ಈ ರತ್ನಗಳನ್ನು ತಪ್ಪಿಯೂ ಜೊತೆಯಾಗಿ ಧರಿಸಬೇಡಿ!
ಪ್ರತಿ ರತ್ನವೂ ನಿರ್ದಿಷ್ಟ ಗ್ರಹಕ್ಕೆ ಸಂಬಂಧಿಸಿದೆ. ವ್ಯಕ್ತಿಯ ಜಾತಕವನ್ನು ಪರಿಶೀಲಿಸಿ ಅದಕ್ಕೆ ಹೊಂದುವಂತೆ ಯಾವ ರತ್ನ ಧರಿಸಬೇಕೆಂದು ಸಲಹೆ ನೀಡಲಾಗುತ್ತದೆ. ಒಂದು ವೇಳೆ ತಜ್ಞರನ್ನು ಭೇಟಿಯಾಗದೇ ನೀವೇ ಅಲ್ಪ ಜ್ಞಾನದಲ್ಲಿ ರತ್ನಗಳನ್ನು ಧರಿಸಿದರೆ, ಈ ರೀತಿ ಎರಡು ರತ್ನಗಳನ್ನು ಏಕಕಾಲದಲ್ಲಿ ಧರಿಸುವ ತಪ್ಪು ಮಾಡಬೇಡಿ.
ರತ್ನಗಳು(gem stones) ಕೇವಲ ಆಭರಣಗಳಲ್ಲ. ಅವುಗಳಿಗೆ ಜ್ಯೋತಿಷ್ಯ ಶಾಸ್ತ್ರದಲ್ಲಿ ಬಹಳ ಮಹತ್ವವಿದೆ. ಪ್ರತಿಯೊಂದು ರತ್ನವೂ ಒಂದೊಂದು ಗ್ರಹ(planet)ದೊಂದಿಗೆ ಸಂಬಂಧ ಹೊಂದಿದೆ. ಹೀಗಾಗಿ, ಆಯಾ ರತ್ನವನ್ನು ಧರಿಸುವುದರಿಂದ ಸಂಬಂಧಪಟ್ಟ ಗ್ರಹಗಳ ಶುಭ, ಅಶುಭ ಪರಿಣಾಮಗಳು ನಿರ್ಧರಿತವಾಗುತ್ತವೆ. ಸಾಮಾನ್ಯವಾಗಿ ಜ್ಯೋತಿಷ್ಯ ಶಾಸ್ತ್ರಜ್ಞರು ಜಾತಕ(horoscope) ನೋಡಿ ಅದರಲ್ಲಿ ಯಾವ ಗ್ರಹ ದುರ್ಬಲವಾಗಿರುತ್ತದೆಯೋ, ದೋಷವಿರುತ್ತದೆಯೇ ಅದಕ್ಕೆ ಸಂಬಂಧಿಸಿದ ರತ್ನ ಧರಿಸಲು ಸಲಹೆ ಮಾಡುತ್ತಾರೆ. ಇದರಿಂದ ಆಯಾ ಗ್ರಹದಿಂದುಂಟಾಗುವ ಸಮಸ್ಯೆಗಳು ಕಡಿಮೆಯಾಗುತ್ತವೆ, ಗ್ರಹಗಳ ಅಶುಭ ಪರಿಣಾಮ ತಗ್ಗುತ್ತದೆ. ಆದರೆ, ರತ್ನಗಳನ್ನು ನಿಮ್ಮ ಮನಸ್ಸಿಗೆ ಬಂದಂತೆ ಧರಿಸಿದಿರಾದರೆ ಸಾಕಷ್ಟು ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ. ಅದರಲ್ಲೂ ಎರಡು ರತ್ನಗಳನ್ನು ಧರಿಸುವಾಗ ಬಹಳ ಎಚ್ಚರವಾಗಿರಬೇಕು. ಅವೆರಡೂ ಪರಸ್ಪರ ವೈರತ್ವ ಹೊಂದಿರಬಹುದು. ಅಥವಾ ಆ ರತ್ನಗಳಿಗೆ ಸಂಬಂಧಿಸಿದ ಗ್ರಹಗಳು ನಿಮ್ಮ ಜಾತಕದಲ್ಲಿ ದೋಷಪೂರಿತ ಸ್ಥಾನಕ್ಕೆ ಬರುವಂತಾಗಬಹುದು.
