ಊರಲ್ಲ ಸ್ವಾಮಿ, ಇದು ಐಎಎಸ್ ಫ್ಯಾಕ್ಟರಿ! 75 ಮನೆಗಳ ಈ ಗ್ರಾಮ 51ಕ್ಕೂ ಹೆಚ್ಚು ಐಎಎಸ್ ಐಪಿಎಸ್ ಆಫೀಸರ್‌ಗಳ ತವರು!
ಇದು ಕೇವಲ 75 ಗ್ರಾಮದ ಹಳ್ಳಿ. ಆದರೆ, ಇದು 51ಕ್ಕೂ ಹೆಚ್ಚು IAS ಮತ್ತು PCS ಅಧಿಕಾರಿಗಳ ತವರೂರು. ಈ ಕಾರಣಕ್ಕೆ ಈ ಗ್ರಾಮಕ್ಕೆ ಐಎಎಸ್ ಫ್ಯಾಕ್ಟರಿ ಎಂದೇ ಕರೆಯಲಾಗುತ್ತದೆ.
Followಐಪಿಎಸ್ ಮತ್ತು ಐಎಎಸ್ ಅಧಿಕಾರಿಗಳಾಗಲು ಯುಪಿಎಸ್‌ಸಿ ಪರೀಕ್ಷೆಯಲ್ಲಿ ಯಶಸ್ಸು ಸಾಧಿಸಬೇಕು. ಆದರೆ, ಈ ಸ್ಪರ್ಧಾತ್ಮಕ ಪರೀಕ್ಷೆಯನ್ನು ತೆರವುಗೊಳಿಸುವುದು ಒಂದು ಅಸಾಧಾರಣ ಸವಾಲೇ ಸರಿ. ಅನೇಕ ವಿದ್ಯಾರ್ಥಿಗಳು ಈ UPSC ಪರೀಕ್ಷೆಗಳನ್ನು ಭೇದಿಸಲು ವರ್ಷಗಳ ಕಾಲ ತಯಾರಿ ನಡೆಸುತ್ತಾರೆ ಮತ್ತು ಅದರ ನಂತರವೂ ಹೆಚ್ಚಿನವರು ಬಯಸಿದ ಶ್ರೇಣಿಯನ್ನು ಪಡೆಯಲು ವಿಫಲರಾಗಿ ಬೇರೆ ಬದುಕಿನತ್ತ ಹೊರಳಿಕೊಳ್ಳುತ್ತಾರೆ.
ಆದರೆ, ಈ ಕಬ್ಬಿಣದ ಕಡಲೆಯಂಥ ಪರೀಕ್ಷೆಯನ್ನು ನೀರು ಕುಡಿದಷ್ಟು ಸಲೀಸಾಗಿ ಪಾಸ್ ಮಾಡಿಕೊಳ್ಳುತ್ತಾರೆ ಉತ್ತರ ಪ್ರದೇಶದ ಮಾಧೋಪಟ್ಟಿ ಎಂಬ ಹಳ್ಳಿಯ ಜನರು. ಅರೆ, ಈ ಹಳ್ಳಿಯ ನೀರು, ಗಾಳಿಯಲ್ಲೇನೋ ಮ್ಯಾಜಿಕ್ ಇರಬೇಕು. ಇಲ್ಲದಿದ್ದಲ್ಲಿ ಕೇವಲ 75 ಮನೆಗಳ ಹಳ್ಳಿಯಲ್ಲಿ 51ಕ್ಕೂ ಹೆಚ್ಚು ಐಎಎಸ್ ಮತ್ತು ಐಪಿಎಸ್ ಅಧಿಕಾರಿಗಳಿರಲು ಹೇಗೆ ಸಾಧ್ಯ?! ಹೌದು, ಈ ಊರಿನಲ್ಲಿ ಮನೆಗೊಬ್ಬ ಐಎಎಸ್, ಐಪಿಎಸ್ ಇರುವುದರಿಂದಲೇ ಈ ಊರನ್ನು ಹಳ್ಳಿಯಲ್ಲ- ಇದೊಂದು ಐಎಎಸ್ ಫ್ಯಾಕ್ಟರಿ ಎಂದು ಕರೆಯಲಾಗುತ್ತದೆ. ಇದು ಮಾಧೋಪಟ್ಟಿಯನ್ನು ಭಾರತದಲ್ಲಿ ನಾಗರಿಕ ಸೇವೆಗಳಲ್ಲಿ ಅತಿ ಹೆಚ್ಚು ಅಭ್ಯರ್ಥಿಗಳನ್ನು ಹೊಂದಿರುವ ಗ್ರಾಮವನ್ನಾಗಿ ಮಾಡಿದೆ.
ನಾನು ಧರಿಸಿದ್ದು ಹೆಚ್ಚಾಯ್ತು, ಅದಕ್ಕೇ ಗೊಂಬೆಗಳ ಬಟ್ಟೆ ಬಿಚ್ಚಬೇಕಾಯ್ತು ಎಂದ ಉರ್ಫಿ!
