Asianet Suvarna News Asianet Suvarna News

Fact Check: ವೈರಲ್‌ ವಿಡಿಯೋ ಕೇರಳದ ದೀಪೋತ್ಸವದ್ದಲ್ಲ, ಚೀನಾದ 'ಗೋಲ್ಡನ್‌ ಡ್ರ್ಯಾಗನ್‌' ಪರೇಡಿನದ್ದು

Kerala Deepotsava Viral Video Fact Check: ನದಿಯಲ್ಲಿ ನಿರ್ದಿಷ್ಟ ಲಯದಲ್ಲಿ ದೀಪಗಳಿಂದ ಅಲಂಕರಿಸಲ್ಪಟ್ಟ ಹಡಗುಗಳು ಚಲಿಸುತ್ತಿರುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ. 

Video of Golden Dragon from China shared as Deepotsava from Kerala mnj
Author
First Published Nov 10, 2022, 12:03 PM IST

ನವದೆಹಲಿ (ನ. 10): ನದಿಯಲ್ಲಿ ನಿರ್ದಿಷ್ಟ ಲಯದಲ್ಲಿ ದೀಪಗಳಿಂದ ಅಲಂಕರಿಸಲ್ಪಟ್ಟ ಹಡಗುಗಳು ಚಲಿಸುತ್ತಿರುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ.  ವಿಡಿಯೋ ನೋಡಿದರೆ ಡ್ರ್ಯಾಗನ್ (Dragon) ನದಿಯಲ್ಲಿ ನಿಧಾನವಾಗಿ ಚಲಿಸುತ್ತಿರುವಂತೆ ಕಾಣುತ್ತಿದೆ. ಈ ವಿಡಿಯೋವನ್ನು ಹಂಚಿಕೊಂಡಿರುವ ಕೆಲವರು ಇದು ಕೇರಳದ (Kerala) ನದಿಯೊಂದರಲ್ಲಿ  240/250 ದೋಣಿಗಳೊಂದಿಗೆ ಆಚರಿಸಿದ ದೀಪೋತ್ಸವ (Deepotsava) ಎಂದು ಹೇಳಿದ್ದಾರೆ. ಆದರೆ ಏಷ್ಯಾನೆಟ್‌ ಸುವರ್ಣ ನ್ಯೂಸ್‌ ಫ್ಯಾಕ್ಟ್‌ ಚೆಕ್‌ (Fact Check) ಮಾಡಿದಾಗ ಈ ಹೇಳಿಕೆಯು ತಪ್ಪು ದಾರಿಗೆಳೆಯುತ್ತಿರುವುದು ಸಾಬೀತಾಗಿದೆ. ವೈರಲ್ ಆಗುತ್ತಿರುವ ವೀಡಿಯೋ ಕೇರಳದ್ದಲ್ಲ ಬದಲಾಗಿ ಚೀನಾದ ಯುಲಾಂಗ್ ನದಿಯಲ್ಲಿ ನಡೆದ ಡ್ರ್ಯಾಗನ್ ಉತ್ಸವದ (Golden Dragon) ವೀಡಿಯೊವಾಗಿದೆ ಎಂದು ಫ್ಯಾಕ್ಟ್‌ಚೆಕ್‌ನಲ್ಲಿ (Fact Check) ತಿಳಿದುಬಂದಿದೆ. 

Claim: The video shows ‘Deepotsava’ from Kerala. 240 boats sailing in the river with lamps | ಕೇರಳದಲ್ಲಿ 250 ಹಡಗುಗಳನ್ನು ಬಳಸಿ ನದಿಯಲ್ಲಿ ದಿಪೋತ್ಸವ ಆಚರಿಸುತ್ತಿರುವ ವಿಡಿಯೋ 

Video of Golden Dragon from China shared as Deepotsava from Kerala mnj

ಸಾಮಾಜಿಕ ಮಾಧ್ಯಮದಲ್ಲಿ ಹಲವರು ಇದೇ ವಿಡಿಯೋವನ್ನು ವಿವಿಧ ಶೀರ್ಷಿಕೆಗಳೊಂದಿಗೆ ಹಂಚಿಕೊಂಡಿದ್ದಾರೆ. ಯೂಟ್ಯೂಬ್‌ ಹಾಗೂ ಫೇಸ್‌ಬುಕ್‌ ರೀಲ್ಸ್‌ಗಳಲ್ಲೂ ಕೂಡ ಬಳಕೆದಾರರು ಈ ವೀಡಿಯೊವನ್ನು ಹಂಚಿಕೊಂಡಿದ್ದು ಕೇರಳದ ದೀಪೋತ್ಸವ ಎಂದು ವಿವರಿಸಿದ್ದಾರೆ.

