Asianet Suvarna News Asianet Suvarna News

ಮಾರ್ಗಿಯಾಗುತ್ತಿರುವ ಶನಿ; ಯಾವ ರಾಶಿಗಳ ಮೇಲೆ ಯಾವ ಪರಿಣಾಮ...!

ಪ್ರತಿ ಗ್ರಹಗಳ ಚಲನೆಯಲ್ಲಿ ಆಗುವ ಬದಲಾವಣೆಯು ವ್ಯಕ್ತಿಯ ಜೀವನದ ಮೇಲೆ ಪರಿಣಾಮ ಬೀರುತ್ತದೆ. ಕರ್ಮಕ್ಕೆ ತಕ್ಕ ಫಲ ನೀಡುವ ಶನಿ ಗ್ರಹವು ಈಗ ಮಾರ್ಗಿಯಾಗಿ ಸಂಚಾರ ಆರಂಭಿಸಲಿದೆ. ಜಾತಕದ ಆಧಾರದ ಮೇಲೆ ಶನಿಯ ಪ್ರಭಾವವು ಅಶುಭವಾಗಿದ್ದರೆ ಅದಕ್ಕೆ ತಕ್ಕ ಪರಿಹಾರವನ್ನು ಮಾಡಿಕೊಂಡಲ್ಲಿ ಶನಿಯ ಆಶೀರ್ವಾದವನ್ನು ಪಡೆಯಬಹುದಾಗಿದೆ.  ಶನಿಯ ಈ ಸಂಚಾರದಿಂದ ಹಲವು ರಾಶಿಯವರು ಉತ್ತಮ ಫಲವನ್ನು ನಿರೀಕ್ಷಿಸಬಹುದಾಗಿದೆ. ಶನಿಯ ಈ ಬದಲಾವಣೆಯು ಯಾವ್ಯಾವ ರಾಶಿಯವರಿಗೆ ಯಾವ ರೀತಿಯ ಫಲ ನೀಡಲಿದೆ ಎಂಬುದನ್ನು ತಿಳಿಯೋಣ....

Saturn margi effects on different Zodiac sign
Author
Bangalore, First Published Sep 26, 2020, 4:46 PM IST

ಕರ್ಮಕ್ಕೆ ತಕ್ಕ ಫಲವನ್ನು ನೀಡುವ ಶನಿ ಗ್ರಹದ ಪ್ರಭಾವದಿಂದ ತಪ್ಪಿಸಿಕೊಳ್ಳಲು ಸಾಧ್ಯವಿಲ್ಲ. ಇದೇ ಸೆಪ್ಟೆಂಬರ್ 29ಕ್ಕೆ ಶನಿ ಗ್ರಹವು ಮಾರ್ಗಿಯಾಗಿ ಸಂಚರಿಸಲು ಆರಂಭಿಸುತ್ತದೆ. ಇಲ್ಲಿಯವರೆಗೆ ವಕ್ರಿಯಾಗಿ ಸಂಚರಿಸುತ್ತಿದ್ದ ಶನಿಯಿಂದ ಹಲವು ತಾಪತ್ರಯಗಳನ್ನು ಅನುಭವಿಸಿರುವ ಹಲವು ರಾಶಿಯವರು ಒಳಿತನ್ನು ನಿರೀಕ್ಷಿಸಬಹುದಾಗಿದೆ.

ಸರಿಯಾದ (ನೇರ)  ದಿಕ್ಕಿನಲ್ಲಿ ಗ್ರಹಗಳು ಸಂಚರಿಸಿದರೆ ಅದನ್ನು ಮಾರ್ಗಿ ಎಂದು ಕರೆಯಲಾಗುತ್ತದೆ. ಇದರಿಂದ ಉತ್ತಮ ಪ್ರಭಾವ ಉಂಟಾಗಿ ಶುಭ ಫಲವನ್ನು ಕೊಡುತ್ತದೆ. ಅದೇ ವಿರುದ್ಧ ದಿಕ್ಕಿನಲ್ಲಿ ಸಂಚರಿಸಿದರೆ ಅದನ್ನು ವಕ್ರಿ ಎನ್ನಲಾಗುತ್ತದೆ. ಇದರಿಂದ ಅಶುಭ ಫಲ ದೊರೆಯುತ್ತದೆ. ಶನಿಯ ಈ ಬದಲಾವಣೆಯು ಪ್ರತಿ ರಾಶಿ ಚಕ್ರಕ್ಕೆ ಯಾವ ರೀತಿಯ ಫಲವನ್ನು ನೀಡಲಿದೆ ಎಂಬ ಬಗ್ಗೆ ತಿಳಿಯೋಣ..

