11 ವರ್ಷಗಳ ನಂತರ ಮುರಿದು ಬಿತ್ತು ದಿಯಾ ಮಿರ್ಜಾ ದಾಂಪತ್ಯ
11 ವರ್ಷಗಳ ನಂತರ ಬೇರೆ ಬೇರೆಯಾದ ದಿಯಾ ಮಿರ್ಜಾ- ಸಾಹಿಲ್ | ಡಿವೋರ್ಸ್‌ಗೆ ಕಾರಣ ತಿಳಿದು ಬಂದಿಲ್ಲ | ಪರಸ್ಪರರ ನಿರ್ಧಾರವನ್ನು ಗೌರವಿಸುವುದಾಗಿ ಇಬ್ಬರೂ ಹೇಳಿದ್ದಾರೆ.
ಮುಂಬೈ (ಆ. 02): ಬಾಲಿವುಡ್ ನಟಿ ದಿಯಾ ಮಿರ್ಜಾ (37) ಹಾಗೂ ಅವರ ಪತಿ ಸಾಹಿಲ್ ಸಂಘಾ (39) ತಮ್ಮ 11 ವರ್ಷಗಳ ದಾಂಪತ್ಯವನ್ನು ಕೊನೆಗೊಳಿಸಿ ಇಬ್ಬರೂ ಬೇರ್ಪಟ್ಟಿರುವುದಾಗಿ ಗುರುವಾರ ಜಂಟಿಯಾಗಿ ಘೋಷಣೆ ಮಾಡಿದ್ದಾರೆ.
ಈ ಕುರಿತು ಇಬ್ಬರೂ ತಮ್ಮ ಸಾಮಾಜಿಕ ಜಾಲತಾಣ ಖಾತೆಗಳ ಮೂಲಕ ಘೋಷಣೆ ಮಾಡಿದ್ದು, ಆದರೆ ಮುಂದಿನ ದಿನಗಳಲ್ಲಿ ಸ್ನೇಹಿತರಾಗಿಯೇ ಮುಂದುವರೆಯಲಿದ್ದೇವೆ. ಪರಸ್ಪರರ ಜೀವನದ ಗುರಿ ಮತ್ತು ಅರ್ಥ ಬದಲಾದ ಹಿನ್ನೆಲೆ ಗೌರವಯುತವಾಗಿ ಬೇರೆ ಆಗಿದ್ದೇವೆ, ಪರಸ್ಪರರ ಅವಶ್ಯಕತೆ ಹಾಗೂ ಖಾಸಗಿತನ ಗೌರವಿಸಲು ಈ ನಿರ್ಧಾರ ಎಂದಿದ್ದಾರೆ. ವಿಚ್ಚೇದನಕ್ಕೆ ಕಾರಣ ತಿಳಿದು ಬಂದಿಲ್ಲ.
ಪ್ರೀತಿ ತೋರಿದ, ಬೆಂಬಲಕ್ಕೆ ನಿಂತ ಕುಟುಂಬದವರು, ಸ್ನೇಹಿತರು ಹಾಗೂ ಮೀಡಿಯಾದವರಿಗೆ ಧನ್ಯವಾದಗಳು. ಈ ಸಮಯದಲ್ಲಿ ನಮ್ಮ ಖಾಸಗಿತನವನ್ನು ಗೌರವಿಸಬೇಕೆಂದು ನಾನು ಎಲ್ಲರಲ್ಲೂ ಕೇಳಿಕೊಳ್ಳುತ್ತೇನೆಂದು ವಿನಂತಿಸಿಕೊಂಡಿದ್ದಾರೆ.
