Asianet Suvarna News Asianet Suvarna News

ಎಲ್‌ಜಿ ಕ್ಲಬ್ ಸಾಮಾಜಿಕ ಕಾಳಜಿಗೆ ಲಿಂಗದೇವರು ಚಿತ್ರತಂಡದ ಸಾಥ್

ಎಲ್‌ಜಿ ಅಡ್ವೆಂಚರ್ಸ್ ಕ್ಲಬ್’ ಬೆಂಗಳೂರಿನ ಬೈಕರ್‌ಗಳ ತಂಡ. ಕಳೆದ ಎರಡು ದಶಕಗಳಿಂದ ಪ್ರತೀ ವರ್ಷ ಒಂದೊಂದು ಜಾಗಕ್ಕೆ ತೆರಳಿ, ಅಲ್ಲಿನ ಬಡಜನರಿಗೆ, ಶಾಲೆಗಳಿಗೆ ನೆರವು ನೀಡುತ್ತಾ ಬಂದಿದ್ದಾರೆ. 

 

film editor B. S. Lingadevaru joins LG Adventurers Club for social service
Author
Bengaluru, First Published Dec 8, 2018, 9:33 AM IST

ಈ ಮಲೆಮಹದೇಶ್ವರ ಬೆಟ್ಟದ ಸಮೀಪದ ಎರಡು ಸರ್ಕಾರಿ ಶಾಲೆಗಳಿಗೆ 7 ಲಕ್ಷ ರೂ ಮೌಲ್ಯದ ಸಲಕರಣೆ ನೆರವು ನೀಡುವ ಸಲುವಾಗಿ 3 ದಿನಗಳ ಬೈಕ್ ಪ್ರವಾಸ ಹಮ್ಮಿಕೊಂಡಿದೆ. ಅವರ ಈ ಸಾಮಾಜಿಕ ಕಾಳಜಿಗೆ ನಿರ್ದೇಶಕ ಬಿಎಸ್ ಲಿಂಗದೇವರು ಚಿತ್ರತಂಡ ಸಾಥ್ ನೀಡಿದೆ. ಈ ಪ್ರವಾಸಕ್ಕೆ ಅವರ ಚಿತ್ರದ ನಾಯಕ ನಟ ರಿಷಿ ಮತ್ತು ನಾಯಕಿ ರಾಶಿ ಚಾಲನೆ ನೀಡಿದ್ದಾರೆ.

40 ಜನರ ತಂಡ ಪ್ರವಾಸ ಹೋಗುತ್ತಿದೆ. ಈ ತಂಡದ ಯಾತ್ರೆಗೆ ಡಿ.7ರ ಮುಂಜಾನೆ ಬೆಂಗಳೂರಿನ ವಿಜಯನಗರದಲ್ಲಿ ಲಿಂಗದೇವರು, ರಿಷಿ, ರಾಶಿ ಹಾಜರಿದ್ದು ಶುಭ ಕೋರಿದರು. ಈ ತಂಡದ ಹೊಸ ಸಿನಿಮಾದ ನಿರ್ಮಾಪಕರು ಕೂಡ ಈ ಒಳ್ಳೆಯ ಕೆಲಸದಲ್ಲಿ ಜೊತೆಯಾಗಿದ್ದಾರೆ. 

ಇಂಟರೆಸ್ಟಿಂಗ್ ಅಂದ್ರೆ ಲಿಂಗದೇವರು ಅವರ ಹೊಸ ಸಿನಿಮಾ ಕೂಡ ಹುಡುಕಾಟದ ಕುರಿತ ಚಿತ್ರ ಎನ್ನಲಾಗಿದೆ. ಈ ಕುರಿತು ಲಿಂಗದೇವರು, ‘ಇತ್ತೀಚೆಗೆ ನಾನೊಬ್ಬ ಪ್ರವಾಸಿಗ ಆಗದೆ, ಪ್ರಯಾಣಿಕ ಆಗಬೇಕು ಅಂತೆನಿಸುತ್ತಿದೆ. ಆ ಹಿನ್ನೆಲೆಯಲ್ಲೇ ನನ್ನ ಮುಂದಿನ ಸಿನಿಮಾ ಕೂಡ. ಹಾಗಾಗಿ ಇವತ್ತು ನನ್ನ ಸ್ನೇಹಿತರೆಲ್ಲಾ ಸೇರಿ ಪ್ರಯಾಣದ ಜತೆಗೆ ಸಮಾಜಕ್ಕೆ ಏನಾದರೂ ಒಳ್ಳೆಯದನ್ನು ಮಾಡಬೇಕು ಎನ್ನುವ ದೃಷ್ಟಿಯಿಂದ ಈ ಪಯಣ ಶುರು ಮಾಡಿದ್ದಾರೆ’ ಎನ್ನುತ್ತಾರೆ. ಎಲ್‌ಜಿ ಬಳಗದ ಸದಸ್ಯ ಸೋಮಶೇಖರ್, ‘58 ಜನ ಎಲ್‌ಜಿ ಬಳಗದಲ್ಲಿದ್ದೇವೆ. ಈ ಸಲ ಮಲೆ ಮಹದೇಶ್ವರ ಪ್ರದೇಶದ ಹಿಂದುಳಿದ ಭಾಗದ ಎರಡು ಶಾಲೆಗಳಿಗೆ ಸ್ಮಾರ್ಟ್ ಕ್ಲಾಸ್ ಮತ್ತು ಸೋಲಾರ ಸೌಲಭ್ಯಗಳನ್ನು ನೀಡಲು ಹೊರಟಿದ್ದೇವೆ. ಲಿಂಗದೇವರು ತಂಡ ಸಾಥ್ ನೀಡಿದ್ದು ಖುಷಿ ತಂದಿದೆ’ ಎಂದರು.

 

Follow Us:
Download App:
  • android
  • ios