Vaishakh Purnima 2023 ದಿನಾಂಕ, ಮಹತ್ವ, ಪೂಜಾ ವಿಧಾನ, ವ್ರತಕತೆ..
ವೈಶಾಖ ಪೂರ್ಣಿಮೆಯ ದಿನ, ಸೂರ್ಯ ಮತ್ತು ಚಂದ್ರನ ಸ್ಥಾನವು ಒಂದೇ ಆಗಿರುತ್ತದೆ, ಈ ಕಾರಣದಿಂದಾಗಿ ಈ ದಿನದ ಪ್ರಾಮುಖ್ಯತೆಯು ಹೆಚ್ಚಾಗುತ್ತದೆ. ಈ ದಿನದಿಂದಲೇ ಶುಭ ಕಾರ್ಯಗಳು ಪ್ರಾರಂಭವಾಗುತ್ತವೆ.
 )
Followಹಿಂದೂ ಆಚರಣೆಗಳಲ್ಲಿ ಹುಣ್ಣಿಮೆಗಳಿಗೆ ವಿಶೇಷ ಸ್ಥಾನವಿದೆ. ಅದರಲ್ಲೂ ಕೆಲವೊಂದು ಹುಣ್ಣಿಮೆಗಳು ಇತರವೆಲ್ಲಕ್ಕಿಂತ ಹೆಚ್ಚು ವಿಶೇಷ. ಅಂಥದೊಂದು ವಿಶೇಷ ಹುಣ್ಣಿಮೆ ಈ ಬಾರಿ ಬರುತ್ತಿದೆ. ಅದೇ ವೈಶಾಖ ಹುಣ್ಣಿಮೆ. ವೈಶಾಖ ಮಾಸದ ಈ ಹುಣ್ಣಿಮೆಯ ದಿನವೇ ಭಗವಾನ್ ಬುದ್ಧ ಜನಿಸಿದ್ದು. ಹಾಗಾಗಿ ಇದನ್ನು ಬುದ್ಧ ಪೂರ್ಣಿಮಾ(ಬುದ್ಧ ಜಯಂತಿ) ಎಂದೂ ಬುದ್ಧನ ಅನುಯಾಯಿಗಳು ಆಚರಣೆ ಮಾಡುತ್ತಾರೆ. ಇದಲ್ಲದೆ, ಇದನ್ನು ವೈಶಾಖ ಸ್ನಾನ ಎಂದೂ ಕರೆಯುತ್ತಾರೆ.
ವೈಶಾಖ ಪೂರ್ಣಿಮಾ 2023 ದಿನಾಂಕ
ಈ ಬಾರಿಯ ವೈಶಾಖ ಪೂರ್ಣಿಮೆಯನ್ನು 2023ರ ಮೇ 5ರಂದು ಶುಕ್ರವಾರ ಆಚರಿಸಲಾಗುವುದು. ಹುಣ್ಣಿಮೆಯ ದಿನಾಂಕವು ಮೇ 4, 2023ರಂದು ರಾತ್ರಿ 11.44ಕ್ಕೆ ಪ್ರಾರಂಭವಾಗುತ್ತದೆ. ಮೇ 5, 2023ರಂದು ರಾತ್ರಿ 11:30ಕ್ಕೆ ಕೊನೆಗೊಳ್ಳುತ್ತದೆ.
