Asianet Suvarna News Asianet Suvarna News

Unusual Temples: ಇವು ವಿಲಕ್ಷಣ ಕಾರಣಕ್ಕೆ ಭಕ್ತರನ್ನು ಸೆಳೆಯೋ ದೇವಾಲಯಗಳು..

ಈ ದೇವಾಲಯಗಳು ವಿಚಿತ್ರ, ವಿಲಕ್ಷಣ ಅಥವಾ ಅಸಾಮಾನ್ಯ ಕಾರಣಕ್ಕಾಗಿ ಹೆಸರುವಾಸಿಯಾಗಿವೆ. ಕೆಲವು ತಮ್ಮ ಭೂತೋಚ್ಚಾಟನೆಯ ವಿಧಿಗಳಿಗೆ, ಮತ್ತೆ ಕೆಲವು ವಿಶಿಷ್ಠ ಆಚರಣೆಗೆ ಪ್ರಸಿದ್ಧಿ ಪಡೆದಿವೆ. 

Most Mysterious Temples in India skr
Author
First Published Jun 26, 2023, 5:41 PM IST | Last Updated Jun 26, 2023, 5:41 PM IST

ಭಾರತವು 64 ಕೋಟಿ ದೇವರು ಮತ್ತು ದೇವತೆಗಳ ನಾಡು. ಬಹುಸಂಖ್ಯೆಯ ಪವಿತ್ರ ನಗರಗಳು ಮತ್ತು ದೇವಾಲಯಗಳನ್ನು ಹೊಂದಿದೆ. ಇಲ್ಲಿ ಪ್ರತಿ ಹೆಜ್ಜೆಯಲ್ಲೂ ದೇವಾಲಯಗಳನ್ನು ಕಾಣಬಹುದು, ಆದರೆ ಅವುಗಳಲ್ಲಿ ಕೆಲವು ವಿಚಿತ್ರ, ವಿಲಕ್ಷಣ ಅಥವಾ ಅಸಾಮಾನ್ಯ ಕಾರಣಕ್ಕಾಗಿ ಹೆಸರುವಾಸಿಯಾಗಿವೆ. ಭಾರತದಲ್ಲಿನ ಈ ವಿಲಕ್ಷಣವಾದ ಕೆಲವು ದೇವಾಲಯಗಳು ಅವುಗಳ ಅಸಾಂಪ್ರದಾಯಿಕ ದೇವತೆಗಳಿಂದಾಗಿ ಪ್ರಸಿದ್ಧವಾಗಿವೆ, ಕೆಲವು ಭೂತೋಚ್ಚಾಟನೆಯ ವಿಧಿಗಳಿಂದಾಗಿ ಮತ್ತು ಕೆಲವು 2000 ವರ್ಷಗಳಿಗಿಂತಲೂ ಹಳೆಯದಾಗಿರುವ ಕಾರಣಕ್ಕೆ ಪ್ರಸಿದ್ಧಿ ಪಡೆದಿವೆ.

