4 ಫೆಬ್ರವರಿ 2022, ಶುಕ್ರವಾರದ ಭವಿಷ್ಯ ಹೇಗಿದೆ?ಯಾವ ರಾಶಿಗೆ ಶುಭ ಫಲವಿದೆ?ಕನ್ಯಾ ರಾಶಿಯ ವಿದ್ಯಾರ್ಥಿಗಳಿಗೆ ಉತ್ತಮ ಫಲಿತಾಂಶ
ಮೇಷ(Aries): ವಿದೇಶ ಪ್ರಯಾಣಕ್ಕೆ ಅವಕಾಶಗಳು ಒದಗಬಹುದು. ಸೃಜನಶೀಲತೆ ಕ್ಷೇತ್ರದಲ್ಲಿರುವವರಿಗೆ ಪ್ರತಿಭಾ ಪ್ರದರ್ಶನಕ್ಕೆ ಅವಕಾಶಗಳು ದೊರಕುವುದು. ದೈವಾನುಕೂಲ ಇರಲಿದೆ. ಮನೆಯಲ್ಲಿ ಧಾರ್ಮಿಕ, ಕೌಟುಂಬಿಕ ಶುಭ ಕಾರ್ಯಗಳು ನಡೆಯುವುದರಿಂದ ಮನಸ್ಸು ಆಹ್ಲಾದಕರವಾಗಿರುವುದು. ನವಗ್ರಹ ಪ್ರಾರ್ಥನೆ ಮಾಡಿ.
ವೃಷಭ(Taurus): ಇಂದು ಬಹಳ ಸಮಾಧಾನದಿಂದ ದಿನ ಕಳೆಯುವುದು. ಸೌಂದರ್ಯ ಸಂಬಂಧಿ ವಿಷಯಗಳಿಗಾಗಿ ಖರ್ಚು. ಪೂಜಾಕೈಂಕರ್ಯಗಳಲ್ಲಿ ಭಾಗಿಯಾಗುವ ಸಂಭವ. ಕೋಪಕ್ಕೆ ಆಸ್ಪದ ಕೊಡಬೇಡಿ. ಶ್ರದ್ಧೆಯಿಂದ ಲಲಿತಾ ಸಹಸ್ರನಾಮ ಪಠಿಸಿ.
ಮಿಥುನ(Gemini): ಯಾವುದರಲ್ಲಿ ಧನಾತ್ಮಕ ಫಲಿತಾಂಶ ನಿರೀಕ್ಷಿಸುತ್ತಿದ್ದೀರೋ ಆ ವಿಷಯಕ್ಕಾಗಿ ಇನ್ನೂ ಹೆಚ್ಚಿನ ಪ್ರಯತ್ನ ಹಾಕಿದರಷ್ಟೇ ಫಲ ಸಿದ್ಧಿ. ಇಲ್ಲದಿದ್ದಲ್ಲಿ ನಿರಾಶೆ ಅನುಭವಿಸಬೇಕಾಗುತ್ತದೆ. ಮಾತಿನ ಬಲದಿಂದ ಎಲ್ಲರನ್ನು ಗೆಲ್ಲುವಿರಿ. ಮನರಂಜನೆಗಾಗಿ ಖರ್ಚು ಮಾಡುವಿರಿ. ದುರ್ಗಾ ಅಷ್ಟೋತ್ತರ ಪಠಿಸಿ.
ಕಟಕ(Cancer): ಹಳೆಯ ಕೈ ಬಿಟ್ಟ ಸಾಲವೊಂದು ಅನಿರೀಕ್ಷಿತವಾಗಿ ಹಿಂದೆ ಬರಲಿದೆ. ಹೊಸ ಕೆಲಸ ಪ್ರಾರಂಭಕ್ಕೆ ಅತ್ಯುತ್ತಮ ದಿನ. ನ್ಯಾಯಾಲಯ ಪ್ರಕರಣಗಳಲ್ಲಿ ನಿಮಗೆ ಜಯ ಸಿಗಲಿದೆ. ಪ್ರೇಮ ಸಂಬಂಧವನ್ನು ಬಲು ಸೂಕ್ಷ್ಮವಾಗಿ ನಿಭಾಯಿಸಬೇಕು. ಮಹಾಲಕ್ಷ್ಮೀ ಆರಾಧನೆ ಮಾಡಿ.