ಧಾರ್ಮಿಕ ಮಹತ್ವ
ಜ್ಯೋತಿಷ್ಯದಲ್ಲಿ ವೈಶಾಖ ಪೂರ್ಣಿಮೆಯನ್ನು ಬಹಳ ಮುಖ್ಯವೆಂದು ಪರಿಗಣಿಸಲಾಗಿದೆ. ಈ ದಿನ, ಸೂರ್ಯ ಮತ್ತು ಚಂದ್ರನ ಸ್ಥಾನವು ಒಂದೇ ಆಗಿರುತ್ತದೆ, ಈ ಕಾರಣದಿಂದಾಗಿ ಈ ದಿನದ ಪ್ರಾಮುಖ್ಯತೆಯು ಇನ್ನಷ್ಟು ಹೆಚ್ಚಾಗುತ್ತದೆ. ವೈಶಾಖ ಪೂರ್ಣಿಮೆಯನ್ನು ಸ್ನಾನ ಮತ್ತು ದಾನದ ದಿನವೆಂದು ಪರಿಗಣಿಸಲಾಗುತ್ತದೆ. ಜನರು ಈ ದಿನದಂದು ಪವಿತ್ರ ನದಿಗಳಲ್ಲಿ ಸ್ನಾನ ಮಾಡುತ್ತಾರೆ ಮತ್ತು ದೇವರ ಅನುಗ್ರಹ ಮತ್ತು ಆಶೀರ್ವಾದವನ್ನು ಪಡೆಯಲು ಪ್ರಾರ್ಥಿಸುತ್ತಾರೆ. ಈ ದಿನದಿಂದಲೇ ಶುಭ ಕಾರ್ಯಗಳು ಪ್ರಾರಂಭವಾಗುತ್ತವೆ ಎಂದು ನಂಬಲಾಗಿದೆ. ಹೊಸ ಕೆಲಸಗಳಿಗೆ ಶುಭ ಮುಹೂರ್ತಗಳು ದೊರೆಯುತ್ತವೆ.
ಗ್ರಹಗಳ ಸ್ಥಾನದ ಆಧಾರದ ಮೇಲೆ ವೈಶಾಖ ಪೂರ್ಣಿಮೆಯ ದಿನ ಕೆಲ ಕಾರ್ಯಗಳನ್ನು ಕೈಗೊಳ್ಳುವುದು ಬಹಳ ಶುಭವಾಗಿದೆ.
12 ರಾಶಿಗಳ ಮೇಲೆ Chandra Grahan 2023ರ ಪರಿಣಾಮ ಹೇಗಿರುತ್ತದೆ?
ಹೀಗೆ ಮಾಡಿ
ಈ ಹುಣ್ಣಿಮೆಯ ದಿನದಂದು ಗಂಗಾ, ಯಮುನಾ, ಸರಸ್ವತಿ, ನರ್ಮದಾ, ಗೋದಾವರಿ ಮತ್ತು ಕಾವೇರಿ ಮುಂತಾದ ಪವಿತ್ರ ನದಿಗಳಲ್ಲಿ ಸ್ನಾನ ಮಾಡುತ್ತಾರೆ. ಒಂದು ವೇಳೆ ಯಾವುದೇ ನದಿಯಲ್ಲಿ ಸ್ನಾನ ಮಾಡಲು ಸಾಧ್ಯವಾಗದಿದ್ದರೆ, ಸ್ನಾನದ ನೀರಿನಲ್ಲಿ ಮನೆಯಲ್ಲಿ ಇರಿಸಲಾದ ಗಂಗಾಜಲದ ಕೆಲವು ಹನಿಗಳನ್ನು ಹಾಕಿ ಅದರೊಂದಿಗೆ ಸ್ನಾನ ಮಾಡಿ. ಈ ದಿನ ವಿಷ್ಣು ದೇವರನ್ನು ಪೂಜಿಸುವ ವಿಧಿ ಇದೆ. ಇದಲ್ಲದೆ, ಭಗವಾನ್ ಬುದ್ಧನನ್ನು ಕೂಡಾ ಸ್ಮರಿಸಬಹುದು. ಇದರೊಂದಿಗೆ ಸಾಧ್ಯವಾದಷ್ಟು ಧರ್ಮಕಾರ್ಯಗಳನ್ನು ಮಾಡಿ. ಇದರಿಂದ ಜೀವನದಲ್ಲಿ ಸಂತೋಷ, ಶಾಂತಿ, ಸಮೃದ್ಧಿ ಮತ್ತು ಯಶಸ್ಸನ್ನು ಪಡೆಯಬಹುದು.