1. ಮಹೆಂದಿಪುರ ಬಾಲಾಜಿ ದೇವಸ್ಥಾನ, ರಾಜಸ್ಥಾನ
ರಾಜಸ್ಥಾನದ ಪುಟ್ಟ ದೌಸಾ ಜಿಲ್ಲೆಯಲ್ಲಿ, ಪ್ರತಿದಿನ ಸಾವಿರಾರು ಭಕ್ತರು ದೆವ್ವ ಮತ್ತು ಇತರ ದುಷ್ಟಶಕ್ತಿಗಳನ್ನು ತೊಡೆದುಹಾಕಲು ಮಹೇಂದಿಪುರ ಬಾಲಾಜಿ ದೇವಸ್ಥಾನಕ್ಕೆ ಭೇಟಿ ನೀಡುತ್ತಾರೆ. ಇಲ್ಲಿ ತೀವ್ರವಾದ ರೀತಿಯಲ್ಲಿ ಪ್ರಾಯಶ್ಚಿತ್ತವನ್ನು ಅರ್ಪಿಸಲಾಗುತ್ತದೆ. ಭೂತೋಚ್ಛಾಟನೆಗಾಗಿ ಕುದಿಯುವ ನೀರನ್ನು ಮೇಲೆ ಸುರಿಯುವುದು, ಚಾವಣಿಗೆ ನೇತಾಡುವುದು, ಗೋಡೆಗಳಿಗೆ ಸರಪಳಿ ಹಾಕುವುದು ಮತ್ತು ಗೋಡೆಗಳಿಗೆ ತಮ್ಮ ತಲೆಗಳನ್ನು ಬಡಿದುಕೊಳ್ಳುವುದು ಮುಂತಾದವು ನಡೆಯುತ್ತವೆ. ಈ ದೇವಾಲಯವು ಪ್ರಾಯಶಃ ಭಾರತದಲ್ಲಿ ಪುರೋಹಿತರಿಂದ ಭೂತೋಚ್ಚಾಟನೆಯನ್ನು ನಡೆಸುತ್ತಿರುವ ಏಕೈಕ ಸ್ಥಳವಾಗಿದೆ.
ಈ ದೇವಾಲಯದಲ್ಲಿ ಯಾವುದೇ ಪ್ರಸಾದವನ್ನು ನೀಡಲಾಗುವುದಿಲ್ಲ ಮತ್ತು ಒಮ್ಮೆ ನೀವು ದೇವಾಲಯವನ್ನು ಬಿಟ್ಟರೆ, ನೀವು ಅದನ್ನು ಹಿಂದಿರುಗಿ ನೋಡಬಾರದು ಎಂದು ಹೇಳಲಾಗುತ್ತದೆ.

July 2023 Festival Calendar: ಜುಲೈನ ಹಬ್ಬಹರಿದಿನಗಳ ಪಟ್ಟಿ ಇಲ್ಲಿದೆ..

2. ಕಾಮಾಖ್ಯ ದೇವಿ ದೇವಸ್ಥಾನ, ಅಸ್ಸಾಂ
ಗುವಾಹಟಿಯಲ್ಲಿರುವ ನೀಲಾಚಲ್ ಬೆಟ್ಟದ ಮೇಲೆ ನೆಲೆಸಿರುವ ಕಾಮಾಖ್ಯ ದೇವಿ ದೇವಸ್ಥಾನ ಭಾರತದ ಅತ್ಯಂತ ಪ್ರಸಿದ್ಧ ದೇವಾಲಯಗಳಲ್ಲಿ ಒಂದಾಗಿದೆ. ಇದು ಭಾರತೀಯ ಉಪಖಂಡದ 51 ಶಕ್ತಿ ಪೀಠಗಳಲ್ಲಿ ಅತ್ಯಂತ ಹಳೆಯದು. ದೇವಾಲಯವು ಪೂಜಿಸಲು ಯಾವುದೇ ಶಿಲ್ಪವನ್ನು ಹೊಂದಿಲ್ಲ. ಆದಾಗ್ಯೂ, ಅದು ಶಿವನ ಪತ್ನಿ ದೇವಿ ಸತಿಯ ಯೋನಿಯೆನಿಸಿಕೊಳ್ಳುವ ಕೆಂಪು ರೇಷ್ಮೆ ಸೀರೆಯಿಂದ ಮುಚ್ಚಲ್ಪಟ್ಟ ಕಲ್ಲನ್ನು ಹೊಂದಿದೆ. ಪ್ರತಿ ವರ್ಷ ಮಾನ್ಸೂನ್ ಸಮಯದಲ್ಲಿ, ದೇವಿಗೆ ಋತುಮತಿಯಾಗುತ್ತಾಳೆ ಮತ್ತು ದೇವಾಲಯವನ್ನು ಮೂರು ದಿನಗಳವರೆಗೆ ಮುಚ್ಚಲಾಗುತ್ತದೆ. ಆಗ ಇಲ್ಲಿ ತಾಂತ್ರಿಕ ಫಲವತ್ತತೆ ಉತ್ಸವ ಅಥವಾ ಅಂಬುಬಾಚಿ ಮೇಳವನ್ನು ಆಚರಿಸಲಾಗುತ್ತದೆ. ದೇವಾಲಯದ ಗರ್ಭಗುಡಿಯಲ್ಲಿ ಹರಿಯುವ ಭೂಗತ ಚಿಲುಮೆಯು ಈ ಮೂರು ದಿನಗಳಲ್ಲಿ ಕೆಂಪು ಬಣ್ಣಕ್ಕೆ ತಿರುಗುತ್ತದೆ. ಋತುಸ್ರಾವದ ದಿನಗಳಲ್ಲಿ ಕಲ್ಲಿನ ಯೋನಿಯನ್ನು ಮುಚ್ಚಲು ಬಳಸುವ ಕೆಂಪು ಬಟ್ಟೆಯ ತುಂಡನ್ನು ಭಕ್ತರಿಗೆ ‘ಪ್ರಸಾದ’ವಾಗಿ ನೀಡಲಾಗುತ್ತದೆ.

