ಶ್ರೀರಾಮನಿಗಾಗಿ ನವರಾತ್ರಿಯ 9 ದಿನಗಳು ಉಪವಾಸ ಆಚರಿಸಿದ ವೈಷ್ಣೋ ದೇವಿ!
ವೈಷ್ಣೋ ದೇವಿಯು ಭಾರತದ ಅತ್ಯಂತ ಜನಪ್ರಿಯ ದೇವಾಲಯಗಳಲ್ಲಿ ಒಂದಾಗಿದೆ. ಈ ದೇವಾಲಯಕ್ಕೆ ಹೋಗುವ ಹಾದಿಯೇ ಒಂದು ಅದ್ಭುತ ಅನುಭವ ನೀಡುತ್ತದೆ. ಈ ದೇವಾಲಯದ ಕುರಿತ ಅಪರೂಪದ ಮಾಹಿತಿ ಇಲ್ಲಿದೆ
ವೈಷ್ಣೋ ದೇವಿ ದೇವಸ್ಥಾನ ಭಾರತದ ಅತ್ಯಂತ ಜನಪ್ರಿಯ ಮತ್ತು ಪೂಜ್ಯ ಹಿಂದೂ ಧಾರ್ಮಿಕ ದೇವಾಲಯಗಳಲ್ಲಿ ಒಂದಾಗಿದೆ. ಜಮ್ಮುವಿನ ತ್ರಿಕೂಟ ಬೆಟ್ಟಗಳಲ್ಲಿ ನೆಲೆಗೊಂಡಿರುವ ವೈಷ್ಣೋ ದೇವಿಗೆ ಪ್ರತಿ ವರ್ಷ ಲಕ್ಷಾಂತರ ಜನರು ಭೇಟಿ ನೀಡುತ್ತಾರೆ. ಆದರೆ ನವರಾತ್ರಿಯ ಸಮಯದಲ್ಲಿ ಇಲ್ಲಿ ಸೇರುವ ಜನರ ಲೆಕ್ಕವೇ ಬೇರೆ! ರಾವಣನ ವಿರುದ್ಧ ಭಗವಾನ್ ರಾಮನ ವಿಜಯಕ್ಕಾಗಿ ಪ್ರಾರ್ಥಿಸಿ ಮಾತಾ ವೈಷ್ಣೋ ದೇವಿ ಒಂಬತ್ತು ದಿನಗಳ ಉಪವಾಸ 'ನವರಾತ್ರಿ'ಯನ್ನು ಆಚರಿಸಿದರು ಎಂದು ನಂಬಲಾಗಿದೆ. ವೈಷ್ಣೋ ಮಾ ಶಕ್ತಿಯ ಅಭಿವ್ಯಕ್ತಿ ಎಂದು ಹೇಳಲಾಗುತ್ತದೆ. ಶುದ್ಧ ಆತ್ಮ ಮತ್ತು ನಿಜವಾದ ಹೃದಯದಿಂದ ಬರುವ ಪ್ರತಿಯೊಂದು ಆಸೆಯನ್ನು ಮಾ ವೈಷ್ಣೋ ದೇವಿ ಪೂರೈಸುತ್ತಾಳೆ ಎಂಬ ನಂಬಿಕೆಯನ್ನು ಜನರು ಹೊಂದಿದ್ದಾರೆ. ಈ ದೇವಾಲಯವು 5200 ಅಡಿ ಎತ್ತರದಲ್ಲಿದೆ ಮತ್ತು ನೀವು ಇಲ್ಲಿ ತಲುಪಲು, ಕತ್ರಾದಿಂದ ಸುಮಾರು 12 ಕಿಮೀ ದೂರ ಚಾರಣ ಮಾಡಬೇಕಾಗುತ್ತದೆ.
ನಿಮಗೆ ಗೊತ್ತಿಲ್ಲದ ಕುತೂಹಲಕಾರಿ ಸಂಗತಿಗಳು
ಹೆರಿಗೆ ತೊಂದರೆ ನಿವಾರಿಸುವ ಗರ್ಭಜುನ್
ಮುಖ್ಯ ದೇಗುಲದ ಮಧ್ಯಭಾಗವಾಗಿರುವ ಅರ್ಧಕುವಾರಿಯು ವೈಷ್ಣೋ ದೇವಿಯು ಭೈರೋನಾಥನಿಂದ 9 ತಿಂಗಳ ಕಾಲ ಅಡಗಿಕೊಂಡಿದ್ದ ಗುಹೆಯನ್ನು ಹೊಂದಿದೆ. ವೈಷ್ಣೋ ದೇವಿ ತನ್ನ ತಾಯಿಯ ಹೊಟ್ಟೆಯಲ್ಲಿ ಹುಟ್ಟಲಿರುವ ಮಗುವಿನಂತೆ ಇಲ್ಲಿ ಅಡಗಿಕೊಂಡಿದ್ದಾಳೆ ಎಂದು ನಂಬಲಾಗಿದೆ. ಈ ಗುಹೆಯನ್ನು ಗರ್ಭಜುನ್ ಎಂದು ಕರೆಯಲಾಗುತ್ತದೆ ಮತ್ತು ಈ ಗುಹೆಯನ್ನು ಪ್ರವೇಶಿಸುವ ಮಹಿಳೆಯರಿಗೆ ಹೆರಿಗೆಯ ಸಮಯದಲ್ಲಿ ಯಾವುದೇ ತೊಂದರೆಗಳು ಎದುರಾಗುವುದಿಲ್ಲ ಎಂದು ವರ್ಷಗಳಿಂದ ನಂಬಲಾಗಿದೆ.