ಐಎಎಸ್ ಫ್ಯಾಕ್ಟರಿ
‘ಐಎಎಸ್ ಫ್ಯಾಕ್ಟರಿ’ ಎಂಬ ಹೆಸರು ಗಳಿಸಿರುವ ಈ ಗ್ರಾಮವು ವರ್ಷದಿಂದ ವರ್ಷಕ್ಕೆ ಅಧಿಕಾರಿಗಳನ್ನು ನಿರಂತರವಾಗಿ ಉತ್ಪಾದಿಸುತ್ತಲೇ ಇದೆ. ಈ ಸಾಧನೆಯನ್ನು ಇನ್ನಷ್ಟು ಶ್ಲಾಘನೀಯವಾಗಿಸುವ ಸಂಗತಿಯೆಂದರೆ, ಜೌನ್‌ಪುರ ಜಿಲ್ಲೆಯ ಈ ಗ್ರಾಮವು ಯಾವುದೇ ಕೋಚಿಂಗ್ ಸೆಂಟರ್‌ಗಳನ್ನು ಹೊಂದಿಲ್ಲ! ಸ್ಥಳೀಯ ಹಬ್ಬಗಳ ಸಮಯದಲ್ಲಿ ಇಡೀ ಗ್ರಾಮದ ರಸ್ತೆಗಳು ಕೆಂಪು ಮತ್ತು ನೀಲಿ ದೀಪಗಳ ಕಾರುಗಳನ್ನು ಹೊಂದಿರುತ್ತವೆ.
ಇದೊಂದು ಶಿಕ್ಷಣದ ಕೇಂದ್ರವಾಗಿದ್ದು, ಈ ಗ್ರಾಮದಿಂದ ಬಂದಿರುವ ಹೆಚ್ಚಿನ ಅಧಿಕಾರಿಗಳು ಬಾಹ್ಯಾಕಾಶ, ಪರಮಾಣು ಸಂಶೋಧನೆ, ನ್ಯಾಯಾಂಗ ಸೇವೆಗಳು ಮತ್ತು ಬ್ಯಾಂಕಿಂಗ್‌ನಲ್ಲಿ ಉನ್ನತ ಹಾರಾಟದ ವೃತ್ತಿಯನ್ನು ಹೊಂದಿದ್ದಾರೆ. ವಿನಯ್ ಕುಮಾರ್ ಸಿಂಗ್, ಛತ್ರಪಾಲ್ ಸಿಂಗ್, ಅಜಯ್ ಕುಮಾರ್ ಸಿಂಗ್, ಮತ್ತು ಶಶಿಕಾಂತ್ ಸಿಂಗ್ - ನಾಲ್ಕು IAS ಒಡಹುಟ್ಟಿದವರ ನೆಲೆಯಾಗಿಯೂ ಈ ಗ್ರಾಮವು ಪ್ರಸಿದ್ಧವಾಗಿದೆ.
ಶೀಘ್ರ ನೀರಜ್ ಚೋಪ್ರಾ- ಪಿವಿ ಸಿಂಧು ಮದುವೆ? ಫೋಟೋ ಹಾಕಿ ಫ್ಯಾನ್ಸ್ ತಲೆಗೆ ಹುಳ ಬಿಟ್ರು ಸ್ಪೋರ್ಟ್ ಸ್ಟಾರ್ಸ್ !
ಈ ಗ್ರಾಮದ ಸಾಹಸಕ್ಕೆ ವಿವರಣೆಗಾಗಿ ಹಿಂದಿನದನ್ನು ನೋಡಿದರೆ, ಸ್ವಾತಂತ್ರ್ಯ ಹೋರಾಟಗಾರ ಠಾಕೂರ್ ಭಗವತಿ ದಿನ್ ಸಿಂಗ್ ಮತ್ತು ಅವರ ಪತ್ನಿ ಶ್ಯಾಮರತಿ ಸಿಂಗ್ ಅವರು 1917 ರಲ್ಲಿ ಗ್ರಾಮದಲ್ಲಿ ಮಕ್ಕಳಿಗೆ ಶಿಕ್ಷಣ ನೀಡಲು ಪ್ರಾರಂಭಿಸಿದರು ಎಂದು ಹೇಳಲಾಗುತ್ತದೆ. ಆರಂಭದಲ್ಲಿ, ಶ್ಯಾಮರತಿಯವರು ಹುಡುಗಿಯರಿಗೆ ಕಲಿಸಲು ಪ್ರಾರಂಭಿಸಿದರು ಮತ್ತು ಶೀಘ್ರದಲ್ಲೇ ಹುಡುಗರಿಗೂ ಶಿಕ್ಷಣ ಪ್ರಾರಂಭಿಸಿದರು. ವರ್ಷಗಳ ಹಿಂದೆ ಬಿತ್ತಿದ ಕಲಿಕಾ ಚೈತನ್ಯ ಈ ಹಳ್ಳಿಯ ಜನರ ಜೀವನಶೈಲಿಯಲ್ಲಿ ಸೇರಿಕೊಂಡಿರಬಹುದು.
