ಶೃಂಗೇರಿಯಿಂದ ತವರಿಗೆ ತೆರಳುತ್ತಿರುವ 'ಕಾಶ್ಮೀರ ಪುರವಾಸಿನಿ'; ಶಾರದಾಂಬೆಯ ಮಿಶನ್ ಕಾಶ್ಮೀರ್ ಕತೆ
ತುಂಗಾ ತೀರ ನಿವಾಸಿನಿಯಾಗಿರುವ ಶಾರದಾಂಬೆ ಕಾಶ್ಮೀರ ಪುರವಾಸಿನಿಯೂ ಹೌದು. ಒಂದು ಕಾಲದಲ್ಲಿ ಕಾಶ್ಮೀರದಿಂದ ಶೃಂಗೇರಿಗೆ ಬಂದಿದ್ದ ಶಾರದೆ, ಇದೀಗ ಶೃಂಗೇರಿಯಿಂದ ಕಾಶ್ಮೀರಕ್ಕೆ ಪಯಣ ಬೆಳೆಸುತ್ತಿದ್ದಾಳೆ. ಏನಿವಳ ಕತೆ?
 )
Follow'ನಮಸ್ತೇ ಶಾರದಾದೇವಿ, ಕಾಶ್ಮೀರ ಪುರವಾಸಿನಿ..'
ನಮ್ಮ ಶೃಂಗೇರಿಯಲ್ಲಿ ಶಾರದೆ ನೆಲೆಸಿರುವುದು ಗೊತ್ತೇ ಇದೆ. ಹಾಗಿದ್ದೂ ಈ ಶ್ಲೋಕದಲ್ಲಿ ಶಾರದೆಯನ್ನು ಕಾಶ್ಮೀರ ಪುರವಾಸಿನಿ ಎಂಬುದರ ಹಿಂದೆ ಕಾರಣವಿದ್ದೇ ಇದೆ. ನಮ್ಮ ಶೃಂಗೇರಿಗೂ ಕಾಶ್ಮೀರಕ್ಕೂ 1200 ವರ್ಷಗಳ ನಂಟಿದೆ. 1200 ವರ್ಷಗಳ ಹಿಂದೆ ಕಾಶ್ಮೀರದ ಸರ್ವಜ್ಞ ಪೀಠದಲ್ಲಿ ನಡೆದ ಜ್ಞಾನ ಸಂವಾದದಲ್ಲಿ ವಿದ್ವಾಂಸರನ್ನೆಲ್ಲ ಸೋಲಿಸಿ, ದಕ್ಷಿಣ ಭಾರತದ ಸಂತರಾದ ಶ್ರೀ ಶಂಕರಾಚಾರ್ಯರು ಪೀಠವನ್ನು ಏರಿದ್ದರು. ಬಳಿಕ ಶಾರದಾಂಬೆಯನ್ನು ಕಾಶ್ಮೀರದಿಂದ ಕರ್ನಾಟಕದ ಶೃಂಗೇರಿಗೆ ತಂದು ಪ್ರತಿಷ್ಠಾಪಿಸಿದ್ದರು. ಅಂದಿನಿಂದಲೂ ಶೃಂಗೇರಿ ಜ್ಞಾನದೇವತೆಯ ನೆಲೆವೀಡಾಗಿ ಭಕ್ತರನ್ನು ಸೆಳೆಯುತ್ತಲೇ ಇದೆ.
ವಿದ್ವಾಂಸರ ತವರು
ಹೌದು, ಶಾರದಾಂಬೆ ಕಾಶ್ಮೀರಿ ಪಂಡಿತರ ಕುಲದೇವತೆ. ಸರಸ್ವತಿಗೆ ಶಾರದೆ ಎಂಬ ಹೆಸರು ಕೊಟ್ಟವರೇ ಅವರು. ಸಧ್ಯ ಪಾಕ್ ಆಕ್ರಮಿತ ಕಾಶ್ಮೀರದಲ್ಲಿರುವ ತೀತ್ವಾಲ್ ಎಂಬ ಸ್ಥಳದಲ್ಲಿ ತಕ್ಷಿಲಾ ಮತ್ತು ನಳಂದಾ ವಿಶ್ವವಿದ್ಯಾನಿಲಯಗಳಿಗಿಂತ ಮುಂಚೆಯೇ 273 BCಯಲ್ಲಿ ಶಾರದಾ ಪೀಠವಿತ್ತು. ದೇವಾಲಯದ ನಿರ್ಮಾಣದ ಒಂದು ಖಾತೆಯ ಪ್ರಕಾರ, ಇದನ್ನು ಕುಶಾನರ ಆಳ್ವಿಕೆಯಲ್ಲಿ (1 ನೇ ಶತಮಾನದ ಆರಂಭದಲ್ಲಿ) ನಿರ್ಮಿಸಲಾಯಿತು. ಅಂದರೆ ಅಶೋಕನ ಆಳ್ವಿಕೆಯಲ್ಲಿ ಕ್ರಿ.