ಗುರುವಾಗ ಬೆಲ್ಲ ಬಳಸಿ ಈ 6 ಕೆಲಸ ಮಾಡಿದ್ರೆ, ಮನೆಯೊಳಗೆ ಹಣ ಹರಿದು ಬರುತ್ತೆ..
ಗುರುವಾರ ಬೆಲ್ಲವನ್ನು ಬಳಸಿ ಮಾಡುವ ಈ ಪರಿಹಾರ ಕಾರ್ಯಗಳು ಜೀವನದ ಹಲವು ಸಮಸ್ಯೆಗಳಿಂದ ನಮ್ಮನ್ನು ಪಾರು ಮಾಡುತ್ತವೆ.
ಬೆಲ್ಲ ಆರೋಗ್ಯಕ್ಕೆ ಎಷ್ಟು ಪ್ರಯೋಜನಕಾರಿಯೋ, ಅಷ್ಟೇ ಪವಾಡವೂ ಹೌದು. ಇದರ ಕೆಲವು ಪರಿಹಾರಗಳು ತುಂಬಾ ಅದ್ಭುತವಾಗಿದ್ದು, ಜೀವನದ ಅನೇಕ ಸಮಸ್ಯೆಗಳನ್ನು ಬೆಲ್ಲ ಬಳಸಿ ಪರಿಹರಿಸಬಹುದು. ಜ್ಯೋತಿಷ್ಯ ಶಾಸ್ತ್ರದಲ್ಲಿ ಬೆಲ್ಲವನ್ನು ಸಾಕಷ್ಟು ದೋಷ ನಿವಾರಣೆಗೆ ಪರಿಹಾರವಾಗಿ ಬಳಸಲಾಗುತ್ತದೆ.
ವಾಸ್ತವವಾಗಿ, ಇಂದಿನ ಕಾಲದಲ್ಲಿ ಪ್ರತಿಯೊಬ್ಬ ವ್ಯಕ್ತಿಯು ತನಗೆ ಮತ್ತು ತನ್ನ ಕುಟುಂಬಕ್ಕೆ ಸಂತೋಷದ ಜೀವನವನ್ನು ಬಯಸುತ್ತಾನೆ. ಇದಕ್ಕಾಗಿ ಅವನು ಎಲ್ಲ ಪ್ರಯತ್ನಗಳನ್ನೂ ಮಾಡುತ್ತಾನೆ. ಕೆಲವೊಮ್ಮೆ ಸಂದರ್ಭಗಳು ಮತ್ತು ಹಣದ ಕೊರತೆಯಿಂದಾಗಿ ಸಂತೋಷದ ಜೀವನ ನಡೆಸಲು ಸ್ವಲ್ಪ ಕಷ್ಟವಾಗುತ್ತದೆ. ಅಂಥ ಪರಿಸ್ಥಿತಿಯಲ್ಲಿ, ಗುರುವಿನ ಪೂಜೆ ಮತ್ತು ಗುರುವಾರ ಉಪವಾಸದಿಂದ ವ್ಯಕ್ತಿಯ ಇಷ್ಟಾರ್ಥಗಳು ಈಡೇರುತ್ತವೆ. ಅದಕ್ಕಾಗಿಯೇ ಇಂದು ನಾವು ಗುರುವಾರ ಬೆಲ್ಲದಿಂದ ಮಾಡಬೇಕಾದ ಕೆಲವು ಪರಿಹಾರಗಳನ್ನು ಹೇಳಲಿದ್ದೇವೆ. ಒಬ್ಬ ವ್ಯಕ್ತಿಯು ಆ ಪರಿಹಾರಗಳನ್ನು ಮಾಡಿದರೆ, ಅವನ ಬಯಕೆಯು ಈಡೇರುತ್ತದೆ. ಹಾಗಾದರೆ ಆ ಪರಿಹಾರಗಳು ಯಾವುವು ಎಂದು ತಿಳಿಯೋಣ.