ಪೂರ್ಣಿಮಾ ವ್ರತದ ಪೂಜಾ ವಿಧಾನ
ವೈಶಾಖ ಪೂರ್ಣಿಮೆಯಂದು ಉಪವಾಸ ಮಾಡಿ ಮತ್ತು ಜ್ಯೋತಿಷ್ಯದಲ್ಲಿ ಉಲ್ಲೇಖಿಸಲಾದ ಪ್ರತಿಯೊಂದು ನಿಯಮವನ್ನು ಅನುಸರಿಸಿ.
ಸ್ನಾನ: ವೈಶಾಖ ಪೂರ್ಣಿಮೆಯ ದಿನದಂದು ಪವಿತ್ರ ನದಿ ಅಥವಾ ನೀರಿನಲ್ಲಿ ಸ್ನಾನ ಮಾಡುವುದು ಅತ್ಯಂತ ಮಂಗಳಕರವೆಂದು ಪರಿಗಣಿಸಲಾಗಿದೆ. ಈ ಕಾರಣದಿಂದಾಗಿ, ದೇಹದಲ್ಲಿ ಶಕ್ತಿಯು ಉಳಿಯುತ್ತದೆ.
ಪೂಜಾ ಸಾಮಗ್ರಿ: ಪೂಜೆಗೆ ಹೂವು, ದೀಪ, ಧೂಪ, ಅಖಂಡ ಜ್ಯೋತಿ, ಅರಿಶಿನ, ಕುಂಕುಮ, ಕಲಶ, ಕರ್ಪೂರ ಮುಂತಾದ ಕೆಲವು ಸಾಮಗ್ರಿಗಳು ಅಗತ್ಯ.
ಪೂಜೆ: ಪೂಜೆಗೆ ಸ್ಥಳವನ್ನು ಆಯ್ಕೆ ಮಾಡಿಕೊಳ್ಳಬೇಕು. ಈ ಸ್ಥಳ ಸ್ವಚ್ಛವಾಗಿರಬೇಕು. ಪೂಜೆಯ ಸಮಯದಲ್ಲಿ ನೀವು ಎಲ್ಲಾ ಪೂಜಾ ಸಾಮಗ್ರಿಗಳನ್ನು ಪ್ರತ್ಯೇಕವಾಗಿ ಇಡಬೇಕು.
ಕಲಶಸ್ಥಾಪನೆ: ಕಲಶ ಸ್ಥಾಪನೆಯೊಂದಿಗೆ ಪೂಜೆಯನ್ನು ಪ್ರಾರಂಭಿಸಲಾಗುತ್ತದೆ. ಕಲಶದಲ್ಲಿ ನೀರು, ಹೂವುಗಳು ಮತ್ತು ಅಕ್ಷತೆಯನ್ನು ಇರಿಸಿ.
ದೀಪವನ್ನು ಬೆಳಗಿಸುವುದು: ಪೂಜೆಯ ಸಮಯದಲ್ಲಿ ದೀಪ ಮತ್ತು ಧೂಪವನ್ನು ಬೆಳಗಿಸಿ. ಬಳಿಕ ಕಲಶಕ್ಕೆ ವಿಷ್ಣುವನ್ನು ಆಹ್ವಾನಿಸಿ ಪದ್ಧತಿಯಂತೆ ಪೂಜೆ ಮಾಡಿ.
ಮಂತ್ರಗಳನ್ನು ಓದಿ: ಪೂಜೆಯ ಸಮಯದಲ್ಲಿ ಮಂತ್ರಗಳನ್ನು ಪಠಿಸಬೇಕು. ಇದರಿಂದ ಮನಸ್ಸಿಗೆ ನೆಮ್ಮದಿ ಹಾಗೂ ಉತ್ತಮ ಫಲಿತಾಂಶ ಸಿಗುತ್ತದೆ.
