ಆರ್‌ಬಿಐಗೇ ಬಂತು 14500 ಮೌಲ್ಯದ ಖೋಟಾ ನೋಟು..!
ಉತ್ತರ ಕನ್ನಡ ಜಿಲ್ಲೆಯ ಹೊನ್ನಾವರದ ಸಿಂಡಿಕೇಟ್‌ ಬ್ಯಾಂಕ್‌ ಹಾಗೂ ಮತ್ತಿತರ ಕಡೆಗಳಿಂದ ಆರ್‌ಬಿಐಗೆ ಹಣ ಪಾವತಿ| ನೂರು ಮುಖ ಬೆಲೆಯ ಒಟ್ಟು 145 ಖೋಟಾ ನೋಟು ಪತ್ತೆ| ಚಲಾವಣೆ ಮಾಡಿರುವ ಆರೋಪಿಗಳ ಪತ್ತೆಗೆ ಕ್ರಮ|
ಬೆಂಗಳೂರು(ಜ.28): ಭಾರತೀಯ ರಿಸರ್ವ್‌ ಬ್ಯಾಂಕ್‌ಗೆ (ಆರ್‌ಬಿಐ) ನಕಲಿ ನೋಟು ಪಾವತಿ ಮಾಡಿರುವ ಸಂಬಂಧ ಹಲಸೂರು ಗೇಟ್‌ ಠಾಣೆಯಲ್ಲಿ ದೂರು ದಾಖಲಾಗಿದೆ.
ನೃಪತುಂಗ ರಸ್ತೆಯಲ್ಲಿರುವ ಆರ್‌ಬಿಐ ಮ್ಯಾನೇಜರ್‌ ರಾಜೇಶ್‌ ಈ ಸಂಬಂಧ ದೂರು ನೀಡಿದ್ದಾರೆ. ಹೊನ್ನಾವರದ ಸಿಂಡಿಕೇಟ್‌ ಬ್ಯಾಂಕ್‌ ಹಾಗೂ ಮತ್ತಿತರ ಕಡೆಗಳಿಂದ ಆರ್‌ಬಿಐಗೆ ಹಣ ಪಾವತಿಯಾಗಿದೆ.
ಮಾಸ್ಕ್‌ ಧರಿಸದೇ ಸಿಕ್ಕಿಬಿದ್ದ ನಕಲಿ ನೋಟು ದಂಧೆಕೋರರು..!
ಹಣ ಜಮೆ ಮಾಡಿರುವುದರಲ್ಲಿ ನೂರು ಮುಖ ಬೆಲೆಯ ಒಟ್ಟು 145 ಖೋಟಾ ನೋಟು ಪತ್ತೆಯಾಗಿದೆ. ಇವುಗಳ ಒಟ್ಟು ಮೌಲ್ಯ 14500 ಆಗಿರುತ್ತದೆ. ಖೋಟಾ ನೋಟುಗಳನ್ನು ತಯಾರಿಸಿ ಚಲಾವಣೆ ಮಾಡಿರುವ ಆರೋಪಿಗಳನ್ನು ಪತ್ತೆ ಮಾಡಿ ಕ್ರಮಕೈಗೊಳ್ಳುವಂತೆ ದೂರಿನಲ್ಲಿ ಕೋರಿದ್ದಾರೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.
Last Updated Jan 28, 2021, 8:32 AM IST
