ಪ್ರೇಮಿಗಳ ದಿನದ ಮರುದಿನವೇ ಶುಕ್ರ ಗೋಚಾರ; ಪ್ರೀತಿಯ ಗ್ರಹದ ರಾಶಿ ಬದಲಾವಣೆ ಯಾರಿಗೆಲ್ಲ ಲಾಭ?
ಪ್ರೇಮಿಗಳ ದಿನವು ಪ್ರೀತಿಯನ್ನು ಆಚರಿಸುವ ದಿನವಾಗಿದೆ. ಪ್ರೇಮಿಗಳ ದಿನದ ಮರುದಿನ, ಪ್ರೀತಿ ಮತ್ತು ಪ್ರಣಯದ ಅಧಿಪತಿಯಾದ ಶುಕ್ರನು ತನ್ನ ಚಿಹ್ನೆಯನ್ನು ಸಹ ಬದಲಾಯಿಸುತ್ತಾನೆ. ಇದರಿಂದ ಕೆಲ ರಾಶಿಗಳ ಪ್ರೇಮಿಗಳ ಜೀವನದಲ್ಲಿ ಸಂತೋಷ ಹೆಚ್ಚುತ್ತದೆ.
ಪ್ರೇಮಿಗಳ ದಿನವು ಫೆಬ್ರವರಿ 14, 2023ರಂದು, ಈ ದಿನವು ಪ್ರೀತಿ, ಭಾವನೆಗಳನ್ನು ಆಚರಿಸುವ ದಿನವಾಗಿದೆ. ಈ ದಿನವನ್ನು ಸಂತ ವ್ಯಾಲೆಂಟೈನ್ ನೆನಪಿಗಾಗಿ ಆಚರಿಸಲಾಗುತ್ತದೆ. ಕ್ರಿಶ್ಚಿಯನ್ ದಂಪತಿ ಮದುವೆಯಾಗಲು ಸೇಂಟ್ ವ್ಯಾಲೆಂಟೈನ್ ಸಹಾಯ ಮಾಡಿದರು ಎಂದು ನಂಬಲಾಗಿದೆ. ವ್ಯಾಲೆಂಟೈನ್ಸ್ ಡೇ ನಾವು ನಮ್ಮ ಹೃದಯವನ್ನು ವ್ಯಕ್ತಪಡಿಸುವ, ನಮ್ಮ ಪ್ರೀತಿಯನ್ನು ವಿಶೇಷ ವ್ಯಕ್ತಿಗೆ ವ್ಯಕ್ತಪಡಿಸುವ ದಿನ. ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ, ಪ್ರೇಮಿಗಳ ದಿನದ ಮರುದಿನವೇ ಪ್ರೀತಿ ಮತ್ತು ಪ್ರಣಯದ ಅಧಿಪತಿ ಶುಕ್ರನು ಬದಲಾಗುತ್ತಾನೆ. ಇದು ಯಾವ ರಾಶಿಚಕ್ರ ಚಿಹ್ನೆಯ ಮೇಲೆ ಪರಿಣಾಮ ಬೀರುತ್ತದೆ ಎಂದು ತಿಳಿಯಿರಿ..
