70 ವರ್ಷದ ಸಂಭ್ರಮಾಚರಣೆ, ಯಮಹಾ ಆಯ್ದ ಸ್ಕೂಟರ್ ಮೇಲೆ 10,000 ರೂ ಆಫರ್
ಯಮಹಾ ಇಂಡಿಯಾ ಸುದೀರ್ಘ 70 ವರ್ಷಗಳ ಪಯಣದ ಸಂಭ್ರಮಾಚರಣೆ ನಡೆಸುತ್ತಿದೆ. ಇದರ ಪ್ರಯುಕ್ತ ಭರ್ಜರಿ ಆಫರ್ ಘೋಷಿಸಿದೆ. ಆಯ್ದ ಸ್ಕೂಟರ್ ಮೇಲೆ ಭರ್ಜರಿ 10,000 ರೂಪಾಯಿ ಬೆನಿಫಿಟ್ ಆಫರ್ ಘೋಷಿಸಿದೆ.
ಯಮಹಾ ಇಂಡಿಯಾ ಇದೀಗ ಗ್ರಾಹಕರಿಗೆ ಭರ್ಜರಿ ಆಫರ್ ಘೋಷಿಸಿದೆ. ವಿಶೇಷವಾಗಿ ಯಮಹಾ ಭಾರತದಲ್ಲಿ 70 ವರ್ಷಗಳ ಸಂಭ್ರಮಾಚರಣೆ ನಡೆಸುತ್ತಿದೆ. ಇದರ ಅಂಗವವಾಗಿ ಆಫರ್ ಘೋಷಿಸಲಾಗಿದೆ. ಸದ್ಯ ಯಮಹಾ ರೇ ZR 125 ಎಫ್ಐ ಹೈಬ್ರಿಡ್ ಹಾಗೂ ರೇ ZR 125 ಹೈಬ್ರಿಡ್ ಸ್ಟ್ರೀಟ್ ರ್ಯಾಲಿ ಸ್ಕೂಟರ್ ಮೇಲೆ ಒಟ್ಟು 10,000 ರೂಪಾಯಿ ಬೆನಿಫಿಟ್ ಆಫರ್ ಘೋಷಿಸಿದೆ. ಈ ಮೂಲಕ ಗ್ರಾಹಕರ ಹಲವು ಸೌಲಭ್ಯ ನೀಡುತ್ತಿದೆ.
ಈ ವಿಶೇಷ ಸಂದರ್ಭದ ನೆನಪಿಗಾಗಿ ಇಂಡಿಯಾ ಯಮಹಾ ಮೋಟಾರ್ ತನ್ನ ಜನಪ್ರಿಯ RayZR 125 Fi Hybrid ಮತ್ತು RayZR 125 Fi Hybrid ಸ್ಟ್ರೀಟ್ ರ್ಯಾಲಿ ಗಳಿಗೆ ₹7,000 (ಎಕ್ಸ್-ಶೋರೂಂ ಬೆಲೆಯ ಮೇಲೆ) ಬೆಲೆಯ ಬೆನಿಫಿಟ್ ನೀಡುತ್ತಿದೆ. ಈ ಸೀಮಿತ ಸಮಯದ, ಸಂಭ್ರಮಾಚರಣೆಯ ಕೊಡುಗೆ, ದಶಕಗಳಿಂದಲೂ ಗ್ರಾಹಕರು ನಿರಂತರವಾಗಿ ಇಟ್ಟಿರುವ ನಂಬಿಕೆ ಮತ್ತು ಬೆಂಬಲಕ್ಕಾಗಿ ನೀಡುತ್ತಿದೆ.ಇದರಿಂದ ಗ್ರಾಹಕರಿಗೆ ಈಗ ಅಂತಿಮ ಆನ್-ರೋಡ್ ಬೆಲೆಯಲ್ಲಿ ₹10,000 ವರೆಗೆ ಉಳಿತಾಯವಾಗಲಿದೆ. ಈ ಕೊಡುಗೆಯಲ್ಲಿ ಯಮಹಾದ ಉದ್ಯಮದಲ್ಲೆ ಮೊದಲೆನ್ನಬಹುದಾದ 10-ವರ್ಷಗಳ 'ಟೋಟಲ್ ವಾರಂಟಿ' ಸಹ ಸೇರಿದೆ.
