16 ಫೆಬ್ರವರಿ 2022, ಬುಧವಾರದ ಭವಿಷ್ಯ ಹೇಗಿದೆ?ಯಾವ ರಾಶಿಗೆ ಶುಭ ಫಲವಿದೆ?ದೊಡ್ಡವರ ಸಣ್ಣತನದಿಂದ ಕಟಕಕ್ಕೆ ಘಾಸಿ, ಏನನ್ನುತ್ತೆ ನಿಮ್ಮ ರಾಶಿ?
ಮೇಷ(Aries): ನೀವು ಪ್ರೀತಿಸುವ ಜನರಿಗೆ ನಿಮ್ಮ ಕಾಳಜಿಯನ್ನು ವ್ಯಕ್ತಪಡಿಸಿ. ಉದ್ಯೋಗ ಸ್ಥಳದಲ್ಲಿ ನಿಮ್ಮ ಕಾಲೆಳೆಯುವವರು ಹೆಚ್ಚಾಗಬಹುದು. ಮೇಲಧಿಕಾರಿಯಿಂದ ಬೈಸಿಕೊಳ್ಳುವ ಸಂಭವವಿದೆ. ಕೆಲಸ ಬದಲಿಸುವ ಯೋಚನೆ ಬರಬಹುದು. ಗಣಪತಿ ಪೂಜೆ ಮಾಡಿ.
ವೃಷಭ(Taurus): ಸ್ನೇಹ ಮಾಡುವಾಗ ಸಜ್ಜನರ ಸಂಗ ಎಂಬುದನ್ನು ಖಚಿತಪಡಿಸಿಕೊಳ್ಳಿ. ಸಹೋದರರೊಂದಿಗೆ ಪೋಷಕರ ವಿಚಾರವಾಗಿ ದೊಡ್ಡ ಗಲಾಟೆ ಆಗಬಹುದು. ವಿವಾಹ ವಿಚಾರದಲ್ಲಿ ಅಡೆತಡೆಗಳು ಎದುರಾಗಲಿವೆ. ಕೋರ್ಟ್ ವ್ಯಾಜ್ಯಗಳಲ್ಲಿ ಹಿನ್ನಡೆ ಉಂಟಾಗುವುದು. ಗೋವಿಗೆ ಗ್ರಾಸ ನೀಡಿ.
ಮಿಥುನ(Gemini): ಹೂಡಿಕೆ ಮಾಡುವ ಮುನ್ನ ನುರಿತರ ಬಳಿ ಚರ್ಚಿಸಿ ಮುಂದುವರಿಯಿರಿ. ಪತ್ನಿಯ ಹಾಗೂ ನಿಮ್ಮ ತಾಯಿಯ ನಡುವೆ ಮುಸುಕಿನ ಗುದ್ದಾಟ ನಡೆಯಬಹುದು. ಯಾರೊಬ್ಬರ ಪರ ವಹಿಸದೆ ಮಾತುಗಳನ್ನು ಕೇಳಿಸಿಕೊಳ್ಳಿ. ನಂತರ ಎಲ್ಲರ ಸಂತೋಷಕ್ಕೆ ಏನು ಮಾಡಬಹುದು ಯೋಚಿಸಿ. ಗಣಪತಿಗೆ ದೂರ್ವೆ ಅರ್ಪಿಸಿ.
ಕಟಕ(Cancer): ದೊಡ್ಡವರ ಸಣ್ಣತನದ ನಡೆಗಳು ನಿಮ್ಮ ಮನಸ್ಸನ್ನು ಘಾಸಿ ಮಾಡಬಹುದು. ನಿರ್ಲಕ್ಷ್ಯ ಧೋರಣೆಯೇ ಉತ್ತಮ. ಯಾರಿಗೆ ಎಷ್ಟು ಬೆಲೆ ಕೊಡಬೇಕು ಎಂಬುದು ತಿಳಿದಿರಲಿ. ಉದ್ಯೋಗದಲ್ಲಿ ಏರುಪೇರಿಲ್ಲ. ಷೇರು ವ್ಯವಹಾರಗಳಲ್ಲಿ ಬುದ್ಧಿವಂತಿಕೆ ತೋರಿಸಿದರೆ ಲಾಭ. ಗಣೇಶ ದೇವಾಲಯಕ್ಕೆ ಭೇಟಿ ನೀಡಿ.