ಯಾವೆಲ್ಲ ರತ್ನದ ಕಲ್ಲುಗಳನ್ನು ಒಟ್ಟಿಗೆ ಸೇರಿಸಬಾರದು ಎಂದು ತಿಳಿಯೋಣ.
- ಮುತ್ತಿನೊಂದಿಗೆ ವಜ್ರ(Diamond), ಪಚ್ಚೆ(Emerald), ಗೋಮೇದಿಕಾ((Hessonite), ವೈಡೂರ್ಯ ಮತ್ತು ನೀಲಂ ಧರಿಸಬೇಡಿ. ಒಬ್ಬ ವ್ಯಕ್ತಿಯು ಮುತ್ತು ಧರಿಸಿದ್ದರೆ, ಅವರು ಅದನ್ನು ಡೈಮಂಡ್, ಪನ್ನಾ, ಗೋಮೆಡ್, ಲೆಹ್ಸುನಿಯಾ ಅಥವಾ ವೈಡೂರ್ಯ ಮತ್ತು ನೀಲಂಗಳೊಂದಿಗೆ ಸಂಯೋಜಿಸುವುದನ್ನು ತಪ್ಪಿಸಬೇಕು. ಜ್ಯೋತಿಷ್ಯಶಾಸ್ತ್ರದ ಪ್ರಕಾರ, ಚಂದ್ರನ ಅಶುಭ ಪರಿಣಾಮವನ್ನು ಕಡಿಮೆ ಮಾಡಲು ಮುತ್ತನ್ನು ಧರಿಸಲಾಗುತ್ತದೆ. ಮುತ್ತನ್ನು ಡೈಮಂಡ್, ಪನ್ನಾ, ಗೋಮೆಡ್, ಲೆಹ್ಸುನಿಯಾ ಅಥವಾ ವೈಡೂರ್ಯ ಮತ್ತು ನೀಲಂನೊಂದಿಗೆ ಸಂಯೋಜಿಸುವುದರಿಂದ ಮಾನಸಿಕ ಒತ್ತಡ ಹೆಚ್ಚಾಗಬಹುದು.
- ನೀಲಮಣಿ, ಪ್ರವಲ್ ಅಥವಾ ಕೆಂಪು ಹವಳ ಮತ್ತು ಮುತ್ತುಗಳೊಂದಿಗೆ ಪಚ್ಚೆ ಧರಿಸಬೇಡಿ.
Vastu Remedies 2022: ಈ ವಿಗ್ರಹ ಮನೆಯಲ್ಲಿದ್ರೆ ಬಯಸಿದ್ದೆಲ್ಲ ಸಿದ್ದಿಸುತ್ತೆ!
- ಒಬ್ಬ ವ್ಯಕ್ತಿಯು ಪಚ್ಚೆ ಧರಿಸಿದ್ದರೆ, ಅವರು ಅದನ್ನು ನೀಲಮಣಿ, ಕೆಂಪು ಹವಳ ಮತ್ತು ಮುತ್ತುಗಳೊಂದಿಗೆ ಸಂಯೋಜಿಸುವುದನ್ನು ತಪ್ಪಿಸಬೇಕು. ಜ್ಯೋತಿಷ್ಯದ ಪ್ರಕಾರ, ಪಚ್ಚೆಯು ಬುಧ ಗ್ರಹಕ್ಕೆ ರತ್ನವಾಗಿದೆ ಮತ್ತು ಈ ಕಲ್ಲನ್ನು ಧರಿಸುವುದರಿಂದ ಬುಧ ಗ್ರಹದ ಕೆಟ್ಟ ಪರಿಣಾಮ ಕಡಿಮೆಯಾಗುತ್ತದೆ. ನೀಲಮಣಿ, ಕೆಂಪು ಹವಳ ಮತ್ತು ಮುತ್ತುಗಳ ಜೊತೆಗೆ ಪನ್ನವನ್ನು ಧರಿಸುವುದರಿಂದ ಸಂಪತ್ತಿನ ನಷ್ಟವನ್ನು ಅನುಭವಿಸಬಹುದು.
- ಮಾಣಿಕ್ಯ, ಕೆಂಪು ಹವಳ ಮತ್ತು ನೀಲಮಣಿ ಜೊತೆಗೆ ವೈಢೂರ್ಯವನ್ನು ಧರಿಸಬೇಡಿ.
