'ಸಂಜಯ್ ಅಲಿಯಾಸ್ ಸಂಜು'ಗೆ ಜೊತೆಯಾದ ರಚಿತಾ ರಾಮ್ ?
ವಿವಾದವೋ, ವಿಷಾದವೋ, ಸ್ಯಾಂಡಲ್ವುಡ್ನ ಡಿಂಪಲ್ ಕ್ವೀನ್ ರಚಿತಾ ರಾಮ್ ಮಾತ್ರ ಹೊಸ ಹೊಸ ಆಫರ್ಗಳ ಮೂಲಕ ದಿನವೂ ಸುದ್ದಿ ಆಗುತ್ತಿದ್ದಾರೆ. ‘ಐ ಲವ್ ಯೂ’ಚಿತ್ರದ ಭರ್ಜರಿ ಸಕ್ಸಸ್ ನಡುವೆಯೇ ಜೋಗಿ ಪ್ರೇಮ್ ನಿರ್ದೇಶನದ ‘ಏಕ್ ಲವ್ ಯಾ’ ಹಾಗೂ ರಮೇಶ್ ಅರವಿಂದ್ ನಿರ್ದೇಶನ ಮತ್ತು ಅಭಿನಯದ ‘100’ ಚಿತ್ರದ ಚಿತ್ರೀಕರಣದಲ್ಲಿ ಬ್ಯುಸಿ ಇರುವ ರಚಿತಾ, ಇದೀಗ ಮತ್ತೊಂದು ಹೊಸ ಚಿತ್ರಕ್ಕೆ ನಾಯಕಿ ಆಗಿದ್ದಾರಂತೆ.
ಈ ಬಾರಿ ಅವರು ನಾಗಶೇಖರ್ ನಿರ್ದೇಶನದ ‘ಸಂಜು ಅಲಿಯಾಸ್ ಸಂಜು’ ಚಿತ್ರಕ್ಕೆ ನಾಯಕಿ ಆಗಿದ್ದಾರೆನ್ನುತ್ತಿವೆ ಮೂಲಗಳು.
ಅಮರ್ ಸಿನಿಮಾದಲ್ಲಿ ದಚ್ಚು, ರಚ್ಚು ಸಖತ್ ಸ್ಟೆಪ್!
‘ಅಮರ್’ ಚಿತ್ರದ ನಂತರ ನಿರ್ದೇಶಕ ನಾಗಶೇಖರ್ ಅನೌನ್ಸ್ ಮಾಡಿದ ಪ್ರಾಜೆಕ್ಟ್ ಇದು. ಅಮರ್ ಚಿತ್ರದ ಆವರೇಜ್ ಸಕ್ಸಸ್ ಬೆನ್ನಲೇ ಸೋಷಲ್ ಅವರ ವಿರುದ್ಧ ಕೆಟ್ಟನಿರ್ದೇಶಕ ಎನ್ನುವ ಟೀಕೆಗಳು ಕೇಳಿ ಬಂದಿದ್ದವು. ಆ ನಡುವೆಯೇ ನಾಗಶೇಖರ್ ತಮ್ಮ ನಿರ್ದೇಶನದ ಹೊಸ ಸಿನಿಮಾ ಸಂಜು ಅಲಿಯಾಸ್ ಸಂಜು ಅನೌನ್ಸ್ ಮಾಡಿ ಅಚ್ಚರಿ ಗೊಳಿಸಿದ್ದರು. ಈ ಚಿತ್ರಕ್ಕೆ ಇನ್ನು ಹೀರೋ ಫೈನಲ್ ಆಗಿಲ್ಲ. ಅದರ ಮಧ್ಯೆಯೇ ನಾಯಕಿ ರಚಿತಾ ರಾಮ್ ಎನ್ನುವ ಸುದ್ದಿ ಹೊರ ಬಿದ್ದಿದೆ.‘ ನಿರ್ದೇಶಕ ನಾಗಶೇಖರ್ ಅವರು ಫೋನ್ ಮೂಲಕ ನನ್ನನ್ನು ಸಂಪರ್ಕಿಸಿದ್ದು ನಿಜ, ಆದರೆ ಯಾವುದು ಫೈನಲ್ ಆಗಿಲ್ಲ. ಹಾಗಾಗಿ ನಾನು ಅಧಿಕೃತವಾಗಿ ಹೇಳಲು ಆಗುವುದಿಲ್ಲ. ಯಾವುದೇ ಖಚಿತ ಮಾಹಿತಿ ನೀವು ನಿರ್ದೇಶಕರನ್ನೇ ಸಂಪರ್ಕಿಸಿದರೆ ಒಳ್ಳೆಯದು’ಎನ್ನುತ್ತಾರೆ ರಚಿತಾ ರಾಮ್.
ಹಾಗಂತ ಈಗಲೇ ಶುರುವಾಗುತ್ತಾ ಈ ಸಿನಿಮಾ? ಅದು ಕೂಡ ಖಾತರಿ ಇಲ್ಲ. ನಿರ್ದೇಶಕ ನಾಗಶೇಖರ್ ಈಗ ಬಾಲಿವುಡ್ ಕಡೆ ಮುಖ ಮಾಡಿದ್ದಾರೆ. ಈಗಾಗಲೇ ಬಾಲಿವುಡ್ನಲ್ಲೂ ಸಿನಿಮಾ ಅನೌನ್ಸ್ ಮಾಡಿದ್ದಾರೆ. ಖ್ಯಾತ ನಿರ್ಮಾಪಕ ಜೋಗಿಂದರ್ ಸಿಂಗ್ ಪುತ್ರ ಭವೀಶ್ಗೆ ಸಿನಿಮಾ ನಿರ್ದೇಶನ ಮಾಡುತ್ತಿದ್ದಾರೆ. ಕನ್ನಡದ ‘ಮೈನಾ’ ಹಿಂದಿಗೆ ರಿಮೇಕ್ ಆಗುತ್ತಿದೆ. ಈ ಸಿನಿಮಾ ಮುಗಿದ ಬಳಿಕವೇ ಬಹುತೇಕ ‘ಸಂಜು ಅಲಿಯಾಸ್ ಸಂಜು’ ಶುರುವಾಗುವುದು ಗ್ಯಾರಂಟಿ.
ಹಾಟು-ಗಾಟು-ಬೋಲ್ಡ್ ರಚ್ಚುಗೆ ಸಿಕ್ತು ಇಂಥದ್ದೊಂದು ಕಾಮೆಂಟ್?