ಧನ ಸಮೃದ್ಧಿ, ಅದೃಷ್ಟ, ಬುದ್ಧಿವಂತಿಕೆ, ಪ್ರಾಮಾಣಿಕತೆ, ಪರಿಶ್ರಮ ಹೀಗೆ ಹಲವು ಗುಣಗಳಲ್ಲಿ ಕೆಲವು ರಾಶಿಯವರು ಭಾಗ್ಯಶಾಲಿಗಳಾಗಿರುತ್ತಾರೆ. ಕೆಲು ರಾಶಿಯವರು ಮಾತುಗಾರರೂ, ಚತುರತೆ ಇರೋರೂ ಆಗಿರುತ್ತಾರೆ. ಅಲ್ಲದೇ ಚಿಕ್ಕ ವಯಸ್ಸಲ್ಲೇ ಶ್ರೀಮಂತರಾಗಿರುತ್ತಾರೆ, ಎನ್ನುತ್ತದೆ ಜ್ಯೋತಿಷ್ಯ ಶಾಸ್ತ್ರ.
ಜ್ಯೋತಿಷ್ಯದಲ್ಲಿ ಜಾತಕ ನೋಡುವ ಮೂಲಕ ವ್ಯಕ್ತಿಯ ಭವಿಷ್ಯದ ಹಲವುವ ವಿಷಯಗಳನ್ನು ತಿಳಿದುಕೊಳ್ಳಬಹುದು. ಗುಣ, ಸ್ವಭಾವ, ವಿದ್ಯಾಭ್ಯಾಸ, ವಿವಾಹ (Wedding), ಉದ್ಯೋಗ (Career), ರಾಜಯೋಗ, ಅದೃಷ್ಟ ಹೀಗೆ ಎಲ್ಲವೂ ಹುಟ್ಟಿದ ಸಮಯ, ರಾಶಿ, ನಕ್ಷತ್ರಗಳಿಂದ ಅರ್ಥ ಮಾಡಿಕೊಳ್ಳಬಹುದು. ಜಾತಕದ ಆಧಾರದ ಮೇಲೆ ವ್ಯಕ್ತಿಯ ಹಣವಂತನಾಗುವನೋ ಅಥವಾ ಜೀವನವನ್ನು ಎಷ್ಟು ವೈಭವಯುತವಾಗಿ ನಡೆಸಬಲ್ಲ ಎಂಬಿತ್ಯಾದಿ ವಿಷಯಗಳನ್ನೂ ತಿಳಿದುಕೊಳ್ಳಬಹುದು.
ನಕ್ಷತ್ರ ಮತ್ತು ರಾಶಿಗಳಿಗೆ ಅದರದ್ದೇ ಆದ ಗುಣಗಳಿರುತ್ತವೆ. ಜಾತಕದಲ್ಲಿ ಮನುಷ್ಯನ ಸ್ವಭಾವ, ಗ್ರಹಗಳ ಸ್ಥಾನ, ಸ್ಥಿತಿಯನ್ನು ಗಮನಿಸುವ ಜೊತೆಗೆ ರಾಶಿ ಮತ್ತು ರಾಶಿಯ ಅಧಿಪತಿ ಗ್ರಹವನ್ನು ತಿಳಿದು ವ್ಯಕ್ತಿಯ ಭವಿಷ್ಯದ ಬಗ್ಗೆ ಹೇಳುತ್ತಾರೆ. ಕೆಲವು ರಾಶಿಯಲ್ಲಿ ಜನಿಸಿದವರು ಅದೃಷ್ಟವಂತರಾದರೆ, ಮತ್ತೆ ಕೆಲವು ರಾಶಿಯವರು ವಿಪರೀತ ಬುದ್ಧಿವಂತರಾಗಿರುತ್ತಾರೆ. ರಾಶಿಯ ಅಧಿಪತಿ ಗ್ರಹವು ಶುಭವಾಗಿದ್ದು, ಸಂಪತ್ತು ಮತ್ತು ವೈಭವಕ್ಕೆ ಕಾರಕವಾಗಿದ್ದರೆ ಆ ವ್ಯಕ್ತಿಗಳು ಭಾಗ್ಯಶಾಲಿಗಳೂ ಆಗಿರುತ್ತಾರೆ.