ಈ 10-ವರ್ಷಗಳ 'ಟೋಟಲ್ ವಾರಂಟಿ' 2-ವರ್ಷಗಳ ಪ್ರಮಾಣಿತ ಖಾತರಿ ಮತ್ತು 8-ವರ್ಷಗಳ ವಿಸ್ತೃತ ಖಾತರಿಯನ್ನು ಒಳಗೊಂಡಿರುತ್ತದೆ. ಈ ವಾರಂಟಿ 1,00,000 ಕಿ.ಮೀ ವರೆಗೆ ಇಂಧನ ಇಂಜೆಕ್ಷನ್ ((Fi) ವ್ಯವಸ್ಥೆಯನ್ನು ಒಳಗೊಂಡಂತೆ ನಿರ್ಣಾಯಕ ಎಂಜಿನ್ ಮತ್ತು ವಿದ್ಯುತ್ ಘಟಕಗಳಿಗೂ ಅನ್ವಯವಾಗುತ್ತದೆ. ಜೊತೆಗೆ, ಈ ವಾರಂಟಿಯನ್ನು ಮುಂದಿನ ಮಾಲೀಕರಿಗೆ ಸಂಪೂರ್ಣವಾಗಿ ವರ್ಗಾಯಿಸಬಹುದಾಗಿದೆ. ಇದು, ಯಮಹಾ ಗೆ ತನ್ನ ಉತ್ಪನ್ನದ ಬಾಳಿಕೆಯ ಬಗ್ಗೆ ಇರುವ ವಿಶ್ವಾಸವನ್ನು ಪ್ರತಿಬಿಂಬಿಸುತ್ತದೆ ಮತ್ತು ದೀರ್ಘಕಾಲೀನ ಮಾಲೀಕತ್ವದ ಮೌಲ್ಯವನ್ನು ಹೆಚ್ಚಿಸುತ್ತದೆ.
RayZR 125 Fi Hybrid ವಿನ್ಯಾಸ, ಕಾರ್ಯಕ್ಷಮತೆ ಮತ್ತು ಪ್ರಾಯೋಗಿಕತೆ ಎರಡನ್ನೂ ಬಯಸುವ ಇಂದಿನ ನಗರ ಸವಾರರ ಅಗತ್ಯಗಳಿಗೆ ಸೂಕ್ತವಾಗಿದೆ. ಹೈಬ್ರಿಡ್ ಪವರ್ ಅಸಿಸ್ಟ್ ಇರುವ ಇದರ 125cc Fi ಬ್ಲೂ ಕೋರ್ ಎಂಜಿನ್, ಹೆಚ್ಚಿನ ವೇಗವರ್ಧನೆ ಮತ್ತು ಇಂಧನ ದಕ್ಷತೆಯನ್ನು ನೀಡುವುದರಿಂದ ನಗರ ಪ್ರಯಾಣಕ್ಕೆ ಸೂಕ್ತವಾಗಿದೆ. ಸುಗಮ, ಸದ್ದಿಲ್ಲದ ಆರಂಭಕ್ಕಾಗಿ ಸ್ಮಾರ್ಟ್ ಮೋಟಾರ್ ಜನರೇಟರ್ (SMG) ಇದ್ದು ನಿತ್ಯ ಓಡಾಡಲು ಹೆಚ್ಚು ಅನುಕೂಲಕರವಾಗಿದೆ. E20 ಇಂಧನಕ್ಕೆ ಹೊಂದಿಕೊಳ್ಳುವ ಇದು ಭವಿಷ್ಯಕ್ಕೆ ಸಿದ್ಧವಾಗಿದೆ ಮತ್ತು 21-ಲೀಟರ್ ಅಂಡರ್-ಸೀಟ್ ಸ್ಟೋರೇಜ್ ಇರುವುದರಿಂದ ದೈನಂದಿನ ಬಳಕೆಗೆ ಅತ್ಯುತ್ತಮವಾಗಿದೆ. ಉತ್ತಮ ಸವಾರಿ ಸೌಕರ್ಯಕ್ಕಾಗಿ ಮುಂಭಾಗದ ಟೆಲಿಸ್ಕೋಪಿಕ್ ಸಸ್ಪೆನ್ಷನ್, ಹೆಚ್ಚುವರಿ ಸುರಕ್ಷತೆಗಾಗಿ ಸೈಡ್ ಸ್ಟ್ಯಾಂಡ್ ಎಂಜಿನ್ ಕಟ್-ಆಫ್ ಸ್ವಿಚ್, ಟ್ರಾಫಿಕ್ನಲ್ಲಿ ಸುಧಾರಿತ ಮೈಲೇಜ್ಗಾಗಿ ಸ್ವಯಂಚಾಲಿತ ಸ್ಟಾಪ್-ಅಂಡ್-ಸ್ಟಾರ್ಟ್ ಸಿಸ್ಟಮ್ ಮತ್ತು ಪ್ರಯಾಣದಲ್ಲಿರುವಾಗ ಮಾಹಿತಿ ಮತ್ತು ಸಂಪರ್ಕಕ್ಕಾಗಿ ವೈ-ಕನೆಕ್ಟ್ ಬ್ಲೂಟೂತ್ ಸಂಪರ್ಕ ಸಹಿತವಾಗಿ ಸಂಪೂರ್ಣ ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್... ಇತ್ಯಾದಿ ವೈಶಿಷ್ಟ್ಯಗಳಿವೆ.
