Daily Horoscope: ಮೀನ ರಾಶಿಗಿಂದು ಧನ ನಷ್ಟ, ನಿಮ್ಮ ಭವಿಷ್ಯ ಏನಿದೆ ನೋಡಿ..
6 ಜನವರಿ 2022, ಗುರುವಾರದ ಭವಿಷ್ಯ ಹೇಗಿದೆ?
ಯಾವ ರಾಶಿಗೆ ಶುಭ ಫಲವಿದೆ?
ಮೀನ ರಾಶಿ ಬೆನ್ನ ಹಿಂದೆ ಮಾತಾಡಿ ಸಂಕಷ್ಟ ತಂದುಕೊಳ್ಳುವರು..
ಮೇಷ(Aries): ಆರೋಗ್ಯ ಸಮಸ್ಯೆ ಕಾಣಿಸಿಕೊಳ್ಳಲಿದೆ. ಆಹಾರದಲ್ಲಿ ಪಥ್ಯ ಕಟ್ಟುನಿಟ್ಟಾಗಿರಲಿ. ಉದ್ಯೋಗ ವ್ಯವಹಾರದಲ್ಲಿ ಅನೇಕ ರೀತಿಯ ಕೆಲಸಗಳ ಜವಾಬ್ದಾರಿ ನಿಮ್ಮ ಮೇಲೆ ಬೀಳಬಹುದು. ಹೊರೆ ಎಂದುಕೊಳ್ಳದೆ ನಿಮ್ಮ ಸಾಮರ್ಥ್ಯಕ್ಕೆ ಸಿಕ್ಕ ಮನ್ನಣೆ ಎಂದು ಪರಿಗಣಿಸಿ. ಗುರು ರಾಯರ ಸ್ಮರಣೆ ಮಾಡಿ.
ವೃಷಭ(Taurus): ಮಕ್ಕಳ ಆರೋಗ್ಯದ ಬಗ್ಗೆ ಹೆಚ್ಚಿನ ಕಾಳಜಿ ಮಾಡಿ. ಅವರ ರೋಗ ನಿರೋಧಕ ಶಕ್ತಿ ಹೆಚ್ಚಿಸುವತ್ತ ಗಮನ ಹರಿಸಿ. ನಡೆಯುವಾಗ ಜಾಗ್ರತೆ. ಸಂಗಾತಿಯ ಸಹಕಾರದಿಂದ ವ್ಯಾಪಾರ ವ್ಯವಹಾರಗಳಲ್ಲಿ ಲಾಭ. ಕುಲದೇವರಿಗೆ ತುಪ್ಪದ ದೀಪ ಹಚ್ಚಿ.
ಮಿಥುನ(Gemini): ಕಷ್ಟಗಳು ಹೆಚ್ಚುತ್ತಿವೆ ಎನಿಸಬಹುದು. ಆದರೆ, ಎಲ್ಲದಕ್ಕೂ ಒಂದು ಅಂತ್ಯ ಇದ್ದೇ ಇದೆ ಎಂದು ನಂಬಿ ಮುನ್ನಡೆಯಿರಿ. ಷೇರು ವ್ಯವಹಾರದಲ್ಲಿ ಧನನಷ್ಟವಾಗುವುದು. ವ್ಯಾಪಾರದಲ್ಲಿ ಮಿಶ್ರಫಲ. ಮಕ್ಕಳ ಸಲುವಾಗಿ ಹೆಚ್ಚಿನ ಸಮಯ ಕಳೆಯುವಿರಿ. ರಾಘವೇಂದ್ರ ಶತ ನಾಮಾವಳಿ ಹೇಳಿಕೊಳ್ಳಿ.
ಕಟಕ(Cancer): ಸಾಲ ಮಾಡುವ ಯೋಚನೆ ಬೇಡ. ಇದ್ದುದರಲ್ಲಿಯೇ ಹಣ ಹೊಂದಿಸಲು ಪ್ರಯತ್ನಿಸಿ. ದುಡಿಮೆಗೆ ಬೇರೆ ಮೂಲಗಳನ್ನು ಹುಡುಕಲು ಪ್ರಯತ್ನಿಸಿ. ವ್ಯಾಪಾರದಲ್ಲಿ ಲಾಭ ಹೆಚ್ಚುವುದು. ಸಂಗಾತಿಯ ಸಹಕಾರದಿಂದ ಕೆಲಸಗಳು ಸುಗಮವಾಗಿ ಸಾಗುವುವು. ರಾಮ ಸ್ಮರಣೆ ಮಾಡಿ.
