ಸಿಖ್ಖರಲ್ಲಿ ಅಂತ್ಯಸಂಸ್ಕಾರ ಹೇಗೆ ಮಾಡಲಾಗುತ್ತದೆ? ಹಿಂದೂ ಸಂಪ್ರದಾಯಕ್ಕಿಂತ ಇದು ಹೇಗೆ ಭಿನ್ನ
ಮಾಜಿ ಪ್ರಧಾನಿ ಮನಮೋಹನ್ ಸಿಂಗ್ ಅವರ ಅಂತ್ಯಕ್ರಿಯೆಯನ್ನು ಸಿಖ್ ಸಂಪ್ರದಾಯಗಳ ಪ್ರಕಾರ ನೆರವೇರಿಸಲಾಯಿತು. ಮಹಿಳೆಯರು ಸ್ಮಶಾನದಲ್ಲಿ ಭಾಗವಹಿಸುವುದು ಮತ್ತು ಚಿತೆಗೆ ಬೆಂಕಿ ಇಡುವುದು ಸೇರಿದಂತೆ ಹಲವು ವಿಶಿಷ್ಟ ಆಚರಣೆಗಳನ್ನು ಸಿಖ್ ಧರ್ಮವು ಒಳಗೊಂಡಿದೆ.
Followನವದೆಹಲಿ (ಡಿ.28): ದೇಶದ ಮಾಜಿ ಪ್ರಧಾನಿ ಮನಮೋಹನ್ ಸಿಂಗ್ ಗುರುವಾರ ರಾತ್ರಿ ನಿಧನರಾದರು. ಅವರಿಗೆ 92 ವರ್ಷ ವಯಸ್ಸಾಗಿತ್ತು. ಶನಿವಾರ ದೆಹಲಿಯ ನಿಗಮ್‌ಬೋಧ್‌ ಘಾಟ್‌ನಲ್ಲಿ ಬೆಳಗ್ಗೆ 11.45ಕ್ಕೆ ಅವರ ಅಂತ್ಯಸಂಸ್ಕಾರ ನೆರವೇರಿಸಲಾಗಿದೆ. ಕಾಂಗ್ರೆಸ್‌ಪಕ್ಷದ ಗಣ್ಯರು, ಪ್ರಧಾನಿ ನರೇಂದ್ರ ಮೋದಿ, ರಾಷ್ಟ್ರಪತಿ ದ್ರೌಪದಿ ಮುರ್ಮು ಅಂತ್ಯಸಂಸ್ಕಾರ ಕಾರ್ಯಕ್ರಮದಲ್ಲಿದ್ದರು. ಮನಮೋಹನ್ ಸಿಂಗ್ ಅವರ ಹಿರಿಯ ಪುತ್ರಿ ಚಿತೆಗೆ ಬೆಂಕಿ ಇಟ್ಟು ಕಾರ್ಯಪೂರ್ಣ ಮಾಡಿದರು. ಸಂಪೂರ್ಣ ಸರ್ಕಾರಿ ಗೌರವದೊಂದಿಗೆ ಅಂತ್ಯಸಂಸ್ಕಾರ ನೆರವೇರಿಸಲಾಗಿದೆ. ಸಿಖ್ಖರ ಸಂಪ್ರದಾಯದಂತೆ ಮನಮೋಹನ್ ಸಿಂಗ್ ಅವರ ಪಾರ್ಥೀವ ಶರೀರದ ವಿಧಿವಿಧಾನಗಳನ್ನು ಪೂರೈಸಲಾಗಿದೆ.