ಪೂ. 237 ರಲ್ಲಿ ಸ್ಥಾಪಿಸಲಾಯಿತು. ಇಲ್ಲಿ ವಿದ್ಯಾಧಿದೇವತೆ ಸ್ವತಃ ಇರುವುದು ಸಾಬೀತಾಗುವಂತೆ ಶಾರದಾ ಪೀಠ ವಿಶ್ವವಿದ್ಯಾಲಯ ಖ್ಯಾತಿ ಪಡೆದಿತ್ತು. ಅನೇಕ ವಿದ್ವಾಂಸರ ಹುಟ್ಟಿಗೆ ಕಾರಣವಾಗಿತ್ತು. ಶಾರದಾ ಪೀಠ ದೇವಸ್ಥಾನದ ವಿಶ್ವವಿದ್ಯಾಲಯವು ಪ್ರಾಚೀನ ಭಾರತದಲ್ಲಿ 12 ನೇ ಶತಮಾನದವರೆಗೆ ಆದಿ ಶಂಕರ, ಕಲ್ಹಣ ಮತ್ತು ವಿರೋತ್ಸಾನರಂತಹ ವಿದ್ವಾಂಸರನ್ನು ಹೊಂದಿರುವ ಪ್ರಮುಖ ಕಲಿಕೆಯ ಕೇಂದ್ರಗಳಲ್ಲಿ ಒಂದಾಗಿತ್ತು. ಇಲ್ಲಿ ಬೌದ್ಧ ಧರ್ಮದ ಬೋಧನೆಯೊಂದಿಗೆ, ಇತಿಹಾಸ, ಭೂಗೋಳ, ರಚನಾತ್ಮಕ ವಿಜ್ಞಾನ, ತರ್ಕ ಮತ್ತು ತತ್ತ್ವಶಾಸ್ತ್ರವನ್ನು ಸಹ ಕಲಿಸಲಾಗುತ್ತಿತ್ತು. ಒಂದು ಹಂತದಲ್ಲಿ 5,000 ನಿವಾಸಿ ವಿದ್ವಾಂಸರು ಇದ್ದರು ಮತ್ತು ಇದು ವಿಶ್ವದ ಅತಿದೊಡ್ಡ ಗ್ರಂಥಾಲಯವನ್ನು ಸಹ ಹೊಂದಿತ್ತು.
Gautam Buddha Story: ಡಕಾಯಿತನನ್ನು ಸಂತನಾಗಿಸಿದ ಬುದ್ಧ! ಅಹಿಂಸಕ ಕೊಲೆಗಡುಕನಾದದ್ದು ಹೇಗೆ?
ವಿಶ್ವವಿದ್ಯಾನಿಲಯವು ಯಾವಾಗಲೂ ಜನಪ್ರಿಯವಾಗಿದ್ದರೂ, ಮಹಾರಾಜ ಪ್ರತಾಪ್ ಸಿಂಗ್ ಮತ್ತು ರಣಬೀರ್ ಸಿಂಗ್ ಆಳ್ವಿಕೆಯಲ್ಲಿ ದೇವಾಲಯಕ್ಕೆ ವಾರ್ಷಿಕ ತೀರ್ಥಯಾತ್ರೆಯು ಪ್ರವರ್ಧಮಾನಕ್ಕೆ ಬಂದಿತು. ಶಾರದ ಲಿಪಿಯ ಅಭಿವೃದ್ಧಿ ಮತ್ತು ಜನಪ್ರಿಯತೆಗೆ ಇದು ಕಾರಣವಾಗಿದೆ. ಅನೇಕ ಪ್ರಮುಖ ಸಂಸ್ಕೃತ ಹಸ್ತಪ್ರತಿಗಳನ್ನು ಇಲ್ಲಿ ಬರೆಯಲಾಗಿದೆ ಮತ್ತು ಇದು ಸಂಸ್ಕೃತ ಶಿಕ್ಷಣತಜ್ಞರಿಗೆ ಮಹತ್ವದ ಸ್ಥಳವಾಗಿದೆ. ಈ ಪ್ರಾಚೀನ ಕಲಿಕಾ ಕೇಂದ್ರವು ಈಗ ಪಾಕ್ ಆಕ್ರಮಿತ ಕಾಶ್ಮೀರದ ವ್ಯಾಪ್ತಿಗೆ ಒಳಪಟ್ಟಿದೆ.