ಸಮಸ್ಯೆಗಳಿಗೆ ಬೆಲ್ಲದ ಪರಿಹಾರ
- ಆರ್ಥಿಕ ಸಮಸ್ಯೆಯಿಂದ ಬಳಲುತ್ತಿರುವವರು ಗುರುವಾರ ಬೆಳಗ್ಗೆ ಸ್ನಾನ ಮಾಡಿ ಬಾಳೆಗಿಡದ ಬೇರಿಗೆ ಒಂದು ಹಿಡಿ ತೊಳೆದ ಬೇಳೆ ಮತ್ತು ಬೆಲ್ಲವನ್ನು ಹಾಕಬೇಕು. ಸುಮಾರು 5 ಅಥವಾ 7 ಗುರುವಾರಗಳ ಕಾಲ ಇದನ್ನು ನಿರಂತರವಾಗಿ ಮಾಡಿ, ಹೀಗೆ ಮಾಡುವುದರಿಂದ ನಿಮ್ಮ ಎಲ್ಲ ಆರ್ಥಿಕ ಸಮಸ್ಯೆಗಳು ದೂರವಾಗುವುದರ ಜೊತೆಗೆ ನಿಮ್ಮ ಇಷ್ಟಾರ್ಥಗಳು ಕೂಡ ಈಡೇರುತ್ತವೆ.
- ನಂಬಿಕೆಯ ಪ್ರಕಾರ, ನಿಮ್ಮ ಆಸೆಗಳು ಬಹಳ ದಿನಗಳಿಂದ ಈಡೇರದಿದ್ದರೆ, ಗುರುವಾರ ಸಂಜೆ, ₹1 ನಾಣ್ಯ, ಬೆಲ್ಲ ಮತ್ತು 7 ಸಂಪೂರ್ಣ ಅರಿಶಿನ ಉಂಡೆಯನ್ನು ತೆಗೆದುಕೊಂಡು ಅದನ್ನು ಹಳದಿ ಬಟ್ಟೆಯಲ್ಲಿ ಕಟ್ಟಿ ರೈಲು ಮಾರ್ಗದ ಕೆಳಗೆ ಎಸೆಯಿರಿ. ಇದರೊಂದಿಗೆ ನಿಮ್ಮ ಇಷ್ಟಾರ್ಥಗಳು ಮತ್ತು ಈಡೇರದ ಆಸೆಗಳು ಶೀಘ್ರದಲ್ಲೇ ಈಡೇರುತ್ತವೆ ಎಂದು ನಂಬಲಾಗಿದೆ.
Nag Panchami 2022: ನಾಗರ ಪೂಜೆಯ ವಿಧಾನ ಹೀಗೆ..
- ನಿಮ್ಮ ಸ್ವಂತ ಮನೆ ಕಟ್ಟುವ ಕನಸು ಅಥವಾ ಆಸ್ತಿಯನ್ನು ಖರೀದಿಸಲು ನೀವು ಬಯಸಿದರೆ, ಪ್ರತಿ ಗುರುವಾರ ನೀವು ಅಗತ್ಯವಿರುವ ವ್ಯಕ್ತಿಗೆ ಬೆಲ್ಲವನ್ನು ದಾನ ಮಾಡಬೇಕು. ಇದಲ್ಲದೇ ಬೇಕಾದರೆ ಭಾನುವಾರ ಕೆಂಪು ಹಸುವಿಗೆ ಬೆಲ್ಲ ತಿನ್ನಿಸಬಹುದು. ಹೀಗೆ ಮಾಡುವುದರಿಂದ ನಿಮ್ಮ ಮನೆ ಕಟ್ಟುವ ಕನಸು ಶೀಘ್ರದಲ್ಲೇ ಈಡೇರುತ್ತದೆ.
