ಹೋಂಡಾ ಗೋಲ್ಡ್ ವಿಂಗ್ ಬೆಲೆ 39 ಲಕ್ಷ ರೂಪಾಯಿ, ಈ ಬೈಕ್‌ನಲ್ಲಿ ಅಂತಾದ್ದೇನಿದೆ ?

ಹೋಂಡಾ ಮೋಟಾರ್‌ಸೈಕಲ್ & ಸ್ಕೂಟರ್ ಇಂಡಿಯಾ ಇದೀಗ ಮತ್ತೆ ತನ್ನ ಐಷಾರಾಮಿ ಗೋಲ್ಡ್ ವಿಂಗ್ ಟೂರ್ ಬೈಕ್ ಬುಕಿಂಗ್ ಆರಂಭಿಸಿದೆ. ಕಳೆದ 5 ದಶಕಗಳಿಂದ ಭಾರಿ ಸಂಚಲನ ಸೃಷ್ಟಿಸಿರುವ ಗೋಲ್ಡ್ ವಿಂಗ್, ದೂರ ಪ್ರಯಾಣಕ್ಕೆ ಹೇಳಿ ಮಾಡಿಸಿದ ಬೈಕ್. ಈ ಬೈಕ್‌ನಲ್ಲಿ ಪ್ರಯಾಣ ಕಾರಿನಷ್ಟೇ ಆರಾಮದಾಯಕ.  ಹೊಸ ಹೋಂಡಾ ಗೋಲ್ಡ್ ವಿಂಗ್ ಟೂರ್ ಜಪಾನ್‌ನಲ್ಲಿ ಸಂಪೂರ್ಣ ತಯಾರಾಗಿ(ಸಿಬಿಯು) ಭಾರತಕ್ಕೆ ಬರುತ್ತದೆ. ಬೆಂಗಳೂರು ಸೇರಿದಂತೆ ದೇಶದ ಪ್ರಮುಖ ನಗರದಲ್ಲಿ ಈ ಬೈಕ್ ಲಭ್ಯವಿದೆ.   

2023ರ ಹೋಂಡಾ ಗೋಲ್ಡ್ ವಿಂಗ್ ಟೂರ್ ಗನ್‌ಮೆಟಲ್ ಬ್ಲ್ಯಾಕ್ ಮೆಟಾಲಿಕ್ ಕಲರ್ ಶೇಡ್‌ನೊಂದಿಗೆ ಒಂದೇ ಡಿಸಿಟಿ ರೂಪಾಂತರದಲ್ಲಿ ಲಭ್ಯವಿದೆ. ಇದರ ಬೆಲೆ ರೂ. 39,20,000 (ಎಕ್ಸ್ ಶೋ ರೂಂ). ಗುರುಗ್ರಾಮ್(ಹರಿಯಾಣ), ಮುಂಬೈ(ಮಹಾರಾಷ್ಟ್ರ), ಬೆಂಗಳೂರು(ಕರ್ನಾಟಕ), ಇಂದೋರ್(ಮಧ್ಯಪ್ರದೇಶ), ಕೊಚ್ಚಿ(ಕೇರಳ), ಹೈದರಾಬಾದ್ (ತೆಲಂಗಾಣ), ಚೆನ್ನೈ(ತಮಿಳುನಾಡು) ಮತ್ತು ಕೋಲ್ಕತ್ತಾ(ಪಶ್ಚಿಮ ಬಂಗಾಳ)ದಲ್ಲಿರುವ ಹೋಂಡಾದ ವಿಶೇಷ ಬಿಗ್‌ವಿಂಗ್ ಟಾಪ್‌ಲೈನ್ ಡೀಲರ್‌ಶಿಪ್‌ಗಳಲ್ಲಿ ಗ್ರಾಹಕರು ಈ ಮಹತ್ವಾಕಾಂಕ್ಷಿ ಐಷಾರಾಮಿ ಟೂರಿಂಗ್ ವಾಹನವನ್ನು ಬುಕ್ ಮಾಡಬಹುದು.)