Vastu Tips: ಪೂಜಾ ಕೋಣೆ ಇಲ್ಲಿದ್ದರೆ ಕುಟುಂಬದಲ್ಲಿ ನೆಮ್ಮದಿ ಸಾಧ್ಯವಿಲ್ಲ!
ರಾಮನಿಗಾಗಿ ಉಪವಾಸ
ಮಾ ವೈಷ್ಣೋ ದೇವಿ ದೇವಸ್ಥಾನವನ್ನು ಎಷ್ಟು ಪೂಜ್ಯವೆಂದು ಪರಿಗಣಿಸಲಾಗಿದೆ ಎಂದರೆ ದಿವಂಗತ ಸಿಖ್ ಗುರು ಗುರು ಗೋಬಿಂದ್ ಸಿಂಗ್ ಸ್ವತಃ ಒಮ್ಮೆ ವೈಷ್ಣೋ ದೇವಿ ದೇವಸ್ಥಾನಕ್ಕೆ ಭೇಟಿ ನೀಡಿದ್ದರು.
ನವರಾತ್ರಿಯ ಸಮಯದಲ್ಲಿ ದೇವಾಲಯಕ್ಕೆ ಭೇಟಿ ನೀಡುವುದು ನಿಜವಾಗಿಯೂ ಮಂಗಳಕರವೆಂದು ಪರಿಗಣಿಸಲಾಗಿದೆ. ಏಕೆಂದರೆ ಮಾ ವೈಷ್ಣೋ ದೇವಿಯು ಎಲ್ಲಾ ಭಕ್ತರನ್ನು ವೀಕ್ಷಿಸಲು ಮತ್ತು ಅವರನ್ನು ಆಶೀರ್ವದಿಸಲು ಅಲ್ಲಿ ಆ ಸಮಯದಲ್ಲಿ ಕಾತರಳಾಗಿರುತ್ತಾಳೆ. ಏಕೆಂದರೆ ವೈಷ್ಣೋ ದೇವಿ ಇಲ್ಲಿ ರಾಮನ ಗೆಲುವಿಗಾಗಿ ಒಂಬತ್ತು ದಿನಗಳ ಉಪವಾಸವನ್ನು ನವರಾತ್ರಿಯಲ್ಲಿ ಆಚರಿಸಿದ್ದಳು.
ಭೈರೋನಾಥ ಭೇಟಿ ತಪ್ಪಿಸುವಂತಿಲ್ಲ
ವೈಷ್ಣೋ ದೇವಾಲಯದ ಮೇಲೆ ಕೆಲವು ಕಿಮೀ ಎತ್ತರದಲ್ಲಿರುವ ಭೈರೋನಾಥನ ದೇವಾಲಯಕ್ಕೆ ಭೇಟಿ ನೀಡದ ಯಾತ್ರಾರ್ಥಿಗಳು ಅವಳ ಆಶೀರ್ವಾದವನ್ನು ಪಡೆಯುವುದಿಲ್ಲ ಮತ್ತು ಅವರ ಯಾತ್ರೆಯು ಅಪೂರ್ಣವೆಂದು ಪರಿಗಣಿಸಲ್ಪಡುತ್ತದೆ.
ಮೊದಲ ಬಾರಿಗೆ ಪ್ರಯಾಣಿಸುತ್ತಿದ್ದರೆ
- ಕತ್ರಾದಲ್ಲಿರುವ ನಿಮ್ಮ ಬೇಸ್ ಕ್ಯಾಂಪ್‌ನಿಂದ ನಿಮ್ಮ ಪ್ರಯಾಣವನ್ನು ನೀವು ಪ್ರಾರಂಭಿಸಿದಾಗ, ದೇವಸ್ಥಾನಕ್ಕೆ ಅರ್ಧದಾರಿಯಲ್ಲೇ ಇರುವ ಅಧಕ್ವಾರಿಯಲ್ಲಿ ಕುದುರೆ ಸವಾರಿ ಮಾಡುವ ಆಯ್ಕೆಯನ್ನು ನೀವು ಪಡೆಯುತ್ತೀರಿ. ಸುತ್ತಲಿನ ಕಣಿವೆಗಳನ್ನು ಸವಿಯುತ್ತಾ ಸಿಗುವ ಆನಂದವೇ ದೈವಿಕವಾದುದು. ವೈಷ್ಣೋ ದೇವಿಯು ಸಂಪೂರ್ಣವಾಗಿ ವಿಭಿನ್ನವಾದ ಪ್ರಪಂಚವಾಗಿದೆ. ದಾರಿಯುದ್ದಕ್ಕೂ 'ಜೈ ಮಾತಾ ದಿ' ಕಿವಿಗೆ ಬೀಳುತ್ತಿರುತ್ತದೆ. ಅದು ಸ್ಥಳದಲ್ಲಿ ಕಂಪನ ಸೃಷ್ಟಿಸುತ್ತದೆ! ವಿಶೇಷವಾಗಿ ನವರಾತ್ರಿಯ ಸಮಯದಲ್ಲಿ, ಸಂಪೂರ್ಣ ಚಾರಣ ಮಾರ್ಗವನ್ನು ಹೂವುಗಳಿಂದ ಸುಂದರವಾಗಿ ಅಲಂಕರಿಸಲಾಗುತ್ತದೆ.
