ಕನ್ನಡಕ್ಕೆ ಒಬ್ಬ ವಿಶೇಷ ಗಾಯಕಿ ಮತ್ತೆ ಬಂದಿದ್ದಾರೆ. ಹೆಸರು ವೈಕೊಮ್ ವಿಜಯಲಕ್ಷ್ಮೀ
ಫೋಕ್ ಶೈಲಿಯಲ್ಲಿ ಪಕ್ಕಾ ದೇಸಿ ಸೊಗಡಿನಲ್ಲಿ ಹಾಡುವ ಗಾಯಕಿ ಈಕೆ ತಮಿಳು ಚಿತ್ರರಂಗದ ಪ್ರಸಿದ್ಧ ಗಾಯಕಿ. ಅಂಧ ಗಾಯಕಿ ಇವರು. ಈಗ ಕನ್ನಡದ ‘ಲಂಬೋದರ’ ಚಿತ್ರಕ್ಕೆ ಹಾಡಿದ್ದಾರೆ.
Add Asianetnews Kannada as a Preferred Source
ಯೋಗೇಶ್ ನಾಯಕನಾಗಿ ನಟಿಸಿರುವ ಈ ಚಿತ್ರದಲ್ಲಿ ‘ಕೇಳಿ ಇವ ತುಂಬಾನೇ ಒಳ್ಳೆ ಕೇಡಿ.... ಲಂಬೋದರ, ಬಾಡಿ ಇಡೀ ಊರೆಲ್ಲ ವೇಸ್ಟು ಬಾಡಿ... ಲಂಬೋದರ’ ಎನ್ನುವ ಹಾಡನ್ನು ತುಂಬಾ ಭಿನ್ನವಾಗಿ ಹಾಡಿದ್ದಾರೆ. ಇದೇ ಹಾಡು ಯೂಟ್ಯೂಬ್ನಲ್ಲಿ ಕೇಳುಗರಿಂದ ಮೆಚ್ಚುಗೆ ಗಳಿಸುತ್ತಿದೆ. ಚಿತ್ರದ ಈ ಶೀರ್ಷಿಕೆ ಗೀತೆಯನ್ನು ಶ್ರೀಮುರಳಿ ಇತ್ತೀಚೆಗೆ ಬಿಡುಗಡೆ ಮಾಡಿದ್ದಾರೆ.
ಹೀರೋ ಪರಿಚಯದ ಹಾಡು ಇದು. ಕಾರ್ತಿಕ್ ಶರ್ಮಾ ಸಂಗೀತ, ಅರವಿಂದ್ ಎಸ್. ಕಶ್ಯಪ್ ಛಾಯಾಗ್ರಹಣ ಈ ಚಿತ್ರದಲ್ಲಿ ಯೋಗೇಶ್, ಆಕಾಂಕ್ಷ, ಧರ್ಮಣ್ಣ, ಅಚ್ಯುತ್ ಕುಮಾರ್, ಅರುಣಾ ಬಾಲರಾಜ್ ಮುಂತಾದವರು ನಟಿಸಿದ್ದಾರೆ. ವಿಶ್ವೇಶ್ವರ್ ಪಿ ಹಾಗೂ ರಾಘವೇಂದ್ರ ಭಟ್ ಅವರು ಈ ಚಿತ್ರ ನಿರ್ಮಿಸಿದ್ದಾರೆ. ಕೃಷ್ಣರಾಜ್ ನಿರ್ದೇಶನದ ಚಿತ್ರವಿದು.
