ವೆಂಟಿಲೇಟೆಡ್ ಸೀಟ್ ಹೊಂದಿರುವ ದೇಶದ ಅತಿಕಡಿಮೆ ಬೆಲೆಯ ಕಾರುಗಳು!

ಆರಾಮದ ವಿಷಯದಲ್ಲಿ, ವೆಂಟಿಲೇಟೆಡ್ ಸೀಟುಗಳು ಗೇಮ್ ಚೇಂಜರ್, ವಿಶೇಷವಾಗಿ ಭಾರತದ ಬಿಸಿ ವಾತಾವರಣದಲ್ಲಿ. ಈ ಹಿಂದೆ ಐಷಾರಾಮಿ ಮತ್ತು ಪ್ರೀಮಿಯಂ ಕಾರುಗಳಲ್ಲಿ ಮಾತ್ರ ಕಂಡುಬರುತ್ತಿದ್ದ ಈ ವೈಶಿಷ್ಟ್ಯವು ಈಗ ಮಾಸ್ ಮಾರ್ಕೆಟ್ ಕಾರುಗಳಿಗೂ ಲಭ್ಯವಾಗುತ್ತಿದೆ. ಸ್ಟೈಲಿಶ್ ವಿನ್ಯಾಸ, ಪ್ರಾಯೋಗಿಕ ವೈಶಿಷ್ಟ್ಯಗಳು ಮತ್ತು ವೆಂಟಿಲೇಟೆಡ್ ಸೀಟುಗಳನ್ನು ಹೊಂದಿರುವ ಭಾರತದಲ್ಲಿ ಲಭ್ಯವಿರುವ ಕೆಲವು ಕೈಗೆಟುಕುವ ಕಾರುಗಳ ಬಗ್ಗೆ ತಿಳಿದುಕೊಳ್ಳೋಣ.

ಮಾರುತಿ ಸುಜುಕಿ XL6

ಮಾರುತಿ ಸುಜುಕಿ XL6 ಭಾರತದಲ್ಲಿ 11.61 ಲಕ್ಷದಿಂದ 14.77 ಲಕ್ಷ ರೂ.ಗಳ ಎಕ್ಸ್-ಶೋ ರೂಂ ಬೆಲೆಯಲ್ಲಿ ಲಭ್ಯವಿದೆ. ಇದು ಪ್ರಾಯೋಗಿಕತೆಗೆ ಹೆಸರುವಾಸಿಯಾದ ಜನಪ್ರಿಯ MPV. ವೆಂಟಿಲೇಟೆಡ್ ಸೀಟುಗಳನ್ನು ಒಳಗೊಂಡಂತೆ ಹಲವು ಗಮನಾರ್ಹ ವೈಶಿಷ್ಟ್ಯಗಳನ್ನು ಹೊಂದಿದೆ. ಮೈಲ್ಡ್-ಹೈಬ್ರಿಡ್ ತಂತ್ರಜ್ಞಾನದೊಂದಿಗೆ 1.5 ಲೀಟರ್ ಪೆಟ್ರೋಲ್ ಎಂಜಿನ್ ಇದಕ್ಕೆ ಶಕ್ತಿ ನೀಡುತ್ತದೆ. 

ಸ್ಕೋಡಾ ಸ್ಲಾವಿಯಾ

11.53 ಲಕ್ಷದಿಂದ 19.13 ಲಕ್ಷ ರೂ.ಗಳ ಎಕ್ಸ್-ಶೋ ರೂಂ ಬೆಲೆಯಲ್ಲಿ ಸ್ಕೋಡಾ ಸ್ಲಾವಿಯಾ ಭಾರತದಲ್ಲಿ ಲಭ್ಯವಿದೆ. ಸ್ಕೋಡಾ ಸ್ಲಾವಿಯಾ ಕ್ರಮೇಣ ವಾಹನ ಲೋಕದಲ್ಲಿ ಜನಪ್ರಿಯವಾಗುತ್ತಿದೆ ಮತ್ತು ಸುರಕ್ಷತೆಗೆ ಹೆಸರುವಾಸಿಯಾಗಿದೆ. ವೆಂಟಿಲೇಟೆಡ್ ಸೀಟುಗಳನ್ನು ಒಳಗೊಂಡಂತೆ ಹಲವು ಆಧುನಿಕ ವೈಶಿಷ್ಟ್ಯಗಳಿಂದ ತುಂಬಿದೆ. 1-ಲೀಟರ್ ಟರ್ಬೊ-ಪೆಟ್ರೋಲ್ ಎಂಜಿನ್, 1.5 ಲೀಟರ್ ಟರ್ಬೊ-ಪೆಟ್ರೋಲ್ ಎಂಜಿನ್ - ಹೀಗೆ ಎರಡು ಎಂಜಿನ್ ಆಯ್ಕೆಗಳಲ್ಲಿ ಇದು ಲಭ್ಯವಿದೆ. 

