ವಾಟರ್‌ಪ್ರೂಫ್ ಬಾಡಿ, 20 ದಿನಗಳ ಬ್ಯಾಟರಿ ಲೈಫ್‌ನೊಂದಿಗೆ Dizo Watch S ಭಾರತದಲ್ಲಿ ಲಾಂಚ್: ಬೆಲೆ ಎಷ್ಟು?
ನಿಮಗೆ ಸ್ಮಾರ್ಟ್ ವಾಚ್ ಖರೀದಿಸುವ ಯೋಚನೆಯಿದ್ದರೆ , ಡಿಜೊ ವಾಚ್ ಎಸ್ ಉತ್ತಮ ಆಯ್ಕೆಯಾಗಿದೆ. ಅದರ ಅಂದದ ವಿನ್ಯಾಸ ಹೊರತಾಗಿ, ಡಿಜೊ ವಾಚ್ ಎಸ್ ಹಲವು ಉತ್ತಮ ವೈಶಿಷ್ಟ್ಯಗಳನ್ನು ಹೊಂದಿದೆ.
Dizo Watch S Launched: ಡಿಜೊ ವಾಚ್ ಎಸ್ ಕಂಪನಿಯ ಇತ್ತೀಚಿನ ಸ್ಮಾರ್ಟ್‌ವಾಚಾಗಿದ್ದು ಕೈಗೆಟಕುವ ಬೆಲೆಯಲ್ಲಿ ಬಿಡುಗಡೆಯಾಗಿದೆ. ಇದು ಆಯತಾಕಾರದ ಡಯಲ್ ಒಳಗೊಂಡಿರುವ ಕಂಪನಿಯ ಮೊದಲ ಸ್ಮಾರ್ಟ್ ವಾಚ್ ಆಗಿದೆ ಅಲ್ಲದೇ ಇದು ಇತ್ತೀಚಿನ ರಿಯಲ್‌ಮಿ ವಾಚ್ 2 ಪ್ರೊ ಹೋಲುತ್ತದೆ. ವಾಚ್ ಎಸ್, ರಿಯಲ್‌ -ಟೈಮ್ ಹಾರ್ಟ್‌ ರೇಟ್ ಮತ್ತು ಸ್ಲೀಪ್ ಮಾನಿಟರಿಂಗ್ ಮತ್ತು 150 ಕ್ಕೂ ಹೆಚ್ಚು ವಾಚ್‌ಫೇಸ್‌ಗಳನ್ನು ಬೆಂಬಲಿಸುತ್ತದೆ ಎಂದು ಡಿಜೊ ಹೇಳಿಕೊಂಡಿದೆ. ಹೀಗಾಗಿ ಅದರ ಅಂದದ ವಿನ್ಯಾಸ ಹೊರತಾಗಿ, ಡಿಜೊ ವಾಚ್ ಎಸ್ ಹಲವು ಉತ್ತಮ ವೈಶಿಷ್ಟ್ಯಗಳನ್ನು ಹೊಂದಿದೆ.
ನಿಮಗೆ ಸ್ಮಾರ್ಟ್ ವಾಚ್ ಖರೀದಿಸುವ ಯೋಚನೆಯಿದ್ದರೆ , ಡಿಜೊ ವಾಚ್ ಎಸ್ ಉತ್ತಮ ಆಯ್ಕೆಯಾಗಿದೆ. ಡಯಲ್ ಸುತ್ತಲಿನ ಲೋಹದ ಫ್ರೇಮ್‌ ಸ್ಮಾರ್ಟ್‌ವಾಚ್‌ಗೆ ದೃಢತೆಯನ್ನು ನೀಡುತ್ತದೆ. ಡಿಜೊ ವಾಚ್ ಎಸ್ ಜೊತೆಗೆ ಬರುವ ಮತ್ತೊಂದು ವೈಶಿಷ್ಟ್ಯವೆಂದರೆ ಆಂಡ್ರಾಯ್ಡ್ ಮತ್ತು ಐಒಎಸ್ ಎರಡೂ ಸಾಧನಗಳಿಗೆ ಇದು ಬೆಂಬಲ ನೀಡುತ್ತದೆ. ಪ್ರವೇಶ ಮಟ್ಟದ ಸ್ಮಾರ್ಟ್ ವಾಚ್‌ಗಳಲ್ಲಿ ಈ ವೈಶಿಷ್ಟ್ಯ ಕಂಡುಬರುವುದು ಅಪರೂಪ.
