SheDares Online Course: AWS ನಿಂದ ಮಹಿಳೆಯರಿಗೆ ಉಚಿತ ಶಿಡೇರ್ಸ್ ಆನ್‌ಲೈನ್ ಕೋರ್ಸ್
* ತಂತ್ರಜ್ಞಾನದಲ್ಲಿ ವೃತ್ತಿಯನ್ನು ರೂಪಿಸಿಕೊಳ್ಳುವ ಮಹಿಳೆಯರಿಗೆ ಈ ಕೋರ್ಸು ಉಪಯೋಗಿ
* ನಾಲ್ಕು ಮಾಡೂಲ್‌ಗಳನ್ನು ಒಳಗೊಂಡಿರುವ ಈ ಕೋರ್ಸಿಗೆ ಶಿಡೇರ್ಸ್ ಎಂದು ಹೆಸರು
* ವೃತ್ತಿಯನ್ನು ಬದಲಾಯಿಸಲು ಅಥವಾ ಉದ್ಯೋಗಕ್ಕೆ ಮರಳು ಇಚ್ಛಿಸುವ ಮಹಿಳೆಯರಿಗೆ ಹೆಚ್ಚು ಉಪಯೋಗ
Followಬೆಂಗಳೂರು(ಮಾ.3): ಬಹಳಷ್ಟು ಮಹಿಳೆಯರಿಗೆ ತಂತ್ರಜ್ಞಾನ ಕ್ಷೇತ್ರದಲ್ಲಿ ತಮ್ಮ ವೃತ್ತಿಯನ್ನು ರೂಪಿಸಿಕೊಳ್ಳುವ ಬಯಕೆ ಇರುತ್ತದೆ. ಆದರೆ ಹಲವು ಬಾರಿ ಅನೇಕ ಕಾರಣಗಳಿಂದಾಗಿ ಸಾಧ್ಯವಾಗಿರುವುದಿಲ್ಲ. ಈ ಹಿನ್ನೆಲೆಯಲ್ಲಿ ಎಡಬ್ಲೂಎಸ್-ಅಮೆಜಾನ್ ವೆಬ್ ಸರ್ವೀಸ್ (AWS -Amazon Web Services ) ಮಹಿಳೆಯರನ್ನು ಪ್ರೋತ್ಸಾಹಿಸಲು ನಾಲ್ಕು ಮಾಡ್ಯೂಲ್‌ಗಳನ್ನು ಒಳಗೊಂಡಿರುವ ಶಿಡೇರ್ಸ್ (SheDares) ಎಂಬ ಉಚಿತ ಆನ್‌ಲೈನ್ ಕೋರ್ಸ್ ಅನ್ನು ಪ್ರಾರಂಭಿಸಿದೆ. ಹೆಚ್ಚು ವೈವಿಧ್ಯಮಯ, ಅಂತರ್ಗತ ಮತ್ತು ಸಮಾನವಾದ ಕಾರ್ಯಪಡೆಯನ್ನು ಬೆಳೆಸುವ ಗುರಿಯೊಂದಿಗೆ, SheDares ಎಂಬ ಉಚಿತ ಆನ್‌ಲೈನ್ ಕೋರ್ಸ್ ಅನ್ನು AWS ನೀಡುತ್ತದೆ. ಈ ಕೋರ್ಸ್ ಅನ್ನು ವೈವಿಧ್ಯತೆ, ಇಕ್ವಿಟಿ ಮತ್ತು ಇನ್ಕ್ಲೂಷನ್ ಕನ್ಸಲ್ಟೆನ್ಸಿ, ದಿ ಡ್ರೀಮ್ ಕಲೆಕ್ಟಿವ್ ಸಹಯೋಗದೊಂದಿಗೆ ನೀಡಲಾಗುತ್ತಿದೆ.