ಹೋಂಡಾದ ಹೆಸರಾಂತ ಗೋಲ್ಡ್ ವಿಂಗ್ ಟೂರ್ ವೈಶಿಷ್ಟಪೂರ್ಣವಾದ  ಸಿಲೂಯೆಟ್‌(ಕಪ್ಪು ಆಕಾರ ಮತ್ತು ಬಾಹ್ಯರೇಖೆ)ನೊಂದಿಗೆ ಸುಧಾರಿತ ತಂತ್ರಜ್ಞಾನ ಅಳವಡಿಸಿದ ವಿನೂತನ ಶೈಲಿ ಹೊಂದಿದೆ. ಇದು ಹಿಂದೆಂದೂ ನಂಬಲಾಗದ ಮಟ್ಟದ ಎಂಜಿನಿಯರಿಂಗ್ ಮತ್ತು ಎಲೆಕ್ಟ್ರಾನಿಕ್ಸ್‌ನಿಂದ ಸಜ್ಜುಗೊಂಡಿದೆ. ಇದರ ಶಕ್ತಿಯುತ ಮುಂಭಾಗದ ಸಿಗ್ನೇಚರ್, ಸೂಕ್ಷ್ಮವಾದ ಏರೋಡೈನಾಮಿಕ್ ವಿವರಗಳು ಮತ್ತು ಟ್ರೇಡ್‌ಮಾರ್ಕ್ ಫೇರಿಂಗ್ ಅದರ ಸೌಂದರ್ಯದ ಉತ್ಕೃಷ್ಟತೆಯ ಸುಳಿವಾಗಿದೆ.  ಹೀಗಾಗಿ ಇದು ಸದೃಢ ರಸ್ತೆ ಉಪಸ್ಥಿತಿಯನ್ನು ನೀಡುತ್ತದೆ. ಪ್ರತಿ ಮೈಲಿನ ನಂತರ ಮೈಲಿಗೆ ಸವಾರಿ ಆನಂದಿಸಲು ಬಯಸುವ ಸವಾರರಿಗೆ ಪ್ರತಿ ಕ್ಷಣವೂ ರೋಮಾಂಚನ ತರುತ್ತದೆ, ಸವಾರಿ ಶೈಲಿಯ ಅಕ್ಷರಶಃ ವ್ಯಾಖ್ಯಾನ ನೀಡುತ್ತದೆ.  ಪ್ರವಾಸಿ ಸವಾರಿ ಬಯಸುವ ವರ್ಗಕ್ಕಾಗಿ ಗೋಲ್ಡ್ ವಿಂಗ್ ಟೂರ್‌ ಅನ್ನು ಅಕ್ಷರಶಃ ರೂಪಿಸಲಾಗಿದೆ.

ಇದು ಸಂಪೂರ್ಣ ಎಲ್ಇಡಿ ಲೈಟಿಂಗ್ ಸಿಸ್ಟಮ್ ಒಳಗೊಂಡಿದೆ. 7 ಇಂಚಿನ ಫುಲ್ ಕಲರ್ ಟಿಎಫ್ ಟಿ ಡಿಸ್|ಪ್ಲೇ ಜತೆಗೆ ವೈಶಿಷ್ಟ್ಯ-ಸಮೃದ್ಧ ಕಾಕ್‌ಪಿಟ್ - ಇದು ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್‌ಪ್ಲೇ ಬೆಂಬಲಿಸುತ್ತದೆ ಮತ್ತು ರೈಡಿಂಗ್, ನ್ಯಾವಿಗೇಷನ್ ಮತ್ತು ಆಡಿಯೊ ಮಾಹಿತಿ ಒದಗಿಸುತ್ತದೆ. ಅತ್ಯುತ್ತಮ ಗಾಳಿ ರಕ್ಷಣೆಗಾಗಿ ವಿಸ್ತೃತ ವಿದ್ಯುತ್ ಪರದೆಯಿದೆ, ಎರಡು ಯುಎಸ್ ಬಿ ಟೈಪ್-ಸಿ ಸಾಕೆಟ್‌ಗಳೊಂದಿಗೆ ಬ್ಲೂಟೂತ್ ಕನೆಕ್ಟಿವಿಟಿ, ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಮ್ (ಟಿಪಿಎಂಎಸ್), ಏರ್‌ಬ್ಯಾಗ್ ಮತ್ತು ಇತರೆ ಸಲಕರಣೆಗಳನ್ನು ಅಳವಡಿಸಲಾಗಿದೆ.