ಸಿಂಹ(Leo): ವೃತ್ತಿ ಸಂಬಂಧಿ ಬದಲಾವಣೆಗಳು ಹೆಚ್ಚಬಹುದು. ನೀವು ಹೊಸ ಕಲಿಕೆಗೆ, ಪರಿಸರಕ್ಕೆ ಆದಷ್ಟು ಬೇಗ ಹೊಂದುವ ಅಭ್ಯಾಸ ಮಾಡಿಕೊಳ್ಳಲೇಬೇಕು. ವೈವಾಹಿಕ ಜೀವನದಲ್ಲಿ ಸಾಮರಸ್ಯ ಚೆನ್ನಾಗಿರಲಿದೆ. ಹಿರಿಯರ ಆಶೀರ್ವಾದ ಪಡೆಯಿರಿ.
ಕನ್ಯಾ(Virgo): ಇನ್ನೊಬ್ಬರ ಬಗ್ಗೆ ಮನಸ್ಸಿನಲ್ಲಿ ದ್ವೇಷ ತುಂಬಿಕೊಂಡರೆ, ಆಪ್ತರಿಗೆ ಪ್ರೀತಿ ತೋರಲು ಮನಸ್ಸಿನಲ್ಲಿ ಜಾಗ ಉಳಿಯದು. ಮನಸ್ಸನ್ನು ಸ್ವಚ್ಛವಾಗಿಸುವ ಬಗ್ಗೆ ಗಮನ ಹರಿಸಿ. ಆರೋಗ್ಯ ಹದಗೆಟ್ಟಿರುವ ನೆಂಟರಿಷ್ಟರನ್ನು ಭೇಟಿಯಾಗಿ ವಿಚಾರಿಸಿ. ವಿಷ್ಣು ಸಹಸ್ರನಾಮ ಹೇಳಿಕೊಳ್ಳಿ.
ತುಲಾ(Libra): ದೈಹಿಕ ಆರೋಗ್ಯ ಕಾಪಾಡಿಕೊಳ್ಳಲು ವಿಶೇಷ ಕಾಳಜಿ ವಹಿಸುವಂತೆ ಮಾನಸಿಕ ಆರೋಗ್ಯ ಕಾಯ್ದುಕೊಳ್ಳಲು ಗಮನ ಹರಿಸಿ. ಕೇವಲ ಸಕಾರಾತ್ಮಕ ಯೋಚನೆಗಳಿಗೆ ಆಸ್ಪದ ನೀಡಿ. ಉದ್ಯೋಗದಲ್ಲಿ ಸಹೋದ್ಯೋಗಿಗಳ ಮತ್ಸರ ಹೆಚ್ಚಬಹುದು. ಗೆಳೆಯರ ಸಹಕಾರ ಚೆನ್ನಾಗಿರಲಿದೆ. ಇರುವೆಗೆ ಸಿಹಿ ತಿನ್ನಿಸಿ.
Dream Interpretation: ಕನಸಲ್ಲಿ ಹಾವು ಪದೇ ಪದೇ ಬರ್ತಿದ್ಯಾ? ಕಾರಣ ಹೀಗಿರಬಹುದು..
ವೃಶ್ಚಿಕ(Scorpio): ಉದ್ಯಮಿಗಳಿಗೆ ದೊಡ್ಡ ದೊಡ್ಡ ಡೀಲ್ಗಳು ಸಿಗಲಿವೆ. ಉದ್ಯೋಗಿಗಳು ಭಡ್ತಿ ಅವಕಾಶ ಪಡೆಯಬಹುದು. ಕಾರ್ಯ ನಿಮಿತ್ತ ವಿದೇಶಕ್ಕೆ ಹೋಗುವ ಅವಕಾಶಗಳು ಲಭಿಸಲಿವೆ. ಬೆಟ್ಟದಂತೆ ಬಂದ ಕಷ್ಟ ಬೆಣ್ಣೆಯಂತೆ ಕರಗಿ ಹೋಗುವುದು. ಸರಸ್ವತಿ ಪೂಜೆ ಮಾಡಿ.
