ಹಠಮಾರಿ, ಕೋಪಿಷ್ಠ ಎನಿಸಿದರೂ ಈ ನಾಲ್ಕು ರಾಶಿಗಳ ಮನಸ್ಸು ಮಾತ್ರ ಮಕ್ಕಳಂತೆ!
ಕೆಲವರು ಹೊರಗಿನ ನೋಟಕ್ಕೆ ಜೋರಿನವರಂತೆ, ಬಾಯಿಬಡುಕರಂತೆ ಅಥವಾ ಇನ್ಹೇಗೋ ಕಾಣಿಸಬಹುದು. ಆದರೆ, ಮನಸ್ಸಿನಲ್ಲಿ ಮಾತ್ರ ಮಕ್ಕಳಂತೆ ಮುಗ್ಧರಾಗಿರುತ್ತಾರೆ. ಅಂಥವರು ಸಾಮಾನ್ಯವಾಗಿ ಈ ನಾಲ್ಕು ರಾಶಿಯವರಲ್ಲೊಬ್ಬರಾಗಿರುತ್ತಾರೆ.
Followಜಗತ್ತಿನಲ್ಲಿ ಯಾವುದೂ ಮಗುವಿನ ಹೃದಯದಷ್ಟು ಶುದ್ಧ ಮತ್ತು ನಿರ್ಮಲವಾಗಿರುವುದಿಲ್ಲ ಎಂದು ಸಾಮಾನ್ಯವಾಗಿ ಹೇಳಲಾಗುತ್ತದೆ. ಜನರು ಬೆಳೆದಂತೆ ಮತ್ತು ಪ್ರಬುದ್ಧರಾಗುತ್ತಿದ್ದಂತೆ, ಅವರು ಸಾಮಾನ್ಯವಾಗಿ ಮಗುವಿನಂತಹ ಮುಗ್ಧತೆ ಮತ್ತು ಕುತೂಹಲ(Curiosity)ವನ್ನು ಬಿಟ್ಟುಬಿಡುತ್ತಾರೆ. ಮಕ್ಕಳಂತೆ ಯಾವುದಕ್ಕಾದರೂ ಬೇಗ ಕರಗುವ ಸ್ವಭಾವ ಬದಲಾಗುತ್ತದೆ. ಎಲ್ಲವನ್ನೂ ಆಟದಂತೆ ಸ್ವೀಕರಿಸಲು ಸಾಧ್ಯವಾಗುವುದಿಲ್ಲ. ಜನರ ಕೆಟ್ಟ ಬುದ್ಧಿಗಳು ಕಣ್ಣಿಗೆ ತೋರತೊಡಗುತ್ತವೆ. ಕೆಟ್ಟ ವಿಚಾರಗಳು ಕಿವಿಗೆ ಬೀಳುತ್ತವೆ. ಕೆಟ್ಟ ಅನುಭವಗಳು ಮಗುವಿನಂಥ ಮನಸ್ಸನ್ನು ಬದಲಿಸಿಬಿಡುತ್ತವೆ. ನೋವು, ಕಷ್ಟ, ದುಃಖ ದುಮ್ಮಾನಗಳು ಮನುಷ್ಯನನ್ನು ಬೇಗ ದೊಡ್ಡವರಾಗಿಸಿಬಿಡುತ್ತವೆ. ಆದರೂ, ಮಕ್ಕಳ ಗುಣವನ್ನು ತಮ್ಮ ಜೀವನದುದ್ದಕ್ಕೂ ಕಾಪಾಡಿಕೊಳ್ಳಲು ನಿರ್ವಹಿಸುವ ಕೆಲವರಿರುತ್ತಾರೆ. ಮತ್ತೆ ಕೆಲವರು ಎದುರಿನಿಂದ ಎಷ್ಟೇ ಒರಟರಾಗಿ ಕಂಡರೂ ಒಳಗೊಳಗೇ ಬಹಳ ಮೃದು ಮನಸ್ಸನ್ನು ಹೊಂದಿರುತ್ತಾರೆ. ಹಾಗೆ ಮಕ್ಕಳಂತೆ ಸೌಮ್ಯ ಮತ್ತು ಮುಗ್ಧ ಹೃದಯಗಳನ್ನು ಹೊಂದಿರುವವರು 4 ರಾಶಿಚಕ್ರಗಳಿಗೆ(Zodiac signs) ಸೇರಿರುತ್ತಾರೆ.