ಸಿಂಹ(Leo): ನೆಂಟರಿಷ್ಟರ ನಡೆ ಬೇಸರ ಮೂಡಿಸಬಹುದು. ಅವಮಾನಿಸುವ ಮಾತುಗಳನ್ನು ಕೇಳಬೇಕಾಗಬಹುದು. ಯಾವುದಕ್ಕೂ ತಾಳ್ಮೆ ಹಾಗೂ ಕೆಲಸವೇ ಉತ್ತರ ನೀಡಲಿ. ಪ್ರಯಾಣದಲ್ಲಿ ಸೌಖ್ಯ, ಆಲೋಚನೆಗಳು ವ್ಯತಿರಿಕ್ತ ಫಲ ಕೊಡಲಿವೆ. ಆರೋಗ್ಯದಲ್ಲಿ ಕೊಂಚ ಏರುಪೇರು. ಅಮ್ಮನವರಿಗೆ ಕುಂಕುಮಾರ್ಚನೆ ಮಾಡಿಸಿ.
ಕನ್ಯಾ(Virgo): ನಿಮ್ಮ ಚಾಣಾಕ್ಷತನದಿಂದ ಕೆಲಸಗಳೆಲ್ಲವೂ ಸರಾಗವಾಗಿ ಸಾಗುವುವು. ವಿದ್ಯಾರ್ಥಿಗಳಿಗೆ ಸ್ಪರ್ಧೆ, ಪರೀಕ್ಷೆಗಳಲ್ಲಿ ಉತ್ತಮ ಫಲಿತಾಂಶ ಸಿಗಲಿದೆ. ಉನ್ನತ ಶಿಕ್ಷಣಕ್ಕಾಗಿ ವಿದೇಶದಲ್ಲಿ ಅವಕಾಶಗಳು ಸಿಗಲಿವೆ. ಮನೆಯಲ್ಲಿ ಸಂತಸದ ವಾತಾವರಣ ಇರುತ್ತದೆ. ಅಮ್ಮನವರ ದೇವಾಲಯಕ್ಕೆ ಭೇಟಿ ನೀಡಿ.
ತುಲಾ(Libra): ಪಾಲುದಾರಿಕೆ ಕೆಲಸಗಳಲ್ಲಿ ಲಾಭವಿರಲಿದೆ. ವೃತ್ತಿಯಲ್ಲಿ ಒತ್ತಡ ಹೆಚ್ಚಿರಲಿದೆ. ತಲೆನೋವು, ಕತ್ತು, ಬೆನ್ನು ನೋವಿಗೆ ಹೈರಾಣಾಗುವಿರಿ. ಕ್ರೀಡಾ ಚಟುವಟಿಕೆಗಳಲ್ಲಿ ಭಾಗವಹಿಸಿ. ಕುಟುಂಬ ಸದಸ್ಯರೊಂದಿಗೆ ಉತ್ತಮ ಮಾತುಕತೆ ಇರಲಿದೆ. ಬಿಳಿ ಬಣ್ಣದ ವಸ್ತುಗಳನ್ನು ದಾನ ಮಾಡಿ.
Father And Son: ಅಪ್ಪನಿಗೆ ಹೆಮ್ಮೆ ತರುವ ಹುಡುಗರ ರಾಶಿಯಿದು..
ವೃಶ್ಚಿಕ(Scorpio): ಆರೋಗ್ಯ ಸಮಸ್ಯೆಗಳು ಹೆಚ್ಚಬಹುದು. ಯೋಗ, ಮತ್ತಿತ್ತರೆ ಯಾವುದೇ ದೈಹಿಕ ವ್ಯಾಯಾಮದಲ್ಲಿ ತೊಡಗಿಸಿಕೊಳ್ಳಿ. ಕೆಲಸ ವಿರಾಮದಲ್ಲಿ ಸಾಗಲಿದೆ. ಸಂಗಾತಿಗೆ ಹೆಚ್ಚಿನ ಸಮಯ ಕೊಡಿ. ಹೊಸ ಖರೀದಿಯಿಂದ ಸಂತುಷ್ಟರಾಗುವಿರಿ. ತಂದೆ ತಾಯಿಯ ಆಶೀರ್ವಾದ ಪಡೆಯಿರಿ.