3. ದೇವ್‌ಜಿ ಮಹಾರಾಜ್ ಮಂದಿರ, ಮಧ್ಯಪ್ರದೇಶ
ಪ್ರತಿ ತಿಂಗಳ ಹುಣ್ಣಿಮೆಯ ಸಮಯದಲ್ಲಿ, ಮಧ್ಯಪ್ರದೇಶದ ದೇವ್‌ಜಿ ಮಹಾರಾಜ್ ಮಂದಿರವು ದೆವ್ವ ಮತ್ತು ದುಷ್ಟಶಕ್ತಿಗಳನ್ನು ತೊಡೆದುಹಾಕಲು ಭಕ್ತರು ಆಗಮಿಸುವ ಸ್ಥಳವಾಗಿದೆ. ಇಲ್ಲಿ ಭೂತೋಚ್ಛಾಟನೆಗಾಗಿ ಕರ್ಪೂರವನ್ನು ಬರಿಯ ಅಂಗೈಗಳ ಮೇಲೆ ಬೆಳಗಿಸಲಾಗುತ್ತದೆ. ಹಿಡಿಯಿಂದ ಹೊಡೆಯಲಾಗುತ್ತದೆ. ದುಷ್ಟಶಕ್ತಿಗಳನ್ನು ಶಮನಗೊಳಿಸಲು ದೇವಾಲಯದ ಮೈದಾನದಲ್ಲಿ ವಾರ್ಷಿಕ "ಭೂತ ಮೇಳ" ಅಥವಾ ಪ್ರೇತ ಜಾತ್ರೆ ನಡೆಯುತ್ತದೆ. 