- ದೇವಾಲಯದ ಒಳಗೆ ಕ್ಯಾಮೆರಾಗಳು, ಫೋನ್‌ಗಳು, ಚರ್ಮದ ವಸ್ತುಗಳನ್ನು ಸಾಗಿಸಲು ಅನುಮತಿ ಇರುವುದಿಲ್ಲ. ನೀವು ಅವುಗಳನ್ನು ವೈಷ್ಣೋ ದೇವಿ ಶ್ರೈನ್ ಬೋರ್ಡ್ ನಿರ್ವಹಿಸುವ ಕ್ಲಾಕ್‌ರೂಮ್‌ಗಳಲ್ಲಿ ಇರಿಸಬೇಕಾಗುತ್ತದೆ.
Monthly Horoscope: ಮೇ ತಿಂಗಳು ಯಾವ ರಾಶಿಗೆ ಏನೆಲ್ಲ ಅಚ್ಚರಿಗಳನ್ನು ಕಾದಿರಿಸಿದೆ?
- ವೈಷ್ಣೋದೇವಿ ದೇವಸ್ಥಾನದಲ್ಲಿ ನವರಾತ್ರಿ ಹೆಚ್ಚು ಜನಸಂದಣಿ ಇರುವ ದಿನಗಳಾಗಿವೆ. ನೀವು ಜನಸಂದಣಿಗೆ ಹೆದರುವವರಾದರೆ, ಈ ಸಮಯದಲ್ಲಿ ಹೋಗಬೇಡಿ.
- ನಿಮ್ಮ ಯಾತ್ರಾ ನೋಂದಣಿ ಸ್ಲಿಪ್ ಇಲ್ಲದೆ ವೈಷ್ಣೋದೇವಿ ದೇವಸ್ಥಾನಕ್ಕೆ ನಿಮ್ಮ ಯಾತ್ರೆಯನ್ನು ಪ್ರಾರಂಭಿಸಲು ಸಾಧ್ಯವಿಲ್ಲ. ನೀವು ಅದನ್ನು ಕತ್ರಾದಲ್ಲಿನ ಕೌಂಟರ್‌ನಲ್ಲಿ ಖರೀದಿಸಬೇಕು. ದೀರ್ಘ ಸರದಿಯಿಂದ ನಿಮ್ಮನ್ನು ಉಳಿಸಿಕೊಳ್ಳಲು, ನಿಮ್ಮ ನೋಂದಣಿಯನ್ನು ಆನ್‌ಲೈನ್‌ನಲ್ಲಿ ಮಾಡಿ. ಪ್ರಯಾಣವನ್ನು ಪೂರ್ಣಗೊಳಿಸುವವರೆಗೆ ಸ್ಲಿಪ್ ಅನ್ನು ನಿಮ್ಮೊಂದಿಗೆ ಸುರಕ್ಷಿತವಾಗಿರಿಸಿಕೊಳ್ಳಿ.
- ಬ್ಯಾಟರಿ ಚಾಲಿತ ರಿಕ್ಷಾಗಳು ಹಿರಿಯ ನಾಗರಿಕರಿಗೆ ಅವರ ದರ್ಶನಕ್ಕಾಗಿ ಹಗಲಿನ ವೇಳೆಯಲ್ಲಿ ಲಭ್ಯವಿದೆ. ಹೆಲಿಕಾಪ್ಟರ್ ಸೇವೆಯೂ ಲಭ್ಯವಿದೆ. ಆದರೆ ಈ ಟಿಕೆಟ್‌ಗಳನ್ನು ಪಡೆಯುವುದು ಸುಲಭವಲ್ಲದ ಕಾರಣ ನಿಮ್ಮ ಟಿಕೆಟ್‌ಗಳನ್ನು ಮೊದಲೇ ಬುಕ್ ಮಾಡಿಕೊಳ್ಳಿ.
- ಮುಖ್ಯ ದೇಗುಲದ ಬಳಿ ವಸತಿ ಆಯ್ಕೆಗಳು ಲಭ್ಯವಿವೆ.
