ನವದೆಹಲಿ(ಮಾ.29): ಚುನಾವಣೆ ನೀತಿ ಸಂಹಿತೆ ಜಾರಿಯಲ್ಲಿರುವ ಹಿನ್ನೆಲೆಯಲ್ಲಿ, ಭಾರತೀಯ ರೈಲ್ವೇ ಇಲಾಖೆ #MainBhiChowkidar ಚಹಾ ಕಪ್‌ಗಳನ್ನು ವಾಪಸ್ಸು ಪಡೆದಿದೆ.

ಈ ಹಿಂದೆ #MainBhiChowkidar ಎಂದು ಮುದ್ರಣಗೊಂಡಿರುವ ಟಿಕೆಟ್ ಗಳನ್ನು ವಾಪಸ್ಸು ಪಡೆದಿದ್ದ ರೈಲ್ವೇ ಇಲಾಖೆ, ಇದೀಗ ಶತಾಬ್ದಿ ರೈಲುಗಳಲ್ಲಿ ಕೊಡಲಾಗುತ್ತಿದ್ದ #MainBhiChowkidar ಚಹಾ ಕಪ್‌ಗಳನ್ನು ವಾಪಸ್ಸು ಪಡೆದಿದೆ.

ಈ ಕುರಿತು ಖುದ್ದು ಪ್ರಯಾಣಿಕರೇ ಫೋಟೋ ಕ್ಲಿಕ್ಕಿಸಿ ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡಿದ್ದು, ಇದು ಚುನಾವಣೆ ನೀತಿ ಸಂಹಿತೆಯ ಉಲ್ಲಂಘನೆ ಎಂದು ಅಸಮಾಧಾನ ವ್ಯಕ್ತಪಡಿಸಿದ್ದರು.

ಅದರಂತೆ #MainBhiChowkidar ಚಹಾ ಕಪ್‌ಗಳನ್ನು ವಾಪಸ್ಸು ಪಡೆದಿರುವ ರೈಲ್ವೇ ಇಲಾಖೆ, ಚುನಾವಣೆ ನೀತಿ ಸಂಹಿತೆಯನ್ನು ಕಟ್ಟುನಿಟ್ಟಾಗಿ ಪಾಲಿಸುವ ಭರವಸೆ ನೀಡಿದೆ.