Personality Test: ಕೈ ಬೆರಳ ಉದ್ದವು ನಿಮ್ಮ ಬಗೆಗೆ ಈ ಗುಟ್ಟುಗಳನ್ನು ಬಿಟ್ಟುಕೊಡುತ್ತದೆ!
ನಿಮ್ಮ ತೋರುಬೆರಳು ಮತ್ತು ಉಂಗುರದ ಬೆರಳಿನ ಉದ್ದವು ನಿಮ್ಮ ವ್ಯಕ್ತಿತ್ವದ ಬಗ್ಗೆ ಬಹಳಷ್ಟನ್ನು ಬಹಿರಂಗಪಡಿಸುತ್ತದೆ.. ಈ ಬಗ್ಗೆ ಸೈಕಾಲಜಿ ಅಧ್ಯಯನಗಳು ಏನು ಹೇಳುತ್ತವೆ ನೋಡೋಣ.
Followವ್ಯಕ್ತಿಯ ವ್ಯಕ್ತಿತ್ವವನ್ನು ಅಧ್ಯಯನ ಮಾಡಲು ಬೆರಳುಗಳ ಉದ್ದವು ಉತ್ತಮ ಲಕ್ಷಣವಾಗಿದೆ. ಹೆಬ್ಬೆರಳು, ತೋರುಬೆರಳು, ಮಧ್ಯದ ಬೆರಳು, ಉಂಗುರ ಬೆರಳು ಮತ್ತು ಕಿರುಬೆರಳಿನಿಂದ ಪ್ರಾರಂಭವಾಗುವ ನಮ್ಮ ಕೈಯ ಅಂಗರಚನಾ ಶಾಸ್ತ್ರವನ್ನು ಅರ್ಥ ಮಾಡಿಕೊಂಡರೆ ಅವು ವ್ಯಕ್ತಿಯ ವ್ಯಕ್ತಿತ್ವದ ಬಗ್ಗೆ ಸಾಕಷ್ಟನ್ನು ಬಹಿರಂಗಪಡಿಸುತ್ತವೆ. ಜೈವಿಕವಾಗಿ ಹೇಳುವುದಾದರೆ, ಹೆಚ್ಚಿನ ಮಟ್ಟದ ಟೆಸ್ಟೋಸ್ಟೆರಾನ್ ಸಣ್ಣ ತೋರು ಬೆರಳಿಗೆ ಸಂಬಂಧಿಸಿದೆ. ಇದರರ್ಥ, ಗರ್ಭದಲ್ಲಿರುವ ಭ್ರೂಣವಾಗಿ ನೀವು ಹೆಚ್ಚಿನ ಪ್ರಮಾಣದ ಟೆಸ್ಟೋಸ್ಟೆರಾನ್‌ಗೆ ಒಡ್ಡಿಕೊಂಡಿದ್ದೀರಿ. ನಿಮ್ಮ ಬೆರಳಿನ ಉದ್ದವು ನಿಮ್ಮ ವ್ಯಕ್ತಿತ್ವದ ಬಗ್ಗೆ ಕೆಲವು ಆಶ್ಚರ್ಯಕರ ವಿಷಯಗಳನ್ನು ಬಹಿರಂಗಪಡಿಸುತ್ತದೆ ಎಂದು ಸೈಕಾಲಜಿಯ ಅಧ್ಯಯನಗಳು ತೋರಿಸಿವೆ. ನಿಮ್ಮ ತೋರುಬೆರಳು ಮತ್ತು ಉಂಗುರದ ಬೆರಳಿನ ಉದ್ದವು ನಿಮ್ಮ ವ್ಯಕ್ತಿತ್ವದ ಬಗ್ಗೆ ಏನನ್ನು ಹೇಳುತ್ತದೆ ನೋಡೋಣ.
ಫಿಂಗರ್ ಲೆಂಗ್ತ್ ಪರ್ಸನಾಲಿಟಿ ಟೆಸ್ಟ್
1. ತೋರುಬೆರಳು ಉಂಗುರದ ಬೆರಳಿಗಿಂತ ಉದ್ದವಿದ್ದರೆ..