ತುಲಾ ರಾಶಿ(Libra)
ಬಿಕ್ಕಟ್ಟಿನ ಪರಿಸ್ಥಿತಿಯು ಉದ್ಭವಿಸಿದಾಗಲೆಲ್ಲಾ, ಗಾಳಿಯ ಚಿಹ್ನೆಯಾದ ತುಲಾ ರಾಶಿಯು ತಮ್ಮ ಮೇಲೆಯೇ ದೋಷಾರೋಪಣೆಯನ್ನು ಮಾಡಿಕೊಳ್ಳುತ್ತದೆ. ಅವರು ಇತರ ಜನರು ಮಾಡಿದ ತಪ್ಪುಗಳಿಗೆ ಸುಲಭವಾಗಿ ತಲೆ ಕೊಡುತ್ತಾರೆ. ಅವರ ಸೌಮ್ಯ ಸ್ವಭಾವದಿಂದಾಗಿ ಸಾಮಾನ್ಯವಾಗಿ ಕೆಲಸದಲ್ಲಿ ಮತ್ತು ಅವರ ಸಂಗಾತಿಯಿಂದಲೂ ಅವರು ಹಿಂಸೆಗೆ ಒಳಗಾಗುತ್ತಾರೆ. ಆದರೆ ಅವರ ಹೃದಯದ ಶುದ್ಧತೆಯು ಅಂತಿಮವಾಗಿ ಎಲ್ಲರನ್ನೂ ಗೆಲ್ಲುತ್ತದೆ.
ಕರ್ಕಾಟಕ ರಾಶಿ(Cancer)
ಕರ್ಕಾಟಕ ರಾಶಿಯು ಇನ್ನೊಬ್ಬ ವ್ಯಕ್ತಿಯ ಬಗ್ಗೆ ಕೆಟ್ಟದಾಗಿ ಯೋಚಿಸುವುದಿಲ್ಲ. ಬದಲಾಗಿ ಅವರ ಕಷ್ಟಗಳ ಬಗ್ಗೆ ಚಿಂತಿತರಾಗುತ್ತಾರೆ. ಅವರು ತಮ್ಮ ಹೃದಯದಲ್ಲಿ ದುರುದ್ದೇಶವನ್ನು ಹೊಂದಿರದ ಅಸಾಮಾನ್ಯ ರೀತಿಯ ಜೀವಿಗಳು. ಅವರು ಸಾಮಾನ್ಯವಾಗಿ ತಮ್ಮ ಜೀವನದಲ್ಲಿರುವ ಬೇರೆ ಜನರ ಯೋಗಕ್ಷೇಮದ ಬಗ್ಗೆ ಚಿಂತಿಸುತ್ತಾರೆ ಮತ್ತು ತಮ್ಮ ಸುತ್ತಲಿನವರನ್ನು ಮೋಡಿ ಮಾಡಲು ಒಲವು ತೋರುತ್ತಾರೆ. ಮತ್ತೊಬ್ಬರ ಕಷ್ಟಕ್ಕೆ ಮರುಗುವುದಷ್ಟೇ ಅಲ್ಲ, ಅವರಿಗಾಗಿ ತಮ್ಮಿಂದ ಸಾಧ್ಯವಾದ ಸಹಾಯ ಮಾಡಲು ಮುಂದಾಗುತ್ತಾರೆ. ಎಲ್ಲರೂ ಸುಖವಾಗಿ ಬಾಳಬೇಕು ಎಂದು ಬಯಸುತ್ತಾರೆ. ಕರ್ಕಾಟಕ ರಾಶಿಯವರ ಹೃದಯವು ಮಗುವಿನಂತೆ ಶುದ್ಧವಾಗಿದೆ ಎಂದು ನಂಬಲು ಇದು ಒಂದು ಕಾರಣವಾಗಿದೆ.
ಜಗನ್ನಾಥ ಯಾತ್ರೆಗೆ ಪುರಿ ಸಜ್ಜು, ಯಾವಾಗ, ಇತಿಹಾಸವೇನು?