ಭಾರತದಲ್ಲಿ ಡಿಜೊ ವಾಚ್ ಎಸ್ ಬೆಲೆ: ಡಿಝೋ ವಾಚ್ ಎಸ್ ರೂ 2,299 ಬೆಲೆಯಲ್ಲಿ ಬಿಡುಗಡೆಯಾಗಿದೆ. ಆದರೆ ಪರಿಚಯಾತ್ಮಕ ಕೊಡುಗೆಯಾಗಿ ರಿಯಾಯಿತಿ ದರದಲ್ಲಿ ಲಭ್ಯವಿದೆ. ಡಿಜೊ ವಾಚ್ ಎಸ್ ನ ಪರಿಚಯಾತ್ಮಕ ಬೆಲೆ ರೂ 1,999 ಆಗಿದೆ, ಇದು ಆರಂಭಿಕ ಸ್ಟಾಕ್‌ಗಳು ಇರುವವರೆಗೂ ನೀವು ಖರೀದಿಸಬಹುದು.
ಇದನ್ನೂ ಓದಿ: ಆ್ಯಪಲ್ ವಾಚ್ ಸರಣಿ 8 ಹೊಸ ಆವೃತ್ತಿಯಲ್ಲಿ ಏನೆಲ್ಲ ಫೀಚರ್ಸ್? ಲಾಂಚ್ ಯಾವಾಗ?
ಡಿಝೋ ವಾಚ್ ಎಸ್ ಮೊದಲ ಮಾರಾಟವು ಏಪ್ರಿಲ್ 26 ರಂದು ಫ್ಲಿಪ್‌ಕಾರ್ಟ್‌ನಲ್ಲಿ ನಡೆಯಲಿದೆ. ಸ್ಮಾರ್ಟ್ ವಾಚ್ ಕ್ಲಾಸಿಕ್ ಬ್ಲ್ಯಾಕ್, ಗೋಲ್ಡನ್ ಪಿಂಕ್ ಮತ್ತು ಸಿಲ್ವರ್ ಬ್ಲೂ ಬಣ್ಣಗಳಲ್ಲಿ ಬರುತ್ತದೆ, ಇದರಲ್ಲಿ ಪಟ್ಟಿಯು ಕೂಡ ಸಂಬಂಧಿತ ಬಣ್ಣವನ್ನು ಬಳಸುತ್ತದೆ.
ಡಿಜೊ ವಾಚ್ ಎಸ್ ಫೀಚರ್ಸ್: ಡಿಜೊ ವಾಚ್ ಎಸ್ ಆಯತಾಕಾರದ ಡಯಲ್‌ನೊಂದಿಗೆ 1.57 ಇಂಚು ಡಿಸ್ಪ್ಲೇ ಮತ್ತು 200x320 ಪಿಕ್ಸೆಲ್‌ಗಳ ರೆಸಲ್ಯೂಶನ್ ಹೊಂದಿದೆ. ಡಿಸ್ಪ್ಲೇ 550 ನಿಟ್‌ಗಳಷ್ಟು ಪ್ರಕಾಶಮಾನವಾಗಿರಬಹುದು ಮತ್ತು ಮೇಲ್ಭಾಗದಲ್ಲಿ ಬಾಗಿದ ಗಾಜಿನ ರಕ್ಷಣೆಯನ್ನು ಹೊಂದಿದೆ. ಡಿಜೊ ಸ್ಮಾರ್ಟವಾಚನ್ನು ಹೃದಯ ಬಡಿತ, ನಿದ್ರೆಯ ಮಾನಿಟರ್ ಮತ್ತು ರಕ್ತದ ಆಮ್ಲಜನಕದ ಮಟ್ಟ (ಎಸ್‌ಪಿಒ 2) ಮಾನಿಟರ್‌ನೊಂದಿಗೆ ಸಜ್ಜುಗೊಳಿಸಿದೆ. ಋತುಚಕ್ರದ ಟ್ರ್ಯಾಕರ್ ಕೂಡ ಇದೆ.
