29 ಜನವರಿ 2022, ಶನಿವಾರದ ಭವಿಷ್ಯ ಹೇಗಿದೆ?ಯಾವ ರಾಶಿಗೆ ಶುಭ ಫಲವಿದೆ?ಕನ್ಯಾ ರಾಶಿಗೆ ಹೆಚ್ಚುವ ಜಡತ್ವ, ತುಲಾ ರಾಶಿಗೆ ತಿರುಗಾಟದ ಸಂತಸ
ಮೇಷ(Aries): ಇಂದು ಸ್ನೇಹಿತರ ಜೊತೆ ಹೆಚ್ಚಿನ ಸಮಯ ಕಳೆದು ಸಂತೋಷವಾಗಿರುವಿರಿ. ಹಣದ ಖರ್ಚು ಹೆಚ್ಚಿದ್ದರೂ ಆದಾಯ ಹೆಚ್ಚಿರುವುದರಿಂದ ಚಿಂತೆಯಿರುವುದಿಲ್ಲ. ವ್ಯಾಪಾರ ವ್ಯವಹಾರದಲ್ಲಿ ಉತ್ತಮ ಲಾಭವಿರಲಿದೆ. ಸಂಗಾತಿಯ ಕಷ್ಟವೇನೆಂದು ಆಲಿಸಿ. ಶನಿ ಸ್ಮರಣೆ ಮಾಡಿ.
ವೃಷಭ(Taurus): ಒತ್ತಡವಿದ್ದರೂ ಕೆಲಸಗಳನ್ನು ಸುಲಭವಾಗಿ ನಿಭಾಯಿಸುವಿರಿ. ಕುಟುಂಬದವರ ಮೇಲೆ ಕೋಪತಾಪಗಳನ್ನು ತೋರಬೇಡಿ. ವಸ್ತುಗಳನ್ನು ಕಳೆದುಕೊಳ್ಳಬಹುದು. ಕಚೇರಿ ಅಸಾಮಾಧಾನಗಳು ನಿಮ್ಮ ಚಿಂತೆಯನ್ನು ಇನ್ನಷ್ಟು ಹೆಚ್ಚಿಸಲಿವೆ. ಕಪ್ಪು ವಸ್ತ್ರ ದಾನ ಮಾಡಿ.
ಮಿಥುನ(Gemini): ಶ್ರಮ, ಪ್ರಯತ್ನಗಳು ನಿರರ್ಥಕವೆನಿಸಿ ದುಃಖವಾಗುವುದು. ಮಕ್ಕಳಿಗೆ ಸಂಬಂಧಿಸಿ ಮತ್ತಷ್ಟು ಆತಂಕ ಎದುರಾಗಬಹುದು. ಈ ದಿನ ಹೊಸ ಯೋಜನೆಗಳ ಪ್ರಾರಂಭ, ಪ್ರಮುಖ ನಿರ್ಧಾರಗಳನ್ನು ತೆಗೆದುಕೊಳ್ಳುವುದು ಬೇಡ. ಶಿವ ಸ್ಮರಣೆ ಮಾಡಿ.
ಕಟಕ(Cancer): ಸವಾಲುಗಳು ಎದುರಾದಾಗ ನನಗೇ ಏಕೆ ಹೀಗೆ ಎನ್ನುವ ಬದಲು, ನನಗೇಕಲ್ಲ.. ಎದುರಿಸಿಯೇ ತೀರುತ್ತೇನೆ ಎಂದು ಮುಂದುವರಿಯಿರಿ. ಸ್ನೇಹಿತರು ಸರಿಯಾಗಿ ಪ್ರತಿಕ್ರಿಯಿಸದೆ ಮನಸ್ಸಿಗೆ ಕಸಿವಿಸಿಯಾಗುವುದು. ಸೃಜನಶೀಲತೆಯಿಂದ ಲಾಭವಿದೆ. ಅಶ್ವತ್ಥ ಮರಕ್ಕೆ ದೀಪ ಹಚ್ಚಿ
ಸಿಂಹ(Leo): ಸಾಮಾಜಿಕ ಮತ್ತು ಸಾರ್ವಜನಿಕ ವ್ಯವಹಾರಗಳು ಸುಲಭವಾಗಿ ನಡೆಯಲಿವೆ. ಸಂಗಾತಿಯ ಆರೋಗ್ಯದ ವಿಚಾರವಾಗಿ ಆತಂಕ ಎದುರಾಗಬಹುದು. ಉದ್ಯಮದಲ್ಲಿ ಕಷ್ಟನಷ್ಟ ಉಂಟಾಗಬಹುದು. ಸಹೋದರ, ಸಹೋದರಿಯರ ಸಹಕಾರ ಸಿಕ್ಕಿ ಕೊಂಚ ಸಮಾಧಾನ ಸಿಗಲಿದೆ. ಹತ್ತಿರದ ದೇವಾಲಯಕ್ಕೆ ಭೇಟಿ ನೀಡಿ.