ಸಾಮಾನ್ಯವಾಗಿ ತೋರುಬೆರಳು ಉಂಗುರದ ಬೆರಳಿಗಿಂತ ಉದ್ದವಾಗಿರುತ್ತದೆ. ನಿಮಗೂ ಹಾಗೆಯೇ ಇದ್ದರೆ ನೀವು ಆತ್ಮವಿಶ್ವಾಸದ ವ್ಯಕ್ತಿಯಾಗಿದ್ದೀರಿ. ದಾರಿಯನ್ನು ಮುನ್ನಡೆಸುವಲ್ಲಿ ಮಿಂಚುತ್ತೀರಿ. ಹೀಗೆ ಬೆರಳುಗಳ ರಚನೆ ಹೊಂದಿರುವವರು ಸಲಹೆ ನೀಡುವಲ್ಲಿ ಸಾಕಷ್ಟು ಉತ್ತಮರು ಎಂದು ಕಂಡುಬಂದಿದೆ. ನೀವು ಸಮಚಿತ್ತದಿಂದ ಕೂಡಿರುವಿರಿ. ನೀವು ಹುಚ್ಚಾಟಿಕೆ ಮೇಲೆ ಯಾವುದೇ ನಿರ್ಧಾರ ತೆಗೆದುಕೊಳ್ಳುವ ಜಾಯಮಾನದವರು ಅಲ್ಲ. ನೀವು ವಿಶ್ಲೇಷಣಾತ್ಮಕ, ಗುರಿ-ಆಧಾರಿತ ಮತ್ತು ದೂರದೃಷ್ಟಿಯ ವ್ಯಕ್ತಿ. ಸರಿಯಾದ ಉತ್ತರಗಳಿಗಾಗಿ ಜನರು ನಿಮ್ಮತ್ತ ನೋಡುತ್ತಾರೆ. ನಿಮ್ಮ ಕ್ರಿಯೆಗಳ ಬಗ್ಗೆ ನೀವು ಸಾಕಷ್ಟು ಜಾಗರೂಕರಾಗಿರುತ್ತೀರಿ ಏಕೆಂದರೆ ಅವುಗಳು ಸಾಮಾನ್ಯವಾಗಿ ನಿಮ್ಮನ್ನು ಅನುಸರಿಸುವ ಜನರ ಮೇಲೆ ದೊಡ್ಡ ಪರಿಣಾಮವನ್ನು ಬೀರುತ್ತವೆ.
ಈ ಬಾರಿ ಸದ್ಗುರು ಜೊತೆ ಅಂತರಾಷ್ಟ್ರೀಯ ಯೋಗ ದಿನ ಆಚರಿಸಿ
2. ತೋರುಬೆರಳು ಮತ್ತು ಉಂಗುರದ ಬೆರಳು ಒಂದೇ ಉದ್ದವಿದ್ದರೆ..
ತೋರುಬೆರಳು ಮತ್ತು ಉಂಗುರದ ಬೆರಳು ಒಂದೇ ಉದ್ದವಿದ್ದರೆ ನೀವು ಸಮತೋಲಿತ ಜೀವನವನ್ನು ನಡೆಸುವ ವ್ಯಕ್ತಿ. ನೀವು ಕಾಳಜಿಯುಳ್ಳ, ನಿಷ್ಠಾವಂತ, ಸೌಮ್ಯ ಮತ್ತು ಸುಸಂಘಟಿತ ವ್ಯಕ್ತಿ. ನೀವು ಉತ್ತಮ ಕೇಳುಗ ಎಂದು ಕರೆಯಲ್ಪಡುವ ಬೆಚ್ಚಗಿನ ವೈಬ್ ಅನ್ನು ನೀಡುತ್ತೀರಿ. ಇತರರಿಗೆ ಸಹಾಯ ಮಾಡುವುದರಲ್ಲಿ ಮತ್ತು ಅವರ ಸಮಸ್ಯೆಗಳನ್ನು ಆಲಿಸುವುದರಲ್ಲಿ ನೀವು ಸಂತೋಷವನ್ನು ಪಡೆಯುತ್ತೀರಿ. ನಿಮ್ಮ ಉಪಸ್ಥಿತಿಯಲ್ಲಿ ಇತರರು ಆರಾಮದಾಯಕ, ಗುರುತಿಸಲ್ಪಟ್ಟ ಮತ್ತು ಮೆಚ್ಚುಗೆಯನ್ನು ಅನುಭವಿಸುತ್ತಾರೆ. ನೀವು ಹೆಚ್ಚಾಗಿ ಶಾಂತಿಯುತ ಶಕ್ತಿಯಲ್ಲಿ ಕಂಡು ಬರುತ್ತೀರಿ. ಜನರು ಸಹ ನಿಮ್ಮೆಡೆಗೆ ಆಕರ್ಷಿತರಾಗುತ್ತಾರೆ ಮತ್ತು ಅವರ ಆಳವಾದ ರಹಸ್ಯಗಳನ್ನು ಹೆಚ್ಚಾಗಿ ನಿಮ್ಮಲ್ಲಿ ಹಂಚಿಕೊಳ್ಳುತ್ತಾರೆ.
