Asianet Suvarna News Asianet Suvarna News

Mahashivratri 2023: ದಿನಾಂಕ, ಮುಹೂರ್ತ, ಪೂಜಾ ಮಹತ್ವ ಇಲ್ಲಿದೆ..

ಜ್ಯೋತಿಷ್ಯದ ಪ್ರಕಾರ, ಈ ವರ್ಷ 30 ವರ್ಷಗಳ ನಂತರ ಮಹಾಶಿವರಾತ್ರಿಯಂದು ವಿಶೇಷ ಕಾಕತಾಳೀಯವೊಂದು ರಚನೆಯಾಗುತ್ತಿದೆ. ಮಹಾಶಿವರಾತ್ರಿಯ ಶುಭ ಮುಹೂರ್ತ ಮತ್ತು ದಿನಾಂಕ ವಿವರಗಳು ಇಲ್ಲಿವೆ.

Mahashivratri 2023 Date know auspicious time and method of worship skr
Author
First Published Feb 1, 2023, 1:00 PM IST

ಪಂಚಾಂಗದ ಪ್ರಕಾರ ಪ್ರತಿ ವರ್ಷ ಮಹಾಶಿವರಾತ್ರಿಯನ್ನು ಮಾಘ ಮಾಸದ ಕೃಷ್ಣ ಪಕ್ಷದ ಚತುರ್ದಶಿಯಂದು ಆಚರಿಸಲಾಗುತ್ತದೆ. ಭಗವಾನ್ ಶಂಕರನನ್ನು ತಾಯಿ ಪಾರ್ವತಿಯು ಇದೇ ಶುಭ ಮುಹೂರ್ತದ ದಿನದಂದು ವಿವಾಹವಾದರು ಎಂದು ನಂಬಲಾಗಿದೆ. ಈ ದಿನದಂದು ಶಿವ ಮತ್ತು ತಾಯಿ ಪಾರ್ವತಿಯನ್ನು ಪೂಜಿಸುವ ವ್ಯಕ್ತಿಯ ಎಲ್ಲಾ ಇಷ್ಟಾರ್ಥಗಳು ಈಡೇರುತ್ತವೆ. ಇದರೊಂದಿಗೆ, ಈ ದಿನದಂದು ಅನೇಕ ವಿಶೇಷ ಕಾಕತಾಳೀಯಗಳು ಸಹ ರಚನೆಯಾಗುತ್ತಿವೆ. ಇದರಿಂದಾಗಿ ಈ ದಿನದ ಮಹತ್ವವು ಇನ್ನಷ್ಟು ಹೆಚ್ಚಾಗಿದೆ. ಈ ಬಾರಿಯ ಮಹಾಶಿವರಾತ್ರಿಯ ಶುಭ ಸಮಯ, ಪೂಜಾ ವಿಧಾನ ಮತ್ತು ವಿಶೇಷ ಕಾಕತಾಳೀಯವನ್ನು ತಿಳಿಸಿದ್ದೇವೆ.

ಮಹಾಶಿವರಾತ್ರಿ ದಿನಾಂಕ(Date)
ಪಂಚಾಂಗದ ಪ್ರಕಾರ, ಮಹಾಶಿವರಾತ್ರಿಯ ಚತುರ್ದಶಿ ತಿಥಿಯು ಫೆಬ್ರವರಿ 18, 2023 ರಂದು ರಾತ್ರಿ 08:03 ಕ್ಕೆ ಪ್ರಾರಂಭವಾಗುತ್ತದೆ ಮತ್ತು ಫೆಬ್ರವರಿ 19, 2023 ರಂದು ಸಂಜೆ 04:19ಕ್ಕೆ ಕೊನೆಗೊಳ್ಳುತ್ತದೆ. ಮತ್ತೊಂದೆಡೆ, ಮಹಾಶಿವರಾತ್ರಿಯನ್ನು ನಿಶಿತಾ ಅವಧಿಯಲ್ಲಿ ಪೂಜಿಸಲಾಗುತ್ತದೆ. ಅದಕ್ಕಾಗಿಯೇ ಫೆಬ್ರವರಿ 18ರಂದು ಮಹಾಶಿವರಾತ್ರಿಯನ್ನು ಆಚರಿಸಲಾಗುತ್ತದೆ. ವರ್ಷದಲ್ಲಿ 12 ಬಾರಿ ಶಿವರಾತ್ರಿಯನ್ನು ಆಚರಿಸಲಾಗುತ್ತದೆ. ಆದರೆ, ಫಾಲ್ಗುಣ ಮಾಸದ ಈ ಶಿವರಾತ್ರಿಯ ಮಹತ್ವ ಎಲ್ಲಕ್ಕಿಂತ ಹೆಚ್ಚಿದೆ.