ಧನುಸ್ಸು(Sagittarius): ದಿನ ನಿತ್ಯದ ಚಟುವಟಿಕೆಗಳಿಗೆ ಸಮಯ ಒದಗಲಿದೆ. ಮಕ್ಕಳಿಗಾಗಿ ಸಮಯ ಹೊಂದಿಸುವಿರಿ. ನಿಮ್ಮ ಸಂವಹನ ಕೌಶಲ್ಯಗಳಿಂದ ಜನ ಮೆಚ್ಚುಗೆ ಗಳಿಸುತ್ತೀರಿ. ಹೊಸ ವಸ್ತುಗಳ ಖರೀದಿಯಿಂದ ಸಂತಸ ಹೆಚ್ಚಲಿದೆ. ಶಾರದಾ ದೇವಿ ಆರಾಧನೆ ಮಾಡಿ.
ಮಕರ(Capricorn): ಆಪ್ತರೆನಿಸಿಕೊಂಡವರ ಮಾತುಗಳು ಮನಸ್ಸಿಗೆ ದುಃಖ ಉಂಟು ಮಾಡಬಹುದು. ಹೊಸ ಉದ್ಯಮ ಆರಂಭಿಸಬಹುದು. ಮನೆಯಲ್ಲಿ ನಲ್ಲಿ, ಎಲೆಕ್ಟ್ರಿಕ್ ಉಪಕರಣಗಳು ರಿಪೇರಿಗೆ ಬಂದು ಕಿರಿಕಿರಿ ಉಂಟಾಗಬಹುದು. ಹೊಸ ಸಂಘಗಳನ್ನು ಸೇರಿಕೊಳ್ಳುವಿರಿ. ಮಹಾಲಕ್ಷ್ಮೀಯಲ್ಲಿ ಪ್ರಾರ್ಥನೆ ಮಾಡಿ.
Best Preachings: ಭೀಷ್ಮ ಪಿತಾಮಹ ಹೇಳಿದ ಜೀವನ ಪಾಠಗಳು
ಕುಂಭ(Aquarius): ಕೌಟುಂಬಿಕ ಜೀವನವು ಉದ್ವಿಗ್ನತೆಯಿಂದ ಕೂಡಿರಲಿದೆ. ಅತ್ತೆ ಸೊಸೆ ನಡುವೆ ಜಗಳಗಳು ಏರ್ಪಡಬಹುದು. ಮಗುವಿನ ಭವಿಷ್ಯದ ಬಗ್ಗೆ ಚಿಂತೆ ಕಾಡಲಿದೆ. ಆಧ್ಯಾತ್ಮಿಕ ವಿಚಾರಗಳ ಬಗ್ಗೆ ಮನಸ್ಸು ವಿಚಾರ ಮಾಡಬಹುದು. ಲಲಿತಾ ಸಹಸ್ರನಾಮ ಹೇಳಿಕೊಳ್ಳಿ.
ಮೀನ(Pisces): ಸಿಹಿ ತಿನ್ನುವ ಭಾಗ್ಯ. ಸಂಗಾತಿಯ ಸಹಕಾರದಿಂದ ಕೆಲಸಕಾರ್ಯಗಳು ಯಶಸ್ವಿಯಾಗಲಿವೆ. ವಿದ್ಯಾರ್ಥಿಗಳಿಗೆ ಉನ್ನತ ವ್ಯಾಸಂಗಕ್ಕೆ ಹೊಸ ಅವಕಾಶಗಳು ಅರಸಿ ಬರಲಿವೆ. ಹೊಸ ಆಸ್ತಿ ಖರೀದಿ ಹಾಗೂ ಮಾರಾಟ ಸಾಧ್ಯತೆಗಳಿವೆ. ಅಮ್ಮನವರಿಗೆ ಬಾಗೀನ ನೀಡಿ.