4. ಕೊಡುಂಗಲ್ಲೂರು ಭಗವತಿ ದೇವಸ್ಥಾನ, ಕೇರಳ
ಭದ್ರಕಾಳಿ ದೇವಿಯ ಐಹಿಕ ವಾಸಸ್ಥಾನ, ಕಾಳಿ ದೇವಿಯ ಸೌಮ್ಯ ಪುನರ್ಜನ್ಮ ಎನ್ನುವ ಕೊಡುಂಗಲ್ಲೂರು ಭಗವತಿ ದೇವಸ್ಥಾನವು ವಾರ್ಷಿಕವಾಗಿ ಆಚರಿಸಲಾಗುವ ವಿಲಕ್ಷಣವಾದ ಏಳು ದಿನಗಳ ಭರಣಿ ಉತ್ಸವಕ್ಕೆ ಸಾಕ್ಷಿಯಾಗಿದೆ. ಈ ಸಂದರ್ಭದಲ್ಲಿ ಕೆಂಪು ವಸ್ತ್ರವನ್ನು ಧರಿಸಿರುವ ಮತ್ತು ಕತ್ತಿಗಳನ್ನು ಹೊತ್ತ ಪುರುಷರು ಮತ್ತು ಮಹಿಳೆಯರು ಈ ದೇವಾಲಯದಲ್ಲಿ ಟ್ರಾನ್ಸ್ ಸ್ಥಿತಿಯಲ್ಲಿ ಓಡುತ್ತಾರೆ. ಅವರು ತಮ್ಮ ತಲೆಗೆ ಕತ್ತಿಯಿಂದ ಹೊಡೆದುಕೊಳ್ಳುತ್ತಾರೆ, ರಕ್ತವು ಮುಕ್ತವಾಗಿ ಸುರಿಯುತ್ತದೆ. ಹಾಗಿದ್ದೂ ಅವರು ದೇವಸ್ಥಾನವನ್ನು ಪ್ರವೇಶಿಸುತ್ತಾರೆ ಮತ್ತು ದೇವಿಯ ಬಗ್ಗೆ ಅಶ್ಲೀಲ ಹಾಡುಗಳನ್ನು ಹಾಡುತ್ತಾರೆ.
ಇಲ್ಲಿ ದೇವಿಗೆ ಸಮರ್ಪಣೆಗಳನ್ನು ಆಕೆಯ ಮೇಲೆ ಎಸೆಯಲಾಗುತ್ತದೆ. ಹಬ್ಬದ ನಂತರ 7 ದಿನಗಳ ಕಾಲ ದೇವಾಲಯವನ್ನು ಮುಚ್ಚಲಾಗುತ್ತದೆ, ಮತ್ತು ರಕ್ತದ ಕಲೆಗಳನ್ನು ಸ್ವಚ್ಛಗೊಳಿಸಲಾಗುತ್ತದೆ.

ಜುಲೈನಲ್ಲಿ ಹುಟ್ಟಿದವರ 8 ಆಕರ್ಷಕ ಗುಣಗಳು..

5. ಸ್ತಂಭೇಶ್ವರ ಮಹಾದೇವ್, ಗುಜರಾತ್
ಗುಜರಾತಿನ ವಡೋದರಾಕ್ಕೆ ಸಮೀಪದಲ್ಲಿರುವ ಸ್ತಂಭೇಶ್ವರ ಮಹಾದೇವ ದೇವಾಲಯವು ಅರಬ್ಬೀ ಸಮುದ್ರದೊಂದಿಗೆ ತೀರವನ್ನು ಹಂಚಿಕೊಂಡಿದೆ. ಭಗವಾನ್ ಶಿವನು ಇಲ್ಲಿ ನೆಲೆಸಿದ್ದಾನೆ ಮತ್ತು ಅದರಲ್ಲಿ ಸಾಹಸ ಮಾಡಲು ಧೈರ್ಯವಿರುವವರನ್ನು ಆಶೀರ್ವದಿಸುತ್ತಾನೆ. ಇದು ಭಾರತದ ಅತ್ಯಂತ ಪ್ರಸಿದ್ಧ ದೇವಾಲಯಗಳಲ್ಲಿ ಒಂದಾಗಿದೆ. ಈ ದೇವಾಲಯದ ಏಕೈಕ ವಿಲಕ್ಷಣ ಸಂಗತಿಯೆಂದರೆ, ಕಡಿಮೆ ಉಬ್ಬರವಿಳಿತದ ಸಮಯದಲ್ಲಿ ಮಾತ್ರ ಇದನ್ನು ಭೇಟಿ ಮಾಡಬಹುದು. ಇಲ್ಲಿ ಪ್ರತಿ ದಿನ ದೇವಾಲಯ ಸಮುದ್ರದಲ್ಲಿ ಮುಚ್ಚಿ ಹೋಗುತ್ತದೆ ಮತ್ತು ಹೊರ ಬರುತ್ತದೆ. 

Latest Videos
Follow Us:
Download App:
  • android
  • ios