ಶುಕ್ರ ಸಂಕ್ರಮಣ 2023(Shukra Gochar 2023)
ಜ್ಯೋತಿಷ್ಯದಲ್ಲಿ, ಗ್ರಹಗಳು ಸ್ಥಾನವನ್ನು ಬದಲಾಯಿಸಿದಾಗ, ಅಂದರೆ ತಮ್ಮ ಚಿಹ್ನೆ ಅಥವಾ ಸ್ಥಾನವನ್ನು ಬದಲಾಯಿಸಿದಾಗ, ಅದು ಜನರ ಜೀವನದ ಮೇಲೆ ಪರಿಣಾಮ ಬೀರುತ್ತದೆ. ಇದೀಗ ಪ್ರೀತಿ ಮತ್ತು ಪ್ರಣಯದ ಅಧಿಪತಿಯಾದ ಶುಕ್ರನು ಪ್ರೇಮಿಗಳ ದಿನದ ಮರುದಿನ ತನ್ನ ಚಿಹ್ನೆಯನ್ನು ಬದಲಾಯಿಸುತ್ತಾನೆ. ಅಂದರೆ, ಶುಕ್ರವಾರ 15 ಫೆಬ್ರವರಿ 2023 ರಂದು 07:43 PMಕ್ಕೆ ಶುಕ್ರ ಮೀನ ರಾಶಿಯನ್ನು ಪ್ರವೇಶಿಸುತ್ತಾನೆ. ಮಾರ್ಚ್ 12 ರವರೆಗೆ 23 ದಿನ ಅಲ್ಲಿಯೇ ಇರಲಿದ್ದಾನೆ. ಶುಕ್ರನು ಪ್ರೀತಿ, ಪ್ರೇಮ, ಪ್ರಣಯದ ಅಧಿಪತಿಯಾದ್ದರಿಂದ ಈ ಸಮಯದಲ್ಲಿ ಕೆಲ ಪ್ರೇಮಿಗಳ ಬದುಕು ಬಹಳ ವಿಶೇಷವಾಗಿರುತ್ತದೆ. ಅವರು ಕನಸಿನ ಲೋಕದಲ್ಲಿ ತೇಲುವ ಅನುಭವ ಪಡೆದುಕೊಳ್ಳುತ್ತಾರೆ. ಶುಕ್ರ ಪರಿವರ್ತನೆಯ ಶುಭ ಪರಿಣಾಮ ಯಾವ ರಾಶಿಗಳ ಮೇಲಾಗಲಿದೆ ನೋಡೋಣ..
Valentine's day 2023: ಈ 4 ರಾಶಿಯವರು ಪ್ರೀತಿ ಪಡೆಯಲು ಯಾವ ಮಟ್ಟಕ್ಕಾದರೂ ಹೋಗಬಲ್ಲರು!
ವೃಷಭ ರಾಶಿ (Taurus)
ಶುಕ್ರನು ನಿಮ್ಮ ಆದಾಯವನ್ನು ಗಮನಾರ್ಹವಾಗಿ ಹೆಚ್ಚಿಸುತ್ತಾನೆ. ನಿಮ್ಮ ಪ್ರತಿಯೊಂದು ಆಸೆಯೂ ಈಡೇರುತ್ತದೆ. ಸ್ಥಗಿತಗೊಂಡ ಕಾಮಗಾರಿಗಳು ಪೂರ್ಣಗೊಳ್ಳಲಿವೆ. ಕೆಲಸಗಳನ್ನು ಪೂರ್ಣಗೊಳಿಸುವುದರಿಂದ ಆರ್ಥಿಕ ಲಾಭ ದೊರೆಯುತ್ತದೆ. ಈ ಅವಧಿಯು ಪ್ರೇಮ ಸಂಬಂಧಗಳಿಗೆ ಉತ್ತಮವಾಗಿರುತ್ತದೆ. ನಿಮ್ಮ ಸಂಬಂಧದಲ್ಲಿ ಪ್ರೀತಿ ಮತ್ತು ರೊಮ್ಯಾಂಟಿಸಿಸಂ ಹೆಚ್ಚಾಗುತ್ತದೆ. ಮಕ್ಕಳು ವಿವಾಹಿತರಿಗೆ ಒಳ್ಳೆಯ ಸುದ್ದಿಯನ್ನು ತರುತ್ತಾರೆ.
ಸಿಂಹ ರಾಶಿ (Leo)
ಶುಕ್ರನು ನಿಮಗೆ ಅನಿರೀಕ್ಷಿತ ಆರ್ಥಿಕ ಲಾಭವನ್ನು ನೀಡುವ ಸಾಧ್ಯತೆಯಿದೆ. ಏತನ್ಮಧ್ಯೆ, ನೀವು ನಿರೀಕ್ಷಿಸಿದ್ದಕ್ಕಿಂತ ಹೆಚ್ಚಿನ ಹಣವನ್ನು ಪಡೆಯಬಹುದು. ಹೂಡಿಕೆಯಲ್ಲಿ ಉತ್ತಮ ಲಾಭ ದೊರೆಯಲಿದೆ. ಅತ್ತೆ-ಮಾವಂದಿರಿಂದ ಒಳ್ಳೆಯ ಸುದ್ದಿಯನ್ನು ಪಡೆಯುತ್ತೀರಿ. ಧಾರ್ಮಿಕ ಕಾರ್ಯಗಳಲ್ಲಿ ಭಾಗವಹಿಸಲು ಅವಕಾಶವಿರುತ್ತದೆ. ಕೌಟುಂಬಿಕ ಒಗ್ಗಟ್ಟು ಹೆಚ್ಚಾಗಲಿದೆ.
