UPSC Civil Services Exam Result 2023: ಯುಪಿಎಸ್‌ಸಿ ಫಲಿತಾಂಶ ಪ್ರಕಟ, ಆದಿತ್ಯ ಶ್ರೀವಾಸ್ತವ ದೇಶಕ್ಕೆ ಟಾಪರ್
ಕೇಂದ್ರ ಲೋಕಸೇವಾ ಆಯೋಗವು 2023 ರಲ್ಲಿ ನಡೆಸಿದ ನಾಗರೀಕ ಸೇವೆಗಳ ಅಂತಿಮ ಪರೀಕ್ಷೆಯ ಫಲಿತಾಂಶವನ್ನು ಪ್ರಕಟಿಸಿದೆ.
Followಬೆಂಗಳೂರು (ಏ.16): ಕೇಂದ್ರ ಲೋಕಸೇವಾ ಆಯೋಗವು (ಯುಪಿಎಸ್‌ಸಿ) 2023 ರ ಸೆಪ್ಟೆಂಬರ್ 15 ರಿಂದ 24 ರ ನಡುವೆ ನಡೆಸಿದ ನಾಗರೀಕ ಸೇವೆಗಳ ಅಂತಿಮ ಪರೀಕ್ಷೆಯ ಫಲಿತಾಂಶವನ್ನು ಇಂದು (16, ಏಪ್ರಿಲ್, 2024) ಪ್ರಕಟಿಸಲಾಗಿದೆ. ಆದಿತ್ಯ ಶ್ರೀವಾಸ್ತವ ದೇಶಕ್ಕೆ ಟಾಪರ್ ಆಗೊ ಹೊರಹೊಮ್ಮಿದ್ದಾರೆ. 2023 ಯುಪಿಎಸ್‌ಸಿ ಪರೀಕ್ಷೆ ಬರೆದ ಅಭ್ಯರ್ಥಿಗಳು ಇದೀಗ ತಮ್ಮ ಫಲಿತಾಂಶವನ್ನು ಆಯೋಗದ ವೆಬ್‌ಸೈಟ್‌ https://upsc.gov.in/ ರಿಜಿಸ್ಟರ್ ನಂಬರ್ ಮತ್ತು ಹೆಸರಿನ ಪ್ರಕಾರ ಚೆಕ್‌ ಮಾಡಿಕೊಳ್ಳಬಹುದು.
ಒಟ್ಟು 1,016 ಅಭ್ಯರ್ಥಿಗಳ ನೇಮಕಾತಿಗೆ ಶಿಫಾರಸು ಮಾಡಲಾಗಿದೆ. 355 ಅಭ್ಯರ್ಥಿಗಳ ಸ್ಥಿತಿ ತಾತ್ಕಾಲಿಕವಾಗಿ ಉಳಿದಿದೆ. ಇಲ್ಲಿ ಕ್ರಮ ಪ್ರಕಾರವಾಗಿ ಟಾಪರ್‌ಗಳ ಹೆಸರು ನೀಡಲಾಗಿದೆ.
- ಆದಿತ್ಯ ಶ್ರೀವಾಸ್ತವ
- ಅನಿಮೇಶ್ ಪ್ರಧಾನ್
- ಡೋಣೂರು ಅನನ್ಯಾ ರೆಡ್ಡಿ
- ಪಿ ಕೆ ಸಿದ್ಧಾರ್ಥ್ ರಾಮಕುಮಾರ್
- ರುಹಾನಿ
- ಸೃಷ್ಟಿ ದಾಬಾಸ್
- ಅನ್ಮೋಲ್ ರಾಥೋಡ್
- ಆಶಿಶ್ ಕುಮಾರ್
- ನೌಶೀನ್
- ಐಶ್ವರ್ಯಮ್ ಪ್ರಜಾಪತಿ
- ಕುಶ್ ಮೋಟ್ವಾನಿ
- ಅನಿಕೇತ್ ಶಾಂಡಿಲ್ಯ
- ಮೇಧಾ ಆನಂದ್
- ಶೌರ್ಯ ಅರೋರಾ
- ಕುನಾಲ್ ರಸ್ತೋಗಿ
- ಅಯಾನ್ ಜೈನ್
- ಸ್ವಾತಿ ಶರ್ಮಾ
- ವಾರ್ದಾ ಖಾನ್
- ಶಿವಕುಮಾರ್
- ಆಕಾಶ್ ವರ್ಮಾ
ಭಾರತೀಯ ಆಡಳಿತ ಸೇವೆ, ಭಾರತೀಯ ಪೊಲೀಸ್‌ ಸೇವೆ, ಭಾರತೀಯ ವಿದೇಶಿ ಸೇವೆ ಮತ್ತು ಇತರೆ ಕೇಂದ್ರೀಯ ಸೇವೆಗಳಿಗೆ (ಗ್ರೂಪ್‌ ಎ ಮತ್ತು ಗ್ರೂಪ್‌ ಬಿ) ಅಭ್ಯರ್ಥಿಗಳನ್ನು ಆಯ್ಕೆ ಮಾಡಲು ಯುಪಿಎಸ್‌ಸಿ ಪರೀಕ್ಷೆ ನಡೆಸಲಾಗುತ್ತದೆ.
ಯುಪಿಎಸ್‌ಸಿ ಫಲಿತಾಂಶ ಚೆಕ್‌ ಮಾಡುವುದು ಹೇಗೆ?
- ಕೇಂದ್ರ ಲೋಕಸೇವಾ ಆಯೋಗದ ವೆಬ್‌ಸೈಟ್‌ ವಿಳಾಸ https://upsc.gov.in/ ಕ್ಕೆ ಭೇಟಿ ನೀಡಿ.
- ತೆರೆದ ವೆಬ್‌ಪುಟದಲ್ಲಿ ' Final Result - Civil Services Examination, 2023 ಎಂದಿರುವ ಲಿಂಕ್‌ ಕ್ಲಿಕ್ ಮಾಡಿ.
- ಪಿಡಿಎಫ್‌ ಫೈಲ್‌ ಒಂದು ಓಪನ್‌ ಆಗುತ್ತದೆ. ಇಲ್ಲಿ ಅಭ್ಯರ್ಥಿಗಳು ಹೆಸರು, ರಿಜಿಸ್ಟರ್ ನಂಬರ್ ಅನ್ನು ಹಾಕಿ ಚೆಕ್‌ ಮಾಡಬಹುದು.