- ಮದುವೆಗೆ ಅಡೆತಡೆಗಳಿದ್ದರೆ ಅಂಥವರಿಗೆ ಗುರುವಾರದಂದು ಬೆಲ್ಲ ಮತ್ತು ಕಾಳು ತಿನ್ನಿಸಿ. ಹೀಗೆ ಮಾಡುವುದರಿಂದ ಗುರುವಿನ ಆಶೀರ್ವಾದ ಸಿಗುತ್ತದೆ. ಜೊತೆಗೆ ದಾಂಪತ್ಯದಲ್ಲಿ ಬರುವ ಅಡೆತಡೆಗಳೂ ದೂರವಾಗುತ್ತವೆ.
- ಗುರುವಾರದಂದು ಗುರುವಿಗೆ ಬೆಲ್ಲವನ್ನು ಅರ್ಪಿಸುವುದು ಜಾತಕದಲ್ಲಿ ಗುರು ಗ್ರಹವನ್ನು ಬಲಪಡಿಸುವುದಲ್ಲದೆ, ಸೂರ್ಯ ಮತ್ತು ಮಂಗಳವು ಸಹ ಧನಾತ್ಮಕ ಪರಿಣಾಮಗಳನ್ನು ನೀಡುತ್ತವೆ. ಗುರುವಾರದಂದು ಈ ಕೆಲಸವನ್ನು ಮಾಡುವುದರಿಂದ ನಿಮ್ಮ ಕೆಲಸದಲ್ಲಿ ಯಾವುದೇ ಅಡೆತಡೆಗಳು ಇರುವುದಿಲ್ಲ ಮತ್ತು ಕೆಲಸವು ಸುಲಭವಾಗಿ ನಡೆಯುತ್ತದೆ.
- ಒಳ್ಳೆಯ ಕೆಲಸ ಸಿಗಬೇಕೆಂದರೆ ಸಂದರ್ಶನಕ್ಕೆ ಹೋಗುವ ಮುನ್ನ ಮನೆಯಿಂದ ಹೊರಡುವಾಗ ದಾರಿಯಲ್ಲಿ ಹಸುವಿಗೆ ಹಿಟ್ಟು ಅಥವಾ ಬೆಲ್ಲ ತಿನ್ನಿಸಬೇಕು. ಹೀಗೆ ಮಾಡುವುದರಿಂದ ನಿಮ್ಮ ಕೆಲಸದಲ್ಲಿ ಯಶಸ್ಸು ಸಿಗುತ್ತದೆ.
- ಈ ಎಲ್ಲ ಕ್ರಮಗಳನ್ನು ಗುರುವಾರ ಮಾಡಬೇಕು, ಇದನ್ನು ಹೊರತುಪಡಿಸಿ, ನೀವು ಸಾಲದಿಂದ ಮುಕ್ತರಾಗಲು ಬಯಸಿದರೆ, ಮಂಗಳವಾರ, ಆಂಜನೇಯನಿಗೆ ಬೆಲ್ಲ ಅಥವಾ ಬೆಲ್ಲದಿಂದ ಮಾಡಿದ ಸಿಹಿತಿಂಡಿಗಳನ್ನು ಅರ್ಪಿಸಿ.
ಮೇಷ ರಾಶಿಗೆ ಮೈಗ್ರೇನ್! ನಿಮ್ಮ ರಾಶಿಗೆ ಯಾವ ಅನಾರೋಗ್ಯ?
- ಮನೆಯಲ್ಲಿ ಆಗಾಗ ಜಗಳಗಳು ನಡೆಯುತ್ತಿದ್ದರೆ ಮಂಗಳವಾರ ಅಥವಾ ಶನಿವಾರದಂದು ಒಂದೂವರೆ ಕೆಜಿ ಬೆಲ್ಲವನ್ನು ನೆಲದಲ್ಲಿ ಹುಗಿಯಿರಿ. ಹೀಗೆ ಮಾಡುವುದರಿಂದ ಮನೆಯಲ್ಲಿನ ಕಲಹ ಕೊನೆಗೊಂಡು ಜನರಲ್ಲಿ ಪ್ರೀತಿ ಹೆಚ್ಚುತ್ತದೆ.
