ಕನಸಲ್ಲಿ ದೇವರು ಕಂಡ್ರಾ? ಅಪಾರ ಯಶಸ್ಸು ನಿಮ್ಮ ಹಾದಿಯಲ್ಲಿದೆ ಎಂದರ್ಥ!
ಕನಸಿನಲ್ಲಿ ಕೆಲ ವಸ್ತುಗಳನ್ನು ಕಾಣುವುದು ಬಹಳ ಶುಭ ಸಂಕೇತವಾಗಿದೆ. ಅದು ಸಧ್ಯದಲ್ಲೇ ಯಾವುದೋ ಲಾಭ ಇಲ್ಲವೇ ಯಶಸ್ಸು ನಿಮ್ಮತ್ತ ಹರಿದು ಬರುವುದರ ಸಂಕೇತವಾಗಿದೆ. ನಿಮ್ಮ ಕನಸಿನಲ್ಲಿ ದೇವರನ್ನು ಕಂಡರೆಂದರೆ ಅದರರ್ಥ ಏನು ಗೊತ್ತಾ?
ಕೆಲವು ಕನಸುಗಳು ನಮಗೆ ಭಯವನ್ನು ಉಂಟುಮಾಡುತ್ತವೆ, ಆದರೆ ಕೆಲವು ಕನಸುಗಳು ನಮಗೆ ಸಂತೋಷವನ್ನು ನೀಡುತ್ತದೆ. ಮತ್ತೆ ಕೆಲವು ಕನಸುಗಳು ಭಯಾನಕವಾಗಿದ್ದರೂ ಅವು ಶುಭ ಫಲವನ್ನೇ ನೀಡುತ್ತವೆ. ಕೆಲವೊಮ್ಮೆ ಕೆಲ ಕನಸುಗಳು ಬೆಳಗ್ಗೆ ಎದ್ದ ಬಳಿಕವೂ ಈ ಕನಸಿನ ಅರ್ಥವೇನೆಂದು ಯೋಚಿಸುವಂತೆ ಮಾಡುವಷ್ಟು ವಿಶಿಷ್ಠವಾಗಿರುತ್ತವೆ. ಕನಸು ನಮ್ಮ ಭವಿಷ್ಯದ ಕೆಲ ಸೂಚನೆಗಳನ್ನು ನೀಡುತ್ತವೆ ಎಂದು ಕಾಲಾಂತರದಿಂದ ನಂಬಿಕೊಂಡು ಬರಲಾಗಿದೆ. ಅದರಂತೆ ಈ ರೀತಿಯ ಕನಸುಗಳು ಬಿದ್ದರೆ ಅವು ಬಹಳ ಮಂಗಳಕರವಾಗಿವೆ ಎಂದರ್ಥ. ಅಂಥ ಕನಸುಗಳನ್ನು ಕಂಡ ವ್ಯಕ್ತಿಯ ಹಾದಿಯಲ್ಲಿ ಲಾಭ, ಯಶಸ್ಸು ಕಾಯುತ್ತಾ ಕುಳಿತಿದೆ, ಬಯಸಿದ ಭಾಗ್ಯ ಕಾಯುತ್ತಿದೆ ಎಂದರ್ಥ.
ದೇವರು ಮತ್ತು ದೇವತೆಗಳ ಕನಸು
ನಿಮ್ಮ ಕನಸಿನಲ್ಲಿ ದೇವರು ಮತ್ತು ದೇವತೆಗಳನ್ನು ಕಂಡರೆ, ಅದು ತುಂಬಾ ಶುಭ ಸಂಕೇತವಾಗಿದೆ. ಇದರರ್ಥ ನೀವು ಕೆಲವು ಒಳ್ಳೆಯ ಸುದ್ದಿಗಳನ್ನು ಪಡೆಯಬಹುದು. ಲಾಭವೂ ಆಗಬಹುದು. ನೀವು ಯಾವುದೇ ಯೋಜನೆಯಲ್ಲಿ ಯಶಸ್ಸನ್ನು ಪಡೆಯಬಹುದು. ಅಂಥ ಕನಸು ಬಿದ್ದಾಗ ಬೆಳಗ್ಗೆ ಎದ್ದು ದೇವರಿಗೆ ಕೈ ಮಗಿದು ದೀಪ ಹಚ್ಚಲು ಮರೆಯಬೇಡಿ.