ಮಕರ ರಾಶಿ (Capricorn)
ಈ ಅವಧಿಯಲ್ಲಿ ಸ್ನೇಹಿತರೊಂದಿಗೆ ಉತ್ತಮ ಸಮಯವನ್ನು ಕಳೆಯುವಿರಿ. ವೆಚ್ಚವೂ ಹೆಚ್ಚಾಗಲಿದೆ. ನೀವು ಸ್ವಲ್ಪ ದೂರ ಪ್ರಯಾಣ ಮಾಡಬೇಕಾಗುತ್ತದೆ, ಆದರೂ ಈ ಪ್ರಯಾಣವು ನಿಮಗೆ ಹೆಚ್ಚಿನ ಸಂತೋಷವನ್ನು ನೀಡುತ್ತದೆ. ಬಂಧುಗಳು ಭೇಟಿಯಾಗುವರು. ಕೆಲಸದಲ್ಲಿ ಯಶಸ್ಸು ಕಾಣುವಿರಿ.
ಈ ರಾಶಿಗಳ ನಡುವೆ ಅದ್ಭುತ ಹೊಂದಾಣಿಕೆ.. ಇವರು ಜೋಡಿಯಾದರೆ ಸಂತೋಷದ ದಾಂಪತ್ಯ ಖಚಿತ
ಕುಂಭ ರಾಶಿ (Aquarius)
ಪಾರ್ಟಿಗಳು ಮತ್ತು ಕಾರ್ಯಕ್ರಮಗಳಲ್ಲಿ ಭಾಗವಹಿಸಲು ಶುಕ್ರ ನಿಮಗೆ ಅವಕಾಶವನ್ನು ನೀಡುತ್ತದೆ. ಹೊಸ ಗೆಳೆಯರು ಸಿಗುತ್ತಾರೆ. ವೈವಾಹಿಕ ಮತ್ತು ಕೌಟುಂಬಿಕ ಜೀವನ ಸುಖಮಯವಾಗಿರುತ್ತದೆ. ಪರಸ್ಪರ ಪ್ರೀತಿ ಹೆಚ್ಚುತ್ತದೆ. ವೃತ್ತಿಯಲ್ಲಿ ಪ್ರಗತಿ ಕಂಡುಬರಲಿದೆ. ಆಸ್ತಿ ಖರೀದಿ ಮತ್ತು ಮಾರಾಟದಿಂದ ಲಾಭವಿದೆ. ಬ್ಯಾಂಕ್ ಬ್ಯಾಲೆನ್ಸ್ ಹೆಚ್ಚಾಗಲಿದೆ.
ದಿನ ಭವಿಷ್ಯ, ವಾರ ಭವಿಷ್ಯ, ನಿಮ್ಮ ರಾಶಿ ವಿಶೇಷ, ದಿನ ವಿಶೇಷ, ಹಬ್ಬ ಹರಿದಿನಗಳು, ಸಂಪ್ರದಾಯ ಆಚರಣೆಗಳು, ಅವುಗಳ ವೈಜ್ಞಾನಿಕ ಹಿನ್ನೆಲೆ, ಪುರಾಣ ಪುಣ್ಯ ಕತೆಗಳು, ವಾಸ್ತು ಕುರಿತು ಹೆಚ್ಚಿನ ಮಾಹಿತಿ ಪಡೆಯಲು ಸುವರ್ಣ ನ್ಯೂಸ್ ಜ್ಯೋತಿಷ್ಯ ವಿಭಾಗವನ್ನು ತಪ್ಪದೇ ನೋಡುತ್ತಿರಿ.