Ray ZR 125 Fi Hybrid ಡ್ರಂ ಸೈಯಾನ್ ಬ್ಲೂ, ಮೆಟಾಲಿಕ್ ಬ್ಲೂ, ಮೆಟಾಲಿಕ್ ಬ್ಲ್ಯಾಕ್ ಮತ್ತು ಮ್ಯಾಟ್ ರೆಡ್ ಸ್ಕೂಟರ್ ಬೆಲೆ 79,340 ರೂಪಾಯಿ. ಇನ್ನು ಡಿಸ್ಕ್ ಸೈಯಾನ್ ಬ್ಲೂ, ಮೆಟಾಲಿಕ್ ಬ್ಲ್ಯಾಕ್, ಮ್ಯಾಟ್ ರೆಡ್, ರೇಸಿಂಗ್ ಬ್ಲೂ, ಮತ್ತು ಡಾರ್ಕ್ ಮ್ಯಾಟ್ ಬ್ಲೂ ಬೆಲೆ 86,430 ರೂಪಾಯಿ. ಇದೇ ವೇಳೆ Ray ZR 125 Fi ಹೈಬ್ರಿಡ್ ಸ್ಟ್ರೀಟ್ ರ್ಯಾಲಿ ಸ್ಕೂಟರ್ ಡಿಸ್ಕ್ ಐಸ್ ಫ್ಲೂಒ ವರ್ಮಿಲಿಯನ್, ಸೈಬರ್ ಗ್ರೀನ್ ಮತ್ತು ಮ್ಯಾಟ್ ಬ್ಲ್ಯಾಕ್ ಬೆಲೆ 92,970 ರೂಪಾಯಿ. ಎಲ್ಲಾ ಬೆಲೆಗಳು ಎಕ್ಸ್ ಶೋ ರೂಂ.
ಅತ್ಯಾಕರ್ಷಕ ಉತ್ಪನ್ನಗಳು ಮತ್ತು ಗ್ರಾಹಕ-ಕೇಂದ್ರಿತ ಉಪಕ್ರಮಗಳ ಮೂಲಕ ಸವಾರರಿಗೆ ಅತ್ಯುತ್ತಮ ಮೌಲ್ಯವನ್ನು ಸೃಷ್ಟಿಸುವತ್ತ ಯಮಹಾ ಗಮನಹರಿಸಿದೆ. 1955 ರಲ್ಲಿ ಯಾವ ಮನೋಭಾವದೊಂಡಿಗೆ ಸ್ಥಾಪನೆಗೊಂಡಿತೋ ಇಂದಿಗೂ ಅದೇ ಮನೋಭಾವದೊಂದಿಗೆ ಯಮಹಾ ಕೆಲಸಮಾಡುತ್ತಿದೆ; ತನ್ನ ಗ್ರಾಹಕರ ನಂಬಿಕೆ ಮತ್ತು 70 ವರ್ಷಗಳ ಸುಪ್ರಸಿದ್ಧ ಪರಂಪರೆಯನ್ನು ಉಳಿಸಿಕೊಳ್ಳುತ್ತಲೇ ಹೊಸ ಸವಾಲುಗಳನ್ನು ಎದುರಿಸುತ್ತ ಮುಂದೋಡುತ್ತಿದೆ.