ಶೀಘ್ರವೇ ಭಾರತಕ್ಕೆ Amazfit Bip 3, Bip 3 Pro
*ವಿಶಿಷ್ಟ ಫೀಚರ್‌ಗಳನ್ನು ಹೊಂದಿರುವ ಅಮೆಜ್‌ಫಿಟ್‌ನ ಹೊಸ ವಾಚಸ್
*ಈ ಎರಡೂ ಸಾಧನಗಳು ಸಾಕಷ್ಟು ಬ್ಯಾಟರಿ ಬಾಳಿಕೆಯ ಸಾಮರ್ಥ್ಯ ಹೊಂದಿವೆ
*ಭಾರತದಲ್ಲಿ ಯಾವಾಗ ಬಿಡುಗಡೆಯಾಗಲಿವೆ ಎಂಬ ದಿನಾಂಕದ ಮಾಹಿತಿ ಇಲ್ಲ
ಧರಿಸಬಹುದಾದ ಸಾಧನಗಳಲ್ಲಿ ಸಾಕಷ್ಟು ಪ್ರಸಿದ್ಧಿಯಾಗಿರುವ ಅಮೆಜ್ ಫಿಟ್ ಈಗ ಹೊಸ ಸಾಧನಗಳನ್ನು ಲಾಂಚ್ ಮಾಡಿದೆ.Amazfit Bip 3 ಮತ್ತು Bip 3 Pro ಅನ್ನು ಅನಾವರಣ ಮಾಡಲಾಗಿದೆ. 14 ದಿನಗಳವರೆಗೆ ಬ್ಯಾಟರಿ ಬ್ಯಾಕ್‌ಅಪ್ ಸಾಮರ್ಥ್ಯದ ಈ ವಾಚ್‌ಗಳು ಶೀಘ್ರವೇ ಭಾರತದಲ್ಲೂ ಬಿಡುಗಡೆಯಾಗಲಿವೆ.Huami ಧರಿಸಬಹುದಾದ Amazfit ಎರಡೂ 1.69-ಇಂಚಿನ TFT ಪ್ರದರ್ಶಕ ಹೊಂದಿದೆ. ಸ್ಮಾರ್ಟ್ ವಾಚ್ ಬಹು ಆರೋಗ್ಯ ಮತ್ತು ಚಟುವಟಿಕೆ ಸೆನ್ಸರ್ ಹೊಂದಿದೆ ಮತ್ತು ಓಟ, ನಡಿಗೆ ಮತ್ತು ಸೈಕ್ಲಿಂಗ್‌ನಂತಹ ಸರಿಸುಮಾರು 60 ಕ್ರೀಡಾ ವಿಧಾನಗಳನ್ನು ಕಾಣಬಹುದು. ಈ ಧರಿಸಬಹುದಾದ ಸಾಧನಗಳು 280mAh ಬ್ಯಾಟರಿ ಸಾಮರ್ಥ್ಯ ಮತ್ತು 5ATM ನ ನೀರಿನ ಪ್ರತಿರೋಧದ ರೇಟಿಂಗ್ ಅನ್ನು ಹೊಂದಿವೆ. Bip 3 Pro ನಾಲ್ಕು ಉಪಗ್ರಹ ಸ್ಥಾನೀಕರಣ ವ್ಯವಸ್ಥೆಯನ್ನು (satellite positioning systems) ಹೊಂದಿದೆ. ಆದರೆ, ಈ ಫೀಚರ್ ಅನ್ನು Bip 3 ಹೊಂದಿಲ್ಲ.
Amazfit Bip 3 ಮತ್ತು Bip 3 Pro 240 x 280 ರೆಸಲ್ಯೂಶನ್ ಮತ್ತು 218PPI ನ ಪಿಕ್ಸೆಲ್ ಸಾಂದ್ರತೆಯೊಂದಿಗೆ 1.69-ಇಂಚಿನ TFT ಟಚ್‌ಸ್ಕ್ರೀನ್ ಡಯಲ್ ಅನ್ನು ಹೊಂದಿದೆ. ಸಿಲಿಕೋನ್ ಸ್ಟ್ರ್ಯಾಪ್ ಮತ್ತು ಸಾಂಪ್ರದಾಯಿಕ ಪಿನ್ ಬಕಲ್ ಅನ್ನು ಹೊಂದಿವೆ. ಡಯಲ್‌ಗಳು ಟೆಂಪರ್ಡ್ ಗ್ಲಾಸ್ ಆಗಿದ್ದು, ಆಂಟಿ ಫಿಂಗರ್‌ಪ್ರಿಂಟ್ ಕೋಟಿಂಗ್ ಹೊಂದಿದೆ ಮತ್ತು ಕೇವಲ ಒಂದು ಬಟನ್ ಅನ್ನು ಹೊಂದಿರುತ್ತದೆ.