ಕನ್ಯಾ(Virgo): ಇಂದು ನೀವು ಗೊಂದಲದಲ್ಲಿರುವ ಸಾಧ್ಯತೆಯಿದೆ. ಕೆಲಸದಲ್ಲಿ ನಿತ್ರಾಣ, ಜಡತ್ವ ಮತ್ತು ನಿರಾಸಕ್ತಿ ಎದುರಾಗಬಹುದು. ಉದರ ಸಮಸ್ಯೆ ಉಂಟಾಗಬಹುದು. ದುಂದುವೆಚ್ಚದ ಸಾಧ್ಯತೆಯಿದೆ. ಯಾವುದೋ ಭಯ, ಬೇಜಾರು ಕಾಡಬಹುದು. ನವಗ್ರಹ ಆರಾಧನೆ ಮಾಡಿ.
Zodiac Signs And Traits: ಈ ನಾಲ್ಕು ರಾಶಿಯ ಹೆಣ್ಮಕ್ಕಳ ಕೈಲಿರುತ್ತೆ ಗಂಡನ ಜುಟ್ಟು!
ತುಲಾ(Libra): ತಿರುಗಾಟದಿಂದ ಸಂತಸ ಹೆಚ್ಚಲಿದೆ. ಮನೆಗೆ ಬೇಕಾದ ವಸ್ತುಗಳಿಗಾಗಿ ಧನವ್ಯಯ ಮಾಡಲಿರುವಿರಿ. ಮಕ್ಕಳು ತಮ್ಮ ಓದಿನಲ್ಲಿ ಎಂದಿಗಿಂತ ಹೆಚ್ಚಿನ ಶ್ರಮ ಪಡಬೇಕಾಗಬಹುದು. ಬಂಡವಾಳ ಹೂಡಿಕೆಯ ವೇಳೆ ವಿವೇಚನೆಯಿಂದಿರುವ ಅಗತ್ಯವಿದೆ. ಗಣಪತಿಯ ಸ್ಮರಣೆ ಮಾಡಿ.
ವೃಶ್ಚಿಕ(Scorpio): ಆಭರಣಗಳು, ವಸ್ತ್ರಗಳ ಖರೀದಿಗಾಗಿ ಖರ್ಚು ಮಾಡುವಿರಿ. ಆಪ್ತರು, ಸ್ನೇಹಿತರೊಂದಿಗೆ ಹೊರಗೆ ಆಹಾರ ಸೇವಿಸುವಿರಿ. ಆರೋಗ್ಯ ಚೆನ್ನಾಗಿರಲಿದೆ. ಕಾನೂನು ವಿಚಾರಗಳನ್ನು ಎಚ್ಚರಿಕೆಯಿಂದ ನಿಭಾಯಿಸಿ. ಅನಿರೀಕ್ಷಿತ ಧನ ಲಾಭವಿರಲಿದೆ. ಬಡವರಿಗೆ ಹಣ ದಾನ ಮಾಡಿ.