ಕನಸಿನಲ್ಲಿ ಜೇನು ನೊಣವನ್ನು ನೋಡುವುದು
ಕನಸಿನ ವಿಜ್ಞಾನದ ಪ್ರಕಾರ, ಕನಸಿನಲ್ಲಿ ಜೇನುಗೂಡನ್ನು ನೋಡುವುದು ತುಂಬಾ ಮಂಗಳಕರವೆಂದು ಪರಿಗಣಿಸಲಾಗುತ್ತದೆ. ಇದರರ್ಥ ನಿಮ್ಮ ಆದಾಯದಲ್ಲಿ ಭಾರಿ ಹೆಚ್ಚಳವಾಗಬಹುದು. ಅಲ್ಲದೆ, ನೀವು ಉದ್ಯಮಿಯಾಗಿದ್ದರೆ ನಿಮ್ಮ ವ್ಯಾಪಾರವನ್ನು ವಿಸ್ತರಿಸಬಹುದು.
Holi 2023: ಈ ದಿನ ಶನಿ ಸೇರಿ ಈ ಗ್ರಹಗಳ ಸಂಚಾರ 4 ರಾಶಿಗಳಿಗೆ ತರಲಿದೆ ಕುತ್ತು, ಇಲ್ಲಿದೆ ಪರಿಹಾರ
ಮರದ ಮೇಲೆ ಹಣ್ಣುಗಳನ್ನು ನೋಡುವುದು
ಕನಸಿನಲ್ಲಿ ಹಣ್ಣುಗಳಿಂದ ತುಂಬಿದ ಮರವನ್ನು ನೋಡುವುದು ಮಂಗಳಕರವೆಂದು ಪರಿಗಣಿಸಲಾಗುತ್ತದೆ. ಹಣ್ಣುಗಳನ್ನು ಫಲವೆಂದು ಕರೆಯಲಾಗುತ್ತದೆ. ಅಂದರೆ ಮರದ ತುಂಬಾ ಹಣ್ಣಿದ್ದರೆ ಫಲವೂ ಹೆಚ್ಚು. ಇದರರ್ಥ ನೀವು ಎಲ್ಲಿಂದಲಾದರೂ ಹಣವನ್ನು ಪಡೆಯಬಹುದು. ಇದರೊಂದಿಗೆ, ಮನೆಯಲ್ಲಿ ಯಾವುದೇ ಮಂಗಳಕರ ಅಥವಾ ಧಾರ್ಮಿಕ ಕಾರ್ಯಕ್ರಮವಿರಬಹುದು. ಅದೇ ಸಮಯದಲ್ಲಿ, ನಿಮ್ಮ ಕೆಲವು ಬಾಕಿ ಕೆಲಸವನ್ನು ಮಾಡಬಹುದು.
ಕನಸಿನಲ್ಲಿ ಕಪ್ಪು ಚೇಳನ್ನು ನೋಡುವುದು
ಕೆಲವರಿಗೆ ಕನಸಿನಲ್ಲಿ ಚೇಳು ಅಥವಾ ಹಾವು ಕಂಡರೆ ಭಯವಾಗುತ್ತದೆ. ಆದರೆ ಕನಸಿನ ವಿಜ್ಞಾನದ ಪ್ರಕಾರ, ಕನಸಿನಲ್ಲಿ ಚೇಳನ್ನು ನೋಡುವುದು ತುಂಬಾ ಮಂಗಳಕರವೆಂದು ಪರಿಗಣಿಸಲಾಗಿದೆ. ಅಲ್ಲದೆ, ಈ ಕನಸನ್ನು ನೋಡಿದ ನಂತರ, ನೀವು ಸ್ಥಗಿತಗೊಂಡ ಕಾರ್ಯಗಳನ್ನು ಪೂರ್ಣಗೊಳಿಸುವ ಸಾಧ್ಯತೆಯಿದೆ ಎಂದರ್ಥ.