Saturn margi effects on different Zodiac sign

ಮೇಷ ರಾಶಿ
ಈ ರಾಶಿಯವರು ಶನಿಯಿಂದ ಉತ್ತಮ ಫಲವನ್ನು ನಿರೀಕ್ಷಿಸಬಹುದಾಗಿದೆ. ಶನಿ ಗ್ರಹದ ಮಾರ್ಗಿ ಸಂಚಾರದಿಂದ ಮೇಷ ರಾಶಿಯವರಿಗೆ ಅರ್ಧಕ್ಕೆ ನಿಂತ ಕೆಲಸಗಳು ಪೂರ್ಣವಾಗುತ್ತವೆ. ಜೀವನದಲ್ಲಿ ವೇಗವಾಗಿ ಮುಂದುವರಿಯುವ ಕನಸನ್ನು ನೀವೀಗ ಕಾಣಬಹುದಾಗಿದೆ. ಈ ಬಾರಿ ಶನಿಯ ಉತ್ತಮ ಪ್ರಭಾವದ ಜೊತೆಗೆ ಅದೃಷ್ಟವು ನಿಮ್ಮ ಕೈ ಹಿಡಿಯಲಿದೆ.  ಈ ರಾಶಿಯಲ್ಲಿ ಭಾಗ್ಯ ಸ್ಥಾನದಲ್ಲಿ ವಕ್ರಿಯಾಗಿದ್ದ ಶನಿಯು ಈಗ ಮಾರ್ಗಿಯಾಗಿದ್ದಾನೆ. ಇದರಿಂದ ಏಳಿಗೆಯನ್ನು ಕಾಣಬಹುದಾಗಿದೆ. ಸರ್ಕಾರಕ್ಕೆ ಸಂಬಂಧಿಸಿದ ವ್ಯಕ್ತಿಗಳಿಗೆ ಇದು ಅತ್ಯಂತ ಉತ್ತಮ ಸಮಯವಾಗಲಿದೆ.

ಇದನ್ನು ಓದಿ: ಬುಧವಾರ ಈ ವಸ್ತುಗಳನ್ನು ಮನೆಗೆ ತಂದರೆ ಶುಭ..

ವೃಷಭ ರಾಶಿ
ಈ ರಾಶಿಯಿಂದ ಎಂಟನೇ ಮನೆಯಲ್ಲಿ ಮಾರ್ಗಿಯಾಗಲಿದ್ದಾನೆ. ಇದರಿಂದ ಧನ ವೃದ್ಧಿಯಾಗುವುದರ ಜೊತೆಗೆ ಯಾತ್ರಾ ಸ್ಥಳಗಳಿಗೆ ಪ್ರಯಾಣ ಮಾಡುವ ಯೋಗವಿದೆ. ಬರಬೇಕಿದ್ದ ಹಣ ಯಾವುದಾದರೂ ಇದ್ದಲ್ಲಿ ಈ ಬಾರಿ ನಿಮ್ಮ ಕೈ ಸೇರಲಿದೆ. ವೃತ್ತಿ ಕ್ಷೇತ್ರದಲ್ಲೂ ಉತ್ತಮ ಪರಿಣಾಮವನ್ನು ಕಾಣಬಹುದಾಗಿದೆ. ಪ್ರೀತಿಯ ನಿವೇದನೆ ಮಾಡಿಕೊಳ್ಳಲು ಈಗ ಸುಸಮಯವಾಗಿದೆ.

ಮಿಥುನ ರಾಶಿ
ಮಿಥುನ ರಾಶಿಯವರಿಗೆ ಏಳನೇ ಮನೆಯಲ್ಲಿರುವ ಶನಿಯು    ಮಾರ್ಗಿಯಾಗಿದ್ದಾನೆ. ವಕ್ರಿ ಶನಿಯ ಕಾರಣದಿಂದ ದಾಂಪತ್ಯ ಜೀವನದಲ್ಲಿ ಎದುರಿಸುತ್ತಿದ್ದ ಸಮಸ್ಯೆಗಳು ನಿವಾರಣೆಯಾಗಲಿವೆ. ಸಂಗಾತಿಗೆ ಸಂಬಂಧಪಟ್ಟವರಿಂದ ಲಾಭವಾಗುವ ಸಾಧ್ಯತೆ ಇದೆ. ಶನಿಯ ಈ ಬದಲಾವಣೆಯಿಂದ ಭಾಗ್ಯವು ನಿಮ್ಮ ಜೊತೆಗಿರುತ್ತದೆ. ಹಲವು ಸಮಯಗಳಿಂದ ಎದುರಿಸುತ್ತಿದ್ದ ತೊಂದರೆಯಿಂದ ಮುಕ್ತಿ ಪಡೆಯುವ ಕಾಲ ಇದಾಗಿದೆ.

