10ನೇ ಕ್ಲಾಸ್ಗೆ ಸ್ಕೂಲ್ ಬಿಟ್ಟ ಹುಡುಗ, ಈಗ ಭಾರತದ ಅತ್ಯಂತ ಕಿರಿಯ ಬಿಲಿಯನೇರ್!
ಶಾಲೆಗೆ ಹೋಗು ಇಲ್ಲಾಂದ್ರೆ ಜೀವನದಲ್ಲಿ ಏನನ್ನೂ ಸಾಧಿಸೋಕೆ ಸಾಧ್ಯವಿಲ್ಲ ಅಂತ ಹಿರಿಯರು ಬೈಯೋದನ್ನು ನೀವು ನೋಡಿರಬಹುದು. ಆದ್ರೆ ಇಲ್ಲೊಬ್ಬ ಅರ್ಧದಲ್ಲೇ ಶಾಲೆ ಬಿಟ್ಟ ಹುಡುಗ, ಈಗ ಭಾರತದ ಅತ್ಯಂತ ಕಿರಿಯ ಬಿಲಿಯನೇರ್ ಆಗಿದ್ದಾರೆ. ಆ ಬಗ್ಗೆ ಹೆಚ್ಚಿನ ಮಾಹಿತಿ ಇಲ್ಲಿದೆ.
ನಿಖಿಲ್ ಕಾಮತ್ ಭಾರತದ ಅತ್ಯಂತ ಕಿರಿಯ ಬಿಲಿಯನೇರ್. 36ನೇ ವಯಸ್ಸಿನಲ್ಲಿ, ಅವರ ನಿವ್ವಳ ಮೌಲ್ಯವು 1.1 ಬಿಲಿಯನ್ ಡಾಲರ್ ಆಗಿದೆ. ಸಹೋದರ ಕೂಡ 2.7 ಬಿಲಿಯನ್ ಡಾಲರ್ ನಿವ್ವಳ ಮೌಲ್ಯವನ್ನು ಹೊಂದಿದ್ದಾರೆ.
ನಿಖಿಲ್ ಕಾಮತ್ ಅವರು ಬಿಲ್ ಗೇಟ್ಸ್, ಮೆಲಿಂಡಾ ಫ್ರೆಂಚ್ ಗೇಟ್ಸ್ ಮತ್ತು ವಾರೆನ್ ಬಫೆಟ್ ಅವರು 2010 ರಲ್ಲಿ ಪ್ರಾರಂಭಿಸಿದ ಕಾಂಟ್ರ್ಯಾಕ್ಟ್ಗೆ ಸಹಿ ಹಾಕಿದ್ದಾರೆ. ನಿಖಿಲ್ ತಮ್ಮ ನಿವ್ವಳ ಮೌಲ್ಯದ ಅರ್ಧದಷ್ಟು ಹಣವನ್ನು ಸಮಾಜಕ್ಕೆ ದಾನ ಮಾಡಲು ನಿರ್ಧರಿಸಿದ್ದಾರೆ. ಈ ಮೂಲಕ ತಮ್ಮ ಆಸ್ತಿಯನ್ನು ಸಮಾಜಕ್ಕೆ ಬಿಟ್ಟುಕೊಡಲು ನಿರ್ಧರಿಸಿದ 240 ಅತಿ ಶ್ರೀಮಂತ ಜನರ ಲಿಸ್ಟ್ಗೆ ಸೇರಿದ್ದಾರೆ.
ನಿಖಿಲ್ ಕಾಮತ್ ಅವರಿಗೆ ಮದುವೆಯಾಗಿಲ್ಲ ಮತ್ತು ಮಕ್ಕಳಿಲ್ಲ. ಕಾಮತ್ ಸಹೋದರರು 2010ರಲ್ಲಿ Zerodhaನ್ನು ಸ್ಥಾಪಿಸಿದರು. ಸ್ಟಾಕ್ ಬ್ರೋಕಿಂಗ್ ಕಂಪನಿಯು ಭಾರತದಲ್ಲಿ ಬ್ರೋಕರೇಜ್ ಮಾರುಕಟ್ಟೆಯನ್ನು ಅಡ್ಡಿಪಡಿಸಿತು. ಕಂಪನಿಯು 10 ಮಿಲಿಯನ್ ಗ್ರಾಹಕರನ್ನು ಹೊಂದಿದೆ. 2000 ಕೋಟಿಗೂ ಅಧಿಕ ಲಾಭ ದಾಖಲಿಸುತ್ತಿದೆ.
ಭಾರತದಿಂದ, ಅಜೀಂ ಪ್ರೇಮ್ಜಿ, ಕಿರಣ್ ಮಜುಂದಾರ್-ಶಾ, ರೋಹಿಣಿ ಮತ್ತು ನಂದನ್ ನಿಲೇಕಣಿ ಮೊದಲಾದವರಂತೆ ನಿಖಿಲ್ ಕಾಮತ್ ಸಮಾಜಕ್ಕೆ ಹೆಚ್ಚು ಮರಳಿ ನೀಡುತ್ತಾರೆ. ಕಾಮತ್ ಅವರು ತಮ್ಮ ನಿವ್ವಳ ಮೌಲ್ಯದ ಕನಿಷ್ಠ 50 ಪ್ರತಿಶತವನ್ನು ಹವಾಮಾನ ಬದಲಾವಣೆ, ಶಕ್ತಿ, ಶಿಕ್ಷಣ ಮತ್ತು ಆರೋಗ್ಯದಂತಹ ಕ್ಷೇತ್ರಗಳಲ್ಲಿ ದತ್ತಿ ಕಾರ್ಯಗಳಿಗೆ ದಾನ ಮಾಡುತ್ತಾರೆ.
ನಿಖಿಲ್ ಕಾಮತ್ ಅರ್ಧದಲ್ಲೇ ಶಾಲೆ ಬಿಟ್ಟ ವಿದ್ಯಾರ್ಥಿ. ಆದರೂ, ಅವರು ಯಾವಾಗಲೂ ಉದ್ಯಮಶೀಲತೆಯ ಮನೋಭಾವವನ್ನು ಹೊಂದಿದ್ದರು. 14ನೇ ವಯಸ್ಸಿನಲ್ಲಿ, ಅವರು ಹಳೆಯ ಫೋನ್ಗಳನ್ನು ಮಾರಾಟ ಮಾಡಲು ಪ್ರಾರಂಭಿಸಿದರು.
ನಿಖಿಲ್ ಕಾಮತ್, 10ನೇ ತರಗತಿಯ ನಂತರ ಶಾಲೆಯನ್ನು ತೊರೆದರು. 17ನೇ ವಯಸ್ಸಿನಲ್ಲಿ ಕಾಲ್ ಸೆಂಟರ್ ನಲ್ಲಿ 8000 ರೂ.ಗೆ ಕೆಲಸ ಗಿಟ್ಟಿಸಿಕೊಂಡರು. ಪ್ರಸ್ತುತ ಅವರ ಆಸ್ತಿ 9000 ಕೋಟಿ ರೂ. ಹೀಗಾಗಿಯೇ ನಿಖಿಲ್ ಕಾಮತ್, ಭಾರತದ ಅತ್ಯಂತ ಕಿರಿಯ ಬಿಲಿಯನೇರ್ ಎಂದು ಕರೆಸಿಕೊಳ್ಳುತ್ತಾರೆ.