3. ಉಂಗುರ ಬೆರಳು ತೋರು ಬೆರಳಿಗಿಂತ ಉದ್ದವಿದ್ದರೆ..
ರಿಂಗ್ ಫಿಂಗರ್ ತೋರುಬೆರಳಿಗಿಂತ ಉದ್ದವಾಗಿದ್ದರೆ ನೀವು ಹೆಚ್ಚಿನ ಮಟ್ಟದ ಆತ್ಮವಿಶ್ವಾಸವನ್ನು ಹೊಂದಿರುತ್ತೀರಿ. ನೀವು ವಿಷಯಗಳ ಕಡೆಗೆ ಪ್ರಾಯೋಗಿಕ ಮತ್ತು ತರ್ಕ ಬದ್ಧ ವಿಧಾನದೊಂದಿಗೆ ಮುನ್ನಡೆಸುವ ಅತ್ಯಂತ ಲೆಕ್ಕಾಚಾರದ ವ್ಯಕ್ತಿ. ನೀವು ಕಾರ್ಯತಂತ್ರದ ಮನಸ್ಸು ಹೊಂದಿದ್ದೀರಿ. ಸಮಸ್ಯೆ ಅಥವಾ ಅಡೆತಡೆಯಿಂದ ನಿಮ್ಮನ್ನು ದೂರವಿಡುವುದನ್ನು ಕಲಿತಿರುತ್ತೀರಿ. ಯಾವುದೇ ಸಮಸ್ಯೆಗೆ ಮೊದಲ ಪರಿಹಾರವು ವಿಫಲವಾದಲ್ಲಿ ನೀವು ಸಾಮಾನ್ಯವಾಗಿ ಬ್ಯಾಕಪ್ ಯೋಜನೆ ಅಥವಾ ಪರ್ಯಾಯ ಪರಿಹಾರವನ್ನು ಹೊಂದಿರುತ್ತೀರಿ. ನೀವು ಆಕರ್ಷಕ ವ್ಯಕ್ತಿತ್ವವನ್ನು ಹೊಂದಿದ್ದೀರಿ ಮತ್ತು ವಿರುದ್ಧ ಲಿಂಗದವರ ನಡುವೆ ಸಾಕಷ್ಟು ಜನಪ್ರಿಯರಾಗಿರುತ್ತೀರಿ. ನೀವು ಸಹಾನುಭೂತಿಯ ಸ್ವಭಾವವನ್ನು ಹೊಂದಿದ್ದೀರಿ.
ಕರಾಗ್ರೇ ವಸತೇ.. ಬೆಳಗ್ಗೆ ಎದ್ದು ಕೈ ನೋಡಿಕೊಳ್ಳೋದು ಏಕೆ?
ದಿನ ಭವಿಷ್ಯ, ವಾರ ಭವಿಷ್ಯ, ನಿಮ್ಮ ರಾಶಿ ವಿಶೇಷ, ದಿನ ವಿಶೇಷ, ಹಬ್ಬ ಹರಿದಿನಗಳು, ಸಂಪ್ರದಾಯ ಆಚರಣೆಗಳು, ಅವುಗಳ ವೈಜ್ಞಾನಿಕ ಹಿನ್ನೆಲೆ, ಪುರಾಣ ಪುಣ್ಯ ಕತೆಗಳು, ವಾಸ್ತು ಕುರಿತು ಹೆಚ್ಚಿನ ಮಾಹಿತಿ ಪಡೆಯಲು ಸುವರ್ಣ ನ್ಯೂಸ್ ಜ್ಯೋತಿಷ್ಯ ವಿಭಾಗವನ್ನು ತಪ್ಪದೇ ನೋಡುತ್ತಿರಿ.