ಕರ್ಕಾಟಕ ರಾಶಿ
ಈ ರಾಶಿಯವರಿಗೆ ಆರನೇ ಸ್ಥಾನದಲ್ಲಿದ್ದ ಶನಿಯ ಚಲನೆ ಬದಲಾಗಲಿದೆ. ಪ್ರತಿ ಸ್ಪರ್ಧಿಗಳಿಂದ ಮತ್ತು ಶತ್ರುಗಳಿಂದ ಆಗುತ್ತಿದ್ದ ತೊಂದರೆ ಸ್ವಲ್ಪ ಮಟ್ಟಿಗೆ ಕಡಿಮೆಯಾಗಲಿದೆ. ಆರೋಗ್ಯದ ವಿಷಯದಲ್ಲಿಯೂ ಸುಧಾರಣೆಯನ್ನು ಕಾಣಬಹುದಾಗಿದೆ. ಸಣ್ಣಪುಟ್ಟ ಪ್ರಯಾಣಗಳನ್ನು ಮಾಡಬೇಕಾದ ಸಂದರ್ಭ ಬಂದೊದಗುತ್ತದೆ. ಕೆಲಸದ ನಿಮಿತ್ತ ಮಾಡುವ ಪ್ರಯಾಣ ಲಾಭದಾಯಕವಾಗಲಿದೆ. ಕ್ಷಮತೆಗೆ ತಕ್ಕ ಫಲವನ್ನು ಈ ಸಮಯದಲ್ಲಿ ಪಡೆಯಬಹುದಾಗಿದೆ.

Saturn margi effects on different Zodiac sign

ಸಿಂಹ ರಾಶಿ
ಈ ರಾಶಿಯಿಂದ ಐದನೇ ಮನೆಯಲ್ಲಿ ಶನಿ ಗ್ರಹವು ಬದಲಾವಣೆಯಾಗುತ್ತಿದೆ. ಪ್ರಣಯ ಜೀವನವು ಮತ್ತಷ್ಟು ಸುಮಧುರವಾಗಲಿದೆ. ಜೀವನದಲ್ಲಿ ಹೊಸ ಉತ್ಸಾಹವನ್ನು ಕಾಣಬಹುದಾಗಿದೆ. ದಾಂಪತ್ಯ ಜೀವನದಲ್ಲಿ ವಿವಾದ- ಜಗಳಗಳು ಇದ್ದಲ್ಲಿ ಶನಿಯ ಪ್ರಭಾವದಿಂದ ಎಲ್ಲವೂ ತಿಳಿಯಾಗಲಿದೆ. ಮಕ್ಕಳಿಂದ ಖುಷಿಯ ವಿಚಾರವನ್ನು ಕೇಳಲಿದ್ದೀರಿ. ಸಂತಾನಕ್ಕಾಗಿ ಹಂಬಲಿಸುತ್ತಿರುವವರು ಈ ಸಮಯದಲ್ಲಿ ಶುಭ ವಾರ್ತೆಯನ್ನು ನಿರೀಕ್ಷಿಸಬಹುದಾಗಿದೆ. ವಿದ್ಯಾರ್ಥಿಗಳ ಪ್ರಗತಿಗೂ ಪೂರಕ ಸಮಯ ಇದಾಗಿದೆ. ಉಳಿತಾಯದ ಬಗ್ಗೆಯೂ ಸಿಂಹ ರಾಶಿಯವರು ಈ ಸಂದರ್ಭದಲ್ಲಿ ಚಿಂತಿಸಬಹುದಾಗಿದೆ.

ಇದನ್ನು ಓದಿ: ಕೇತು ದೋಷದಿಂದ ಮುಕ್ತಿ ಪಡೆಯಲು ಹೀಗ್ ಮಾಡಿ ನೋಡಿ.. 