ಪೂರ್ಣಿಮಾ ವ್ರತ ಕಥಾ: ಪೂರ್ಣಿಮಾ ಉಪವಾಸ ಮಾಡುವಾಗ, ಅದರ ಕಥೆಯನ್ನು ಪಠಿಸಿ.
ಪ್ರಸಾದ: ಕೊನೆಯಲ್ಲಿ, ಪೂಜೆಯ ಪ್ರಸಾದವನ್ನು ಹಂಚಬೇಕು.
Hindu Religion : ಪತಿಯ ಯಾವ ಭಾಗದಲ್ಲಿ ಪತ್ನಿ ಮಲಗ್ಬೇಕು ಗೊತ್ತಾ?
ಉಪವಾಸದ ಪ್ರಯೋಜನಗಳು
ಹುಣ್ಣಿಮೆಯ ಉಪವಾಸವನ್ನು ಆಚರಿಸುವುದರಿಂದ ಒಂದಲ್ಲ ಅನೇಕ ಪ್ರಯೋಜನಗಳು ಸಿಗುತ್ತವೆ. ಉಪವಾಸವನ್ನು ಆಚರಿಸುವುದರಿಂದ ಮನಸ್ಸು ಶಾಂತವಾಗಿರುತ್ತದೆ. ಪೂಜೆ, ಧ್ಯಾನ ಮತ್ತು ಮಂತ್ರಗಳ ಪಠಣವು ಪುಣ್ಯವನ್ನು ನೀಡುತ್ತದೆ. ದೇಹವು ಆರೋಗ್ಯಕರವಾಗಿ ಉಳಿಯುತ್ತದೆ. ವ್ಯಕ್ತಿಯು ಸಂಪತ್ತು, ಸಂತೋಷ ಮತ್ತು ಸಮೃದ್ಧಿಯನ್ನು ಪಡೆಯುತ್ತಾನೆ. ಜೀವನವೆಂಬ ಸಾಗರದಲ್ಲಿ ಮೋಕ್ಷ ದೊರೆಯುತ್ತದೆ. ಮತ್ತೊಂದೆಡೆ, ನಿಯಮಗಳನ್ನು ಅನುಸರಿಸುವ ಮೂಲಕ, ಧರ್ಮದ ರಕ್ಷಣೆಯ ಪ್ರಜ್ಞೆಯು ಜಾಗೃತಗೊಳ್ಳುತ್ತದೆ, ಅದು ಆತ್ಮವನ್ನು ಮೇಲಕ್ಕೆತ್ತುತ್ತದೆ.
ಪೂರ್ಣಿಮಾ ವ್ರತ ಕಥೆ
ಈ ವ್ರತದ ಮಹತ್ವವನ್ನು ಶ್ರೀಕೃಷ್ಣನೇ ತನ್ನ ನಿಜವಾದ ಸ್ನೇಹಿತ ಸುಧಾಮನಿಗೆ ಹೇಳಿದನೆಂದು ನಂಬಲಾಗಿದೆ. ಇದರ ನಂತರ, ಸುಧಾಮನು ನಿಯಮಗಳು ಮತ್ತು ನಿಬಂಧನೆಗಳ ಪ್ರಕಾರ ಈ ಉಪವಾಸವನ್ನು ಅನುಸರಿಸಿದನು. ಇದರಿಂದಾಗಿ ಅವನ ಜೀವನದ ದುಃಖ ಮತ್ತು ಬಡತನವು ಸಂಪೂರ್ಣವಾಗಿ ದೂರವಾಯಿತು. ಅಂದಿನಿಂದ ವೈಶಾಖ ಪೂರ್ಣಿಮೆಯ ಮಹತ್ವವು ಹೆಚ್ಚಾಯಿತು ಮತ್ತು ಈ ಉಪವಾಸವನ್ನು ಆಚರಿಸುವ ಸಂಪ್ರದಾಯವು ಪ್ರಾರಂಭವಾಯಿತು ಎಂದು ಹೇಳಲಾಗುತ್ತದೆ.
