ಭಾರತದಲ್ಲಿ ಗೋಚರವಾಗಲಿರುವ ವರ್ಷದ ಮೂರನೇ ಗ್ರಹಣ, ಯಾವಾಗ ಗೊತ್ತಾ?
ಕಳೆದ ಎರಡು ಗ್ರಹಣಗಳು ಭಾರತದಲ್ಲಿ ಗೋಚರಿಸಲಿಲ್ಲ. ಆದರೆ ಈ ವರ್ಷದ ಮೂರನೇ ಸೂರ್ಯಗ್ರಹಣವು ಭಾರತದ ಕೆಲವು ಪ್ರದೇಶಗಳಲ್ಲಿ ಗೋಚರಿಸುತ್ತದೆ. ಈ ಗ್ರಹಣ ಯಾವಾಗ ಸಂಭವಿಸುತ್ತದೆ ಗೊತ್ತಾ?
Follow2022ರಲ್ಲಿ ಒಟ್ಟು 4 ಗ್ರಹಣಗಳು ಇವೆ. ಇದರಲ್ಲಿ ಎರಡು ಸೂರ್ಯಗ್ರಹಣಗಳು ಮತ್ತು ಎರಡು ಚಂದ್ರ ಗ್ರಹಣಗಳು ಇವೆ. ಈ ಹಿಂದೆ ತಲಾ ಒಂದೊಂದು ಚಂದ್ರಗ್ರಹಣ ಮತ್ತು ಸೂರ್ಯಗ್ರಹಣ ಸಂಭವಿಸಿತ್ತು. ಇವೆರಡೂ ಭಾರತದಲ್ಲಿ ಗೋಚರಿಸಿರಲಿಲ್ಲ. ಇದರಿಂದ ಭಾರತದಲ್ಲಿ ಸೂತಕದ ಅವಧಿಯೂ ಇರಲಿಲ್ಲ. ಅದಕ್ಕೆ ಬೇಕಾದ ನಿಯಮಾಚರಣೆಗಳನ್ನೂ ಮಾಡಬೇಕಿರಲಿಲ್ಲ. ಆದರೆ, ಮೂರನೇ ಗ್ರಹಣವು ಭಾರತದಲ್ಲಿ ಗೋಚರವಾಗಲಿದ್ದು, ಈ ಸಂದರ್ಭದಲ್ಲಿ ಸೂತಕದ ಸಮಯ, ನಿಯಮಾಚರಣೆಗಳ ಅಗತ್ಯವಿದೆ.
ಈಗ ಮುಂಬರುವ ಸಮಯದಲ್ಲಿ ಸೂರ್ಯಗ್ರಹಣ ಸಂಭವಿಸಲಿದೆ. ಅದು ಅಕ್ಟೋಬರ್ 25ರಂದು ಸಂಭವಿಸುತ್ತದೆ. ಈ ಸೂರ್ಯಗ್ರಹಣವು ಭಾರತದ ಕೆಲವು ಪ್ರದೇಶಗಳಲ್ಲಿ ಗೋಚರಿಸುತ್ತದೆ. ಆದ್ದರಿಂದ, ಈ ಗ್ರಹಣದ ಸೂತಕ ಕಾಲವೂ ಮಾನ್ಯವಾಗಿರುತ್ತದೆ. ಇದು ಭಾಗಶಃ ಸೂರ್ಯಗ್ರಹಣವಾಗಿರುತ್ತದೆ. ಗ್ರಹಣದ ಸಂಪೂರ್ಣ ವಿವರಗಳನ್ನು ಇಲ್ಲಿ ತಿಳಿಯಿರಿ.
ಸೂರ್ಯಗ್ರಹಣ ಯಾವಾಗ ಮತ್ತು ಎಲ್ಲಿ ಗೋಚರಿಸುತ್ತದೆ?