ಧನುಸ್ಸು(Sagittarius): ಬಾಕಿ ಉಳಿದಿರುವ ಕಾರ್ಯಗಳು ಪೂರ್ಣಗೊಳ್ಳಲಿವೆ. ಮಕ್ಕಳಿಗೆ ಸಮಯ ಹೊಂದಿಸಿಕೊಳ್ಳುವಿರಿ. ಸಂಗಾತಿಯ ಸಹಕಾರದಿಂದ ಕೆಲಸಗಳು ಈಡೇರಲಿವೆ. ಮನೆಯಲ್ಲಿ ವಿಶೇಷ ಪ್ರೀತಿ, ಗೌರವವನ್ನು ಕಾಣುವಿರಿ. ನೂತನ ಗೃಹ ನಿರ್ಮಾಣಕ್ಕೆ, ವಾಹನ ಖರೀದಿಗೆ ಸಕಾಲ. ಮನೆದೇವರಿಗೆ ದೀಪ ಹಚ್ಚಿ.
Pregnancy and Planets: 9 ತಿಂಗಳ ಗರ್ಭಾವಸ್ಥೆ ಹಾಗೂ 9 ಗ್ರಹಗಳ ನಡುವೆ ಇರುವ ಸಂಬಂಧ ಏನು ಗೊತ್ತೇ ?
ಮಕರ(Capricorn): ಮನೆಯಲ್ಲಿ ಶುಭ ಕಾರ್ಯಗಳು ನಡೆಯಬಹುದು. ನೆಂಟರಿಷ್ಟರ ಭೇಟಿಯಿಂದ ಉಲ್ಲಾಸ. ಉದರ ಸಮಸ್ಯೆ ಉಂಟಾಗಬಹುದು. ದುಂದುವೆಚ್ಚದ ಸಾಧ್ಯತೆಯಿದೆ. ಕಾನೂನು ಬಾಹಿರವಾದ ಯಾವುದೇ ಕಾರ್ಯ ಮಾಡಬೇಡಿ. ಅದರಿಂದ ಸಮಸ್ಯೆ ಕಟ್ಟಿಟ್ಟ ಬುತ್ತಿ. ಎಣ್ಣೆ, ಕಪ್ಪು ಧಾನ್ಯ ದಾನ ಮಾಡಿ.
ಕುಂಭ(Aquarius): ಮಾನಸಿಕ ಅಸ್ಥಿರತೆ ಮತ್ತು ವ್ಯಥೆ ಉಂಟಾಗಬಹುದು. ನಿಮ್ಮ ಧೈರ್ಯ ಕಳೆದುಕೊಳ್ಳಬೇಡಿ. ನಿತ್ಯದ ಕೆಲಸದಲ್ಲಿ ತುಸು ಶ್ರಮ ಎನಿಸಲಿದೆ. ಹಿಂದಿನ ಕೆಲಸಕಾರ್ಯಗಳ ಬಗ್ಗೆ ಸಿಂಹಾವಲೋಕನ ಅಗತ್ಯವಿದೆ. ಯಾರೊಂದಿಗೂ ಮಾತಿಗೆ ಮಾತು ಬೆಳೆಸದೆ ಮೌನದಿಂದ ಕಾರ್ಯ ಸಾಧಿಸಿ. ಶಿವ ಶತನಾಮಾವಳಿ ಹೇಳಿಕೊಳ್ಳಿ.
ಮೀನ(Pisces): ಅರ್ಥ ಪೂರ್ಣವಾಗಿ ದಿನ ಕಳೆಯುವಿರಿ. ನಿಮ್ಮಿಂದ ಇತರರಿಗೆ ಸಹಾಯ ದೊರಕಬಹುದು. ಹೊಸ ಕಲಿಕೆಯಲ್ಲಿ ಆಸಕ್ತಿ ಇರಲಿದೆ. ಮನೆಯ ಸದಸ್ಯರ ಅನಾರೋಗ್ಯವು ಚಿಂತೆಗೆ ದೂಡಬಹುದು. ಹಿತಶತ್ರುಗಳ ಉಪಟಳ ಹಾಗೂ ದಾಯಾದಿಗಳ ಕಿರಿಕಿರಿ ಕಾಡಬಹುದು. ಶನಿಯನ್ನು ಸ್ಮರಿಸಿ.