ಭಾರತದಲ್ಲಿನ ವಿವಿಧ ಧರ್ಮಗಳಲ್ಲಿ ಅಂತಿಮ ವಿಧಿ ವಿಧಾನಗಳು ವಿಭಿನ್ನವಾಗಿವೆ. ಮುಸ್ಲಿಂ ಮತ್ತು ಕ್ರಿಶ್ಚಿಯನ್ ಧರ್ಮದ ಜನರು ಪಾರ್ಥೀವ ಶರೀರವನ್ನು ಹೂಳುತ್ತಾರೆ. ಹಿಂದೂ ಮತ್ತು ಸಿಖ್ ಧರ್ಮದ ಜನರು ಹೆಚ್ಚಾಗಿ ದಹನ ಮಾಡುತ್ತಾರೆ. ಎಲ್ಲಾ ಧರ್ಮಗಳ ಸಂಪ್ರದಾಯಗಳು ಖಂಡಿತವಾಗಿಯೂ ವಿಭಿನ್ನವಾಗಿವೆ. ಅಂತಹ ಪರಿಸ್ಥಿತಿಯಲ್ಲಿ, ಸಿಖ್ ಧರ್ಮದಲ್ಲಿ ಯಾವ ರೀತಿಯ ಆಚರಣೆಗಳೊಂದಿಗೆ ಅಂತಿಮ ವಿಧಿಗಳನ್ನು ನಡೆಸಲಾಗುತ್ತದೆ ಮತ್ತು ಹಿಂದೂ ಧರ್ಮದ ಅಂತಿಮ ವಿಧಿಗಳಿಗಿಂತ ಅವು ಎಷ್ಟು ಭಿನ್ನವಾಗಿವೆ ಅನ್ನೋದರ ವಿವರ ಇಲ್ಲಿದೆ.
ಸಿಖ್ ಧರ್ಮದಲ್ಲಿ ಅಂತ್ಯಕ್ರಿಯೆ ಹೇಗೆ?: ಅಂತ್ಯಕ್ರಿಯೆ ಸಿಖ್ ಧರ್ಮದಲ್ಲಿ ಹಿಂದೂ ಧರ್ಮವನ್ನೇ ಹೋಲುತ್ತದೆ. ಆದರೆ, ಹಿಂದೂ ಧರ್ಮದಲ್ಲಿ, ಮಹಿಳೆಯರಿಗೆ ಸಾಮಾನ್ಯವಾಗಿ ಸ್ಮಶಾನಕ್ಕೆ ಹೋಗಲು ಅನುಮತಿ ನೀಡೋದಿಲ್ಲ. ಆದರೆ ಸಿಖ್ ಧರ್ಮದಲ್ಲಿ, ಮಹಿಳೆಯರು ಸ್ಮಶಾನದಲ್ಲಿ ಅಂತ್ಯಕ್ರಿಯೆಯಲ್ಲಿ ಭಾಗವಹಿಸಬಹುದು. ಹಾಗೂ ಚಿತೆಗೆ ಅವರೇ ಬೆಂಕಿಯನ್ನೂ ಇಡಬಹುದು. ಅದೇ ರೀತಿಯ ಮನಮೋಹನ್ ಸಿಂಗ್ ಅವರ ಚಿತೆಗೆ ಹಿರಿಯ ಪುತ್ರಿ ಬೆಂಕಿ ಇಟ್ಟಿದ್ದಾರೆ.
ಸಿಖ್ ಧರ್ಮದಲ್ಲಿ, ಯಾರಾದರೂ ಸತ್ತಾಗ, ಮೃತರ ದೇಹವನ್ನು ಸ್ಮಶಾನಕ್ಕೆ ಕೊಂಡೊಯ್ಯುವ ಮೊದಲು ಸ್ನಾನ ಮಾಡಿಸಲಾಗುತ್ತದೆ. ಇದರ ನಂತರ, ಸಿಖ್ ಧರ್ಮದ 5 ಮುಖ್ಯ ವಿಷಯಗಳಾದ ಬಾಚಣಿಗೆ, ಕಠಾರಿ, ಬಳೆ, ಕಿರ್ಪಾನ್ ಇರಿಸಿ, ಕೂದಲನ್ನು ಅಲಂಕರಿಸಲಾಗುತ್ತದೆ. ಇದರ ನಂತರ, ಮೃತರ ಕುಟುಂಬ, ಸಂಬಂಧಿಕರು ಅಥವಾ ಹತ್ತಿರದ ಜನರು ವಾಹೆಗುರುವಿನ ಪಠಣದೊಂದಿಗೆ ಸ್ಮಶಾನಕ್ಕೆ ಪಾರ್ಥೀವ ಶರೀರವನ್ನು ಕೊಂಡೊಯ್ಯುತ್ತಾರೆ. ಇದರ ನಂತರ, ಮೃತರ ಹತ್ತಿರದ ವ್ಯಕ್ತಿ ಮಾತ್ರ ಶವವನ್ನು ಸುಡುತ್ತಾರೆ.