ಅಕ್ಟೋಬರ್ 25 ರಂದು ಸೂರ್ಯಗ್ರಹಣ(Solar Eclipse)ವು ಭಾರತ, ಆಫ್ರಿಕಾ ಖಂಡದ ಈಶಾನ್ಯ ಭಾಗ, ಏಷ್ಯಾದ ನೈಋತ್ಯ ಭಾಗ ಮತ್ತು ಅಟ್ಲಾಂಟಿಕ್ ಸೇರಿದಂತೆ ಯುರೋಪ್ನಲ್ಲಿ ಗೋಚರಿಸುತ್ತದೆ. ಗ್ರಹಣವು ಅಕ್ಟೋಬರ್ 25 ರಂದು ಸಂಜೆ 4:29 ಕ್ಕೆ ಪ್ರಾರಂಭವಾಗುತ್ತದೆ ಮತ್ತು ಸಂಜೆ 5:42 ಕ್ಕೆ ಕೊನೆಗೊಳ್ಳುತ್ತದೆ. ಇದು ಈ ವರ್ಷದ ಕೊನೆಯ ಸೂರ್ಯಗ್ರಹಣವಾಗಲಿದೆ. ನಂತರ ಇನ್ನೊಂದು ಚಂದ್ರಗ್ರಹಣ(Lunar eclipse) ನವೆಂಬರ್‌ನಲ್ಲಿ ಇರಲಿದೆ.
ಈ ನಾಲ್ಕು ರಾಶಿಯ ಜನ ಹೆಚ್ಚಾಗಿ arranged marriage ಆಗ್ತಾರೆ
ಸೂರ್ಯಗ್ರಹಣ ಏಕಾಗುತ್ತದೆ?
ಸೂರ್ಯಗ್ರಹಣವು ಖಗೋಳ ಘಟನೆಯಾಗಿದೆ. ಚಂದ್ರನು ಭೂಮಿ ಸೂರ್ಯರ ನಡುವೆ ಬಂದು ಸೂರ್ಯನನ್ನು ಸಂಪೂರ್ಣವಾಗಿ ಆವರಿಸಿದಾಗ ಸೂರ್ಯಗ್ರಹಣ ಸಂಭವಿಸುತ್ತದೆ. ಈ ಸಮಯದಲ್ಲಿ ಸೂರ್ಯನ ಕಿರಣಗಳು ಭೂಮಿಯನ್ನು ತಲುಪುವುದಿಲ್ಲ ಮತ್ತು ಇದನ್ನು ನಾವು ಸೂರ್ಯಗ್ರಹಣ ಎಂದು ಕರೆಯುತ್ತೇವೆ. ಮತ್ತೊಂದೆಡೆ, ಚಂದ್ರನು ಸೂರ್ಯನ ಸಂಪೂರ್ಣ ಭಾಗವನ್ನು ಆವರಿಸದಿದ್ದಾಗ, ಅದು ಅದರ ಒಂದು ಭಾಗವನ್ನು ಮಾತ್ರ ಆವರಿಸುತ್ತದೆ, ಅಂತಹ ಪರಿಸ್ಥಿತಿಯನ್ನು ಭಾಗಶಃ ಸೂರ್ಯಗ್ರಹಣ(Partial Solar Eclipse) ಎಂದು ಕರೆಯಲಾಗುತ್ತದೆ. ಅಂತೆಯೇ, ಚಂದ್ರನು ಸೂರ್ಯನ ಮಧ್ಯ ಭಾಗವನ್ನು ಮಾತ್ರ ಆವರಿಸಿದಾಗ, ಈ ಸ್ಥಿತಿಯನ್ನು ವಾರ್ಷಿಕ ಸೂರ್ಯಗ್ರಹಣ ಎಂದು ಕರೆಯಲಾಗುತ್ತದೆ.
ಸೂತಕ ಕಾಲ ಮತ್ತು ಗ್ರಹಣ ಕಾಲದಲ್ಲಿ ಏನು ಮಾಡಬಾರದು?