ಎಂಜಿನ್ ಮತ್ತು ಕಾರ್ಯಕ್ಷಮತೆ:
ಹೋಂಡಾ ಗೋಲ್ಡ್ ವಿಂಗ್ ಟೂರ್‌ನ ಹೃದಯ ಭಾಗದಲ್ಲಿ ಬೃಹತ್ 1833ಸಿಸಿ,  ಲಿಕ್ವಿಡ್-ಕೂಲ್ಡ್, 4 ಸ್ಟ್ರೋಕ್, 24 ವಾಲ್ವ್, ಫ್ಲಾಟ್ 6-ಸಿಲಿಂಡರ್ ಎಂಜಿನ್ ಇದ್ದು, ಅದು 93 ಕಿಲೋವ್ಯಾಟ್ ಪವರ್ ಮತ್ತು 170 ಎನ್ಎಂ ಪೀಕ್ ಟಾರ್ಕ್ ಅನ್ನು ಹೊರಹಾಕುತ್ತದೆ. ಎಂಜಿನ್ ಅನ್ನು 7-ಸ್ಪೀಡ್ ಡ್ಯುಯಲ್ ಕ್ಲಚ್ ಟ್ರಾನ್ಸ್‌ಮಿಷನ್ (ಡಿಸಿಟಿ)ನೊಂದಿಗೆ ಜೋಡಿಸಲಾಗಿದೆ. ಇದು ಅನುಕೂಲಕರ ಕಡಿಮೆ ವೇಗದ ಸವಾರಿಗಾಗಿ ಅನುಕೂಲಕರ ಕ್ರೀಪ್ ಫಾರ್ವರ್ಡ್ ಮತ್ತು ಬ್ಯಾಕ್ ಕಾರ್ಯವನ್ನು ಸಹ ಹೊಂದಿದೆ.

ಇವುಗಳು ಸ್ಮರಣೀಯ ಮೋಟಾರ್‌ಸೈಕಲ್ ಪ್ರವಾಸಕ್ಕಾಗಿ ಮಾಡುವ ಪ್ರಮುಖ ಅಂಶಗಳಾಗಿವೆ. ಗೋಲ್ಡ್ ವಿಂಗ್ ಟೂರ್ ಇವೆಲ್ಲವನ್ನೂ ತನ್ನೊಡಲಲ್ಲಿ ಹೊಂದಿದೆ. ತಡೆರಹಿತ ಕಾರ್ಯಕ್ಷಮತೆಗಾಗಿ ನವೀನ ಎಲೆಕ್ಟ್ರಾನಿಕ್ಸ್‌ನೊಂದಿಗೆ ಸುಸಜ್ಜಿತವಾಗಿದೆ. ಇದು 4 ರೈಡಿಂಗ್ ಮೋಡ್‌ಗಳೊಂದಿಗೆ(ಟೂರ್, ಸ್ಪೋರ್ಟ್, ಇಕಾನ್ ಮತ್ತು ರೈನ್) ಥ್ರೊಟಲ್-ಬೈ-ವೈರ್ (ಟಿಬಿಡಬ್ಲ್ಯು) ವ್ಯವಸ್ಥೆಯನ್ನು ಹೊಂದಿದೆ. ಇದು ನಿಜವಾಗಿಯೂ ಸವಾರಿ ಅನುಭವವನ್ನು ಹೊಂದಿಸಲು ಮತ್ತು ಹೆಚ್ಚಿಸಲು ಸಹಾಯ ಮಾಡುತ್ತದೆ.