ಸಿಂಹ(Leo): ಜೀವನದ ಪ್ರಮುಖ ನಿರ್ಧಾರ ತೆಗೆದುಕೊಳ್ಳುವಿರಿ. ಬದಲಾಗುತ್ತಿರುವ ಋತುವಿನಲ್ಲಿ ಅಜಾಗರೂಕತೆ ಬೇಡ. ಮಿತಾಹಾರ, ಹಿತಾಹಾರ ಸೇವಿಸಿ. ಕ್ರೀಡೆಯಿಂದ ಉಲ್ಲಾಸ. ಆಸ್ತಿ ವ್ಯವಹಾರಗಳಲ್ಲಿ ಮಿಶ್ರಫಲವಿದೆ. ಗಣಪತಿಗೆ ದೂರ್ವೆ ಸಮರ್ಪಿಸಿ.
ಕನ್ಯಾ(Virgo): ನಿರೀಕ್ಷಿಸುತ್ತಿರುವ ದಂಪತಿಗಳಿಗೆ ಸಂತಾನ ವಿಷಯದಲ್ಲಿ ಶುಭ ಸುದ್ದಿ ಸಿಗಬಹುದು. ನಿರುದ್ಯೋಗಿಗಳಿಗೆ ಒಳ್ಳೆಯ ಕೆಲಸ ಸಿಗಲಿದೆ. ಅವಿವಾಹಿತರಿಗೂ ಸಂಬಂಧ ಕೂಡಿ ಬರಲಿದೆ. ಅತಿಥಿಗಳ ಆಗಮನದಿಂದ ಮನಸ್ಸಿಗೆ ನೋವಾಗುವ ಘಟನೆ ನಡೆಯಬಹುದು. ವಿಷ್ಣು ಸಹಸ್ರನಾಮ ಹೇಳಿ.
ತುಲಾ(Libra): ನೀವು ಎದುರಿಸುತ್ತಿರುವ ಸಮಸ್ಯೆಗೆ ಆಪ್ತರ ನೆರವು ಸಿಕ್ಕಿ ಸಮಾಧಾನ ದೊರೆಯುವುದು. ರೈತರಿಗೆ ಬೆಳೆದ ಬೆಳೆಗೆ ಆದಾಯ ಹೆಚ್ಚಿ ಸಂತಸ. ವಸ್ತ್ರ, ಒಡವೆ ವ್ಯಾಪಾರಗಳಲ್ಲಿ, ರಿಯಲ್ ಎಸ್ಟೇಟ್ ಉದ್ಯಮದಲ್ಲಿ ನಷ್ಟ. ಹಕ್ಕಿಗಳಿಗೆ ನೀರು, ಕಾಳುಗಳನ್ನು ನೀಡಿ.
ವೃಶ್ಚಿಕ(Scorpio): ಇಂದು ಮನಸ್ಸು ಹೆಚ್ಚು ತಾಜಾತಾನದಿಂದಲೂ, ಚೈತನ್ಯದಿಂದಲೂ ಕೂಡಿರುವುದು. ಇಷ್ಟದ ವ್ಯಕ್ತಿಗಳೊಂದಿಗೆ ಸಮಯ ಕಳೆಯುವಿರಿ. ಸಾಕು ಪ್ರಾಣಿಗಳಿಂದ ಮನಸ್ಸಿಗೆ ಸಮಾಧಾನ. ಉದ್ಯೋಗದಲ್ಲಿ ಒತ್ತಡದ ದಿನ. ಹೊಸ ವಸ್ತುಗಳನ್ನು ಕೊಳ್ಳುವಿರಿ. ಕೃಷ್ಣನಿಗೆ ತುಳಸಿ ಸಮರ್ಪಿಸಿ.