ಧನುಸ್ಸು(Sagittarius): ದುಂದು ವೆಚ್ಚ ಮಾಡುವಿರಿ. ಆದರೆ, ಎಲ್ಲವೂ ನಿಮ್ಮ ಹಾಗೂ ಕುಟುಂಬದ ಸಂತೋಷಕ್ಕಾಗಿ ಆಗಿರುವುದರಿಂದ ತೊಂದರೆಯಿಲ್ಲ. ಕೈಗೆತ್ತಿಕೊಂಡ ಕೆಲಸವನ್ನು ಅವಧಿಪೂರ್ವ ಪೂರ್ಣಗೊಳಿಸಿ ಸೈ ಎನಿಸಿಕೊಳ್ಳುವಿರಿ. ಹಿರಿಯರ ಸೇವೆಯಿಂದ ಆಶೀರ್ವಾದ ಫಲ ಪಡೆಯಿರಿ.
ಮಕರ(Capricorn): ಮಾಡುವ ಯಾವುದೇ ಕೆಲಸದಲ್ಲೂ ನ್ಯಾಯ ನಿಷ್ಠೆ ತಪ್ಪದಂತೆ ಎಚ್ಚರ ವಹಿಸಿ. ಇಲ್ಲದಿದ್ದಲ್ಲಿ ಬೆಲೆ ಕಟ್ಟಬೇಕಾದೀತು. ವ್ಯಾಪಾರಿಗಳು ಹೆಚ್ಚಿನ ಲಾಭಕ್ಕಾಗಿ ಹೆಚ್ಚು ಶ್ರಮಿಸಬೇಕಾಗುತ್ತದೆ. ಆರೋಗ್ಯ ಸಮಸ್ಯೆಗಳು ಕಂಗೆಡಿಸಬಹುದು. ಗಣಪತಿಗೆ ಕಡಲೆ ನೈವೇದ್ಯ ಮಾಡಿ.
Weekly Horoscope: ವೃಷಭಕ್ಕೆ ಉತ್ತಮ ಹಣದ ಹರಿವು, ಧನುವಿಗೆ ಭೂಮಿಯಿಂದ ಲಾಭ
ಕುಂಭ(Aquarius): ನಿಮ್ಮ ವೇಳಾಪಟ್ಟಿಯಲ್ಲಿ ಕೊನೆಗಳಿಗೆಯಲ್ಲಿ ಬದಲಾವಣೆ ಮಾಡಬೇಕಾಗಬಹುದು. ವೃತ್ತಿ ಬದುಕಿನಲ್ಲಿ ಬೆಳವಣಿಗೆಗೆ ಸಾಕಷ್ಟು ಅವಕಾಶಗಳು ಎದುರಾಗಲಿವೆ. ಅವುಗಳ ಸದ್ಬಳಕೆ ಮಾಡಿಕೊಳ್ಳಿ. ಅನಿರೀಕ್ಷಿತ ಶುಭದಿಂದ ಸಂತಸ. ನವಗ್ರಹ ಶ್ಲೋಕ ಹೇಳಿಕೊಳ್ಳಿ.
ಮೀನ(Pisces): ವ್ಯಾಪಾರಿಗಳಿಗೆ ಲಾಭ ಚೆನ್ನಾಗಿ ದಕ್ಕಲಿದೆ. ಬುದ್ಧಿಶಕ್ತಿಯ ಕಾರಣದಿಂದ ಮೆಚ್ಚುಗೆ ಗಳಿಸುವಿರಿ. ವಿಶೇಷವಾಗಿ ದೊಡ್ಡ ಲಾಭಕ್ಕಾಗಿ ತಪ್ಪು ನಿರ್ಧಾರಗಳನ್ನು ತೆಗೆದುಕೊಳ್ಳದಂತೆ ಎಚ್ಚರ ವಹಿಸಿ. ಹಲವು ಶುಭ ಕಾರ್ಯಗಳಿಗೆ ಧನ ವಿನಿಯೋಗ ಮಾಡುವಿರಿ. ಮನೆದೇವರ ಸ್ಮರಣೆ ಮಾಡಿ.