ಎಲ್ಲರ ಮನೆ ಮಾತಾಗಿರುವ ಹೋಂಡಾದ ಪ್ರಸಿದ್ಧ ಗೋಲ್ಡ್ ವಿಂಗ್ ಟೂರ್ ಆಧುನಿಕ ಪ್ರವಾಸ ವಿಭಾಗದಲ್ಲಿ ಐಷಾರಾಮಿ, ಸೌಕರ್ಯ, ಕಾರ್ಯಕ್ಷಮತೆ ಮತ್ತು ಸುರಕ್ಷತೆ ವಿಷಯದಲ್ಲಿ ಹೊಸ ಮಾನದಂಡಗಳನ್ನು ಹೊಂದಿಸುವುದನ್ನು ಮುಂದುವರೆಸಿದೆ ಎಂದು ಹೇಳಿದರು. ಹೊಸ ಗೋಲ್ಡ್ ವಿಂಗ್ ಟೂರ್‌ಗಾಗಿ ಬುಕಿಂಗ್‌ಗಳು ಈಗ ತೆರೆದಿವೆ. ಈ ಮಹತ್ವಾಕಾಂಕ್ಷಿಯ ಐಷಾರಾಮಿ ಪ್ರವಾಸಿ ವಾಹನವು ಗ್ರಾಹಕರ ವಿತರಣೆಗಾಗಿ 2023 ಅಕ್ಟೋಬರ್ ನಿಂದ ಭಾರತದಲ್ಲಿ ಲಭ್ಯವಾಗಲಿದೆ ಎಂದು ಘೋಷಿಸಲು ನಾವು ಸಂತೋಷಪಡುತ್ತೇವೆ ಎಂದು ಹೋಂಡಾ ಮೋಟಾರ್‌ಸೈಕಲ್ ನಿರ್ದೇಶಕ ಯೋಗೇಶ್ ಮಾಥುರ್ ಹೇಳಿದ್ದಾರೆ.
 

ಭಾರತದಲ್ಲಿ ಹೊಸ ಗೋಲ್ಡ್ ವಿಂಗ್ ಟೂರ್ ಅವನಾವರಣಗೊಳಿಸಲು ನಾವು ಸಂತೋಷಪಡುತ್ತೇವೆ. ಅನೇಕ ವರ್ಷಗಳಲ್ಲಿ ಹೋಂಡಾ ಗೋಲ್ಡ್ ವಿಂಗ್ ದ್ವಿಚಕ್ರ ವಾಹನವು ತನ್ನ ಅತ್ಯುನ್ನತ ತಂತ್ರಜ್ಞಾನದ ವೈಶಿಷ್ಟ್ಯಗಳು ಮತ್ತು ಅತ್ಯಂತ-ಆರಾಮದಾಯಕ ಸವಾರಿ ಅನುಭವದೊಂದಿಗೆ ಐಷಾರಾಮಿ ಪ್ರವಾಸದ ಪರಿಕಲ್ಪನೆಯನ್ನು ಮರುವ್ಯಾಖ್ಯಾನಿಸಿದೆ. ಹೊಸ ಗೋಲ್ಡ್ ವಿಂಗ್ ಟೂರ್ ಪ್ರಯಾಣವು  ಉತ್ಸಾಹಿಗಳನ್ನು ಕೆರಳಿಸುತ್ತದೆ. ಸವಾರರ ಪ್ರವಾಸದ ಅನುಭವ ಮಟ್ಟವನ್ನು ಹಲವು ಪಟ್ಟು ಹೆಚ್ಚಿಸುತ್ತದೆ ಎಂಬುದು ಎಚ್ಎಂಎಸ್ಐ ಕಂಪನಿಗೆ ಖಚಿತವಾಗಿದೆ ಎಂದು   ಹೋಂಡಾ ಮೋಟಾರ್‌ಸೈಕಲ್  ವ್ಯವಸ್ಥಾಪಕ ನಿರ್ದೇಶಕ ಟ್ಸುಟ್ಸುಮು ಒಟಾನಿ ಹೇಳಿದ್ದಾರೆ