ಈ ಎಲ್ಲಾ ಸೆನ್ಸರ್‌ಗಳ ಡೇಟಾವನ್ನು ಡಿಜೊ ಅಪ್ಲಿಕೇಶನ್‌ಗೆ ಲಾಗ್ ಇನ್ ಮಾಡಬಹುದು ಮತ್ತು ವೈದ್ಯಕೀಯ ಪರಿಸ್ಥಿತಿಗಳ ಮೌಲ್ಯಮಾಪನಕ್ಕೆ ಬಳಸಬಹುದು, ಆದರೆ ಇದು ಸಾಂಪ್ರದಾಯಿಕ ವೈದ್ಯಕೀಯ ಉಪಕರಣಗಳಿಗೆ ಬದಲಿಯಲ್ಲ ಎಂದು ಕಂಪನಿ ಹೇಳಿದೆ.
ಫಿಟ್‌ನೆಸ್‌ಗಾಗಿ, ಸೈಕ್ಲಿಂಗ್, ವಾಕಿಂಗ್, ಓಟ, ಎಲಿಪ್ಟಿಕಲ್, ಜಿಮ್ನಾಸ್ಟಿಕ್ಸ್, ಫುಟ್‌ಬಾಲ್, ಪರ್ವತಾರೋಹಣ ಮತ್ತು ಯೋಗದಂತಹ 110 ಕ್ಕೂ ಹೆಚ್ಚು ಕ್ರೀಡಾ ವಿಧಾನಗಳಿಗೆ ಡಿಜೊ ವಾಚ್ ಎಸ್ ಬೆಂಬಲದೊಂದಿಗೆ ಬರುತ್ತದೆ. ಆದರೆ ನೀವು ಸ್ಮಾರ್ಟ್ ವಾಚ್‌ನಲ್ಲಿ ಒಂದೇ ಬಾರಿಗೆ ಎಲ್ಲಾ ಮೋಡ್‌ಗಳನ್ನು ಆಯ್ಕೆಗಳಾಗಿ ಇರಿಸಿಕೊಳ್ಳಲು ಸಾಧ್ಯವಿಲ್ಲ
ಇದನ್ನೂ ಓದಿ: SpO2 ಟ್ರ್ಯಾಕಿಂಗ್, 10 ಸ್ಪೋರ್ಟ್ಸ್ ಮೋಡ್‌ಗಳೊಂದಿಗೆ boAt Wave Lite ಸ್ಮಾರ್ಟ್‌ವಾಚ್ ಭಾರತದಲ್ಲಿ ಲಾಂಚ್!.
ನಿಮ್ಮ ದೈನಂದಿನ ಹಂತಗಳು ಮತ್ತು ಕ್ಯಾಲೊರಿಗಳ ದಾಖಲೆಗಳನ್ನು ವಾಚ್ ಎಸ್ ನೀಡಬಹುದು ಎಂದು ಡಿಜೊ ಹೇಳಿಕೊಂಡಿದೆ. ಸ್ಮಾರ್ಟ್‌ವಾಚನ್ನು IP68 ಪ್ರಮಾಣೀಕರಣ ಮಾಡಲಾಗಿದೆ, ಹೀಗಾಗಿ ನೀರಿನ ಸ್ಪ್ಲಾಶ್‌ಗಳ ಬಗ್ಗೆ ಚಿಂತಿಸದೆ ಸ್ನಾನ ಮಾಡುವಾಗ ಅಥವಾ ಕೆಲಸ ಮಾಡುವಾಗ ಸ್ಮಾರ್ಟವಾಚನ್ನು ಬಳಸಬಹುದು.
ಸ್ಮಾರ್ಟ್ ವಾಚ್ Android ಫೋನ್ ಅಥವಾ iPhone ಜೊತೆ ಜೋಡಿಸಲು Bluetooth 5.0 ಬಳಸುತ್ತದೆ.ಡಿಜೊ ವಾಚ್ ಎಸ್‌ನಲ್ಲಿ 200mAh ಬ್ಯಾಟರಿ ಇದೆ ಮತ್ತು ಈ ಬ್ಯಾಟರಿಯು ಒಂದೇ ಚಾರ್ಜ್‌ನಲ್ಲಿ 10 ದಿನ ಹಾಗೂ ಸ್ಟ್ಯಾಂಡ್‌ಬೈ ಸಮಯವು 20 ದಿನಗಳು ಇರುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ.