AWS ಉಚಿತ ಆನ್‌ಲೈನ್ ಕೋರ್ಸ್ ವೃತ್ತಿಪರ ಮಹಿಳೆಯರಿಗೆ ತಂತ್ರಜ್ಞಾನ ಉದ್ಯಮದಲ್ಲಿ ವೃತ್ತಿಜೀವನವನ್ನು ಪರಿಗಣಿಸಲು ಪ್ರೇರೇಪಿಸುವ ಗುರಿಯನ್ನು ಹೊಂದಿದ್ದು, ಅವರಿಗೆ ಮಾರ್ಗಗಳನ್ನು ತೋರಿಸುತ್ತದೆ. SheDares ಅನ್ನು ಕಲಿಕೆ ಸಮಸ್ಯೆಯನ್ನು ನಿವಾರಿಸಲು ಸಹಾಯ ಮಾಡಲು ಅನುವಾಗುವಂತೆ ವಿನ್ಯಾಸಗೊಳಿಸಲಾಗಿದೆ. ಟೆಕ್ ವೃತ್ತಿಜೀವನದ ಮಾರ್ಗಗಳನ್ನು ಅನ್ವೇಷಿಸುವ ವಿಷಯದಲ್ಲಿ ಎಲ್ಲಿಂದ ಪ್ರಾರಂಭಿಸಬೇಕು ಎಂಬ ಬಗ್ಗೆ ತಿಳಿಸಿಕೊಡಲಾಗುತ್ತದೆ. ಇನ್ನು ಯಾರೆಲ್ಲ ಮಹಿಳೆಯರಿಗೆ ಈ ಕೋರ್ಸ್ ಹೆಚ್ಚು ಸೂಕ್ತ ಅನ್ನೋದನ್ಬ ನೋಡೋದಾದ್ರೆ, ವೃತ್ತಿಯನ್ನು ಬದಲಾಯಿಸಲು ಅಥವಾ ಉದ್ಯೋಗಿಗಳಿಗೆ ಮರಳಲು ಬಯಸುವ ಮಹಿಳೆಯರಿಗೆ ಇದು ಹೆಚ್ಚು ಸೂಕ್ತ. ಪ್ರಸ್ತುತ ಟೆಕ್ ಉದ್ಯಮದಲ್ಲಿ ಕೆಲಸ ಮಾಡುತ್ತಿಲ್ಲದ ಮಹಿಳೆಯರಿಗೆ ಈ ಕೋರ್ಸ್ ನೆರವಾಗಲಿದೆ.
CEERI RECRUITMENT 2022: ವಿವಿಧ ಹುದ್ದೆಗಳಿಗೆ ಅರ್ಜಿ ಆಹ್ವಾನಿಸಿದ ಸಿಇಇಆರ್‌ಐ
ನಮ್ಮಲ್ಲಿ ತಾಂತ್ರಿಕವಲ್ಲದ ಕೌಶಲ್ಯ ಸೆಟ್‌ಗಳನ್ನು ಹೊಂದಿರುವವರಿಗೆ, ತಂತ್ರಜ್ಞಾನದ ಹೊರಗೆ ಕೆಲಸ ಮಾಡಿದವರಿಗೆ ಮತ್ತು ವೃತ್ತಿ ಬದಲಾವಣೆಯನ್ನು ಹುಡುಕುತ್ತಿರುವವರಿಗೆ, ಪರಿವರ್ತನೆಯು ಕಷ್ಟಕರ ಅಂದುಕೊಂಡವರಿಗೆ ಮತ್ತು ಅನೇಕ ಮಹಿಳೆಯರಿಗೆ ಮೊದಲ ಹೆಜ್ಜೆಯಾಗಿ ಕಲಿಸಿಕೊಡಲಾಗುತ್ತದೆ. ಏಕೆಂದರೆ ಟೆಕ್ ವಲಯದಲ್ಲಿ ಮಹಿಳೆಯರ ಜಾಗತಿಕ ಸರಾಸರಿ ಕೇವಲ 28% ಆಗಿದೆ. ಈ ಕ್ಷೇತ್ರಕ್ಕೆ ಯುವ ಪ್ರವೇಶವನ್ನು ಪ್ರೇರೇಪಿಸಲು ರೋಲ್ ಮಾಡೆಲ್‌(Role Model)ಗಳ ಕೊರತೆಯನ್ನು ಇದೆ. ಎಲ್ಲ ಅಡೆತಡೆಗಳನ್ನು ಮುರಿಯಲು ಮತ್ತು ತಂತ್ರಜ್ಞಾನದಲ್ಲಿ ವೃತ್ತಿಜೀವನವನ್ನು ಮುಂದುವರಿಸಲು ಭಾರತದಲ್ಲಿ ಹೆಚ್ಚಿನ ಮಹಿಳೆಯರನ್ನು ಪ್ರೇರೇಪಿಸುವಲ್ಲಿ ಪೂರ್ವಭಾವಿಯಾಗಿ AWS ಕಾರ್ಯನಿರ್ವಹಿಸುತ್ತಿದೆ ಎಂದು ಅಮೆಜಾನ್ ಇಂಟರ್ನೆಟ್ ಸರ್ವಿಸಸ್ ಪ್ರೈವೇಟ್ ಲಿಮಿಟೆಡ್‌ನ ವ್ಯಾಪಾರ ಅಭಿವೃದ್ಧಿ-ಶಿಕ್ಷಣ ಮತ್ತು ತರಬೇತಿಯ ಮುಖ್ಯಸ್ಥ ಅಮಿತ್ ಮೆಹ್ತಾ (Amit Mehta) ತಮ್ಮ ಬ್ಲಾಗ್‌ನಲ್ಲಿ ಹೇಳಿಕೊಂಡಿದ್ದಾರೆ.