ವಿಭಜನೆಯ ಪರಿಣಾಮ
ಹೌದು, ಭಾರತ ಮತ್ತು ಪಾಕಿಸ್ತಾನದ ವಿಭಜನೆಯ ಮೊದಲು, ಶಾರದ ಪೀಠವು ಮಾರ್ತಾಂಡ ಸೂರ್ಯ ದೇವಾಲಯ ಮತ್ತು ಅಮರನಾಥ ದೇವಾಲಯದ ಜೊತೆಗೆ ಈ ಪ್ರದೇಶದ ಮೂರು ಪ್ರಮುಖ ದೇವಾಲಯಗಳಲ್ಲಿ ಒಂದಾಗಿತ್ತು. ಜಮ್ಮು ಮತ್ತು ಕಾಶ್ಮೀರದ ಮೇಲೆ ಉಭಯ ದೇಶಗಳ 1947-48 ರ ಯುದ್ಧದ ನಂತರ ಈ ದೇವಾಲಯವನ್ನು ಕೈಬಿಡಲಾಯಿತು, ಏಕೆಂದರೆ ಅದು ಪಿಒಕೆ ತೆಕ್ಕೆಗೆ ಬಿದ್ದಿತು. ನಂತರದಲ್ಲಿ ಮುಸ್ಲಿಂ ಕುಟುಂಬವೊಂದರ ಜಮೀನಿನಲ್ಲಿ ತೀತ್ವಾಲ್‌ನ ಈ ದೇವಾಲಯದ ಅವಶೇಷಗಳು ಒಂದಾದವು.
ಇದೀಗ ಕಾಶ್ಮೀರ ಪಂಡಿತರ ನಿರಂತರ ಪ್ರಯತ್ನದಿಂದ ಮುಸ್ಲಿಂ ಕುಟುಂಬವು ಈ ಭೂಮಿಯನ್ನು ಕಾಶ್ಮೀರಿ ಪಂಡಿತರಿಗೆ ನೀಡಿದೆ. ಇಲ್ಲಿ ದೇವಾಲಯವನ್ನು ನಿರ್ಮಿಸುವ ಕಾರ್ಯದಲ್ಲಿ ತೊಡಗಿರುವ ಕಾಶ್ಮೀರಿ ಪಂಡಿತರ ಸಮಿತಿಯು, ಈ ಸ್ಥಳದಲ್ಲಿ ದೊರೆತ ಅವಶೇಷ ಪವಿತ್ರ ಕಲ್ಲುಗಳನ್ನು ಶೃಂಗೇರಿಗೆ ತಂದು, ಜಗದ್ಗುರುಗಳು ಆರಿಸಿ ಕೊಟ್ಟ ಶಿಲೆ ಬಳಸಿ ಶಾರದಾ ವಿಗ್ರಹ ತಯಾರಿಸಲಾಗಿದೆ.
February 2023 Gemini Horoscope: ಮಿಥುನಕ್ಕೆ ಫೆಬ್ರವರಿಯಲ್ಲಿ ಉದ್ಯೋಗದಲ್ಲಿ ಯಶಸ್ಸು, ಆರೋಗ್ಯದಲ್ಲಿ ಇರಲಿ ಎಚ್ಚರ
3.5 ಅಡಿ ಉದ್ದದ ಶಾರದಾ ವಿಗ್ರಹ ಇದಾಗಿದ್ದು, ಶೃಂಗೇರಿ ಶಾರದೆಯಂತೆಯೇ ನೋಡಲು ಇದೆ. ಇದೀಗ ಈ ಶಾರದಾ ದೇವಿಯ ಪಂಚಲೋಹದ ವಿಗ್ರಹವನ್ನು ಜನವರಿ 24ರಂದು ಕರ್ನಾಟಕದ ಶೃಂಗೇರಿಯಿಂದ ಕಾಶ್ಮೀರದ ಗಡಿ ನಿಯಂತ್ರಣ ರೇಖೆ ಬಳಿಯ ತೀತ್ವಾಲ್‌ಗೆ ಕೊಂಡೊಯ್ಯುವ ಕಾರ್ಯ ಆರಂಭವಾಗಿದೆ. ಮಾರ್ಚ್ 20ಕ್ಕೆ ಯಾತ್ರೆಯು ತೀತ್ವಾಲ್ ತಲುಪಲಿದೆ. ದೇವಿಯ ಆರಾಧನೆಯ ಒಂಬತ್ತು ಮಂಗಳಕರ ದಿನಗಳಾದ ಚೈತ್ರ ನವರಾತ್ರಿಯ ಮೊದಲ ದಿನವಾದ ಮಾರ್ಚ್ 22ರಂದು ಹೊಸದಾಗಿ ನಿರ್ಮಿಸಲಾದ ದೇವಾಲಯದಲ್ಲಿ ವಿಗ್ರಹವನ್ನು ಅಂತಿಮವಾಗಿ ಪ್ರತಿಷ್ಠಾಪಿಸಲಾಗುವುದು. ಅಂತೂ ಶಾರದಾ ದೇವಿ ಕಾಶ್ಮೀರದ ತನ್ನ ತವರಿಗೆ ಮರಳುತ್ತಿದ್ದಾಳೆ.
