USB ಟೈಪ್-C ಚಾಲಿತ ಸಿರಿ ರಿಮೋಟ್‌ನೊಂದಿಗೆ Apple TV 4K 2022 ಲಾಂಚ್
*ಭಾರತೀಯ ಮಾರುಕಟ್ಟೆಗೆ ಐಪ್ಯಾಡ್, ಐಪ್ಯಾಡ್ ಪ್ರೋ 2022 ಕೂಡ ಬಿಡುಗಡೆ
*ಹಳೆಯ ವರ್ಷನ್‌ ಗ್ಯಾಜೆಟ್‌ಗಳಿಗೆ ಹೋಲಿಸಿದರೆ ಹೊಸ ಗ್ಯಾಜೆಟ್‌ಗಳು ಅಗ್ಗ
*ಟಿವಿ, ಗ್ಯಾಜೆಟ್‌ಗಳು ಗಮನಾರ್ಹ ತಾಂತ್ರಿಕ ಬದಲಾವಣೆಗಳನ್ನು ಗುರುತಿಸಬಹುದು
 )
Followಇತ್ತೀಚೆಗಷ್ಟೇ ಐಫೋನ್ 14 ಲಾಂಚ್ ಮಾಡಿ ಸದ್ದು ಮಾಡಿದ್ದ ಆಪಲ್ ಈಗ ಮತ್ತೆ ಹೊಸ ಗ್ಯಾಜೆಟ್‌ಗಳನ್ನು ಬಿಡುಗಡೆ ಮಾಡಿದೆ. ಹತ್ತನೇ ತಲೆಮಾರಿನ ಐಪ್ಯಾಂಡ್ (iPad) ಮತ್ತು ಐಪ್ಯಾಡ್ ಪ್ರೋ 2022 (iPad Pro 2022) ಜೊತೆಗೆ, ಆಪಲ್ ಮೂರನೇ ತಲೆಮಾರಿನ ಆಪಲ್ ಟಿವಿ 4ಕೆ (Apple TV 4K) ಟಿವಿಯನ್ನು ಭಾರತದಲ್ಲಿ ಅನಾವರಣಗೊಳಿಸಿದೆ. ವೇಗವಾದ A15 ಬಯೋನಿಕ್ CPU, HDR10 ಪ್ಲಸ್ ಪ್ಲೇಬ್ಯಾಕ್ ಮತ್ತು USB- Cನಿಂದ ಚಾಲಿತವಾಗಿರುವ ಸಿರಿ (Siri) ರಿಮೋಟ್‌ನಂತಹ ಕೆಲವು ಗಮನಾರ್ಹ ಸುಧಾರಣೆಗಳು ಕಂಡುಬಂದರೂ ಹೊಸ ಮಾದರಿಯು ಈ ಗ್ಯಾಜೆಟ್‌ಗಳು ಹಳೆಯ ಮಾದರಿಯನ್ನು ಹೆಚ್ಚಾಗಿ ಹೋಲುತ್ತದೆ. 2022ರ ಪರಿಷ್ಕರಣೆಯ ಗ್ಯಾಜೆಟ್‌ಗಳು ಅದರ ಹಿಂದಿನ್ ವರ್ಷನ್‌ಗಳಿಗಿಂತೂ ಹೆಚ್ಚು ಕೈಗೆಟುಕುವ ದರದಲ್ಲಿ ಸಿಗಲಿವೆ. ಅಂದರೆ, ಆರಂಭಿಕ 14,900 ರೂಪಾಯಿ(ಹಳೆಯ ಬೆಲೆ 18,900 ರೂ.) ದರದಲ್ಲಿ ಸಿಗಲಿವೆ. ಜತೆಗೆ ಹೆಚ್ಚುವರಿ ಸ್ಟೋರೇಜ್ ಕೂಡ ದೊರೆಯಲಿದೆ. ಬೆಲೆ ದೃಷ್ಟಿಯಿಂದ ಪರಿಷ್ಕೃತ ಗ್ಯಾಜೆಟ್‌ಗಳು ಮೌಲ್ಯಯುತವಾಗಿವೆ ಎಂದು ಹೇಳಬಹುದು.
ಆದರೂ ಕಡಿಮೆ ಬೆಲೆಗೆ ಪಡೆಯಲು ಕೆಲವು ತೊಂದರೆಗಳಿವೆ ಎಂಬುದನ್ನು ನಿರಾಕರಿಸುವಂತಿಲ್ಲ.ಇದಕ್ಕೆ ಬೆಸ್ಟ್ ಉದಾಹರಣೆ ಎಂದರೆ ಆ್ಯಪಲ್ ಟಿವಿ 4ಕೆ (Apple TV 4K) ಟಿವಿಯ Wi-Fi 6 ಮಾದರಿ. ಉತ್ತಮವಾದ ಸ್ಮಾರ್ಟ್ ಹೋಮ್ ನಿಯಂತ್ರಣಕ್ಕಾಗಿ ಇದು ಹೆಚ್ಚು ದುಬಾರಿಯಾಗಿದೆ. ಅಂದಾಜು - ಇದರ ಬೆಲೆ 16,900 ರೂಪಾಯಿ ಆಗಿರಲಿದೆ. ಹೆಚ್ಚುವರಿಯಾಗಿ ಈಥರ್ನೆಟ್ ಕನೆಕ್ಟರ್ ಮತ್ತು ಥ್ರೆಡ್ ನೆಟ್ವರ್ಕಿಂಗ್ (Tread Networking) ಸಾಮರ್ಥ್ಯವನ್ನು ಕೂಡ ಪಡೆದುಕೊಳ್ಳಬಹುದು.