ಸಿಂಹ ರಾಶಿ(Leo)
ಸಿಂಹವು ಕೆಲವೊಮ್ಮೆ ಜಗಳಕ್ಕೆ ಹೋಗಬಹುದು. ರೇಗಬಹುದು. ಕೋಪ ತೋರಬಹುದು. ಆದಾಗ್ಯೂ, ಈ ಬೆಂಕಿಯ ಚಿಹ್ನೆಯು ಸ್ವಲ್ಪ ಮಟ್ಟಿಗೆ ಉರಿಯುತ್ತದೆಯಾದರೂ, ಅವರು ತಮ್ಮ ಜೀವನದುದ್ದಕ್ಕೂ ಮಗುವಿನಂಥ ಕುತೂಹಲ ಮತ್ತು ಮುಗ್ಧತೆಯನ್ನು ಕಾಯ್ದುಕೊಳ್ಳುತ್ತಾರೆ. ಅವರು ಜೀವನದಲ್ಲಿ ಸರಳವಾದ ವಿಷಯಗಳಲ್ಲಿ ಸಂತೋಷವನ್ನು ಕಂಡುಕೊಳ್ಳುತ್ತಾರೆ ಮತ್ತು ನ್ಯಾಯವನ್ನು ಬಲವಾದ ಅರ್ಥದಲ್ಲಿ ನಂಬುವವರಾಗಿರುತ್ತಾರೆ. ಆಧ್ಯಾತ್ಮಿಕತೆ ನೆಚ್ಚುವ ವ್ಯಕ್ತಿಗಳಾಗಿರುತ್ತಾರೆ.
ಮಿಥುನ ರಾಶಿ(Gemini)
ಮಿಥುನ ರಾಶಿಯವರ ಆದರ್ಶ ಪ್ರಪಂಚದ ಕಲ್ಪನೆಯನ್ನು ಜೀವಂತಗೊಳಿಸಿದರೆ, ಅದು ಎಲ್ಲರೂ ಒಬ್ಬರಿಗೊಬ್ಬರು ಬೆರೆಯುವ ಸ್ಥಳವಾಗಿರುತ್ತದೆ ಮತ್ತು ಅಲ್ಲಿ ಹಸಿವು ಅಥವಾ ಬಡತನವಿರುವುದಿಲ್ಲ. ಇತರ ವ್ಯಕ್ತಿಗಳಿಗೆ ಬಂದಾಗ ಪ್ರತಿಯೊಬ್ಬರೂ ಅಂತಹ ಶುದ್ಧತೆಯ ಚಿಂತನೆಯನ್ನು ಕಾಪಾಡಿಕೊಳ್ಳಲು ಸಾಧ್ಯವಿಲ್ಲ ಎಂಬುದು ಇದರ ವಿಶಿಷ್ಟತೆಯಾಗಿದೆ. ಹೆಚ್ಚಿನ ಮಿಥುನ ರಾಶಿಯವರು ಕರ್ಮವನ್ನು ನಂಬುತ್ತಾರೆ ಮತ್ತು ಅವರು ಜೀವನದಲ್ಲಿ ಹಾದು ಹೋಗುವಾಗ ಯಾದೃಚ್ಛಿಕ ಅಪರಿಚಿತರಿಗೆ ಸಹಾಯ ಮಾಡಲು ಎಲ್ಲವನ್ನು ಮಾಡುತ್ತಾರೆ.
ಸಂಖ್ಯೆ 2; ಇವರ ಸ್ವಭಾವ ಹೇಗಿರುತ್ತೆ? ಅದೃಷ್ಟದ ಬಣ್ಣ ಯಾವುದು?
ದಿನ ಭವಿಷ್ಯ, ವಾರ ಭವಿಷ್ಯ, ಸಂಖ್ಯಾ ಶಾಸ್ತ್ರ, ನಿಮ್ಮ ರಾಶಿ ವಿಶೇಷ, ದಿನ ವಿಶೇಷ, ಹಬ್ಬ ಹರಿ ದಿನಗಳು, ಸಂಪ್ರದಾಯ ಆಚರಣೆಗಳು, ಅವುಗಳ ವೈಜ್ಞಾನಿಕ ಹಿನ್ನೆಲೆ, ಪುರಾಣ ಪುಣ್ಯ ಕತೆಗಳು, ವಾಸ್ತು ಕುರಿತು ಹೆಚ್ಚಿನ ಮಾಹಿತಿ ಪಡೆಯಲು ಸುವರ್ಣ ನ್ಯೂಸ್ ಜ್ಯೋತಿಷ್ಯ ವಿಭಾಗವನ್ನು ತಪ್ಪದೇ ನೋಡುತ್ತಿರಿ.