Amazfit ಎರಡೂ ಸ್ಮಾರ್ಟ್‌ವಾಚ್‌ಗಳು ಬಳಕೆದಾರರ ಹೃದಯ ಬಡಿತ, ರಕ್ತದ ಆಮ್ಲಜನಕದ ಶುದ್ಧತ್ವ ಮಟ್ಟ, ಒತ್ತಡ ಮತ್ತು ನಿದ್ರೆಯನ್ನು ಟ್ರ್ಯಾಕ್ ಮಾಡುವ ವಿವಿಧ ಆರೋಗ್ಯ ಟ್ರ್ಯಾಕಿಂಗ್ ಸೆನ್ಸರ್‌ಗಳನ್ನು ಒಳಗೊಂಡಿವೆ. Amazfit Bip 3 60 ಕ್ರೀಡಾ ವಿಧಾನಗಳನ್ನು ಬೆಂಬಲಿಸುತ್ತದೆ, ಆದರೆ Bip 3 Pro 61 ಕ್ರೀಡಾ ವಿಧಾನಗಳನ್ನು ಮತ್ತು ತೆರೆದ ನೀರಿನ ಈಜುಗಳನ್ನು ಬೆಂಬಲಿಸುತ್ತದೆ.
Fathers Day: ನಿಮ್ ತಂದೆಗೆ ಕೊಡಬಹುದಾದ 5 ಗ್ಯಾಜೆಟ್ಸ್!
ಎರಡೂ ಧರಿಸಬಹುದಾದ ಸಾಧನಗಳು 280mAh ಬ್ಯಾಟರಿಯನ್ನು ಹೊಂದಿವೆ ಮತ್ತು ಒಂದೇ ಚಾರ್ಜ್‌ನಲ್ಲಿ 14 ದಿನಗಳವರೆಗೆ ಇರುತ್ತದೆ. Amazfit Bip 3 ಮತ್ತು Bip 3 Pro Android 7.0 ಮತ್ತು iOS 12.0 ಮತ್ತು ಅದಕ್ಕೂ ಮೇಲಿನ ಒಎಸ್‌ಗಳಲ್ಲಿ ಕಾಣಬಹುದು. Bluetooth v5 ನೊಂದಿಗೆ ಹೊಂದಿಕೊಳ್ಳುತ್ತದೆ. ಧರಿಸಬಹುದಾದ ಹಲವಾರು ಚಲನೆಯ ಸಂವೇದಕಗಳನ್ನು ಸಹ ಹೊಂದಿದೆ. ನಾಲ್ಕು ಉಪಗ್ರಹ GPS ಸಂವೇದಕವು Bip 3 Pro ಗೆ ವಿಶಿಷ್ಟವಾಗಿದೆ. Amazfit Bip 3 ಮತ್ತು Bip 3 Pro ಎರಡೂ 5ATM ನೀರಿನ ಪ್ರತಿರೋಧವನ್ನು ಹೊಂದಿವೆ.
What's App ಗ್ರೂಪ್ ಕಾಲಲ್ಲಿ ಮ್ಯೂಟ್, ಸಂದೇಶ ರವಾನೆ ಫೀಚರ್
Amazfit Bip 3 ಬೆಲೆ ಮತ್ತು ಭಾರತದಲ್ಲಿ ಲಭ್ಯತೆಯನ್ನು ಇನ್ನೂ ಜಾಗತಿಕವಾಗಿ ಘೋಷಿಸಲಾಗಿಲ್ಲ, ಆದರೆ Amazfit ನ ಇಂಡಿಯಾ ವೆಬ್‌ಸೈಟ್‌ನಲ್ಲಿ Bip 3 ಮತ್ತು Bip 3 Pro ಎರಡಕ್ಕೂ "ಶೀಘ್ರದಲ್ಲೇ ಬರಲಿದೆ" ಎಂಬ ಪುಟವು ಲೈವ್ ಆಗಿದೆ. Bip 3 ಬೆಲೆ 59.99 (ಅಂದಾಜು ರೂ. 4,700) ಡಾಲರ್ ಇದದ್ರೆ, Bip 3 Pro ಬೆಲೆ 69.99 (ಸುಮಾರು ರೂ. 5,500) ಡಾಲರ್ ಇರಲಿದೆ. Bip 3 ಕಪ್ಪು, ನೀಲಿ ಮತ್ತು ಗುಲಾಬಿ ಬಣ್ಣಗಳಲ್ಲಿ ಲಭ್ಯವಿದ್ದರೆ, Bip 3 Pro ಕಪ್ಪು, ಕ್ರೀಮ್ ಮತ್ತು ಗುಲಾಬಿ ಬಣ್ಣಗಳಲ್ಲಿ ಲಭ್ಯವಿರುತ್ತದೆ. Amazfit Bip 3 ಅನ್ನು ಅಮೆಜಾನ್ ಇಂಡಿಯಾದಲ್ಲಿ ಪಟ್ಟಿ ಮಾಡಲಾಗಿದೆ, ಇದು ಶೀಘ್ರದಲ್ಲೇ ಲಭ್ಯವಾಗಲಿದೆ ಎಂದು ಸೂಚಿಸುತ್ತದೆ.