- ಒಬ್ಬ ವ್ಯಕ್ತಿಯು ವೈಢೂರ್ಯ ಕಲ್ಲುಗಳನ್ನು ಧರಿಸಿದ್ದರೆ, ಅದನ್ನು ಮಾಣಿಕ್ಯ, ಕೆಂಪು ಹವಳ, ಪುಖರಾಜ್ ಮತ್ತು ಮುತ್ತುಗಳೊಂದಿಗೆ ಸಂಯೋಜಿಸಬಾರದು. ಇದರಿಂದ ಕಷ್ಟಗಳು ಸಾಕಷ್ಟು ಹೆಚ್ಚಾಗುತ್ತದೆ.
- ಮಾಣಿಕ್ಯ, ಕೆಂಪು ಹವಳ, ಮುತ್ತು ಮತ್ತು ಪುಖರಾಜನೊಂದಿಗೆ ನೀಲಂ ಧರಿಸಬೇಡಿ.
- ನೀಲಂ ಕಲ್ಲು ಶನಿ ಗ್ರಹಕ್ಕೆ ಸೇರಿದ್ದು. ಒಬ್ಬ ವ್ಯಕ್ತಿಯು ನೀಲಂ ಅನ್ನು ಧರಿಸಿದ್ದರೆ ಅದನ್ನು ಮಾಣಿಕ್ಯ, ಕೆಂಪು ಹವಳ, ಮುತ್ತು ಮತ್ತು ಪುಖರಾಜನೊಂದಿಗೆ ಸಂಯೋಜಿಸಬಾರದು. ಹಾಗೆ ಮಾಡುವುದರಿಂದ ವ್ಯತಿರಿಕ್ತ ಪರಿಣಾಮ ಉಂಟಾಗಬಹುದು.
ಮನೆಯಲ್ಲಿ ಶಿವಲಿಂಗವಿದ್ದರೆ ಈ ತಪ್ಪನ್ನೆಲ್ಲಾ ಮಾಡಬೇಡಿ..
- ಧರಿಸುವ ನಿಯಮವೇನು:
ರತ್ನ ಶಾಸ್ತ್ರದ ಅನುಸಾರ ಆಯಾ ರತ್ನಕ್ಕೆ ಸಂಬಂಧಿಸಿದ ಶುಭವಾರದಂದೇ ರತ್ನಗಳನ್ನು ಧರಿಸಬೇಕು. ಅದಕ್ಕೂ ಮೊದಲು ಸಂಬಂಧಿಸಿದ ಗ್ರಹದ ಮಂತ್ರದಿಂದ ಅಭಿಮಂತ್ರಿಸಿ ನಂತರ ಅದನ್ನು ಗಂಗಾಜಲ ಚಿಮುಕಿಸಿದ ನಂತರ ಧರಿಸಬೇಕು. ಪ್ರತಿ ರತ್ನವನ್ನು ಧರಿಸಲು ನಿಯಮಗಳು ಬೇರೆ ಬೇರೆಯಾಗಿರುತ್ತವೆ. ಆ ನಿಯಮಗಳನ್ನು ಪಾಲಿಸಿದ ನಂತರ ಇಷ್ಟ ದೇವರನ್ನು ಆರಾಧಿಸಿ ರತ್ನವನ್ನು ಧರಿಸಬೇಕು.
ದಿನ ಭವಿಷ್ಯ, ವಾರ ಭವಿಷ್ಯ, ಸಂಖ್ಯಾ ಶಾಸ್ತ್ರ, ನಿಮ್ಮ ರಾಶಿ ವಿಶೇಷ, ದಿನ ವಿಶೇಷ, ಹಬ್ಬ ಹರಿದಿನಗಳು, ಸಂಪ್ರದಾಯ ಆಚರಣೆಗಳು, ಅವುಗಳ ವೈಜ್ಞಾನಿಕ ಹಿನ್ನೆಲೆ, ಪುರಾಣ ಪುಣ್ಯ ಕತೆಗಳು, ವಾಸ್ತು ಕುರಿತು ಹೆಚ್ಚಿನ ಮಾಹಿತಿ ಪಡೆಯಲು ಸುವರ್ಣ ನ್ಯೂಸ್ ಜ್ಯೋತಿಷ್ಯ ವಿಭಾಗವನ್ನು ತಪ್ಪದೇ ನೋಡುತ್ತಿರಿ.
