ಮುಂಬೈ(ಫೆ.02): ವಯಸ್ಸಾಯಿತು, ಇನ್ನು ಸಾಧ್ಯವಿಲ್ಲ ಅನ್ನೋ ಮಾತೇ ಇಲ್ಲ. ಸಾಧಿಸುವ ಛಲವಿದ್ದರೆ, ಅದ್ಯಾವ ವಯಸ್ಸಿನಲ್ಲೂ ಸಾಧನೆ ಮಾಡಬಹುದು ಅನ್ನೋದನ್ನು ಹಲವರು ಸಾಬೀತು ಪಡಿಸಿದ್ದಾರೆ. ಇದೀಗ 89ರ ಇಳಿ ವಯಸ್ಸಿನ ಅಜ್ಜಿಯೊಬ್ಬರು ಕಾರು ಕಲಿತು, ನಗರದಲ್ಲಿ ಸಲೀಸಾಗಿ ಡ್ರೈವಿಂಗ್ ಮಾಡುತ್ತಿದ್ದಾರೆ. ಈ ರೋಚಕ ಸ್ಟೋರಿ ಹಲವರಿಗೆ ಸ್ಪೂರ್ತಿಯಾಗಿದೆ. 

ಐತಿಹಾಸಿಕ ನಿರ್ಧಾರ;ಡ್ರೈವಿಂಗ್ ಲೈಸೆನ್ಸ್ ಪಡೆಯಲು ಗುಣ-ನಡತೆ ಸರ್ಟಿಫಿಕೇಟ್ ಕಡ್ಡಾಯ!

ಮುಂಬೈನ ಥಾಣೆಯ 89ರ ವಯಸ್ಸಿನ ಅಜ್ಜಿ ಹ್ಯುಂಡೈ ವೆನ್ಯೂ ಕಾರಿನ ಮೂಲಕ ಕಾರು ಡ್ರೈವಿಂಗ್ ಕಲಿತಿದ್ದಾರೆ. ಮೊಮ್ಮಗನ ಸಹಾಯದಿಂದ ಕಾರು ಕಲಿತಿದ್ದಾರೆ. ಅದೆಷ್ಟೋ ಮಂದಿ ಇನ್ನೂ ಸಾಧ್ಯವಿಲ್ಲ ಎಂದು ಮನೆಯಲ್ಲೇ ಕುಳಿತವರಿಗೆ ಈ ಅಜ್ಜಿ ಸ್ಪೂರ್ತಿಯಾಗಿದ್ದಾರೆ. ಮೈದಾನದಲ್ಲಿ ಕಾರು ಡ್ರೈವಿಂಗ್ ಕಲಿತ ಅಜ್ಜಿ, ಇದೀಗ ನಗರದಲ್ಲೂ ಸಲೀಸಾಗಿ ಡ್ರೈವಿಂಗ್ ಮಾಡುತ್ತಿದ್ದಾರೆ.

ಇದೇ ಜೂನ್ ತಿಂಗಳಿಗೆ ಅಜ್ಜಿ 90ನೇ ವಯಸ್ಸಿಗೆ ಕಾಲಿಡಲಿದ್ದಾರೆ. ಈ ವೇಳೆ ಮೊಮ್ಮಗ ಅಜ್ಜಿಗೆ ಸರ್ಪ್ರೈಸ್ ನೀಡಲು ಸಜ್ಜಾಗಿದ್ದಾರೆ. ಅಜ್ಜಿಗೆ ಡ್ರೈವಿಂಗ್ ಲೈಸೆನ್ಸ್ ನೀಡಲು ಮೊಮ್ಮಗ ತಯಾರಾಗಿದ್ದಾನೆ. ಇತ್ತ ಆರ್‌ಟಿಒ ಅಧಿಕಾರಿಯೂ ಈ ಕುರಿತ ಸ್ಪಷ್ಟನೆ ನೀಡಿದ್ದಾರೆ ಲೈಸೆನ್ಸ್ ಪಡೆಯಲು ಗರಿಷ್ಠ ವಯೋಮಿತಿ ಇಲ್ಲ. ಯಾರು ಮಾನಸಿಕವಾಗಿ, ದೈಹಿಕವಾಗಿ ಸದೃಡವಾಗಿದ್ದಾರೋ ಅವರು ಲೈಸೆನ್ಸ್ ಪಡೆಯಲು ಅರ್ಹರು ಎಂದಿದ್ದಾರೆ.