Ratan Tata Funeral ಪಾರ್ಸಿ ಸಂಪ್ರದಾಯದಲ್ಲಿ ಹೆಣ ಸುಡೋದು ಇಲ್ಲ,ಹೂಳೋದು ಇಲ್ಲ; ಏನಿದು ದಖ್ಮಾ?
ಸಿಖ್ ಧರ್ಮದಲ್ಲಿ, ಚಿತೆಯನ್ನು ಸುಟ್ಟ ನಂತರ, ಮುಂದಿನ 10 ದಿನಗಳವರೆಗೆ ಸಾಂಪ್ರದಾಯಿಕ ಆಚರಣೆಗಳನ್ನು ನಡೆಸಲಾಗುತ್ತದೆ. ಸ್ಮಶಾನದಿಂದ ಹಿಂತಿರುಗಿದ ನಂತರ, ಎಲ್ಲರೂ ಮೊದಲು ಸ್ನಾನ ಮಾಡುತ್ತಾರೆ, ನಂತರ ಅವರು ಸಂಜೆ ಭಜನೆ ಮತ್ತು ಪ್ರಾರ್ಥನೆಯಲ್ಲಿ ಭಾಗವಹಿಸಬೇಕು. ಇದರ ನಂತರ, ಸಿಖ್ಖರ ಮುಖ್ಯ ಗ್ರಂಥವಾದ ಗುರು ಗ್ರಂಥ ಸಾಹಿಬ್ ಅನ್ನು ಪಠಿಸಲಾಗುತ್ತದೆ.
ಸಾವಿನ ನಂತರ ಮುಂದಿನ 10 ದಿನಗಳವರೆಗೆ ಇದೇ ಆಚರಣೆಯನ್ನು ಮಾಡಲಾಗುತ್ತದೆ. ಇದರ ನಂತರ, ಗುರು ಗ್ರಂಥ ಸಾಹಿಬ್‌ನ ಪಠಣದಲ್ಲಿ ತೊಡಗಿರುವ ಎಲ್ಲ ಜನರಿಗೆ ಕಥಾ ಪ್ರಸಾದವನ್ನು ವಿತರಿಸಲಾಗುತ್ತದೆ. ಪ್ರಸಾದ ವಿತರಣೆಯ ನಂತರ ಮತ್ತೆ ಭಜನೆ ಮತ್ತು ಕೀರ್ತನೆಗಳನ್ನು ಮಾಡಲಾಗುತ್ತದೆ. ಈ ಸಂದರ್ಭದಲ್ಲಿ ಮೃತರ ಆತ್ಮಕ್ಕೆ ಶಾಂತಿ ಸಿಗಲೆಂದು ಎಲ್ಲರೂ ಪ್ರಾರ್ಥಿಸುತ್ತಾರೆ.
Jehangir Pandole Funeral ಹೆಣ ಸುಡೋದು ಇಲ್ಲ, ಹೂಳೋದು ಇಲ್ಲ ಏನಿದು ಪಾರ್ಸಿಯ ದಖ್ಮಾ ಸಂಪ್ರದಾಯ?