- ಸೂತಕದ ಸಮಯದಲ್ಲಿ ಯಾವುದೇ ಗರ್ಭಿಣಿ(Pregnant) ಮನೆಯಿಂದ ಹೊರಗೆ ಬರಬಾರದು ಮತ್ತು ಈ ಅವಧಿಯಲ್ಲಿ ವಿಶೇಷ ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳಬೇಕು. ಗ್ರಹಣ ಕಾಲದಲ್ಲಿ ಗರ್ಭಿಣಿಯರು ಮನೆಯಿಂದ ಹೊರಗೆ ಹೋದರೆ ಆಗ ಗ್ರಹಣದ ನೆರಳು ಆಕೆಯ ಹೊಟ್ಟೆಯಲ್ಲಿ ಬೆಳೆಯುತ್ತಿರುವ ಮಗುವಿನ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ ಎಂದು ಹೇಳಲಾಗುತ್ತದೆ.
Weekly Horoscope: ಈ ಎರಡು ರಾಶಿಗೆ ಈ ವಾರ ಲಾಭವೋ ಲಾಭ, ನಿಮ್ಮ ವಾರಫಲ ನೋಡಿದ್ರಾ?
- ಸೂತಕ ಕಾಲದಲ್ಲಿ ಹಲ್ಲುಗಳನ್ನು ಶುಚಿಗೊಳಿಸುವುದು ಮತ್ತು ಕೂದಲನ್ನು ಬಾಚಿಕೊಳ್ಳಬಾರದು ಎಂಬ ನಂಬಿಕೆಯೂ ಇದೆ. ಸೂತಕ ಅವಧಿಯು ನಡೆಯುತ್ತಿದ್ದರೆ, ಆ ಸಂದರ್ಭದಲ್ಲ ಮಲಗುವುದನ್ನು ತಪ್ಪಿಸಿ.
- ಗ್ರಹಣ ಸಮಯದಲ್ಲಿ ಶುಭ ಕಾರ್ಯವನ್ನು ಮಾಡಬಾರದು ಮತ್ತು ದೇವರ ವಿಗ್ರಹಗಳನ್ನು ಮುಟ್ಟಬಾರದು.
- ಗ್ರಹಣ ಕಾಲದಲ್ಲಿ ತುಳಸಿ ಗಿಡವನ್ನು ಮುಟ್ಟಬಾರದು.
- ಸೂತಕ ಮತ್ತು ಗ್ರಹಣ ಕಾಲದಲ್ಲಿ ಗರ್ಭಿಣಿಯರು ಕತ್ತರಿಸುವುದು, ಸಿಪ್ಪೆ ಸುಲಿಯುವುದು ಅಥವಾ ಹೊಲಿಗೆ ಕೆಲಸ ಮಾಡಬಾರದು.
- ಗ್ರಹಣ ಅವಧಿಯಲ್ಲಿ ಆಹಾರವನ್ನು ಸೇವಿಸಬಾರದು, ಏಕೆಂದರೆ ಇದು ದೇಹಕ್ಕೆ ಹಾನಿಕಾರಕವೆಂದು ಪರಿಗಣಿಸಲಾಗಿದೆ.
ದಿನ ಭವಿಷ್ಯ, ವಾರ ಭವಿಷ್ಯ, ನಿಮ್ಮ ರಾಶಿ ವಿಶೇಷ, ದಿನ ವಿಶೇಷ, ಹಬ್ಬ ಹರಿದಿನಗಳು, ಸಂಪ್ರದಾಯ ಆಚರಣೆಗಳು, ಅವುಗಳ ವೈಜ್ಞಾನಿಕ ಹಿನ್ನೆಲೆ, ಪುರಾಣ ಪುಣ್ಯ ಕತೆಗಳು, ವಾಸ್ತು ಕುರಿತು ಹೆಚ್ಚಿನ ಮಾಹಿತಿ ಪಡೆಯಲು ಸುವರ್ಣನ್ಯೂಸ್ ಜ್ಯೋತಿಷ್ಯ ವಿಭಾಗವನ್ನು ತಪ್ಪದೇ ನೋಡುತ್ತಿರಿ.