ಮಹಾಶಿವರಾತ್ರಿಯ ಶುಭ ಸಮಯ(Shubh Muhurt)
ಮೊದಲ ಗಂಟೆಯ ಪೂಜಾ ಸಮಯ: ಫೆಬ್ರವರಿ 18, 06:41 ರಿಂದ 09:47 ರವರೆಗೆ
ಎರಡನೇ ಗಂಟೆ ಪೂಜಾ ಸಮಯ: ರಾತ್ರಿ 09.47 ರಿಂದ 12.53 ರವರೆಗೆ
ಮೂರನೇ ಗಂಟೆಯ ಪೂಜಾ ಸಮಯ: ಫೆಬ್ರವರಿ 19, ಮಧ್ಯಾಹ್ನ 12.53 ರಿಂದ 03.58 ರವರೆಗೆ
ನಾಲ್ಕನೇ ಗಂಟೆಯ ಪೂಜಾ ಸಮಯ: ಫೆಬ್ರವರಿ 19, 03:58 ರಿಂದ 07:06 ರವರೆಗೆ
ಉಪವಾಸ ಸಮಯ: ಫೆಬ್ರವರಿ 19, 2023, ಬೆಳಿಗ್ಗೆ 06.11 ರಿಂದ ಮಧ್ಯಾಹ್ನ 02.41ರವರೆಗೆ

Shukra Gochar 2023: ಮಾಲವ್ಯ ರಾಜಯೋಗದಿಂದ ಮಿಥುನ, ಕನ್ಯಾ, ಧನು, ಮೀನ ರಾಶಿಗೆ ಅಪಾರ ಧನಲಾಭ

30 ವರ್ಷಗಳ ನಂತರ ವಿಶೇಷ ಕಾಕತಾಳೀಯ
ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಶನಿ ದೇವನು 30 ವರ್ಷಗಳ ನಂತರ ಕುಂಭ ರಾಶಿಯಲ್ಲಿ ಸಂಚರಿಸುತ್ತಿದ್ದಾನೆ. ಮತ್ತು ಫೆಬ್ರವರಿ 13, 2023ರಂದು, ಸೂರ್ಯನು ಕುಂಭ ರಾಶಿಯನ್ನು ಪ್ರವೇಶಿಸುತ್ತಾನೆ. ಮಹಾಶಿವರಾತ್ರಿಯಂದು ಶನಿ-ಸೂರ್ಯರು ಕುಂಭ ರಾಶಿಯಲ್ಲಿ ಉಳಿಯುತ್ತಾರೆ. ಇದರೊಂದಿಗೆ, ಶುಕ್ರ ಗ್ರಹವು ತನ್ನ ಉತ್ಕೃಷ್ಟ ಚಿಹ್ನೆ ಮೀನದಲ್ಲಿ ಕುಳಿತುಕೊಳ್ಳುತ್ತದೆ. ಅದೇ ಸಮಯದಲ್ಲಿ, ಈ ದಿನದಂದು ಪ್ರದೋಷ ವ್ರತದ ಕಾಕತಾಳೀಯ ಸಹ ಇದೆ. ಈ ಕಾರಣದಿಂದಾಗಿ ಈ ಬಾರಿ ಮಹಾಶಿವರಾತ್ರಿಯ ವೈಶಿಷ್ಠ್ಯತೆ ಹೆಚ್ಚಿದೆ. 

