28 ದಿನದಲ್ಲಿ 80 ಸಮಾವೇಶಗಳಲ್ಲಿ ಭಾಷಣ, ಸಿಧು ಧ್ವನಿಪೆಟ್ಟಿಗೆಗೆ ಹಾನಿ, 4 ದಿನ ಮೌನ ವ್ರತ| 48 ಗಂಟೆಗಳ ಕಾಲ ಸಂಪೂರ್ಣ ವಿಶ್ರಾಂತಿ ಪಡೆಯಲು ವೈದ್ಯರು ಸಲಹೆ
ಚಂಡೀಗಢ[ಮೇ.14]: ಮಾಜಿ ಕ್ರಿಕೆಟಿಗ ಹಾಗೂ ಕಾಂಗ್ರೆಸ್ ಮುಖಂಡ ನವಜೋತ್ ಸಿಂಗ್ ಸಿಧು, ಕಳೆದ 28 ದಿನಗಳಲ್ಲಿ 80 ರ್ಯಾಲಿಗಳಲ್ಲಿ ನಿರಂತರವಾಗಿ ಭಾಷಣ ಮಾಡಿದ ಪರಿಣಾಮವಾಗಿ ಅವರ ಧ್ವನಿಪೆಟ್ಟಿಗೆ ಹಾನಿ ಉಂಟಾಗಿದೆ. ಸಿಧು ಅವರಿಗೆ ಸ್ಟೆರಾಯ್ಡ್ ಮತ್ತು ಚುಚ್ಚು ಮದ್ದುಗಳನ್ನು ನೀಡಲಾಗಿದ್ದು, 4 ದಿನಗಳ ಕಾಲ ಮಾತನಾಡದಂತೆ ಮತ್ತು 48 ಗಂಟೆಗಳ ಕಾಲ ಸಂಪೂರ್ಣ ವಿಶ್ರಾಂತಿ ಪಡೆಯುವಂತೆ ವೈದ್ಯರು ಸಲಹೆ ನೀಡಿದ್ದಾರೆ.
Add Asianetnews Kannada as a Preferred Source
ಕಾಂಗ್ರೆಸ್ನ ಸ್ಟಾರ್ ಪ್ರಚಾರಕರಲ್ಲಿ ಒಬ್ಬರಾದ ಸಿಧು ಮೇ 14ರಂದು ಬಿಹಾರದ ಪಟನಾ ಸಾಹಿಬ್ ಮತ್ತು ಮೇ 15ರಂದು ಪೊಂಟಾ ಸಾಹಿಬ್, ಬಿಲಾಸ್ಪುರ ಮತ್ತು ಹಿಮಾಚಲ ಪ್ರದೇಶದ ನಾಲಾಗಢ್ನಲ್ಲಿ ಚುನಾವಣಾ ಪ್ರಚಾರದಲ್ಲಿ ಭಾಗಿಯಾಗಬೇಕಿದ್ದು, ಈ ರಾರಯಲಿಗಳಿಗೆ ಸಿಧು ಅಲಭ್ಯರಾಗಲಿದ್ದಾರೆ.
ಪ್ರಚಾರದ ಕೊನೆಯ ಎರಡು ದಿನವಾದ ಮೇ 16 ಮತ್ತು ಮೇ 17ರಂದು ಅವರು ಮಧ್ಯಪ್ರದೇಶದಲ್ಲಿ ಚುನಾವಣೆ ಪ್ರಚಾರ ಕೈಗೊಳ್ಳಲಿದ್ದಾರೆ ಎಂದು ಸಿಧು ಅವರ ಕಚೇರಿಯ ಹೇಳಿಕೆ ತಿಳಿಸಿದೆ.