ಕನ್ಯಾ ರಾಶಿ
ಶನಿಯು ನಾಲ್ಕನೇ ಮನೆಯಲ್ಲಿ ಮಾರ್ಗಿಯಾಗುತ್ತಿರುವುದರಿಂದ ಕನ್ಯಾ ರಾಶಿಯವರಿಗೆ ಸುಖ-ಸಮೃದ್ಧಿಯು ವೃದ್ಧಿಸುತ್ತದೆ. ತಾಯಿಯ ಸ್ವಾಸ್ಥ್ಯದಲ್ಲಿ ಸುಧಾರಣೆಯನ್ನು ಕಾಣಬಹುದಾಗಿದೆ. ಭೌತಿಕ ಸುಖವನ್ನು ಈ ಸಮಯದಲ್ಲಿ ಪಡೆಯಲಿದ್ದೀರಿ. ನಿಮ್ಮ ವಿರೋಧಿಗಳನ್ನು ಮಾತಿನಿಂದಲೇ ಎದುರಿಸಲು ಇದು ಸುಸಂದರ್ಭವಾಗಿದೆ. ವೃತ್ತಿಯಲ್ಲಿ ಉನ್ನತಿಯನ್ನು ಹೊಂದಬಹುದಾಗಿದೆ. ಆರೋಗ್ಯವು ಉತ್ತಮವಾಗಲಿದೆ.

ತುಲಾ ರಾಶಿ
ಈ ರಾಶಿಯವರಿಗೆ ಶನಿಯು ಮೂರನೇ ಸ್ಥಾನದಲ್ಲಿ ಮಾರ್ಗಿಯಾಗುತ್ತಿದ್ದಾನೆ. ತುಲಾ ರಾಶಿಯವರ ಕಾರ್ಯ ತತ್ಪರತೆ ಮತ್ತು ನಿಷ್ಠೆ  ಕಾರ್ಯಸ್ಥಳದಲ್ಲಿ ಎಲ್ಲರಿಗೂ ತಿಳಿಯಲಿದೆ. ವೃತ್ತಿಯಲ್ಲಿ ಉನ್ನತಿಯನ್ನು ಹೊಂದುವ ಸೂಚನೆಯಿದೆ.  ಶನಿ ದೇವನ ಕೃಪೆಯಿಂದ ಸಂತಾನ ಅಪೇಕ್ಷಿಸುವವರ ಇಚ್ಛೆ ನೆರವೇರಲಿದೆ. ಪರಿಶ್ರಮದ ಜೊತೆಗೆ ಅದೃಷ್ಟವು ತುಲಾ ರಾಶಿಯವರಿಗೆ ಇರಲಿದೆ.

ವೃಶ್ಚಿಕ ರಾಶಿ
ಈ ರಾಶಿಯವರಿಗೆ ಶನಿಯು ಎರಡನೇ ಸ್ಥಾನದಲ್ಲಿ ಮಾರ್ಗಿಯಾಗುತ್ತಿದ್ದಾನೆ. ಸ್ವಾಸ್ಥ್ಯ ಸಮಸ್ಯೆಯಿಂದ ಬಳಲುತ್ತಿದ್ದವರು ಈಗ ಸುಧಾರಣೆ ಕಾಣಬಹುದಾಗಿದೆ. ಶನಿಯಿಂದ ಹಣ ಸಂಪಾದಿಸುವ ಹೊಸ ಮಾರ್ಗವು ದೊರೆಯಲಿದೆ.  ಲಾಭದ ನಿರೀಕ್ಷೆಯಲ್ಲಿ ಕಾಲ ಕಳೆದು ಹೋಗಿದ್ದರೆ, ಈ ಬಾರಿ ಶನಿಯ ಪ್ರಭಾವದಿಂದ ಆ ಲಾಭ ನಿಮ್ಮ ಕೈ ಸೇರುತ್ತದೆ. ಭೌತಿಕ ಸುಖವನ್ನು ಪಡೆಯಬಹುದಾಗಿದೆ. ಪ್ರಯಾಣವು ಲಾಭ ತರಲಿದೆ.

ಧನು ರಾಶಿ
ಶನಿಯು ಧನು ರಾಶಿಯಲ್ಲೇ ಮಾರ್ಗಿಯಾಗುತ್ತಿದ್ದಾನೆ. ಆರೋಗ್ಯದ ವಿಷಯದಲ್ಲಿ ತೊಂದರೆ ಅನುಭವಿಸಿದ್ದರೆ ಈಗ ಅದರಿಂದ ಮುಕ್ತಿ ಸಿಗಲಿದೆ. ಸಹೋದರ ಅಥವಾ ಸಹೋದರಿಯ ಸಂಪೂರ್ಣ ಸಹಕಾರ ದೊರೆಯಲಿದೆ. ಪ್ರಣಯ ಜೀವನದಲ್ಲಿ ಸಕಾರಾತ್ಮಕ ಪರಿಣಾಮವನ್ನು ಕಾಣಬಹುದಾಗಿದೆ. ವಿವಾಹಿತರಿಗೆ ಸಂಗಾತಿಯ ಬಗ್ಗೆ ವಿಶ್ವಾಸ ಹೆಚ್ಚಲಿದೆ. ವೃತ್ತಿಯಲ್ಲಿ ಉನ್ನತಿಯ ಸಂಕೇತವನ್ನು ಶನಿ ನೀಡುತ್ತಿದ್ದಾನೆ.