ಎಡಿಟ್ ಮಾಡಿದ ವಾಟ್ಸಾಪ್ ಮೇಸೆಜ್ ಮೇಲೆ ಲೇಬಲ್!
ಹೆಚ್ಚುವರಿಯಾಗಿ, ಇದು ತಕ್ಷಣವೇ 128 GB ಸ್ಟೋರೇಜ್ ಅನ್ನು ಹೊಂದಿದೆದ (ಈ ಹಿಂದಿನ ಮಾದರಿಯಲ್ಲಿ ಸ್ಟೋರೇಜ್ ಕೇವಲ 64 GB ಇತ್ತು). ಇನ್ನುಳಿದಂತೆ ಎಲ್ಲವೂ ಒಂದೇ ತೆರನಾಗಿದೆ. ಯಾವುದೇ ಅಂಥ ವ್ಯತ್ಯಾಸಗಳಾಗಲೀ, ಬದಲಾವಣೆಗಳಾಗಲೀ ಇಲ್ಲ. ಸಿರಿ ರಿಮೋಟ್, ಹಿಂದಿನ ಪೀಳಿಗೆಯೊಂದಿಗೆ ಹೆಚ್ಚು ಹೋಲುತ್ತದೆ. ಆದರೆ ಈಗ ಚಾರ್ಜಿಂಗ್‌ಗಾಗಿ USB C ಪ್ಲಗ್ ಅನ್ನು ಹೊಂದಿದೆ. ಇದು ಗಮನಾರ್ಹ ಬದಲಾವಣೆಯಾಗಿದೆ ಎಂದು ಹೇಳಬಹುದು. ಡೆಡಿಕೆಟೆಡ್ ಆಗಿರುವ ಪವರ್ ಬಟನ್ ನೀಡಲಾಗಿದೆ. ಹಳೆ ವರ್ಷನ್‌ಗೆ ಹೋಲಿಸಿದರೆ, 5-ವೇ ಟಚ್-ಸಕ್ರಿಯಗೊಳಿಸಿದ ಕ್ಲಿಕ್‌ಪ್ಯಾಡ್ ಅನ್ನು ಹೊಸದರಲ್ಲೂ ಮುಂದುವರಿಸಲಾಗಿದೆ. ಆದರೆ ಸಿರಿ ಬಟನ್ ಬದಿಯಲ್ಲಿದೆ ಎಂಬುದನ್ನು ಗಮನಿಸಬಹುದು. ಕ್ಲಿಕ್‌ಪ್ಯಾಡ್‌ನ ಹೊರ ರಿಂಗ್ ಜಾಗ್ ನಿಯಂತ್ರಣವಾಗಿಯೂ ಕಾರ್ಯ ನಿರ್ವಹಿಸಲಿದೆ ಎಂಬುದು ವಿಶೇಷವಾಗಿದೆ.
ಭಾರತದಲ್ಲಿ Moto E22s ಬಿಡುಗಡೆ, ಕಡಿಮೆ ಬೆಲೆಗೆ ಸಖತ್ ಫೋನ್
ಹೊಸ ಟಿವಿಯಲ್ಲಿ A15 ಬಯೋನಿಕ್ ಚಿಪ್ ಅನ್ನು ಕಾಣಬಹುದು. ಇದು ಕಳೆದ ಪೀಳಿಗೆಯ A12ಗೆ ಹೋಲಿಸಿದರೆ, 50% ಉತ್ತಮ CPU ಕಾರ್ಯಕ್ಷಮತೆಯನ್ನು ಮತ್ತು 30% ರಷ್ಟು ತ್ವರಿತ ಗ್ರಾಫಿಕ್ಸ್ ಅನ್ನು ಒದಗಿಸುತ್ತದೆ ಎಂದು ಆಪಲ್ ಹೇಳಿಕೊಂಡಿದೆ. ಡಾಲ್ಬಿ ವಿಷನ್ ಜೊತೆಗೆ, ಹೊಸ Apple TV 4K HDR10 ಪ್ಲಸ್ ವಸ್ತುವನ್ನು ಪ್ಲೇ ಮಾಡಬಹುದು. ಕೆಲವು ಐಫೋನ್‌ಗಳು ಏರ್‌ಪ್ಲೇ (Air Play) ಮೂಲಕ 60 ಎಫ್‌ಪಿಎಸ್ ಡಾಲ್ಬಿ ವಿಷನ್ ವಿಷಯವನ್ನು ಸ್ಟ್ರೀಮ್ (Stream) ಮಾಡಬಹುದು. ಇದು ಡಾಲ್ಬಿ ಅಟ್ಮಾಸ್ ಅನ್ನು ಸಹ ಬೆಂಬಲಿಸುತ್ತದೆ. ಗ್ರಾಹಕರು ತನ್ನ ವೆಬ್‌ಸೈಟ್‌ನಿಂದ ಅಕ್ಟೋಬರ್ 18 ರಿಂದ ಹೊಸ Apple TV 4K ಅನ್ನು ಖರೀದಿಸಬಹುದು ಮತ್ತು ನವೆಂಬರ್ 4 ರಂದು ಡೆಲಿವರಿ ಪ್ರಾರಂಭವಾಗಲಿದೆ ಎಂದು Apple ಹೇಳಿಕೊಂಡಿದೆ. ಈಗ ಬಿಡುಗಡೆಯಾಗಿರುವ ಹೊಸ ಟಿವಿ ಮತ್ತು ಹೊಸ ತಲೆಮಾರಿನ ಐಪ್ಯಾಡ್‌ಗಳು ಗ್ರಾಹಕರನ್ನು ಸೆಳೆಯುವ ಗುಣಗಳನ್ನು ಹೊಂದಿವೆ.
