ರಾಯಲ್ ಎನ್‌ಫೀಲ್ಡ್‌ನ ಮೊದಲ ಎಲೆಕ್ಟ್ರಿಕ್ ಬೈಕ್; ಫ್ಲೈಯಿಂಗ್ ಫ್ಲೀ C6 ವಿಶೇಷತೆಗಳು

ರಾಯಲ್ ಎನ್‌ಫೀಲ್ಡ್ ತನ್ನ ಮೊದಲ ಎಲೆಕ್ಟ್ರಿಕ್ ಮೋಟಾರ್‌ಸೈಕಲ್ 'ಫ್ಲೈಯಿಂಗ್ ಫ್ಲೀ C6' (Royal Enfield Flying Flea C6) ಅನ್ನ ಇಟಲಿ ದೇಶದ ಮಿಲನ್‌ನಲ್ಲಿ ಅನಾವರಣ ಮಾಡಲಾಗಿದೆ. ಮಾರ್ಚ್ 2026ರಲ್ಲಿ ಮಾರುಕಟ್ಟೆಗೆ ಬರಲಿದೆ. ಫ್ಲೈಯಿಂಗ್ ಫ್ಲೀ ಎಂಬುದು ರಾಯಲ್ ಎನ್‌ಫೀಲ್ಡ್‌ನ ಎಲೆಕ್ಟ್ರಿಕ್ ಬೈಕ್‌ಗಳಿಗೆ ಹೊಸ ಉಪ-ಬ್ರ್ಯಾಂಡ್. S6 ಸ್ಕ್ರಾಂಬ್ಲರ್ ಕೂಡ ತಯಾರಿಯಲ್ಲಿದೆ.

ಎರಡನೇ ಮಹಾಯುದ್ಧದಲ್ಲಿ ರಾಯಲ್ ಎನ್‌ಫೀಲ್ಡ್ ತಯಾರಿಸಿದ್ದ ಮೋಟಾರ್‌ಸೈಕಲ್ ಮಾದರಿಯಲ್ಲೇ ಫ್ಲೈಯಿಂಗ್ ಫ್ಲೀ C6 ವಿನ್ಯಾಸಗೊಂಡಿದೆ. ಲೋ-ಸ್ಲಂಗ್ ಬಾಬರ್ ಸ್ಟೈಲ್‌ನಲ್ಲಿದ್ದು, ರ್ಯಾಕ್-ಔಟ್ ಮತ್ತು ಗಾರ್ಡರ್-ಸ್ಟೈಲ್ ಫೋರ್ಕ್ ಹೊಂದಿದೆ.

ಇದರಲ್ಲಿ ವೃತ್ತಾಕಾರದ TFT ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಇದೆ. ವೇಗ, ದೂರ, ಬ್ಯಾಟರಿ, ರೇಂಜ್ ಮುಂತಾದ ಮಾಹಿತಿಯನ್ನು ನೀಡುತ್ತದೆ. ಬ್ಲೂಟೂತ್ ಕನೆಕ್ಟಿವಿಟಿ ಮತ್ತು ನ್ಯಾವಿಗೇಷನ್ ಡಿಸ್‌ಪ್ಲೇ ಕೂಡ ಇರಲಿದೆ ಎನ್ನಲಾಗಿದೆ.

ಫ್ಲೈಯಿಂಗ್ ಫ್ಲೀ C6 ಅಲ್ಯೂಮಿನಿಯಂ ಫ್ರೇಮ್ ಹೊಂದಿದೆ. ಇದರೊಳಗೆ ಮೆಗ್ನೀಸಿಯಮ್ ಬ್ಯಾಟರಿ ಕವರ್ ಇದೆ. 5kWh ಗಿಂತ ದೊಡ್ಡ ಬ್ಯಾಟರಿ ಪ್ಯಾಕ್ ಇರಬಹುದು. ಒಂದು ಚಾರ್ಜ್‌ನಲ್ಲಿ 150-200 ಕಿ.ಮೀ. ರೇಂಜ್ ನೀಡಬಹುದು.

ಆದರೆ, ಈ ಫ್ಲೈಯಿಂಗ್ ಫ್ಲೀ C6 ಕಿರಿದಾದ ಟೈರ್‌ಗಳನ್ನು ಹೊಂದಿದೆ. ಇದು ನಗರ ಪ್ರದೇಶಗಳಿಗೆ ಸೂಕ್ತವಾಗಿದೆ. ರೋಲಿಂಗ್ ರೆಸಿಸ್ಟೆನ್ಸ್ ಕಡಿಮೆ ಮಾಡುವ ಮೂಲಕ ರೇಂಜ್ ಹೆಚ್ಚಿಸಲು ಸಹಾಯ ಮಾಡುತ್ತದೆ.

ಇದು ಎರಡೂ ಬದಿಗಳಲ್ಲಿ ಡಿಸ್ಕ್ ಬ್ರೇಕ್‌ಗಳನ್ನು ಹೊಂದಿದೆ. ಒಂದೇ ಸೀಟ್ ಇದೆ. ಹಿಂಬದಿಯಲ್ಲಿ ಪಿಲ್ಲಿಯನ್ ಸೀಟ್ ಆಯ್ಕೆಯಾಗಿ ಲಭ್ಯವಿರಬಹುದು ಅಥವಾ ಡಬಲ್ ಸೀಟ್ ಇರುವ ಬೇರೆ ವೇರಿಯಂಟ್ ಬರಬಹುದು.