ಟಾಟಾ ನೆಕ್ಸಾನ್

ವೆಂಟಿಲೇಟೆಡ್ ಸೀಟುಗಳನ್ನು ಹೊಂದಿರುವ, ಹೆಚ್ಚಿನ ಸೌಕರ್ಯ ಮತ್ತು ಅನುಕೂಲಗಳನ್ನು ಹೊಂದಿರುವ ಭಾರತದ ಮತ್ತೊಂದು ಸಣ್ಣ SUV ನೆಕ್ಸಾನ್. SUVಯ ಟಾಪ್-ಟೈರ್ ಫಿಯರ್‌ಲೆಸ್ ಪ್ಲಸ್ ಮಾದರಿಯ ಮುಂಭಾಗದ ಸೀಟುಗಳಲ್ಲಿ ಹವಾನಿಯಂತ್ರಣವಿದೆ. 13.60 ಲಕ್ಷ ರೂ. ಎಕ್ಸ್-ಶೋ ರೂಂ ಬೆಲೆ. ಹಲವು ಉನ್ನತ ಮಟ್ಟದ ಮತ್ತು ಅತ್ಯಾಧುನಿಕ ತಂತ್ರಜ್ಞಾನದ ವೈಶಿಷ್ಟ್ಯಗಳನ್ನು ನೆಕ್ಸಾನ್‌ನಲ್ಲಿ ಸೇರಿಸಲಾಗಿದೆ.

ಕಿಯಾ ಸೋನೆಟ್

ಭಾರತದಲ್ಲಿ ಹೆಚ್ಚು ಮಾರಾಟವಾಗುವ ಸಬ್-ಕಾಂಪ್ಯಾಕ್ಟ್ SUVಗಳಲ್ಲಿ ಕಿಯಾ ಸೋನೆಟ್ ಒಂದು. ದಕ್ಷಿಣ ಕೊರಿಯಾದ ವಾಹನ ತಯಾರಕರ ಪ್ರಮುಖ ಆದಾಯ ಮೂಲವಾಗಿದೆ ಈ ಕಾರು. ಕಿಯಾ ಸೋನೆಟ್ ನೀಡುವ ಹಲವು ಅತ್ಯಾಧುನಿಕ ತಂತ್ರಜ್ಞಾನದ ವೈಶಿಷ್ಟ್ಯಗಳಲ್ಲಿ ವೆಂಟಿಲೇಟೆಡ್ ಸೀಟುಗಳು ಒಂದು. SUVಯ ಉನ್ನತ HTX ರೂಪಾಂತರದಲ್ಲಿ ವೆಂಟಿಲೇಟೆಡ್ ಮುಂಭಾಗದ ಸೀಟುಗಳಿವೆ.

ಹ್ಯುಂಡೈ ವೆರ್ನಾ

11 ಲಕ್ಷದಿಂದ 17.42 ಲಕ್ಷ ರೂ.ಗಳ ಎಕ್ಸ್-ಶೋ ರೂಂ ಬೆಲೆಯಲ್ಲಿ ಹ್ಯುಂಡೈ ವೆರ್ನಾ ಭಾರತದಲ್ಲಿ ಲಭ್ಯವಿದೆ. ವೆಂಟಿಲೇಟೆಡ್ ಸೀಟುಗಳನ್ನು ಒಳಗೊಂಡಂತೆ ಹಲವು ವೈಶಿಷ್ಟ್ಯಗಳಿಂದ ತುಂಬಿರುವ ಭಾರತದ ಜನಪ್ರಿಯ ಸೆಡಾನ್ ಹ್ಯುಂಡೈ ವೆರ್ನಾ. 1.5 ಲೀಟರ್ ಟರ್ಬೋಚಾರ್ಜ್ಡ್ ಎಂಜಿನ್, 1.5 ಲೀಟರ್ ನ್ಯಾಚುರಲಿ ಆಸ್ಪಿರೇಟೆಡ್ ಎಂಜಿನ್ - ಹೀಗೆ ಎರಡು ಎಂಜಿನ್‌ಗಳನ್ನು ಇದರಲ್ಲಿ ಅಳವಡಿಸಲಾಗಿದೆ. 

ಟಾಟಾ ಪಂಚ್ EV

ಟಾಟಾ ಪಂಚ್ EV ಬಹಳ ಜನಪ್ರಿಯ ಮಾದರಿ. ಟಾಟಾ ಮೋಟಾರ್ಸ್‌ನ ಉತ್ಪನ್ನ ಪಟ್ಟಿಯಲ್ಲಿ, ಈ ಎಲೆಕ್ಟ್ರಿಕ್ SUV ನೆಕ್ಸಾನ್ EVಯ ನಂತರ ಸ್ಥಾನ ಪಡೆದುಕೊಂಡಿದೆ ಮತ್ತು ಬೇಗನೆ ಜನಪ್ರಿಯತೆ ಗಳಿಸಿದೆ. 12.69 ಲಕ್ಷ ರೂ. ಎಕ್ಸ್-ಶೋ ರೂಂ ಬೆಲೆಯ ಎಂಪವರ್ಡ್ ಪ್ಲಸ್ ಮಾದರಿಯಲ್ಲಿ, ಟಾಟಾ ಪಂಚ್ EVಗೆ ವೆಂಟಿಲೇಟೆಡ್ ಮುಂಭಾಗದ ಸೀಟುಗಳು ಲಭ್ಯವಿದೆ.