ಮಹಾಶಿವರಾತ್ರಿ ಆಚರಣೆಗಳು(rituals)
ಮಹಾಶಿವರಾತ್ರಿಯಂದು ಮುಂಜಾನೆಯೇ ಸ್ನಾನ ಮಾಡಿ ಶುಭ್ರವಾದ ಬಟ್ಟೆಯನ್ನು ಧರಿಸಿ. ಇದಾದ ನಂತರ ಶಿವನ ದೇವಸ್ಥಾನಕ್ಕೆ ತೆರಳಿ ಕಬ್ಬಿನ ರಸ, ಹಸಿ ಹಾಲು, ತುಪ್ಪದಿಂದ ಅಭಿಷೇಕ ಮಾಡಿ. ಇದರೊಂದಿಗೆ ಬೇಲ್ಪತ್ರ, ಭಾಂಗ್, ಧಾತುರ, ಕಬ್ಬಿನ ರಸ, ತುಳಸಿ, ಜಾಯಿಕಾಯಿ, ಕಮಲದ ಗಡ್ಡೆ, ಹಣ್ಣುಗಳು, ಸಿಹಿತಿಂಡಿಗಳು, ಸಿಹಿ ಪಾನ, ಸುಗಂಧ ದ್ರವ್ಯ ಮತ್ತು ದಕ್ಷಿಣೆಯನ್ನು ಶಿವನಿಗೆ ಅರ್ಪಿಸಿ. ನಂತರ ಶಿವ ಚಾಲೀಸಾ ಮತ್ತು ಶಿವ ಆರತಿ ಹಾಡಿ.

Importance of Rangoli: ರಂಗೋಲಿ ಹಾಕಿದ್ರೆ ಗ್ರಹದೋಷಗಳೆಲ್ಲ ಹೋಗುತ್ತೆ, ಆದ್ರೆ ಈ ವಿಷ್ಯ ಕಾಳಜಿ ವಹಿಸಿ

ಮಹಾಶಿವರಾತ್ರಿಯ ಮಹತ್ವ(Significance of Mahashivratri)
ಮಹಾಶಿವರಾತ್ರಿಯ ದಿನ, ಶಿವನನ್ನು ಮೆಚ್ಚಿಸಲು,  ಭಕ್ತರು ಉಪವಾಸ ಮತ್ತು ಜಾಗರಣೆ ಆಚರಿಸುತ್ತಾರೆ. ಈ ವ್ರತವನ್ನು ಆಚರಿಸುವುದರಿಂದ ಪ್ರತಿ ಜನ್ಮದ ಪಾಪಗಳಿಂದ ಮುಕ್ತಿ ದೊರೆಯುತ್ತದೆ. ಅಪೇಕ್ಷಿತ ವರನನ್ನು ಪಡೆಯಲು ಬಯಸುವ ಹುಡುಗಿಯರು ಮಹಾಶಿವರಾತ್ರಿಯ ಉಪವಾಸವನ್ನು ಮಾಡಬೇಕು. ಈ ವ್ರತವನ್ನು ಆಚರಿಸುವುದರಿಂದ ಮದುವೆಗೆ ಸಂಬಂಧಿಸಿದ ಎಲ್ಲಾ ಅಡೆತಡೆಗಳು ದೂರವಾಗುತ್ತವೆ. ಮುಕ್ತಿಯನ್ನು ಪಡೆಯಲು ಬಯಸುವವರು ಈ ವ್ರತವನ್ನು ಆಚರಿಸಬೇಕು.

Follow Us:
Download App:
  • android
  • ios