ರಾಮ್ಕುಮಾರ್ ಪುತ್ರ ಧೀರೇನ್ ರಾಮ್ಕುಮಾರ್ ಬೆಳ್ಳಿತೆರೆಗೆ ಎಂಟ್ರಿಗೆ ವೇದಿಕೆ ಸಜ್ಜಾಗಿದೆ. ಜಯಣ್ಣ- ಭೋಗೇಂದ್ರ ಜೋಡಿ ಧೀರೇನ್ ಅವರನ್ನು ಅದ್ಧೂರಿಯಾಗಿಯೇ ಬೆಳ್ಳಿತೆರೆಗೆ ಪರಿಚಯಿಸಲು ಮುಂದಾಗಿದ್ದು, ಚಿತ್ರದ ಟೈಟಲ್ ಫೈನಲ್ ಆಗಿದೆ.
ರಾಜ್ಕುಮಾರ್ ಅಭಿನಯದ ಸೂಪರ್ ಹಿಟ್ ಚಿತ್ರ ‘ದಾರಿ ತಪ್ಪಿದ ಮಗ’ ಹೆಸರಲ್ಲೇ ಧೀರೇನ್ ಹೀರೋ ಆಗಿ ಸಿನಿಮಾ ಲೋಕಕ್ಕೆ ಪರಿಚಯವಾಗುತ್ತಿದ್ದಾರೆ. ಅನಿಲ್ಕುಮಾರ್ ಈ ಚಿತ್ರದ ನಿರ್ದೇಶಕರು. ಸದ್ಯಕ್ಕೀಗ ಅವರು ‘ಮೈ ನೇಮ್ ಈಸ್ ಕಿರಾತಕ ’ ಚಿತ್ರದಲ್ಲಿ ಬ್ಯುಸಿ ಆಗಿದ್ದಾರೆ. ಹಾಗಾಗಿ ಈ ಚಿತ್ರದ ಉಳಿದ ಕಲಾವಿದರು, ತಂತ್ರಜ್ಞರ ಆಯ್ಕೆ ನವೆಂಬರ್ ತಿಂಗಳ ಕೊನೆಯಲ್ಲೇ ಫೈನಲ್ ಆಗಲಿವೆ.
ಸಮಗ್ರ ಸುದ್ದಿ ಮೂಲವನ್ನಾಗಿ asianet suvarna news ಅನ್ನು ಆಯ್ಕೆ ಮಾಡಿಕೊಳ್ಳಿ
ಚಿತ್ರತಂಡ ದಸರಾ ಹಬ್ಬಕ್ಕೆ ಚಿತ್ರದ ಮೊದಲ ಪೋಸ್ಟರ್ ಬಿಡುಗಡೆಗೊಳಿಸಿದೆ. ರಾಜ್ ಕುಮಾರ್ ಅಭಿನಯದ ಸೂಪರ್ ಹಿಟ್ ಚಿತ್ರಗಳಲ್ಲಿ ‘ದಾರಿ ತಪ್ಪಿದ ಮಗ’ ಕೂಡ ಒಂದು. 1975ರಲ್ಲಿ ಬಂದು ಹೋದ ಚಿತ್ರವಿದು. ಈ ಚಿತ್ರದಲ್ಲಿ ರಾಜ್ಕುಮಾರ್ ದ್ವಿಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು.