MG ವಿಂಡ್ಸರ್ EV

ಭಾರತೀಯ ಪ್ರಯಾಣಿಕ ಕಾರು ಮಾರುಕಟ್ಟೆಗೆ ಬಂದಿರುವ ಹೊಸ ಮಾದರಿಗಳಲ್ಲಿ MG ವಿಂಡ್ಸರ್ EV ಒಂದು. ಈ ಎಲೆಕ್ಟ್ರಿಕ್ ವಾಹನವು ಹಲವು ವೈಶಿಷ್ಟ್ಯಗಳನ್ನು ಹೊಂದಿದೆ. ವಿಂಡ್ಸರ್ EVಯ ಟಾಪ್-ಎಂಡ್ ಎಸೆನ್ಸ್ ರೂಪಾಂತರದಲ್ಲಿ ಸೇರಿಸಲಾಗಿರುವ ವೆಂಟಿಲೇಟೆಡ್ ಸೀಟುಗಳು ಇದರ ಪ್ರಮುಖ ವೈಶಿಷ್ಟ್ಯಗಳಲ್ಲಿ ಒಂದು. ಬ್ಯಾಟರಿ ಚಂದಾದಾರಿಕೆ ಯೋಜನೆಯೊಂದಿಗೆ, ಈ MG ಎಲೆಕ್ಟ್ರಿಕ್ ಕಾರಿನ ರೂಪಾಂತರಕ್ಕೆ 12 ಲಕ್ಷ ರೂ. ವೆಚ್ಚವಾಗುತ್ತದೆ, ಜೊತೆಗೆ ಬ್ಯಾಟರಿ ಗುತ್ತಿಗೆಗೆ ಬಳಕೆದಾರರು ಕಿಲೋಮೀಟರಿಗೆ 3.5 ರೂ. ಪಾವತಿಸಬೇಕಾಗುತ್ತದೆ.

ಇದನ್ನೂ ಓದಿ: ಪುರುಷ ಟೇಲರ್‌ಗಳು ಹೆಣ್ಣುಮಕ್ಕಳ ದೇಹದ ಅಳತೆ ತೆಗೆದುಕೊಳ್ಳುವಂತಿಲ್ಲ: ಮಹಿಳಾ ಆಯೋಗ

ಟಾಟಾ ಕರ್ವ್

ಕೆಲವು ತಿಂಗಳ ಹಿಂದೆ, ಟಾಟಾ ಕರ್ವ್, ಮಾಸ್-ಮಾರ್ಕೆಟ್ ಕೂಪ್ SUVಯನ್ನು ಭಾರತದಲ್ಲಿ ಬಿಡುಗಡೆ ಮಾಡಲಾಯಿತು. ಟಾಟಾ ಕರ್ವ್ ಹಲವು ಸೌಲಭ್ಯಗಳನ್ನು ಹೊಂದಿದೆ, ಪೆಟ್ರೋಲ್, ಡೀಸೆಲ್ ಮತ್ತು ಎಲೆಕ್ಟ್ರಿಕ್ ಎಂಜಿನ್ ಆಯ್ಕೆಗಳಲ್ಲಿ ಲಭ್ಯವಿದೆ. ವೆಂಟಿಲೇಟೆಡ್ ಸೀಟುಗಳು ಅವುಗಳಲ್ಲಿ ಒಂದು. ಈ ಕೂಪ್ SUVಯ ಅಕಂಪ್ಲಿಶ್ಡ್ S ರೂಪಾಂತರದ ಬೆಲೆ 14.70 ಲಕ್ಷ ರೂ. (ಎಕ್ಸ್-ಶೋ ರೂಂ) ಮತ್ತು ವೆಂಟಿಲೇಟೆಡ್ ಮುಂಭಾಗದ ಸೀಟುಗಳನ್ನು ಹೊಂದಿದೆ.

ಇದನ್ನೂ ಓದಿ: ಹಿಂದಿ ನಾಡಲ್ಲೂ ಕನ್ನಡದ ಕಂಪು, ಕುಂಭಮೇಳದ ವೇಳೆ ಕನ್ನಡದಲ್ಲೂ ರೈಲ್ವೇಸ್‌ ಅನೌನ್ಸ್‌ಮೆಂಟ್!