Astrology And Personality Traits: ಈ ರಾಶಿಯವರು ಸಂಗಾತಿಗೆಂದೂ ಮೋಸ ಮಾಡಲ್ಲ!
ಧನುಸ್ಸು(Sagittarius): ಬಹಳ ಸಮಯದಿಂದ ಕಾಡುತ್ತಿರುವ ಸಮಸ್ಯೆಗೆ ನಿಮ್ಮ ಹೊಂದಾಣಿಕೆಯಿಂದಲೇ ಪರಿಹಾರ ಸಿಗುವುದು. ಗೃಹಕೆಲಸಗಳಿಗೆ ಪ್ರಶಂಸೆ. ಧಾರ್ಮಿಕ, ಶುಭ ಸಮಾರಂಭಗಳಿಗೆ ಭೇಟಿಯಿಂದ ಸಂತಸ. ಹವ್ಯಾಸಗಳಿಗೆ ಸಮಯ ಮಾಡಿಕೊಳ್ಳಿ. ಕುಲದೇವರ ಸ್ಮರಣೆ ಮಾಡಿ.
ಮಕರ(Capricorn): ಅವಿವಾಹಿತರಿಗೆ ಕಂಕಣಬಲ ಕೂಡಿ ಬರಲಿದೆ. ಉದ್ಯೋಗಿಗಳಿಗೆ ಅನಿರೀಕ್ಷಿತ ಧನ ಲಾಭ. ಹಿರಿಯರ ಆಸ್ತಿ ಸಂಬಂಧಿ ಕೆಲಸಗಳು ಮುಂದೆ ಹೋಗುವುದು. ಆರೋಗ್ಯ ಸ್ಥಿರವಾಗಿರುವುದು. ಮಕ್ಕಳ ಮೇಲೆ ವಿನಾ ಕಾರಣ ರೇಗದಿರಿ. ಲಕ್ಷ್ಮೀವೆಂಕಟೇಶ್ವರ ಸ್ಮರಣೆ ಮಾಡಿ.
Indian Mythology: ಎಲ್ಲರನ್ನೂ ಕಾಡುವ ಶನಿಯ ಬಗ್ಗೆ ಎಲ್ಲರಿಗೂ ಗೊತ್ತಿಲ್ಲದ ಸಂಗತಿಗಳು..
ಕುಂಭ(Aquarius): ನೆರೆಹೊರೆಯವರ ಜೊತೆ ಜಗಳವಾಡುವ ಸಂಭವವಿದೆ. ಆದಷ್ಟು ಸೌಮ್ಯವಾಗಿ ಮಾತಾನಾಡುವುದರಿಂದ ಸಮಸ್ಯೆ ಬಗೆ ಹರಿವುದು. ಮಾಡಿದ ತಪ್ಪಿಗೆ ಇನ್ನೆಷ್ಟು ಕೊರಗುವಿರಿ. ಸಾಧ್ಯವಾದರೆ ಕ್ಷಮೆ ಕೇಳಿ, ಇಲ್ಲದಿದ್ದರೆ ವಿಷಯ ಹಿಂದೆ ಬಿಟ್ಟು ಮುಂದೆ ಹೋಗಿ. ಗಾಯತ್ರಿ ಜಪ ಮಾಡಿ.
ಮೀನ(Pisces): ಸಂಬಂಧಗಳ ನಡುವೆ ವೈಮನಸ್ಯ ಮೂಡುವ ಸಂದರ್ಭಗಳೆದುರಾಗಬಹುದು. ಯಾರದೋ ಬೆನ್ನ ಹಿಂದೆ ಮಾತಾಡಬೇಡಿ. ಹಣ ಕೈಲಿ ನಿಲ್ಲದೆ ಆತಂಕ ಕಾಡುವುದು. ಕಚೇರಿಯಲ್ಲಿ ಸಹೋದ್ಯೋಗಿಗಳ ಕಿರಿಕಿರಿ. ಮಾಡಿದ ತಪ್ಪನ್ನೇ ಮತ್ತೆ ಮಾಡಲು ಹೋಗಬೇಡಿ. ವಿಷ್ಣು ಸಹಸ್ರನಾಮ ಹೇಳಿಕೊಳ್ಳಿ.