ಹನ್ನೆರಡು ರಾಶಿಗಳಲ್ಲಿ ಪ್ರತಿ ರಾಶಿಯೂ ಒಂದಕ್ಕಿಂತ ಒಂದು ವಿಭಿನ್ನ. ಅದರದ್ದೇ ವಿಶೇಷತೆಯನ್ನು ಹೊಂದಿರುತ್ತದೆ. ಕೆಲವು ರಾಶಿಯವರು ಮಾತ್ರ ಹೆಚ್ಚು ಭಾಗ್ಯಶಾಲಿಗಳಾಗಿ, ಚಿಕ್ಕ ವಯಸ್ಸಲ್ಲೇ ಹಣವಂತರಾಗುವ ಅದೃಷ್ಟವನ್ನು ಹೊಂದಿರುತ್ತಾರೆ ಎನ್ನುತ್ತದೆ ಜ್ಯೋತಿಷ್ಯ ಶಾಸ್ತ್ರ. ಯಾವ್ಯಾವ ರಾಶಿಯವರಿಗಿದೆ ಬೇಗ ಹಣವಂತರಾಗುವ ಯೋಗ? ಇಲ್ಲಿದೆ ನೋಡಿ.
Related Articles
ಮೇಷ ರಾಶಿ
ರಾಶಿಗಳ ಸಾಲಿನಲ್ಲಿ ಮೊದಲಾಗಿರುವ ಮೇಷರಾಶಿಯ ಅಧಿಪತಿ ಮಂಗಳ ಗ್ರಹ. ಈ ರಾಶಿಯವರಿಗೆ ಹಣ ಸಂಪಾದಿಸುವ ಹುಮ್ಮಸ್ಸು ಬೇರೆ ಎಲ್ಲರಿಗಿಂತ ಕೊಂಚ ಹೆಚ್ಚು. ಇವರಿಗೆ ಇದರ ಜೊತೆಗೆ ಭಾಗ್ಯವೂ ಕೈ ಜೋಡಿಸುತ್ತದೆ. ಕೈ ಹಿಡಿದ ಎಲ್ಲ ಕೆಲಸದಲ್ಲಿಯೂ ಯಶಸ್ಸು ಕಾಣುತ್ತಾರೆ. ಹಣ ಸಂಪಾದಿಸುವ ಅವಕಾಶ ಯಾವಾಗಲೂ ಇವರ ಜೊತೆಗಿರುವ ಕಾರಣ ಜೀವನದಲ್ಲಿ ಸದಾ ಸುಖ ಮತ್ತು ಸಮೃದ್ಧಿ ಕಾಣುತ್ತಾರೆ. ಭಾಗ್ಯಶಾಲಿಯೂ ಆಗಿರುವ ಈ ರಾಶಿಯವರು ಜೀವನದ ಎಲ್ಲ ಸುಖವನ್ನು ಪಡೆಯುತ್ತಾರೆ.
ವೃಷಭ ರಾಶಿ
ಈ ರಾಶಿಯವರು ಸುಖ, ಸಂಪನ್ನತೆ ಮತ್ತು ಐಷಾರಾಮಿ ಜೀವನ ನಡೆಸುತ್ತಾರೆ. ಸುಖ, ವೈಭವ, ಸೌಂದರ್ಯ ಮತ್ತು ಸಮೃದ್ಧಿಯ ಕಾರಕನಾಗಿರುವ ಶುಕ್ರ ಗ್ರಹವು ಈ ರಾಶಿಯ ಅಧಿಪತಿಯೂ ಹೌದು. ಹಾಗಾಗಿ ವೃಷಭ ರಾಶಿಯವರು ಭಾಗ್ಯಶಾಲಿಗಳು ಮತ್ತು ಧನವಂತರಾಗಿರುತ್ತಾರೆ. ಈ ರಾಶಿಯರಿಗೆ ಅದೃಷ್ಟ ಯಾವಾಗಲೂ ಜೊತೆಗಿರುವ ಕಾರಣ ಉತ್ತಮ ಉದ್ಯೋಗ ಹಾಗೂ ಗೌರವಾದರಗಳು ದಕ್ತುತ್ತವೆ.
