್ ಕಿಂಗ್‌ಡಮ್‌ನ ಲಂಡನ್‌ನಲ್ಲಿ ಸ್ಟೋಕ್ ಪಾರ್ಕ್ ಎಂಬ ಮನೆ ಇದೆ. ಇದು ಲಂಡನ್‌ನ ಸಮೀಪದಲ್ಲಿರುವ ಬಕಿಂಗ್‌ಹ್ಯಾಮ್‌ಶೈರ್‌ನಲ್ಲಿದೆ. ಇದರ ಬೆಲೆ ಸುಮಾರು 592 ಕೋಟಿ ರೂಪಾಯಿ. ಈ ಆಸ್ತಿ 300 ವರ್ಷಗಳಷ್ಟು ಹಳೆಯದು. ಇದರಲ್ಲಿ ಗಾಲ್ಫ್ ಕೋರ್ಸ್ ಮತ್ತು 49 ಮಲಗುವ ಕೋಣೆಗಳಿವೆ. ಇದು ಪ್ರಸ್ತುತ ಪ್ರಸಿದ್ಧ ಹೋಟೆಲ್ ಆಗಿ ಬಳಕೆಯಲ್ಲಿದೆ. ಅಂಬಾನಿ 2021 ರಲ್ಲಿ ಇದನ್ನು ಖರೀದಿಸಿದರು. 

ಅದೇ ರೀತಿ ಮುಂಬೈ ಸಮೀಪದಲ್ಲೇ ಮುಖೇಶ್ ಅಂಬಾನಿಗೆ ಮತ್ತೊಂದು ಮನೆ ಇದೆ. ಇದು ಮುಂಬೈ ಸಮೀಪದ ಅಲಿಬಾಗ್ ಬಳಿಯಿರುವ ಬೀಚ್ ಹೌಸ್. ಇದರ ಬೆಲೆ ಸುಮಾರು 120 ಕೋಟಿ ರೂಪಾಯಿ. ಇದು ಸಮುದ್ರ ತೀರದ ಬಳಿ ಇರುವುದರಿಂದ ಕುಟುಂಬದೊಂದಿಗೆ ವಿಹಾರಕ್ಕೆ ಬರುವ ಪ್ರಮುಖರು ಇದನ್ನು ಬಳಸುತ್ತಾರೆ. 

ಯುನೈಟೆಡ್ ಅರಬ್ ಎಮಿರೇಟ್ಸ್‌ನಲ್ಲಿರುವ ದುಬೈನಲ್ಲಿ ಅತ್ಯಂತ ದುಬಾರಿ ಮನೆಯನ್ನು ಮುಖೇಶ್ ಅಂಬಾನಿ ಇತ್ತೀಚೆಗೆ ಖರೀದಿಸಿದ್ದಾರೆ. ಇದರ ಬೆಲೆ ಸುಮಾರು 640 ಕೋಟಿ ರೂಪಾಯಿ. ಈ ಮನೆಯಲ್ಲಿ ಖಾಸಗಿ ಬೀಚ್ ಕೂಡ ಇದೆ. ಹೆಲಿಪ್ಯಾಡ್ ಮತ್ತು ಹಲವಾರು ಐಷಾರಾಮಿ ಸೌಲಭ್ಯಗಳು ಇಲ್ಲಿವೆ. ಇದು ಅಂಬಾನಿ ಕುಟುಂಬವು ಆಗ್ನೇಯ ಏಷ್ಯಾ ಪ್ರವಾಸಕ್ಕೆ ಬಂದಾಗ ಬಳಸುವ ಸ್ಥಳವಾಗಿ ಹೆಸರುವಾಸಿಯಾಗಿದೆ. 

ಇದು ಅಂಬಾನಿ ಕುಟುಂಬವು ಇತ್ತೀಚೆಗೆ ಖರೀದಿಸಿದ ವಿಲ್ಲಾ. ದುಬೈನ ಪಾಮ್ ಜುಮೇರಾ ಪ್ರದೇಶದಲ್ಲಿ ಈ ವಿಲ್ಲಾ ಇದೆ. ಇದರ ಬೆಲೆ ಸುಮಾರು 640 ಕೋಟಿ ರೂಪಾಯಿ ಎಂದು ಅಂದಾಜಿಸಲಾಗಿದೆ. ಇದು ಅತ್ಯಂತ ಪ್ರಸಿದ್ಧ ಸಮುದ್ರ ತೀರ ಪ್ರದೇಶದಲ್ಲಿದೆ.