ಮಹಿಳೆಯರಿಗಾಗಿ AWS ಉಚಿತ ಆನ್‌ಲೈನ್ ಕೋರ್ಸ್ (Online Course) ಪೂರ್ಣಗೊಳ್ಳಲು ಸುಮಾರು 4 ರಿಂದ 6 ಗಂಟೆಗಳನ್ನು ತೆಗೆದುಕೊಳ್ಳುತ್ತದೆ.ಈ ಕೋರ್ಸ್ ಸೇರುವವರು ತಮ್ಮ ದೃಷ್ಟಿಕೋನವನ್ನು ವಿಸ್ತರಿಸಿಕೊಳ್ಳುತ್ತಾರೆ. ಟೆಕ್ ಮತ್ತು ನಾನ್-ಟೆಕ್ ಪಾತ್ರಗಳಲ್ಲಿರುವ ಅವಕಾಶಗಳ ಕುರಿತು ಹೆಚ್ಚಿನ ಒಳನೋಟದೊಂದಿಗೆ ಹೊಸ ಆರ್ಥಿಕ ಪಾತ್ರಗಳ ಬಗ್ಗೆ ತಿಳಿಯಲು ಉತ್ಸುಕರಾಗುತ್ತಾರೆ.
ಈ ಕೋರ್ಸುಗಳಲ್ಲಿ ಭಾಗವಹಿಸುವವರು ಗ್ಯಾಮಿಫೈಡ್ ರಸಪ್ರಶ್ನೆಯನ್ನು ಬಳಸಿಕೊಂಡು ಕೌಶಲ್ಯಗಳ ಜೋಡಣೆಯ ಮೂಲಕ ತಮ್ಮ ಪ್ರಸ್ತುತ ಕೌಶಲ್ಯಗಳು ಹೊಸ ಪಾತ್ರಗಳಿಗೆ ಹೇಗೆ ಪರಿವರ್ತನೆಯಾಗಬಹುದು ಎಂಬುದನ್ನು ಕಲಿಯುತ್ತಾರೆ.ಈ ಅವಕಾಶಗಳಿಗೆ ತಮ್ಮದೇ ಆದ ಮಾರ್ಗವನ್ನು ಅವರು ಹೇಗೆ ರಚಿಸಬಹುದು ಎಂಬುದನ್ನು ಹುಡುಕುತ್ತಾರೆ. ತಮ್ಮ ವೃತ್ತಿಜೀವನವನ್ನು ಹೊಸ ಆರ್ಥಿಕತೆಯಲ್ಲಿ ಅವಕಾಶಗಳಾಗಿ ಪರಿವರ್ತಿಸುವ ಕಡೆಗೆ ಮುಂದಿನ ಹಂತವನ್ನು ತೆಗೆದುಕೊಳ್ಳಲು ಮಾರ್ಗಸೂಚಿ ಮತ್ತು ಮಾರ್ಗಗಳೊಂದಿಗೆ ಸಜ್ಜುಗೊಳ್ಳುತ್ತಾರೆ.
NTPC Recruitment 2022: ವೈದ್ಯಕೀಯ ಶಿಕ್ಷಣ ಪಡೆದವರಿಗೆ ಭರ್ಜರಿ ಅವಕಾಶ
ಮಹಿಳೆಯರಿಗಾಗಿ AWS ಉಚಿತ ಆನ್‌ಲೈನ್ ಕೋರ್ಸ್, ದಾಖಲಾತಿಗಳಿಗೆ ಸದಾ ತೆರೆದಿರುತ್ತದೆ. ಯಾವುದೇ ಸಮಯದಲ್ಲಿ ನೋಂದಣಿಗೆ ಅವಕಾಶ ಲಭ್ಯವಿರುತ್ತದೆ.ಈ ಕೋರ್ಸ್ ಮೂಲಕ ಹೆಚ್ಚು ತಿಳಿದುಕೊಳ್ಳಲು ಉತ್ಸುಕರಾಗಿರುವವರು ಆದಷ್ಟು ಬೇಗ ಪ್ರವೇಶ ಪಡೆಯಬಹುದು. ಹಲವಾರು ವಿಷಯಗಳ ಕುರಿತು ಮಾಸಿಕವಾಗಿ ಎರಡು ಲೈವ್ ಸೆಷನ್‌ಗಳನ್ನು - ಆಯೋಜಿಸಲಾಗುತ್ತದೆ.ಇದರಲ್ಲಿ ಭಾಗವಹಿಸುವವರು ತಂತ್ರಜ್ಞಾನದಲ್ಲಿ ಪ್ರವೇಶಿಸಲು ಅಥವಾ ಕೌಶಲ್ಯವನ್ನು ಹೆಚ್ಚಿಸಲು ಲಭ್ಯವಿರುವ ಹಲವಾರು ಅವಕಾಶಗಳು ಮತ್ತು ಮಾರ್ಗಗಳನ್ನು ಅನ್ವೇಷಿಸಲು ಅನುಕೂಲವಾಗಲಿದೆ.