ಮಕರ ರಾಶಿ
ಈ ರಾಶಿಯಿಂದ ಹನ್ನೆರಡನೇ ಮನೆಯಲ್ಲಿ ಮಾರ್ಗಿಯಾಗುತ್ತಿರುವ ಶನಿ ಲಾಭ ನೀಡಲಿದ್ದಾನೆ. ಭವಿಷ್ಯಕ್ಕಾಗಿ ಉಳಿತಾಯ ಬಗ್ಗೆ ಚಿಂತಿತರಾಗಿದ್ದರೆ ಈ ಸಮಯದಲ್ಲಿ ಉಳಿತಾಯ ಯೋಜನೆಯನ್ನು ಕಾರ್ಯಗತಗೊಳಿಸಿದಲ್ಲಿ ಸಫಲತೆ ದೊರೆಯಲಿದೆ. ಶನಿಯಿಂದ ಈ ರಾಶಿಯವರ ಆರ್ಥಿಕ ಸ್ಥಿತಿ ಉತ್ತಮವಾಗಲಿದೆ. ವಿರೋಧಿಗಳಿಂದ ಆಗುತ್ತಿದ್ದ ತೊಂದರೆಯಿಂದ ಸುಲಭವಾಗಿ ಪಾರಗಬಹುದಾಗಿದೆ. ಶನಿಯ ಪ್ರಭಾವದಿಂದ ಅದೃಷ್ಟವು ನಿಮ್ಮ ಜೊತೆಯಿರಲಿದೆ.

ಇದನ್ನು ಓದಿ: ಈ ಅಧಿಕ ಮಾಸದಲ್ಲಿ ಹೀಗೆ ಮಾಡ್ಲೇಬೇಡಿ,,, ಪಾಪ ತಟ್ಟುತ್ತೆ..! 

ಕುಂಭ ರಾಶಿ
ಈ ರಾಶಿಯ ಅಧಿಪತಿಯಾಗಿರುವ ಶನಿಯಿಂದ ಅಪೇಕ್ಷಿತ ಲಾಭವು ಕೈ ಸೇರುತ್ತದೆ. ವೃತ್ತಿಯಲ್ಲಿ ಬದಲಾವಣೆಯನ್ನು ಇಚ್ಛಿಸುವವರು ಈ ಸಮಯದಲ್ಲಿ ಸರಿಯಾದ ನಿರ್ಧಾರ ತೆಗೆದುಕೊಂಡರೆ ಉತ್ತಮ ಫಲ ದೊರೆಯಲಿದೆ. ಹೊಸ ವ್ಯಾಪಾರವನ್ನು ಆರಂಭಿಸಲು ಬಯಸುವವರಿಗೆ ಇದು ಸಕಾಲವಾಗಿದೆ. ಆರೋಗ್ಯವು ಸುಧಾರಿಸಲಿದೆ. ಸಂಬಂಧಗಳಲ್ಲಿ ಹೆಚ್ಚಿನ ಮಧುರತೆಯನ್ನು ಕಾಣಬಹುದಾಗಿದೆ. ಪ್ರಯಾಣವು ಲಾಭದಾಯಕವಾಗಲಿದೆ.

ಮೀನ ರಾಶಿ
ಈ ರಾಶಿಯವರಿಗೆ ಶನಿಯಿಂದ ವೃತ್ತಿ ಕ್ಷೇತ್ರದಲ್ಲಿ ಅನುಭವಿಸುತ್ತಿದ್ದ ತೊಂದರೆಯಿಂದ ಮುಕ್ತಿ ಸಿಗಲಿದೆ. ವಿಳಂಬವಾಗಿದ್ದ ಕಾರ್ಯಗಳು ಸುಗಮವಾಗಿ ನೆರವೇರಲಿವೆ. ತಾಯಿಯಿಂದ ಉತ್ತಮ ಸಹಕಾರ ದೊರೆಯಲಿದೆ. ವೃತ್ತಿಯ ಒತ್ತಡವು ಸ್ವಲ್ಪ ಮಟ್ಟಿಗೆ ತಗ್ಗಲಿದೆ. ದಾಂಪತ್ಯ ಜೀವನವು ಮತ್ತಷ್ಟು ಉತ್ತಮವಾಗಲಿದೆ. 

Follow Us:
Download App:
  • android
  • ios