Video of Golden Dragon from China shared as Deepotsava from Kerala mnj

Fact Check: ವೈರಲ್‌ ವಿಡಿಯೋದ ಸ್ಕೀನ್‌ಶಾಟ್ಸ್‌ ತೆಗೆದುಕೊಂಡು ಗೂಗಲ್ ಲೆನ್ಸ್ ಸರ್ಚ್‌ (Google Lens) ಮಾಡಿದಾಗ ರೆಡ್ಡಿಟ್‌ನ ಈ ಪೋಸ್ಟ್‌ (Reddit) ಲಭ್ಯವಾಗುತ್ತದೆ. ರೆಡ್ಡಿಟ್‌ ಪೋಸ್ಟಿನಲ್ಲಿ ಇದನ್ನು ಚೀನಾದ ಗೋಲ್ಡನ್‌ ಡ್ರ್ಯಾಗನ್‌ ವಿಡಿಯೋ ಎಂದು ಬರೆಯಲಾಗಿದೆ. ಈ ಕೀವರ್ಡ್‌ಗಳನ್ನು ಬಳಸಿ ಇನ್ನಷ್ಟು ತನಿಖೆ ನಡೆಸಿದಾಗ ಯುಟ್ಯೂಬ್‌ನಲ್ಲಿ ಹಲವು ವಿಡಿಯೋಗಳು ಪತ್ತೆಯಾಗಿವೆ. ಸೋಷಿಯಲ್‌ ಮೀಡಿಯಾದಲ್ಲಿ  ವೈರಲ್ ಆಗುತ್ತಿರುವ ವೀಡಿಯೊಗೆ ಯುಟ್ಯೂಬ್‌ನಲ್ಲಿ ಸಿಕ್ಕ ವಿಡಿಯೋಗಳು ಹೊಂದಿಕೆಯಾಗುತ್ತವೆ. ಜುಲೈ 4 2022ರಂದು ನ್ಯೂ ಚೀನಾ ಟಿವಿ (New China TV) ಯುಟ್ಯೂಬ್‌ನಲ್ಲಿ ಪೋಸ್ಟ್‌ ಮಾಡಿರುವ ವಿಡಿಯೋದಲ್ಲಿ ಈ ವೈರಲ್‌ ವಿಡಿಯೋ ದೃಶ್ಯಗಳನ್ನು ನಾವು ಕಂಡುಕೊಂಡಿದ್ದೇವೆ. 

 

ಇನ್ನು ಚೀನಾ ಡೇಲಿ (China Daily) ವೆರಿಫೈಡ್‌ ಟ್ವೀಟರ್‌ ಖಾತೆಯಲ್ಲೂ ಈ ವಿಡಿಯೋವನ್ನು ಹಂಚಿಕೊಂಡಿದೆ. ನೀಡಿರುವ ಮಾಹಿತಿಯ ಪ್ರಕಾರ, ಈ ವಿಡಿಯೋ ದಕ್ಷಿಣ ಚೀನಾದ ಗುವಾಂಗ್ಸಿಯಲ್ಲಿ (Guangxi) ನಡೆದ ಡ್ರ್ಯಾಗನ್ ಪರೇಡ್‌ನದ್ದು. ಸ್ಥಳೀಯ ಅಧಿಕಾರಿಗಳ ಸಹಾಯದಿಂದ ಪ್ರವಾಸಿಗರನ್ನು ಆಕರ್ಷಿಸಲು ಲ್ಯಾಂಟರ್ನ್‌ಗಳಿಂದ ಅಲಂಕರಿಸಲ್ಪಟ್ಟ ದೋಣಿಗಳ ಮೆರವಣಿಗೆಯನ್ನು ಆಯೋಜಿಸಲಾಗಿತ್ತು. 

 

 

Conclusion: ದಕ್ಷಿಣ ಚೀನಾದ ಗುವಾಂಗ್ಸಿಯಲ್ಲಿ ಪ್ರವಾಸಿಗರನ್ನು ಆಕರ್ಷಿಸಲು ನದಿಯಲ್ಲಿ ಡ್ರ್ಯಾಗನ್ ಮೆರವಣಿಗೆಯನ್ನು ಆಯೋಜಿಸಲಾಗಿತ್ತು. ಈ  ವೀಡಿಯೊವು ಕೇರಳದಲ್ಲಿ ಆಚರಿಸಿದ ದೀಪೋತ್ಸವ ಎಂಬ ತಪ್ಪುದಾರಿಗೆಳೆಯುವ ಹೇಳೆಯೊಂದಿಗೆ ವೈರಲ್‌ ಆಗಿದೆ. 

ಇದನ್ನೂ ಓದಿ: Fact Check: ಬಿಸಿ ತೆಂಗಿನ ನೀರು ಕ್ಯಾನ್ಸರನ್ನು ಗುಣಪಡಿಸುವುದಿಲ್ಲ: ವೈರಲ್ ಪೋಸ್ಟ್ ಸುಳ್ಳು 

ಇದನ್ನೂ ಓದಿ: Fact Check: 'ಕೇರಳ ಹಿಂದೂ ಮಹಿಳೆ ಐಸಿಸ್‌ ಸೇರ್ಪಡೆ' ವೈರಲ್ ವಿಡಿಯೋ The Kerala Story ಚಿತ್ರದ ಟೀಸರ್ನದ್ದು

Follow Us:
Download App:
  • android
  • ios