ಕಟಕ ರಾಶಿ
ಕರ್ಕಟಕ ರಾಶಿಯವರು ತುಂಬಾ ಕಡಿಮೆ ವಯಸ್ಸಿನಲ್ಲೇ ಹಣವಂತರಾಗುತ್ತಾರೆ. ಪರಿಶ್ರಮಿಗಳಾಗಿರುವ ಇವರು ಕೆಲಸವನ್ನು ಅಚ್ಚುಕಟ್ಟಾಗಿ ಮಾಡಿ ಮುಗಿಸುತ್ತಾರೆ. ಯಾವುದೇ ಕೆಲಸವನ್ನು ಮನಸ್ಸಿಟ್ಟು ಮಾಡುವ ಇವರಿಗೆ ಭಾಗ್ಯವೂ ಯಾವಾಗಲೂ ಜೊತೆಗಿರುತ್ತದೆ. ರಾಶಿಯ ಅಧಿಪತಿ ಚಂದ್ರನಾಗಿರುವ ಕಾರಣ ನೇತೃತ್ವ ಕ್ಷಮತೆ ಉತ್ತಮವಾಗಿರುತ್ತದೆ.
ಸಿಂಹ ರಾಶಿ
ಈ ರಾಶಿಯವರು ಅದೃಷ್ಟ (Luck) ಮತ್ತು ಪರಿಶ್ರಮದಿಂದ (Hard Work) ಉತ್ತಮ ಜೀವನವನ್ನು ಹೊಂದುತ್ತಾರೆ. ಕಿರಿಯ ವಯಸ್ಸಲ್ಲೇ ಧನವಂತರಾಗುವ ಭಾಗ್ಯ ಸಿಂಹ ರಾಶಿಯವರಿಗಿದೆ. ರಾಶ್ಯಾಧಿಪತಿ ಸೂರ್ಯ, ಹಾಗಾಗಿ ಸೂರ್ಯನಂತೆ ಪ್ರಖರತೆಯಷ್ಟೇ ಸಾಮರ್ಥ್ಯ ಇವರಿಗಿರುತ್ತದೆ. ಐಷಾರಾಮಿ ವಸ್ತುಗಳನ್ನು ಹೊಂದುವ ಆಸಕ್ತಿ ಹೆಚ್ಚಿರುತ್ತದೆ. ಹಣವಂತರಾಗಿರುವ ಇವರು ವೈಭವಯುತ ಜೀವನ ನಡೆಸುತ್ತಾರೆ.
ಧನು ರಾಶಿ
ಧನು ರಾಶಿ ಸಹ ಭಾಗ್ಯಶಾಲಿ ರಾಶಿಗಳ ಪಟ್ಟಿಗೆ ಸೇರುತ್ತದೆ. ಈ ರಾಶಿಯ ಅಧಿಪತಿ ಗುರುಗ್ರಹ. ಹಾಗಾಗಿ ಬುದ್ಧಿವಂತಿಕೆಯ ಜೊತೆಗೆ ಅದೃಷ್ಟವು ಇವರಿಗೆ ಸಂಪತ್ತನ್ನು ತಂದುಕೊಡುತ್ತದೆ. ಐಷಾರಾಮಿ ಜೀವನ ಮತ್ತು ಧನ ಸಮೃದ್ಧಿಯನ್ನು ಪಡೆಯುವ ಯೋಗ ಇವರಿಗೆ ಪ್ರಾಪ್ತವಾಗುತ್ತದೆ. ಮುಖ್ಯವಾಗಿ ಧನು ರಾಶಿಯವರಿಗೆ ಲಕ್ಷ್ಮೀದೇವಿಯ ಕೃಪೆ ಇರುವ ಕಾರಣ ಸುಖ ಜೀವನ ಸಾಗಿಸುತ್ತಾರೆ.