ಕನಸಲ್ಲಿ ಗಿಣಿ
ಕನಸಿನ ವಿಜ್ಞಾನದ ಪ್ರಕಾರ, ಕನಸಿನಲ್ಲಿ ಗಿಳಿಯನ್ನು ನೋಡುವುದು ಮಂಗಳಕರವೆಂದು ಪರಿಗಣಿಸಲಾಗುತ್ತದೆ. ಇದರರ್ಥ ನೀವು ಉದ್ಯೋಗ ಮತ್ತು ವ್ಯವಹಾರದಲ್ಲಿ ಬಡ್ತಿಯನ್ನು ಪಡೆಯುತ್ತೀರಿ. ಇದರೊಂದಿಗೆ, ನೀವು ಜೀವನದಲ್ಲಿ ಎಲ್ಲಾ ರೀತಿಯ ಸಂತೋಷ ಮತ್ತು ಸಮೃದ್ಧಿಯನ್ನು ಪಡೆಯುತ್ತೀರಿ.
IRCTCಯಿಂದ ಚಾರ್‌ಧಾಮ್ ಯಾತ್ರೆ ಪ್ಯಾಕೇಜ್ ಘೋಷಣೆ; ದರ ಎಷ್ಟು ಗೊತ್ತಾ?
ಕನಸಿನಲ್ಲಿ ಮಳೆ
ನಿಮ್ಮ ಕನಸಿನಲ್ಲಿ ಮಳೆ ಬೀಳುವುದನ್ನು ನೀವು ನೋಡಿದರೆ, ಅದು ಶುಭ ಸಂಕೇತವಾಗಿದೆ. ಇದರರ್ಥ ನೀವು ಯಾವುದೇ ಹಳೆಯ ಹೂಡಿಕೆಯಿಂದ ಲಾಭ ಪಡೆಯಬಹುದು. ಅಲ್ಲದೆ ನೀವು ಯಾವುದೇ ಆಸೆಯನ್ನು ಪೂರೈಸಿಕೊಳ್ಳಬಹುದು. ಮತ್ತೊಂದೆಡೆ, ಕನಸಿನಲ್ಲಿ ಮಳೆಯನ್ನು ನೋಡುವುದು ಸುಂದರವಾದ ಜೀವನ ಸಂಗಾತಿಯನ್ನು ಪಡೆಯುವುದನ್ನು ಸೂಚಿಸುತ್ತದೆ.
ಮೀನುಗಳಿಗೆ ಸಂಬಂಧಿಸಿದ ಕನಸುಗಳು
ನಿಮ್ಮ ಕನಸಿನಲ್ಲಿ ಮೀನು ಈಜುವುದನ್ನು ನೀವು ನೋಡಿದರೆ ಅಥವಾ ನೀವೇ ಅಥವಾ ಬೇರೊಬ್ಬರು ಮೀನು ಹಿಡಿಯುವುದನ್ನು ನೋಡಿದರೆ, ಈ ಕನಸನ್ನು ತುಂಬಾ ಮಂಗಳಕರವೆಂದು ಪರಿಗಣಿಸಲಾಗುತ್ತದೆ. ಕನಸಿನ ವಿಜ್ಞಾನದ ಪ್ರಕಾರ, ಕನಸಿನಲ್ಲಿ ಮೀನುಗಳನ್ನು ನೋಡುವುದು ಎಂದರೆ ನೀವು ಇದ್ದಕ್ಕಿದ್ದಂತೆ ಕೆಲವು ದೊಡ್ಡ ಲಾಭವನ್ನು ಪಡೆಯಲಿದ್ದೀರಿ ಎಂದರ್ಥ. ಅದಕ್ಕಾಗಿಯೇ ಅಂತಹ ಕನಸುಗಳ ಬಗ್ಗೆ ಯಾರಿಗೂ ಹೇಳಬಾರದು.
ದಿನ ಭವಿಷ್ಯ, ವಾರ ಭವಿಷ್ಯ, ನಿಮ್ಮ ರಾಶಿ ವಿಶೇಷ, ದಿನ ವಿಶೇಷ, ಹಬ್ಬ ಹರಿದಿನಗಳು, ಸಂಪ್ರದಾಯ ಆಚರಣೆಗಳು, ಅವುಗಳ ವೈಜ್ಞಾನಿಕ ಹಿನ್ನೆಲೆ, ಪುರಾಣ ಪುಣ್ಯ ಕತೆಗಳು, ವಾಸ್ತು ಕುರಿತು ಹೆಚ್ಚಿನ ಮಾಹಿತಿ ಪಡೆಯಲು ಸುವರ್ಣ ನ್ಯೂಸ್ ಜ್ಯೋತಿಷ್ಯ ವಿಭಾಗವನ್ನು ತಪ್ಪದೇ ನೋಡುತ್ತಿರಿ.
